Marked Series 5: My Baby's Mommy (COMPLETED)

Chapter Nine

HINDI na niya kinibo pa si Dale habang patuloy itong nagmamaneho, naka-upo na rin siya ng maayos sa tabi nito. She didn't say anything after he said his sorry at mas lalong hindi naman ito nagsalita para sabihin sa kanya kung para saan talaga ang sorry nito. Hindi na rin siya pamilyar sa lugar mukhang nasa malayo na sila and this is the worst kapag hindi pa niya napupuntahan ang isang lugar ay mawawala at mawawala talaga siya.

He was answering some calls and texts for a while now and it seems like a distraction for him. She wanted to sleep pero hindi pwede baka kasi hindi na siya magising pa kagaya ng nasa movies. Maybe his sorry is for ridding her forever, mabuti nalang at nahalikan niya si Damon she will miss that child kapag--- eh?

Huminto sila sa isang hindi gaano kalakihang bahay pero hindi sapat ang laki noon upang hindi nito ipakita ang ganda ng buong paligid. It's like a mini-farm kapag dito lumaki si Damon for sure masisiyahan iyon. Kapag nag-asawa na rin si Dale magandang lugar iyon para magsimula ng pamilya, the idea hit her hard. Mawawala lang ang sakit na nararamdaman niya ngayon kapag nakita na niyang settled na nga ang dalawa.

Si Damon at si Dale. Kapag nakita na niyang pwede na niyang iwanan talaga ang dalawa then be it, katulad rin naman ito sa nangyari noon. Masakit noong nakita niyang kinakasal sa iba ang first love niya pero nakakamove on din naman siya. The only permanent thing in this world is changes, meaning everything changes. Kahit na ang nararamdaman niya ay magbabago din.

"Bakit tayo nandito?" she asked silently.

"We need to talk."

"Kung usap lang ang gusto mong mangyari pwede naman sa coffee shop hindi naman ako madamot sa usap Dale." Hindi siya nakatingin dito because she is still busy admiring the entire place, kung may camera lang siguro siya kanina pa siya nagkukuha ng pictures.

"In private."

"Ano ang pag-uusapan natin?"

"Don't be like that." Taas ang kilay na tiningnan niya ito. "I know I was wrong I jumped into conclusions."

"Pinapatawad na kita." Agap niya pero mas lalo pa yata itong nainis sa sagot niya. Ano ba kasi ang problema sa lalaking ito?

"No."

"Ayaw mong patawarin kita?"

"Hindi iyan ang ibig kong sabihin."

"Eh di pinapatawad na kita." Asar na sinuklay nito ang buhok nito gamit ang mga daliri nito at saka inis na hinablot ang braso niya upang makapasok sila sa loob ng bahay na iyon. Hindi nalang siya nagpumiglas pa at hinayaan nalang kung saan siya kaladkarin nito.

Kung naamazed siya sa ganda ng lugar sa labas ng bahay mas maganda din ang loob, halatang pinag-isipan ang interior.

"Mas uunahin mo pa ba ang pagtingin sa loob ng bahay keysa kausapin ako?" inis na pakli nito upang makuha ang atensyon niya.

"Ang kulit mo naman kasi. Look, if you dragged me here for forgiveness then go I already forgiven you. Please lang ihatid mo na ako sa city I still have to-."

"Hindi ka na babalik sa lalaking iyon at gagawin ko ang lahat hindi mo nalang makita ang Ramon na iyon."

"His name is Roman."

"Whatever." Nagtagis ang bagang nito habang tinititigan siya. At dahil nakakastress sa legs ang heels kaya naghanap siya ng upuan and luckily may nakita siyang pang-isahang couch at doon siya umupo. Tinanggal niya ang heels niya kaso sa dami ng straps doon nahihirapan na siya akala niya ay matagal pa siyang makikipagbuno sa suot niyang heels pero natagpuan nalang niya si Dale na nakaluhod sa harap niya na parang prinsipe at kinalas ang straps ng kanyang suot na sapatos. He took it effortlessly.