السر القديم

1

مساكم الله بخير و عافية يا رب
جمعة مباركة وطيبة باذن الله 

اليوم ابدي بنشر قصتي الجديدة  ( السر القديم )
وان شاء الله تعجبكم 
انتظر تعليقاتكم وارائكم

#السر_القديم١
شهد السلمان

- حبيبتي
- نعم
- تعالي شوية
- جيتك بس اغسل ايدي
- يلة
- اي اي جيت والله ، ها كول !
- شنو رأيج ؟
- حلو
- يعني حبيتي ؟
- اي يعني موديلة حلو
- بس هيج !!
- المن هذا ؟
- فستان احمر و طويل ومخصر مثل متحبي انت يعني المن حيكون ؟
- الي !؟ ليش ؟؟
- الج اي بس الليش ما ادري شون دتساليها !
يعني انت ناسية بعد يومين شنو اكو مناسبة !
- هههههه اذا تسالني اليوم شنو حكلك ما اعرف
دحجي شكو ؟
- والله !؟
- دحجي ليث
- هيج تمارا ماكو شي

مع خيبة امل واضحة بعيونة وبملامح وجهة رجع الفستان بالغلاف مالتة وسد السحاب و طلع من الغرفة تاركني بحيرة جهلي بالمناسبة اللي هو جان متحمس انه اني اعرفها

كعدت على الكرسي وبديت اباوع على نفسي بالمراية الكدامي وجهت عيوني على الميز مليان عطورات ومكياجات
و رزنامة
رزنامة مأشر بيها تاريخ عيد زواجنا الرابع اللي ولا سنة من السنين المضت اتذكرته بيها كالعادة
ضربت بيدي بخفة على الميز وبديت اتنفس بعمق حتى احاول الكى حل لزعل ليث اللي يحتار شون يرضيني واني اعرف هو بحاجتي احس بي وبمحبتة الي

اخذت الرزنامة اللي اشرت بيها هالموعد المهم حتى ما انسى مثل كل سنة و رحت لليث جان كاعد مقابل التلفزيون مطلع برنامج سياسي وهو اساسا ميحب السياسة بس مجرد ملتهي وميريد يحجي وياية
كعدت يمة و اتنحنحت حتى الفت انتباهة بعدني محجيت وسبقني هو بالكلام
- ماكو داعي تحجين تمارا بالنسبة الي تعودت بس جنت اريد اكلج تحضرين نفسج طالعين و ..
- و جنت متامل بية اكون مناسية عيد زواجنا بس شوف اني مسجلتة هنا واشرت علي حتى
- حتى متنسي تعرفين ليش ؟
- ليش ؟
- لان ببساطة ميهمج
- لا ليث بالعكس يهمني وانت تعرف اني شكد اعزك وما احب اكسر خاطرك بس صدكني اني انسى وانت تعرف حتى عيد ميلادي انساه
- تعزيني تمارا !؟
اخوج اني لو ابن عمج ؟؟
- ابن عمي
- شنوو ؟
- ابن عمي هم مو يكولون هيج بالمسلسلات
خلص ابن عمي لا تزعل تئبرني
- ههههههه لا والله !
- هههههههه اضحك ولا تزعل صدكني مناسية اصلا حتى عندي فستان وضامتة لهاي المناسبة
- صدك تمارا؟
- اي والله عبالي نغير جو بس انت تزعل بسرعة
- ما ازعل بسرعة بس جنت متحمس كلش وحاب اسويلج برنامج حلو بهاليوم
- واني من ايدك هاي لهاي
- تمام لعد كومي لبسي
- لا ما البسة عكب باجر تشوفة علية
- ليش محبيتي
- حبيتة بالعكس ذوقك دايما حلو
- لعد دقيسي حتى اذا جبير او صغير ارجعة واجيبلج غيرة
- مراح يطلع جبير او صغير لان انت تعرف قياسي اكثر مني
- متاكدة
- اي متاكدة
- لعد ملبوس الهنا مقدما حبيبتي
- تعيش وتجيب
كمت وكفت ردت اروح للمطبخ احضر الغدا وانداريت
- مراح تكليلي حبيبي