البارت الثاني
قمر/دالين هاي شكو😱
دالين/شكو يولي شبيج..
قمر/شوفي هناك باب بيت اهلج ..
دالين/ اني جنت مدنكة اشوف اتأكد من الاجوبة مالتي بالكتاب وامشي رفعت راسي وشفت الدنيا مكلوبة يم الباب كمت اركض بس اريد اوصل
قمر/دالين اهدي شوي لتركضين
دالين/ولج بس لا اهلي صاير بيهم شي ...كمت ارض الما جاي اوصل وشفت سيارات هواي عل الباب واكو واحد لابس ملابس عسكرية وشايل سلاح ورجال يصيح وصل البيت وفتت اركض وقمر وراية امي تبجي وخالاتي ثنينهم فوك راسهة ويسكتون بيهة
دالين/يووووم فدوة شبيكم بابا لو مصطفى بيهم شي
ام دالين /ولج يمة اخوج مصطفى داعم ولد ومتاذي راح ولييييدي اووووف يمة صطوفي
دالين/يووم شتحجين انتي بابا وين اهدي ان شاء الله ما بي شي الولد اني حاولت اصير قوية وما ابجي فات بابا ..كمت ركض ها بابا فدوة شصار احجي
ابو دالين/ جاية الضربة براسة واحتمال يموت احتمال يعيش وهسة مصطفى بالسجن
دالين/بابا فدوة كلشي ولا اخوية يتأذة والله اموت روحي ورا كلة بسببي اني خليتة يوصلني 😭😭
ابو دالين/لا يروحي انتي ما الج دخل كلهة قدر ومكتوب ..وان شاء الله تنحل ويرجعنا مصطفى ومحد يتأذة
ام دالين/ان شاء الله يا الله احفضلي ابني
....
يوسف/اني بالدوام واتصل ابوية كال يوسف عسريع تجي ابن عمك ضاربتة سيارة والولد لي ضاربة هسة هو بالسجن ...اني من سمعت طلعت عسريع وصلت بيت عمي لكيت مرت عمي ملخة روحة وتعيط ...عمة اهدي ان شاء الله مابي شي
ام سامر/ولك يوم يوسف ما عندي بس هل الوليد شلون بية اذا مات والله اموت ورا
سجى اخت سامر/يوسف فدوة سوي حل راح تموت امي
يوسف/اني طالع هسة وان شاء الله اطمنكم وحق سامر ميضيع ...طلعت رحت للمستشفى لكيت عمي همام هناك ..
اني عندي عمام 2
همام/ عمرة 58
عندة ولد اسمة سامر عمرة 21
و2 بنات
زينب 20 سنة طالبة هندسة مدنية
رقية 21 سنة تؤم سامر طالبة كلية تربية قسم رياضيات
حازم/عمرة 57
عندة
رائد/ عمرة 19سنة طالب مرحلة اولى كلية طب عام
سناء/عمرهة 25 سنة ربة منزل
...نرجع للحاضر...
يوسف/طلع الدكتور كتلة ها دكتور بشر شلون اوضاع سامر
الدكتور...والله احنا سوينا لي علينا بس مع الاسف فقدنا المريض لان جانت الضربة قوية براسة
همام/لاااااااا يالله رااااح وحيدي ولك ليش رحت وكسرت ضهري يا بعد ابوك جنت اتمنى اشوف متخرج وازوجك وافرح بيك
يوسف/من كال الدكتور هيج احس ضربة ونزلت على راسي لان جانت علاقتي قوية بسامر كلت الة اخذ حقة بيدي ...كتلة عمي اوعدك دم سامر ميروح هدر
همام/ان شاء الله وليدي ونعم منك😥
يوسف/ بس خلي تخلص الفاتحة وبعدين نحلهة ...وصلنالهم خبر الولد مات وبعد 3 ايام ويجون
نرجع على بيت ابو دالين
ابو دالين/ام دالين الولد مات
ام دالين/يمة يعني هسة يذبحون وليدي يا يمة يا مصطفى شجابك على هل الناس😭 وهسة شلون راح يضل بالسجن
ابو دالين/ منكدر نطلعة الة تخلص الفاتحة نشوف شيطلبون
دالين /خلصت ال3 ايام واحنا لا ليلنة ليل ولا نهارنا نهار كطعنة الاكل والشرب لان محد الة نفس والبيت صار ضلمة وكأيب ياروحي صطوفي اكيد هسة تعب هناك ..
دالين /مرت 3 ايام الفاتحة وبابا وعمامي 3 راحو وشيخ العشيرة
ابو دالين/يا اخوان شنو تأمرون احنا حاضرين بس اريد ابني يطلع
ابو سامر /ابو دالين احنا منريد نسويهة دم بالدم ..نريد فصل 50 مليون وفصلية
ابو دالين /وكف وكال الفلوس انطيكم 100 مليون بس فصلية لا هاي بنتي الوحيدة
ابو سامر/ليش يا ابو دالين انا مو ابني الوحيد لي بعدني ما فرحت بي صار موتة على ايد ابنكم
يوسف /من بعد اذنكم يا جماعة اسمعني عمي ابو دالين يا تنطونا لي طلبة عمي يا نقتل ابنكم
ابو يوسف/ابو دالين احنا ما نريد تصير الدموم بحر نريد نحلهة بالعقل
ابو دالين/انطونة مجال نفكر
شيخ العشيرة/الكم مهلة منا الى باجر العصر وتردونة الخبر يلة اودعناكم ..
وللحكاية بقية...
<الكاتبة سيلين العراقية>
