حكاية.عشقي.صعبة.💔

البارت ٣٢

قصة للكاتبة سموئة ..

راكان ..گعدت الصبح. الله الله ..شگد النومة بلبيت حلوة ..المهم ..گمت ع السريع سبحت .وبدلت .. .اتصلت برسلان .حتى نتحرك .ع الموضوع .لأن اليوم ثلاثاء مبقى عدي وقت .
..الوو
..صباح الخير
هلا صباح النور منور الضلع
..نورك يلغالي
..اكولك عيني تعالي للشقة هسة اني طالع ..
لازم نتحرك .
..اوك .اوصل الحب .ورسل .للكلية
..اي ..منو گدك .وصلهم واستعجل ..لاتضل تسولف .
..هههه ماشي يدلل الضلع
..راكان .نزلت لگيت .امي گاعدة هية وابوية يتريگون ولابسين .ملابس طلعة
..صباح الخير
..هلا صباح النور
.ها..تبينون طالعين
..ابو راكان ..اي .طالعين حروح ع رنا ناخذهم نجهز ..وناخذ ذهب ..يله امشي ويانة ..

..لايابة ماأگدر لازم اروح للمستشفى ضروري احتمال اخذ اجازة..واجيكم
..يله فيمالا
..الله وياك

..طلعت ..بوجهي للشقة .تلاگيت باب العمارة ..وية ابو جاسم ..الحارس ..

بس .هوة شافني تخورط..
اني سويت الامر طبيعي جدا..
صباح الخير شونك ابو جاسم شخبارك
..الحمدالله. دكتور انته شونك ..
..اني بخير ونعمة.الف الحمد والشكر ..
طوووط طوط.
هااا رسلان وصل ..
..رسلان صباح الخير ..
..صباح النور هلا وغلا
..ابو جاسم ..هلا دكتور .يله من رخصتكم .
..رسلان ..لا يحلو عدنة موضوع وياك كولش مهم

..ههههه شنو يلضلع اثاري ثنينة نفس التفكير ..
..اعجبك ..
..الحارس ..خير.. شكو.. ليش.. شبيكم

هههههههه شبيك قابل حناخذ روحك مجرد كم سؤال

..عن شنو تسألون شكووو
..شبيك مستعجل ع رزقك انتضر
..يله تفضل للشقة خل نضيفك
.اعذروني 🏃🏃
..اوكف لك ..رسلان اركض ..
..راكان ..طفرتين لزمنا ..الكلب .يريد يفلت .
..رسلان شنو الي ركضك ..حيوان ..
وضربتة ..بوكس بين .عيونة ..خطية .گام يشوف الواحد.. اربعة
ركان ..اخذنااا للشقة ....

رنا..تجهزت ولبست.. مكياج ع اخر اتكيت ..
شوية واجت خالتي ..عمو ..وسهي ..بس راكان مموجود...

..ضجت من تصرفة ..لابسني الحقير ..بس ..ميهم
كولهة يومين ..وتصير ملكي ..

..ام راكان ..يله يخاتون استعجلن ..موهذه التمنينة
فضيهة
..اوي خالة شبيچ ..ادري بيچ ممصدكتني ..بس شأسوي ..امري لله .
..ام رنا ..شنو ركان ميجي
..لا ياخذ اجازة ويجي ..بعد شوية
..رنا..فرحت حيجي راكان ..واخيرااااا .حنطلع نجهز سوة ..

ركان ..خابرتهم ..دلوني وين .ورحت .عليهم ..
..وصلت لگيت رنا ماخذة السوگ عرض بطول وتتجلگ هذة ميعجبني وذاكة محلووو.
اللهم صبرچ ياروح ..
بقتت تتلوگ ..حبي شنو رئيك بهذه وحبي شنو رئيك بذاك ..ولا كأنو شي صاير ..وحتى اني مبينتلهة .اي شي ..خليهة تتهنة ........

رنا..اخذت ملابس ..من ارقة الموديلات ..وذهب ..
وكول الي اتمنا جبتة ..وراكان يبين ..مستسلم .للأمر .ههههه ..