حكاية.عشقي.صعبة.💔

البارت ١١

قصص للكاتبه سموئة
رسلان .دخلت للبيت تلكتني امي
شبيك يمه وجهك اصفر وتعبان شبيك يبعد بيتي
يوم والله كلشي مبيه لاتبالغين يلغاليه
..يمه رسل شبي اخيج
..مبي شي والله ..ماما لا ع كلشي قالقه نفسج.
رسلان اني صاعد ابدل وانام لاتكعدوني ماريد غدة
.ام رسلان شبيك يايمه ..

..رفل كاعدين ع الغدة كتلهم ياجماعة عدي الكم بشارة.
الام .شني بشارتج بله
..مستعدين .
دحجي عاد ..حيدر خابر وحينزل بليل
..صدك تحجين يارب الف الحمدوالشكر يارب كلللللوش
ههههه .فضحتينه يامرة ع كيفج الجيران منا.
والله يارفو يابابا ع هل ابشارة اطلبي وتمني شتريدين كولي .
.خل افكر 😏.اي لكيتهة🙌نروح سفرة لربيل نبقى سبوع .
ابورفل .وين .رفل سفرةسفرة سفرة لأربيل
الام ..عزة بعينج يمه وين موليه بينه
..انت كلت طلبي وتمني اذا مو لأربيل ماريد.😫😫
..ماشي ماشي لايزعل الحلوو باجر اخذي اجازة من الكليه واني أرتب اموري و  أحجزوانشاء الله عكب باجر نطلع
..الله الله الله ياأحلى اب بلدنيه اموت ع ربك
..اوف اوف منج ام المصالح
..والله حطلع عينهة لهل بنيه
.خليهة تفرح شعدنة غيرهم ماتكليلي .
.رفل .طفرت نضفت البيت وغسلت مواعين وحضرت جنطتي حتى اريد اكدر اقرة شويه ما أكدر الدياحة حكمت😀😀
راكان ..مر شهر ع المشكله اني مشايف اهلي ولا ادري بيهم بعدما خلصت الاجازة داومت شويه تحسنت نفسيتي مرايح للجسر صار تقريبا سبوع قررت اليوم اروح مشتاقلهة موووت والله لويرجع الزمن ماأسمح لاي شي ممكن يفرقنه بس غلطة. اوسوء تفاهم وهيه بعدهة طفله ..وابد مكدرت اخليهة تتفهمني اخ ياراكان الغبي كله من غبائك.ابدل دا اطلع للعيادة تذكرت جان عدي صندوق زغير خال بي اشيائهة من هيه زغيرة من طلعت من بيت اهلي اول شي خليته بجنطتي .رحت طلعته وفتحته طلعت دفتر جنه نكتب بي مذكرات اني وياهة كلادةبيهة اسمي واسمهة وردة. يابسه تقريبا منتهيه صايرة ذرات صورة اني وياهة بايستني بخدي والثانيه اني حاضنهة ..اني اكلب ودموعي تجري صدك تمنيت الزمان يعود لحضات
.ذبل غصن العمر وستعجل الشيب
وعلى باب الوجه بانت تجاعيد
اتانيك شوكت وانة أغزل هموم
وعلي دار الوكت مو مثل ماريد
اظل جيتك اتاني وادري متعود
وتظل روحي بأمل ذيج المواعيد.

ادندن ودموعي تجري حسيت نفسي طفل مشتاق لأمه صدك فادتني الكعدة وحدي لان اتصرف بدون قيود

