الزهرة المفترسة

الفصل السابع والثلاثون

لين برفعة حاجب: يعني عايز
تقولي انك كنت مستقيم يااتش..

هشام بتوجس: عايزة الصراحة..
لين بإبتسامة: اه..

هشام بترقب: بصراحة لأ..مكنتش مستقيم..

لين بغضب وهي تضربه: بقي كدة..

هشام ضاحكا: خلاص..خلاص.. بصيت بس..

لين وهي تزم شفتيها ثم تبتسم: إذا كان
كدة ماشي..بس عارف لو عملت حاجة هقتلك..

هشام ضاحكا: يالهوووي.. انا
مقدرش علي كدة.. هوه فيه كدة..

لين وهي تضيق عيناها بتساؤل: فيه ايه..

هشام بعشق: فيه زيك ياقلبي ويقبلها ثانيه..
ويكمل بمكر.. بصي انا عايز اشتكيلك اني يتيم..
وانتي عارفة موضوع اليتم ده مآثر عليا اوووي..

لين بتذمر: ياهشام بقي..
هشام: ولا هشام ولا غيره ده انا هشكيلك للصبح..
>>>>>>>>>>>>>>>>>>>>>>>>>>>

مازن بضحكة:يامرحبا لين عندنا..

لين بضحكة:اهلا مازن..قولت اجي
اشوفكم بدل مانور مش باينه..

مازن بضحكة:معلش يالين..بس عارفة الشغل..
وبتسافر معايا كمان..مقدرش استغني عنها..

لين بإبتسامة:عارفة يامازن..ووش
نور منور..مبسوطه..وده اللي يهمني..

نور بحب:مازن مخليني مش عايزة حاجة..
مازن بحب:انا مقدرش ازعلك يانوري..

لين بضحكة:الله..الله..انا شكلي عزول بقي..
مازن:لا..ازاي..بس امال هشام فين..

لين بضحكة:في الشغل..زمانه رجع الوقتي..اسيبكم انا..

نور:خليكي يالين..انا لسه مشبعتش منك..

لين:معلش مرة تانيه..وبغمزة..ومش
عايزة ابقي عزول..والحق اتش..

نور بتعجب:اهو ده كانت اخر حاجة
ممكن اتوقعها انك انتي وهشام ترجعوا..

لين بضحكة:تقولي ايه بقي..نصيب..
وتحتضنها..سلام ياقلبي..اشوفك بعدين..
>>>>>>>>>>>>>>>>>>>>>>>>>

في المنزل ذهب سامي الي هشام..

هشام:يعني لقيتهم ياسامي..
سامي:ايوة يااتش..ومش هعتقهم..

هشام :اوك ياسمسم..تارك ولازم تخلصه..
سامي بضحكة:بس عايزك معايا يااتش..

هشام بتعجب:وانا هعمل معاك ايه ياسمسم..

سامي بغل:لا..اصل انا عارف ابتكاراتك
في الحاجات ديه..فمش هوصيك..

هشام بضحكة خبيثة:من عنيا..بس اوعي تقول للين علي حاجة..
سامي بضحكة:لا وبقيت زوج يااتش..ومش بتيجي حتي النادي..

هشام بملل:اعمل ايه..انا منعتها من الشغل وهي منعتني من النادي..
سامي:هههههه..مكنش يومك يابرنس..بس الكل مشتاقلك هناك..

هشام بتحسر:وانا كمان هموت
واروح هناك..هطق ياسامي..

سامي بشماته:احسن..خليك تتربي..

هشام وهو يتحرك بعصبيه:سامي..
اضربني..ويشير له بيده..

سامي بدهشه:اضربك..ليه يااتش؟؟..

هشام:بقولك اضربني بالبوكس..
تعالي متقلقش..مش هردهالك..

سامي بدهشة:هشام ايه اللي بتقوله ده..واضربك ليه..

هشام بحده:اعمل اللي بقولك عليه..
وبعدين انت مش نفسك في كده..

سامي بتوجس:ايوة يا اتش..بس انا عارف
ايدك طرشه..وانت مش هتستحمل وهترد الضربه..

هشام:لا..اضرب بس..

سامي:زي مانتا عايز..ليلكمه سامي بشده.. ولكن عده لكمات..

هشام بغضب:ااااااه يابن ال...انا قولتلك
واحدة بس مش ده كله..تعالي بقي..

سامي وهو يبتعد عنه:ايييه...انت مش قلت اضربني..
هشام بغيظ:وانت ماصدقت واشتغلت ياحيلتها..

