دالين/كعدت الصبح جان يوم جمعة الساعة 6 لان تبارك تكول احنا نكعد من وكت لبست دشداشة مخصرة علية لون ماروني وشعري بس رفعتة وخليت الباقي مفتوح ونزلت ..صباح الخير
الكل /صباح النور
تبارك/يلة دلو تعالي ساعديني نسوي الريوك ...
دالين/اي عيني جيت ..سوينة الريوك ..
ام يوسف/عفية دلو بنيتي روحي كعدي يوسف خلي ينزل يترك
دالين/حاضر ماما (كمت اكللهة ماما لان فعلاً احسهة مثل امي)صعدت وفتت للغرفة اريد اكعدة وخايفة بس كعدت اباوع بوجهة ملامح وجهة جنن الليحة والشوارب والخشم كلشي بي حلو ضليت صافنة ..فزيت من صفنتي على صوتة
يوسف/اني حسيت على دالين من نزلت بس كلت هسة يخلصون ريوك وانزل اتريك سمعتهة احد صعد جنت كاعد شفتهة فاتت للغرفة سويت نفسي نايم مفتح شوي من عيوني واشوفهة شلون صافنة علية اني كيفت استغلبت الفرصة تمعنت بوجهة فتحت كتلهة ها هيج اني حلو وما ادري
دالين/ ه ه ها لا لا بس انزل تريك عسريع جاي اطلع وجان يصيح
يوسف/اوكفي يمج
دالين/نعم محتاج شي
يوسف/اي محتاج ..حضريلي ملابسي اريد اسبح والبسي حجاب ودشداشة عريضة لان ابن عمي راح يجي هسة اليوم جمعة والكل راح ينجمع هنا...
دالين/ها اي حاضر ...كلت بكلبي هاي شبي هو اني شبيهة دشداشتي 😒 حضرتلة ملابسة دشداشة البيضة وعطرتهة والسبحة والمحبس كلهة جهزتهة على الجرباية ونزلت
يوسف/شفتهة لابسة دشداشة ضيقة وشعرهة يجنن نوب فاتحتة الصراحة غرت عليهة (وانتو قريتو لي صار )
ام يوسف/ها يوم اشو مبدلة ولابسة حجاب منو اكو
دالين /ماما هاي تعليمات استاذ يوسف
تبارك/والله حقة يغار عليج 😘
ام يوسف/اي والله يوم حقة
دالين/😊☺ ..ورة شوي نزل يوسف فدوة يجنن هو كلمن يجي ويلبس دشداشة ..وكعدت دالين صبيلي جاي ..
دالين/حاضر كمت حميت الجاي وصبيتلة
يوسف/عاشت ايدج
دالين/ وايدج هذة واجبي
يوسف/نتبهت عليهة لسانهة حلو ومن ترد ..ترد بأدب مستحيل أذيهة هي ما الهة ذنب ..
دالين/كملنة ريوك وكمنا نضفنا البيت
ورة شوي ندك الباب ..طلع يوسف فتح الباب وماشاء الله العشيرة كلهة جاية ...
ام رائد /مرحبا شلونكم
ام يوسف هلة خية هلة بيج انتو شلونكم
ام رائد /الحمد لله يم الكريم ..
دالين/مرحباً شلونج خالة
ام رائد/هاي الفصلية😏
سناء/هذة شاف بيج واخذج
ام يوسف/لا لا ما مقبولة منكم هاي جنتي ومحد الة حق يغلط بحقهة
سناء/عمة مو عساس تخطبوني ليوسف خوما غيرتو رأييكم
ام يوسف/يوم خلص كلمن ياخذ نصيبة ويوسف اخذ دالين وانتي يجيج نصيبج ...
سناء/كلت بكلبي اصبريلي يالفصلية تاليتج تاخذين حب حياتي
دالين /اني واكفة وبالكوة ساكتة ومنزلت دموعي ...
ورة شوي اجتي رقية وسلمت عليهة وطلعت صدك فقيرة وحبابة
سالي/يمة فدوة شلون بنية يعني ان شاء الله جهال اخوية يطلعون يخبلون على امهم وابوهم
دالين /هههههه ان شاء الله وعلى عماتهم ...
