حضنتة وياهم كتلة لك شوكت تكبر ..
الكل/ههههههه
دالين/كعدنا وحجيتلهم ليش اجيت عليهم وطمنتهم عني ...مصطفى اريد افاجئ قمر هسة خابرهة وكللهة تعالي للبيت دالين تريد تحجي وياج عل الموبايل
مصطفى/اي ماشي واخيرا راح اشوف قمر
دالين/ههههههه ...سوينة الخطة وندك الباب واني ختلت ورة باب الشارع ومصطفى فتح الباب ..
قمر/مصطفى فدوة خابرهة عسريع والله يومية ابجي واريد اسمع صوتهة
دالين /اجيت عليهة من ورة وخليت ايدي على عيونهة
قمر/مصطفى منو هذة لي خلة ايدة
دالين/قمر كامت تتلمس ايدي بس معرفت كتلهة اني الدكتور دا بعدني ممكملة اسمي اشو هاي من يمهة وخرت ايدي وندارت وحضنتني كل حيلهة وتبجي ..واني ابجي
قمر/اووووف ولج شسويتي بية من رحتي لهذة اليوم واني ابجي واني انتضر منج خبر 😭
دالين/تعالي حياتي فوتي ولج اني الحمد لله زينة ومحد مأذيني ..دخلت جوة وكعدنا نسولف وعرفت بيهة مطلعة معدل 98 واجتهة درجة عل المعدل صار 99 والحمد لله ثنينة صرنا طبية ...
£نرجع على بيت ابو يوسف £
يوسف/يلة يوم مضل وكت راح نتأخرر على الطيارة
ايو يوسف/اي يمة اجيت يلة توكلنا على الله
يوسف/لزمت امي من ايدهة ومشيتهة للن تعبت حيل من شافت ابوية تمرض ..وصلنا المطار وصعدنا الطيارة وصلنا تركيا الساعة 9بليل لان تأخرنا بالمطار ...
يوسف/رحنا على الشقة لي مأجرهة ابوية وعمي ودكيت الباب وطلع عمي
حازم/هلة ام يوسف هلة يوسف شلونكم
ام يوسف/هلة خيي وين ابو يوسف
حازم/جوة تعالو فوتو
يوسف/شلونك عمي ابوية شلونة
حازم/الحمد لله وليدي بس والله ابوك اوضاعة مو زينة وهذة المرض جاي يشتد علي والعلاج بعد ميفيد
يوسف/دخلنا وشفت ابوية شلون نايم وضعفان كعدت يم راسة ...وامي كاعدة وتبجي
ام يوسف/ها ابو يوسف ها نضر عيني هيج المرض يهد الحيل 😭😭
يوسف/حاولت اجمع قوتي وما انزل دموعي لخاطر امي رحت يم امي ...يوم ان شاء الله مابي الة العافية لا تتفاولين وتبجين علي ..كومي يوم بالغرفة ارتاحي ونامي ..كومت امي وراحت نامت وعمي حازم كتلة روح ارتاح وكعدت وحدي يم راسة ودموعي نزلت وحدهن (الزلمة ما ينزل دمعتة بس امة وابو )يابة انتي شيخ العشيرة انت لي كل الناس تهابك وتخاف من منك وتحلف براسك ومن توكف بصدر الديوان ترجف اكبر رجال تاليتك نمت وما تكدر تكوم 😭..نمت ومحسين على شي حسيت الصبح عمي حازم يكعد بية كمت توضيت وصليت ودعيت الله يكومة ..بعدني على سجادة الصلاة وسمعت العيطة صارت ...
عذروني البارت قصير بس حسب وقتي اكتب
وللحكاية بقية
✍✍الكاتبة سيلين العراقية✍✍
اذا شفت تفاعل انزلت باقي البارتات