ليبدؤا في ضرب بعضهم البعض وتأتي لين لتتفاجئ
بالشقة وقد تحطمت وهشام وسامي يضربون بعضهم...

لتصرخ لين في غضب:ايه اللي
بيحصل ده..ايه الهبل اللي بتعملوه..

سامي:لين..ازيك..ابدا كنا انا وهشام بنهزر..

هشام وهو ممسك بسامي ويحاول
اسقاطه ارضا:اهلا يالينو..وصلتي امته..

لين بعصبية:انتو اتهبلتوا كسرتوا
الشقة وبهدلتوها..اعمل ايه انا الوقتي..

هشام بلا مبالاة:عادي يالينو..تتروق مش مشكله..
لين بخبث:اهااااا..طيب..يلا روقوها..

هشام بتعوج وقد ترك سامي:نااااااااعم..يعني ايه..

لين بهدوء:يعني زي ما كسرتوها وبهدلتوها..تروقوها وتظبطوها..

سامي بحدة:ناااااااعم ياختي..انتي بتقولي ايه..
انا اروق وازيق الشقة..ديه صافي نفسها ماتقدرش تقولي كدة..

لين بلهجة آمرة :ماهي هتروقوها يااما
انا اللي هروقكم..و مش هتطلعوا منها عايشين..

سامي بلامبالاة:لو عملتي ايه مش ممكن..
هشام:استهدي بالله كده وانا هجيب حد يروقها..

لتمسك لين بالمسدس الموجود علي الاريكه..

هشام بتوجس:هتعملي ايه يالين..
لين بهدوء مخيف:ابدا.. هقتلكم ان ماروقتوش الشقة..

سامي بإستخفاف:ولا تقدري تعملي حاجة..

لتطلق لين الرصاص من المسدس الي الحائط خلف سامي..الذي
ينخفض سريعا ويكمل بعدم تصديق:يابنت المجانين..كانت هتيجي فيا..

لين بجدية:الطلقة الجايه فيك..يلا اشتغلوا..

هشام بضحكة:مجنونه وتعملها..يلا ياجناب
الكوماندة..هنروقها يااما هنتروق احنا ..

سامي بحنق:كله منك يا هشام..انت السبب في ده..
لين بحدة:انتو هترغوا كتير يلا ع الشغل..

هشام بضيق:ماشي يالين..

سامي بحنق:كانت معرفة سوده..انا مش
عارف ليه مسبتهمش يخلصوا عليها واخلص..

هشام:هههههه...

لين برفعة حاجب:اشتغلوا بضمير..ولنفسها..
الشقة فعلا كانت عايزة تتروق جت من عند ربنا..
>>>>>>>>>>>>>>>>>>>>>>>>>

كوثر :انا زهقت ياسعد..مش عارفه اطول من كاظم اي حاجة..
سعد بتعوج:انتي اللي هبلة..وبعدين مش قادرة تبلفيه بكلمتين..

كوثر برفعة حاجب:كاظم ده تعبان كبير..محدش يقدر
يلعب عليه..انا بفكر فعلا اخلص منه..بس مش عارفة ازاي..

سعد:لاااا..اهدي كدة..لما نفكر هنعمل ايه..
نخلص من احفاده الاول..علشان نقدر ناخد الفلوس..
وانتي بنفسك قولتي انه لو مات قبلهم مش هتطولي حاجة..

كوثر:طب هعمل ايه..
سعد:اصبري هفكرلك في حاجة واقولك..
>>>>>>>>>>>>>>>>>>>>>>>>>>>

في منزل هشام..

كاظم بضحكة:اهلا اهلا باعز الحبايب..
لين بضحكة:ايه ياجدي..وحشتك..للدرجادي..

كاظم وهو يحتضنها:طبعا يالينو..ده انتي حبيبتي..

لين برفعة حاجب:الله..ايه ياكاظم..
انت عيان ولا ايه..كوثر عملتلك ايه..

كاظم وهو يهز رأسه بنفاذ صبر:لو تبطلي
زفارة لسانك ده..تبقي فله..عامله ايه مع هشام..

لين بضحكة:عادي..مش بطال ياجدي..
كاظم:طيب..انا جيت اشوفك..الا قوليلي عمل ايه في المزاد..

لين:مزاد ايه ياجدي..
كاظم:مزاد مهم بتاع(...)..لازم نفوز بيه..

لين بخبث:اهاااااااا..معرفش..ابقي اسأله..
كاظم:طيب انا هسيبك دلوقتي..ويحتضنها مرة اخري..

لين بإستغراب:مالك ياجدي..