سناء/ليش منو كللكم يوسف يريد جهال من هل الفصلية
يوسف/وية ما فتت للهول وسمعت سناء تحجي على دالين وتكول منو كللكم يريد جهال من الفصلية ...كتلهة ومنو كلج ما اريد منهة وعن قريب راح سمعون بيهة حامل😏..حجيت هيج حتة اخليهة تكطع الامل لان اني اصلاً مو جارعهة
سناء/😤
يوسف/دلو تعالي وراية للغرفة (كلتهة بصوت عالي حتة يسمعون)
دالين/اي سيوفي بس اخلص ثرم اللحم واجيك
سناء/اني استغليت الفرصة شفت دالين ملتهية بالمطبخ ورة ما صعد بنص ساعة وصعدت دخلت للغرفة ويوسف نايم وداير وجهة اني نمت على الجرياية ...
دالين/ تبارك ورقية اليوم راح اترزل راح اصعد عسريع هسة يكول ليش تأخرتي
سالي وتبارك/اي ولج اركضي
دالين سعدت وفتحت باب الغرفة فتحت عيوني على وسعهم سناء نايمة على الجرباية ويوسف لازم ايديهة ونايم وهي تباوع علية وتسوي حركة بمعنى اسكتي ليكعد ...طبكت الباب ونزلت اركض عل المطبخ ودموعي تصب
سالي/دلو حبي شبيج ليش تبجين
دالين/😭اوووف ما الي حق احجي هو اني فصلية مو اكثر
سالي/احجي عاد ولج مو خلص كلبي
تبارك/دالين هاي شصاير شكو هل البجي يوسف ضربج؟؟
دالين/كتلهم امشو وراية وصعدتهم وراية وشافو المنضر بعينهم
سالي وتبارك/😱😱 يووووسف
يوسف/اني صحت على دالين كلت لازم احجي وياهة خطية لان سمعت حجي يسم الواحد انتضرتهة واني تعبان من الدوام لان شغل كلة على راسي وتحقيق بسرعة نمت...ما حسيت بس على صيحة البنات ..شفت سناء نايمة بصفي اني فزيت هاي شكو انتييي هيييي شجابج هناااا
سناء/حبيبي شبيك تصيح والله اني احبك وخلي كل الدنيا تعرف
دالين/😭😭😭ليش هيج حضي
سالي وتبارك/لا يروحي لتبجين تعالي اكعدي هنا ... سناااءكومي ولي واطلعي برة ..لا والقران ننزل ونفضحج
يوسف/هاي شلون راح يصدكون بية ما عندي شي وياهة ...سناء طلعت برة اني كعدت كتلهم وحق محمد ما عندي شي وياهة حتة اني طلب دالين تصعد
البنات/شلون نصدك بيك فهمني واحنا شفنا بعيونا لي صار
يوسف/الحجي ما اريدة يطلع برة الغرفة وهاي سناء عقابهة عندي اني اعرف شلون اربيهة...لوسمحتو اطلعو دالين ضلي هنا
دالين/تفضل شتريد اذا على الهدم كلهة معطرة وبالكنتور 😥
يوسف/لا بس اريد احجي وياج
دالين/يوسف اني لازم انزل لان عدنا شغل
يوسف/دالين والله لي صار كلة فاهمة غلط والله اني ما احبهة ولا اريدهة بس هي سوي هيج حتة تقهرج وتريد تورطني حتة ازوجهة بس والله حلم بليس بالجنة ما ازوجهة لو تموت
دالين /خلص يوسف اني مجرد فصلية هنا عفتة ونزلت وساعدت البنات وسويت نفسي ناسية الصار فوك .
يوسف/بعدني مو مكمل حجي وياهة وعافتني ونزلت اني اتخبل ولا واحد يعوفني احجي ويمشي بس كلت بعدهة جديدة ومتعرف طبعي شنو ...بسيطة يا سناء يجي يوم وتوكعين بين ايدي لازم اخذ حذري منهة
وللحكاية بقية.....
✍✍الكاتبة سيلين العراقية✍✍
