لا تفقد الذاكرة _ باللهجة 🇮🇶العراقية _

الفصل السابع

الساعة 5:00 صباحا
كانت اسراء كالعادة على سطح البيت فهي كانت تحب تشوف شروق الشمس والطيور والهدوء الصباحي وكانت مغمضة عيونهه والشال يطير على وجهه وعيونهه ...

علي بإبتسامة: صباح الورد والياسمين
وقفت اسراء متفاجأة ...
اسراء: انت شنو تسوي هنا
علي: اني متعود اشوف شروق الشمس ....بس اليوم شفت شروقين بدل الواحد
اسراءبسخرية: تستغبي حظرتك شلون شروقين ...ولا تقصدني بكلامك ..بس خلي ببالك انته متهمني وبطل لعب الاطفال هذه ولا...
قاطعهه علي : انتي من شنو مصنوعة ...ما عندج احساس
بس تدرين اني الغلطان اني اناظر وحده مثلج مشكوك فيهه
اسراء: مشكوك بيه وافتخر عندك شي سجله يم القاضي ويله جاووو(باي)...
نزلت اسراء بعد ما صدمت علي اللي قلبه بده يوجعه
ليش ماكو غيرهه احب هذي ....امالعيوان القط ماكان لازم اظهرلهه حبي هذي المتخلفة....اووف لو تسمعين قلبي شلون يدق ما سويتي اللي سويتيه بس بسيطة ماكون علي لا ما خليج تجيني بنفسج وتعتذرين وتقولين احبك ...

###

استيقظ عباس وهو يشعر بألم فظيع بظهره لانه كان نايم بصورة غريبة من تعبه وهو يدور اهله في الليلة الماضية
ولكنه فز ولتفت يمن ويسار لسه بملابس الشغل اللي كانت سترة جلد و جينز ...وقام ركض طلع غرفته و وقف يم الدرج ....
واللي شافه اهله جالسين على مائدة الافطار وبعد لحظات ...نزل بإبتسامه صباح الخير ...
الاب وملاك : صباح الورد...
الام : هاا صباح النور بس ليش لسه بملابس الشغل

عباس: اسف ...رايح اخذ شور...ونازل
صعد عباس اول درجه وهو يقول في نفسه مو ميتين مو ميتين وقفه صوت اخته ملاك اللي واقفه جنبه ...ومسكت ايده...
ملاك : عباس القرار بيدك... اذا انته فقدت الذاكرة يعني اذا نسيتنه احنه راح نختفي ماراح تشوفنه ...

اثارت الصدمة في نفس عباس من اخته ومن كلامهه
عباس بإبتسامه يحاول يخفي الالم: شلون القرار بيدي انتوا موجودين امامي ليش انساكم ..
ملاك : القرار بيدك ...الحقيقة افضل من الخيال
فلا تفقد الذاكرة..
فز عباس وهو يتنفس بصعوبة ...حلم كان حلم
قعد عالسرير وخلى ايدينه على راسه... اه ياربي ساعدني اترجاك شنو اللي يصير معي حتى اني اخاف اطلع من الغرفة ساعدني ...تذكر الخاتم
وطلعه من جيبه خاتم ذهب مطعم بالاحجار الزرقاء مكتوب عليه " فاطمه " هذه اشلون اجه عندي ملاك هي اللي انطتني اياه يعني هيه موجوده مو خيال ...قالت هذه راح يساعدني بس شلون ...و وهذه الاسم شنو يعني ....

