لا تفقد الذاكرة _ باللهجة 🇮🇶العراقية _

الفصل الثاني

اعتادت فاطمه على ركوب الحافلات كل يوم وهي منزعجه بشده منها وما يصيبها داخل هذه الحافلات من مضايقات الشباب وغيرها ... نزلت من هذه الحافله إلى الكلية التي تتدرب فيها على بعض الشباب وحالاتهم ومشاكلهم النفسية

دخلت في القسم المخصص لها وقابلت صديقتها الاء وبعد الترحيب قررتا بدء الحمله وهي عباره عن اسئلة وتناقش مع الطلاب ...
فاطمه واقفة امام احدى القاعات وهي منصدمة من الشباب فهي الفتاة الوحيده بينهم فقررت ان تتماسك ولكنها لاحظت اعمارهم التي تتجاوز اعمارها وكانت قلقة ان لا يحترمونها...

دخلت القاعة وقالت
سلام عليكم شباب انشاله بخير احوالكم
فرد السلام كان متقطعا ...
اني مرشده نفسية حابه اطرح عليكم بعض الاسئلة وراح اختار مجموعه من الشباب بعد سؤالي هذه ...
الشباب ....اكيد تفضلي دكتوره ...اسئلي ....
فاطمه:
منو يحلم كل يوم ...؟؟

رفع شاب عباس يده ومعه سته او خمسه شباب اخرين فقط
وبدء البقية يتهامسون ب انه سؤال سخيف وهكذا ...

قامت فاطمه بتسجيل اسماء الطلاب وطلبت منهم مقابله كل يوم مع شخص منهم وهم ما كان عندهم اي مانع ...

وطلعت فاطمه والتقت بالاء التي كان بحثها مختلف تماما عنها وهوه علاج السهر وكم شخص يسهر كثيرا فالجواب كان جميع القاعه وهذه اذهلهه وخلاهه تخاف من مهمتهه الصعبة عكس فاطمع الهادئة ....

فاطمه سمعت احد الشباب ينادي عليها فألتفتت
عباس:اسف بس ممكن دقيقة من وقتج دكتورة..
فاطمه :اكيد تفضل ...
عباس:
اريد اتكلم معج بصفتج دكتوره نفسيه ...
فاطمه اكتفت بإيماء يعني كمل ...
عباس ؛
اني تصيبني اشياء غريبة بحياتي ..
فاطمه باستغراب:مثلا ...
عباس ناظر حوله وكان كل الطلاب منتبهين إلهم

فاطمه انتبهت :اوكي ...اليوم العصر تكدر تجي عندي عالعياده اكيد .. ومدت له بطاقتهه اسمهه ومكان العياده ...
اخذ عباس الكارت وقال :اوك واسف اخذت من وقتج عن اذنج ...
فاطمه:لا عادي تفضل

الاء :واااي شكد مؤدب هذه يجنن هاهاها
فاطمه :فعلا بس احسه شخص غريب وعيونه احس وراه قصة
الاء:اي يأم الاحساس اني بطني متحسين بيهه خلي نروح للكافتريا ناكل جعت ياممممم ...
فاطمه :اوكي ...يله خلي نروح... ام بطن ...^_^

...............

بالكافتيريا ...11:30AM
الاء:يعني ليش لحته تضايقين من هيج عزيمه احسج متحبين خوالج وأولهم حازم
فاطمه: اكيد يا ختي ماحبهم وماستلطفهم بس لحته ما اضايق امي اروح وياهه واسوي اللي تكوله واني كارهته وكارهه افكارهم المتخلفه يعني افكارهم جايه من الجاهلية... تتصورين يقول لبناته حوراء واسراء ماكو كلية يعني حدكم سادس اعدادي
الاء:يااا صدك يتكلم هذه وين عايش الله يهديه
فاطمه:الله يسمع منج
الاء:وهسه شنو ناكل فلافل ولا همبركر ... ولا فنكرز
فاطمه :تدرين انسدت نفسي واني اتذكر العزيمه مال اليوم بالليل وامي تكول لازم ترجعين من وكت اوووف ...طلبي اي شي مايفرق كله اكل لازم اروح العياده اكيد هسه كثير ناس منتظريني 🤭
الاء : اي صح العيادة ....