دالين/بابا رجع اني رحت اركض ها بابا بشر حليتوهة ..
ابو دالين/😞
دالين/بابا شبيك سلكت مصطفى صار بي شي ..عمو جاسم انت كلي شصار😭
جاسم/لا عمو مصار شي لتخافين تعالي نرتاح الطريق طويل وتعبنا خلي نرتاح ونحجي
دالين/كعد بابا وعمو جاسم وامي اني رحت جبت مي انطيتهم يشربون ورجعت رحت وديت المي بالمطبخ ورجعت كعدت يم رجلين بابا ...
بابا فدوة بس كلي شنو الحل شنو قررتو
ام دالين/يا ابو دالين اريد وليدي يرجعلي 😭
ابو دالين/بنيتي دالين الحل بيدج انتي 😥
دالين/بابا شنو الحل بيدي شلون يعني
ابو دالين/يريدون فصل 50 مليون وفصلية😔
ام دالين/ لاااااا مستحيل بنتي تروح فصلية لو على جثتي
جاسم/ام دالين اذا دالين متروح فصلية يقتلون مصطفى
دالين/بدون تفكير بس سمعت يقتلون مصطفى لان هذة النفس مالتي مستحسل اخلي يتأذة كتلهم ...اني موافقة اروح
ام دالين/يمة بنيتي شلون تروحين تدرين شراح يسوون راح يعذبوج وانتي متتحملين..اووووف ياربي يعني لو ابني لو بنتي 😭😭
ابو دالين/ بنتي انتي متأكدة احنا منجبرج على شي ..
دالين/بابا ماما اني روحي فدا لمصطفى ...عل الاقل اني راح اعيش بس اذا هو مات مسحيل اسامح نفسي
جاسم/والله ونعم منج واني متأكد راح ترفعين راسنا
دالين /رحت على عمو ...ان شاء الله عمو دومكم مرفوعين الراس ورحت بست راس بابا كتلة خابرهم وكللهم موافقة ...
ام دالين/ولج بنتي راح ضيعين من ايدي...
دالين/لا ماما مراح اضيع لتخافين بنتج سبعة ومينخاف عليهة😘...رحت صعدت فوك وبجيت الما شبعت وكمت احضر بملابسي ..ونزلت بابا شوكت يريدون اروحلهم
ابو دالين/باجر العصر نوديج😔
دالين/رحت على بابا ورفعت راسة بيدي وكتلة بابا حبيبي ما اريد يوم اشوفك منزل راسك انت قريبا راح صير ابو الدكتورة دالين 😊
ابو دالين/فدوة لبيتي الدكتور ان شاء الله اشوفج مرتاحة واشوفج احسن دكتورة
...يوسف....
بعد ما ردونة الموافقة كتلة عمي منو راح ياخذ الفصلية
ابو سامر/انت وليدي راح تاخذهة لان ابن عمك حازم بعدة صغير واني ما عندي ولد هو هل الوحيد وراح
يوسف/من سمعت عمي حجة هيج كلبي نمرد علي كتلة ان شاء الله عمي بس والله الة اندمهة بس خلي تجي
ابو سامر/لا يوسف دير بالك اني راح اخذهة بس اكسر اهلهة مثل ما كسرو ضهري بس لا تأذيهة البنية ما الهة دخل وكلشي جان قضاء وقدر
يوسف/يصير خير عمي ...اني روحي طلعت من سمعت اني اخذ الفصلية وعندي صديقي وياية بالدوام ورحت علي ...
يوسف/هلة ضلعي شلونك
علي/هلة ضلع شبيك اشو مو على بعضك
يوسف/اووووف ابو حسين مو كتلك راح ناخذ فصلية من لي دعمو ابن عمي
علي/اي كتلي
يوسف/اي والفصلية راح تصير الي اني راح اعقد عليهة
علي/لاااا بس لا تطلع جنهة جبار ابو الدهن
يوسف/لك دطييير عبالي بيك حظ واحجيلك امشي ولي
علي/لك لااا والله حبيت الطف الجو لان شكلك مشوط
يوسف/يلة حبيبي كوم خلي نروح نفتر ونطلع للكهوة ...رحنا وفترينا ورجعت للبيت الساعة 2بليل وفتت لغرفتي وشمرت السويج والموبايل ونمت ....
....بيت ابو دالين...
ام دالين /بنيتي كومي خلي نلحك اوديج للصالون ونمر عسريع ناخذ كم شغلة
دالين/ماما قابل زافين عروس هو راح اطلع حالي حال الميت من يطلعون جنازتة من البيت
ام دالين/اووووف 😭 ولج يبعد عمري والله ما طالع بيدي شي
دالين/لا ماما فدوة لتبجين يلة اليوم اريد ريوك طيب من ايديج الحلوة
ام دالين/تدللين يبعد رويحتي
دالين/نزلت ماما واني سبحت ونزلت اتريك ...وجان يفوت بابا ويا مصطفى ....رحت طايرة وشبكت مصطفى😭اخخخخخ يمة يبعد اختك يروحي شصاير بيك
مصطفى/اني اسف خيتي كلة بسببي راح تروح على عائلة متخاف الله
دالين/لا يخيي لتحجي هيج بلكت يطلعون ناس زينين يلة تعال نتريك لان هذة اخر ريوك وياكم
الكل/😔😔😔
دالين/شفتهم ضايجين وحبيت الطف الجو ...كتلهم يلة اليوم اريد تونسوني منا للعصر قبل لا اروح😁
الكل/تدللين دلو شعندنة غيرج
دالين/كعدنة نتريك وكملت واجتي قمر تبجي
قمر/ولج شلون راح تروحين وتعوفيني اهئ اهئ😭
دالين/قمورتي اوعدج مراح اكطع بيج وان شاء الله نلتقي بالكلية 😊
قمر/ان شاء الله يروحي
مصطفى/هلو قمر شلونج
قمر/هلة صطوفي الحمد لله على سلامتك
مصطفى/الله يسلمج قمورة
دالين/احم احم نحن هنا ترى اني بشر مو حايط واكف كافي غزل 😒
قمر ومصطفى/😱😂
دالين/رحت اني وماما على الصالون و حفيت بس شعري ملعبت بي لان هو طويل واشقر ورحت للسوك واخذتة اشكال الملابس واشترتلي ماما سوار وكلادة ذهب مكتوب عليهة حرفD ورجعت للبيت هلكانين من التعب الساعة 2 الضهر غسريع تغديت وصعدت سبحت ولميت الغراض وصحت مصطفى ينزلهن لان صارت الساعة 4 ولازم نطلع ولبست فستان طويل اسود وشال ازرك وجنطة زركة وحذاء اسود ..ودعت اهلي واني ابجي وهمة يبجون ...وصلنا بيت ابو يوسف....
وللحكاية بقية...
✍✍الكاتبة سيلين العراقية✍✍