رسلان ..متمدد بفراشي .وصافن الي يشوفني يكول جبل جليد ميحس بأي شي
والي يشوف داخلي يكول يراد اطفائيات العالم كولهة متطفيني احساس الخيبة دمرني
دك دك .دك.دك رسلان رسلان
هاها .طبي يمعودة شبيج
رسل .يا عيني شجاك وكعت كلبي حسبالي بيك شي .
..كلشي مبيه لاتخافين ماأموت
رسلان عمري احجيلي اني مو بس اختك اني صديقتك كلي الصدك كل الي صار بسبب اتصال رفل مو
.رسلان ...
الساعة بيش
الساعه ٤
خلي اروح للعيادة عدنة اليوم مراجعات كومه
نطيني موبايلي من يمج خل اتصل ع راكان
..هاك عمري ودير بالك ع نفسك وعوف هذا الكبرياء حاجيهة ياأخي اعترفلهة شبيك. ولو انت حتى لنفسك ممعترف.هاا وبس اشوف رفل حسألهة منو لتصل بيهة واعرفلك الموضوع الي كلب كيانك .
هااا وع فكرة حنروح اني وماما للسوك اريد اخذ ملابس  حيمر علينه ادهم هوة وسجى .
..ماشي بس لاتتأخرن
..المحققه رسل سوف تكتشف امر المتصل .
يله يله نطيني فوني وسدي الباب وراج اريد ابدل المحققه 😦😦خاب دولي من وجهي
الووشونك راكان
الحمدالله .
تطلع للعياده مو
اي هسه دا أبدل
اي واني هماتين هستوني حطلع
يله فيمالا
الله وياك .
راكان دك عليه ضلعي والله بلموت يله طلع صوتي من كثر ما مقهور وحتى هوة احس صوته تعبان كلش بدلت وطلعت للعيادة
رفل .مكدرت اكعد ولا انام نزلت ركض لماما ماما حروح ع رسل.
شعدج رايحة ..فدوة ماما يعمري اريد اكوللهة ع سفرة ..لا ماما لا تحجين اخاف كلشي يصير وتلغي وتتفشلين كدام صاحبتج
..اي والله كلام نع الحنان صحيح شون مفكرت هيج
اريد اروح ع رسل بحجه رسل اتطمن ع رسلان
ماما حروح..لاتتأخرين .ماشي
.اوك
رحت ركض دكيت الباب اول دكه نفتح الباب صار بوجهي رسلان طالع يخيل لا بس بنطرون نيلي كابوي وبدي ابيض وسترة نيليه ولابس نضارات طالع يخبل
..هلاوو شونك لالا عيني تبين احسن يله عيني انشالله متشوف شر
رسلان.اكلتيني بلسانج خل اجاوبج شويه شويه
ههههه فوك مخايفة عليك
..خاااايفة عليه
..ها اي مو جارنه شبيك ..يبوووغير خجلت
..لا احسن الحمد الله .بتسمت بوجهه تلقائيا احس شوفتهة تردلي العافيه
رسو موجودة لا طلعت هيه وامي للسوك
..صدك يبووو يله عيني باااي واسفه اخرتك
.لا عادي بعدوقت. حتروح للعيادة
..اي
يله من رخصتك باي
بايات .
كم مرة ردت اسألهة منوالي أتصل بيهه مكدرت الله يلعني شكد عار.
بس والله طالعة تخبل لابسه تراك اسودوبصدرة ارنوب وردي التراك مستوربس طالع يخبل عليهة وخاله ع راسهة شال اسود ويه بياض بشرتهة طالع يكتل بس شوفتهة ردتلي روحي.
.الله كلمة خايفة عليك احيتني حسيت بطاقة ايجابيه
لازم اعرف منوالي اتصل وحيجي بليل .
صعدت.بلسيارة وطلعت للعيادة
دخلت المراجعين كومه
رسلان .السلام عليكم
الكل وعليكم السلام
..السكرتيرة .دكتور رسلان لحضة.اريداحجي وياك موضوع كلش مهم  نعم تفضلي احجي
دكتورصحيح مومن حقي اتدخل بس لازم احجيلك
.كولي ياعيني احجي .
اكوسيارة دتراقب دكتورراكان بجميع تحركاته
..واتي شمدريج .
الحارس شاك بلموضوع وبلغني وتأكدنه انو اكواحد.ديراقبه
وحتى للمستشفى ديروح ورى
رسلان .هذه الموضوع مينسكت عنه اني اشكرج من كل كلبي
هذه واجبي دكتور
..تسلمين
دخلت للغرفة لكيت راكان مبنج ٢ وكاعديحشي رحايت بنيه تطلع عمرهة تقريبا ١٧وتتفيك اله اني ضوجتني
.رسلان..دكتور راكان ..ههههه .هاي الاحترامات تصير بس كدام المراجعين😂
..هاعيني
..عدي موضوع كلش مهم وياك ذكرني اخاف أنسى
.ماشي .
باوع دكتور رسلان .هذا الولد قلع جذر
اوك .تعال حبيبي
راكان.هاي الي كاعد احشي برحايتهة شكد ضوجتني كلساعة لازمة ايدي دكتور اوي ماأتحمل توجع
..لج بت الاوادم مبنجه لوهسه اشىلع راسهه هماتين متحس كاعدة عودينه تدلع خاب كبر هو اني روحي طالعة .

رسل .طلعنه للسوك اني وماما وابن خالي وبت خالي
فرينه السوك فر مخليت شي بالي مجبته 😁😁
ادهم .من تخلصن اتصلا عليه حروح اكعدبلسيارة لما تكملن .
رسل .اي روح خل نخلص منك بس تنعي يله يله .
.افترينه مخلينه محل يعتب علينه  وسجى هماتين تسوكت وراهة زواج ومخبوصة .
.سجى عفية رسل اتصلي بأدهم خل يجينه فوني بلسيارة عفته
..اوك الوو
ها حوله
.عابت .تعال بسرعة يله
لازم تعبتن
اي😁😁
.اجه ادهم صعدنة بلسيارة وساعة خطيه يصعد بلغراض
ام رسلان..ولجن الله يلعن بليسجن مشتريات السوك تخبلتن
شبيج ياأمي هوة احنه شماخذين هسه شجاج .
.اوف تاكلني بلسانهة خل أسكت احسن
سجى .عمتي اريد اطلب منج طلب وماريد ترديني
..كولي يمه عيوني الج ...

صوتو حبايبي شجاكم 😘😘