###

..:الو
فاطمه : الو شلونج الاء دائما تتصلين الصبح ما تقولين ناس نايمه تعبانه ..
الاء : ولج الساعة 11اي صبح هذه والله انتي عجيبة
فاطمه : اي هسه شنو تردين بسرعة نعسانه
الاء : انتي غبية لو تتغابين مو تاركتلي مسج يقول خابريني بس تشوفين الرسالة ...
فاطمه : اي صحيح اتذكرت ...اسفه
الاء : عااادي بس شنو ردتي مني
فاطمه : اي ردت اعزمج على عيد ميلاد علي وتلتم الشلة فقلت تكون ليلة جمعه حلوة مع البنات ..
الاء : امممم اشوف اهلي بس ما وعدج
فاطمه : اوك اتمنى تجين وهسه باي اريد انام
الاء : باااي يا تنبل نوووم ( كثيرة النوم )

###
في بيت كبير جدا كأنه قصر احد الامراء
على طاولة الافطار ...
احلام بفرح: يما اليوم يجون بابا و محمد مو صح ..
الام بغير اهتمام : وإذا ...
احلام : يما شبيج صار 3 سنين ما شفناهم ...
احلام فرحانه لانها بتشوف اخوهه محمد ابوهه اللي دائما هم بالشغل خارج البلد ...امهه وجودهه مثل عدمهه اهلهه ينطونهه الحرية وكأنهم مو موجودين ....
لكن محمد اللي يهتم بيهه ويداريهه وتسمع كلامه بس مو دائما ...

###

بعد الافطار في بيت خالهم حازم رجعوا اهل نرجس للبيت لان اليوم مهم جدا وهو عيد ميلاد علي وبهذه اليوم يجي علاء والد علي اللي منفصل عن امهم ...وهذه يكون كل سنة بحيث يسون عزيمة ويعزمون خوالهم شوقي وحازم ...

في بيت ام فاطمه

روان بسعادة : ياااي يافطوم اليوم حلو كثير ...راح يجي بابا والله إني مشتاقتله ...
فاطمة بحزن: اي اني هم اشتاقيتله ...وهي تفكر بس لو اعرف ليش انفصل عن ماما ...
روان وهي تدور بالملابس بالكنتور: بيت خوالي شوقي و حازم راح يجون واني لسه ما اعرف شنو ألبس اوووف
فاطمه بتحذير : ارجوك البسي اي شي إلا الاسود لان ما عندنا فاتحه احنا
روان: مو الاسود يبين عليه اضعف وتعرفين شكد اني سمينه
وراحت تفكر بنبيل وكلام احلام عنهه ومستحيل يناظر وحده سمينه بوزنه مرتين 😖
قبل ما ترد فاطمه....
دق الباب..

فاطمة: تفضل
علي : سلام عليكم
فاطمه و روان : وعليكم السلام...كل عام وانت بخير
علي: وانتوا بخير يارب
قعد علي جنبهم وقال : اليوم مثل متعرفون راح يجي الوالد وعزمت صديق عزيز علي اتمنه تحظرون كل شي للأستقبال
فاطمه : لاتخاف كل شي راح يكون جاهز
علي: إن شاء الله
والتفت على روان : روان ماناويه تسوين حميه عن الاكل واني حاظر اجيب لج كتلوك (برنامج) مناسب إلج ..
روان : والله اني احب الاكل اخاف يطلع الكتلوك كلام فارغ بس زلاطه وماء وماعرف شنو فخليني هيج افضل ..
علي : اوك اللي يريحك ...بس اذا تردين مساعده اني موجود
وقام وطلع ...

دق موبايل فاطمه ...
فاطمه : الوو مين معي
....؛: انتي الدكتورة فاطمه النجم
فاطمه : اي نعم انت منو
....: اني من مستشفى النصر ...عباس الخالدي عندنه ياريت تحضرين ونتفاهم ...
فاطمه بعدما تذكرت عباس قامت: جايه فورا

طلعت فاطمه واخذت اشياءهه وعباتهه وراحت غرفة امهه
فاطمه : يمه حالة مستعجلة لازم اروح
ام فاطمه: يابنتي انتي دكتوره نفسيه شنو حالة مستعجله وبعدين احنه ننتظر ضيوف
فاطمه : يمه ارجوج عندي مريض لازم امشي بسرعه
ام فاطمه: اوك .....بس لا تتأخرين يمه يله روحي لمريضج
فاطمة: ان شاء الله يمه مع السلامه.....

❤