البارت الرابع
يوسف ..وصلو الجماعة ونزلت بنية وابوهة وعمهة طبعاً البنية مشفتهة لان منزلة راسهة...
ابو دالين/ابو يوسف وابو سامر هاي بنتي امانة عدكم وهي ما الهة ذهب بلي صار
ابو يوسف وابو سامر/ان شاء الله نحسبهة بنيتنا وما نأذيهة ..
ابو دالين/دلو بابا دري بالج على نفسج واتحملي كلشي ..
دالين/ان شاء الله بابا 😥
ابو دالين/يلة بنيتي مع السلامة
جاسم/دلو حبيبتي اكيد انتي سبعة ومينخاف عليج
دالين /ان شاء الله عمو دير بالك على بابا وماما ومصطفى ولتخليهم ينقهرون
جاسم/ان شاء الله بنيتي انتي لديرين بال ..مع السلامة
دالين/مع السلامة...ودعت اهلي ومشيت وصلت باب البيت ..
يوسف/تبارك تعالي اخذي الفصلية
تبارك/هلة حبيبتي تعالي فوتي
دالين/هذة المتكبر جيت انطي بوكس اخلي يعرف شلون يحجي بس سكتت وضليت منزلة راسي اجتي وحدة اسمهة تبارك وفوتتني جوة
تبارك/انتي شنو اسمج
دالين/اسمي دالين
تبارك/عاشت الاسامي حياتي ..ماما هاي دالين
ام يوسف/يمة صلوات على محمد تعالي يمة تعالي يمي اكعدي
دالين/ رحت كعدت يم جبيرة بالعمر بس كلبهة طيب ..
ام يوسف/لا تخافين حبيبة يوسف كلبة طيب بس هسة كلبة محروك على ابن عمة لان جان بقام اخو الصغير
دالين/عمة منو هذة يوسف
تبارك/هذة لي جان واكف عل الباب يصير اخوية وهو لي راح يعقد عليج
دالين/كلت بكلبي يمة عزة والله شكلة عصبي الله يستر احتمال اكل 3 وجبات كتل باليوم ..
تبارك/تعالين دالين على غرفتج ارتاحي الما يجي الشيخ واصيحلج
دالين/صعدت ويا تبارك بس الغرفة جنن جبيرة غرفة تركيا وبيهة حمام بنفس الغرفة ..دخلت ورتبت ملابسي وكعدت ورة ساعة اجتي تبارك ونزلت وياهة وعقدنة الشيخ وراح ..
يوسف/من اجتي هاي البنية وعقدنا الشيخ عرفت اسمهة دالين وعمرهة 18 الصراحة نقهرت عليهة اني اكبر منهة بهواي بس كلت هاهية اكسر كلب اهلهة مثل ما كسرو كلبي على ابن عمي واخوي بنفس الوقت ..
دالين/رجعت رصعدت ولبست تراك لون سمائي بس التيشريت عرض وطويل وسويت شعري ضفيرة وخليت بس كحلة ومسكارة ونزلت
تبارك/ليش جان نمتي اكيد هسة تعبانة
دالين/لا حياتي مو تعبانة تعالي خلي نسولف اريد اتعرف عليج
تبارك/اني عمري 18 طالبة سادس اعدادي والحمد لله خلصت امتحانات وانتضر النتيجة واني حلمي اصير مهندسة
دالين/من جابت طاري النتائج والكلية احس صارت نغزة بكلبي كتلهة وانتي هم عمري18 وطالبة سادس وحلمي اصير دكتورة
تبارك/ان شاء الله نشوفج احسن دكتورة
دالين/هههه كل احلامي تهدمت بيوم واحد منو بعد يخليني اكمل دراستي
تبارك/لاااا ترى انتي فاهمة الموضوع غلط ..اكيد يوسف راح يخليج تكملين واحنا ما عدنا بنية تترك الدراسة صح احنا ولد عشاير بس احنا طبعنا يختلف.. و اختي سالي خلصت معهد معلمات و مزوجة وعدها بنية ان شاء الله باجر تجي وتشوفيهة حيل كلبهة طيب ..
دالين/شكد فرحت من كالتلي راح تكملين دراسة وصارت الساعة 11 و اني كلش تعبانة.. كلت لام يوسف ماما محتاجة شي قبل لا اروح
ام يوسف/لا بنيتي اخذي راحتج اني هم اريد انام
دالين/رحت بست ايدهة وراسة ..تصبحون على خير
تبارك وامهة/وانتي من اهل الخير حبيبتي
دالين/صعدت لكيت يوسف ماكو بالغرفة ...وجان افرش بالكاع وانام لان كلت خلي ياخذ راحتة على الجرباية ونمت ..
يوسف/طلعت افتر وية صديقي علي
علي/لك اكيد هسة العروس تنتضرك
يوسف/تسكت لا اجي اشدك بالسيارة وامسح بيك بغداد..
علي/😂😂يلة ضلعي راح اطفر مع السلامة
يوسف/ههههه مع السلامة ..رجعت للبيت الساعة 12 ونص البيت ضلمة وهدوء دخلت على كيف ورجعت قفلت البوب وصعدت ودخلت للغرفة ضلمة وباردة مشغل التبريد ...شمرت السويج والسدس على الميز وجاي امشي ودست على شي بالكاع وسمعت صوط عيطة بس صوط ناصي عسريع شعلت الضوة وشفت ملاك بالكاع هذة شكلي👈😐
دالين/اني نمت بسرعة من التعب حسيت على شي قوية داس على ايدي وعطت بس عيطة خفيفة خفت نسيت اني وين نايمة شعل الضوة واشوف كدامي عبالك ممثل تركي فقت على نفسي كتلة انت منو شجابك هنا...
يوسف/هييي شبيج هاي غرفتي واني يوسف رجلج بيج زهايمر وتنسين بسرعة
دالين/رجعتلي الذاكرة بسرعة😂 كلت عزة واني لابسة دشداشة قصيرة بسرعة لفيت نفسي بالجرجف
يوسف/كلت بكلبي منين الله جابج علية وجمالة عيونهة تسحر والشعر يموت ضليت صافن عليهة
دالين/احم احم محتاج شي
يوسف/لا ممحتاج شي ارجعي نامي (كلتهة بأنزعاج) (حبيت ابيع ثكل عليهة😁)
...وللحكاية بقية
✍✍الكاتبة سيلين العراقية✍✍