كاظم بتنهيدة:مفيش يالين..اسيبك..سلام..ولنفسه
وهو يتجه الي سيارته..ظلمك اللي خلاكي بت عامر يالين..
بس انا ابوكي اللي مخلفكيش..وعامر ده انا لو مكنتش
واقفله كان زمانه عمل فيكي عمايل سودة..
>>>>>>>>>>>>>>>>>>>>>>>>>>>>>>>

علمت لين بشأن المزاد الهام لهشام وقررت ان تضيع عليه
هذا المزاد وعدم ذهابه وان يخسره..وتربحه هي لتعود الي الشركة..

ارتدي هشام ملابسه واستعد للذهاب وخرج
من الغرفة ولكنه تسمر في مكانه عندما رأي لين..

هشام وهو يفرغ فاهه: اييييه ده..
وهو يفرك عيناه.. مش ممكن لين..

لين برقه: ايوة يااتش مالك..
هشام: ايه اللي انتي عاملاه ده..

( كانت لين ترتدي فستان قصير من اللون الاحمر الناري يبرز جمالها
ويقسم جسدها وجعدت شعرها الاسود وارتدت حذاء ذو كعب عالي
ووضعت احمر شفاه احمر بلون فستانها فقد كانت فاتنه بحق)

لين برقة وهي تدور حول نفسها: ايه وحش مش عاجبك..
هشام بهيام: مش عاجبني..ده مجنني..بس ده من ايه..

لين بدلع:ابدا لقيته عندي قلت اجربه.. ايه رأيك..

هشام وهو يقترب منها: رأيي هقولك الوقتي.. ليقبلها بشغف..

لين وهي تبتعد عنه: المزاد ياهشام هتتأخر عليه..

هشام وهو ينزع جاكيته و يحملها: ملعون ابو المزاد..
ده انا ابقي اهبل لو رحته وسيبتك وانتي كدة..

لين بدلع: ده مهم يا اتش..

هشام بإبتسامة: تؤ انتي اهم..
هو انا عمري شفتك كدة.. يالهوي ياما..

لين بهمس: هشام جدي هيزعل..

هشام بلا مبالاة:اللي يزعل يزعل..
المهم انت ياجميل.. لنتركهم معا..

وتبتسم لين ابتسامة نصر..

( كونك امرأة لا ضرر من استخدام ذلك الجانب اللعوب للوصول الي مرادك)
>>>>>>>>>>>>>>>>>>>>>>>>>>>>

اتصل كاظم بهشام فردت لين..

لين:ايوة ياجدي..
كاظم:لين..امال هشام فين..

لين بضحكة مكتومه:نايم ياجدي..
كاظم بعصبية:نايم ازاي..والمزاد ده مهم..

لين بمكر:انا قولتله..بس قال مش مهم..
كاظم بغضب:مش مهم..وقعته سودا..

لين بمكر:متزعلش نفسك ياجدي..
انا هتصرف..بس تخليه يرجعني الشغل..

كاظم بغضب:ماشي..اتصرفي وانا من بكرة ارجعك الشركة..

لين بإبتسامه نصر:ماشي ياجد..سلام الوقتي..
لتتصل لين بأحدهم..وتقوم بالفوز بالمزاد..وتنظر الي
هشام النائم بإبتسامه نصر ماكرة وتكمل..معلش بقي يااتش..
>>>>>>>>>>>>>>>>>>>>>>>>>>>>>>

في الشركة..

كاظم بحزم:هشام لين ترجع الشغل من بكرة سامع..
هشام بحدة:لأ..مش هترجع احنا متفقين..

لتدلف لين وبإبتسامة نصر:انت قولت اني ارجع
لو مقدرتش عليه..وكنت هتضيع المزاد امبارح..

هشام بغل:يابنت ال... بقي عملتي كده علشان ترجعي..ماشي يالين..
لين بضحكة:يعني هي اول مرة يااتش..وبعدين كل مرة بتقع فيها..

هشام وهو يكور يديه غضبا:بقي كدة..طب ...
كاظم بجدية:خلصنا..لين هترجع..

ليخرج هشام من المكتب ويدلف الي مكتبه غاضبا..وتدلف اليه لين..

هشام بغيظ:ابعدي عني الوقتي بدل ما اقتلك..
لين بهدوء:ايه يااتش..خلاص بقي..متزعلش..وبعدين انا معاك اهو..

هشام بغضب:لأ..احنا اتفقنا..انك تهتمي بيا..لكن كدة لأ..

لين وهي تقترب منه وبإبتسامة:لأ متقلقش..
ههتم بيك..وهتشوف..لو قصرت ابقي اتكلم..

هشام بخبث:طيب..بس كده انا هرجع للنادي..

لين بضحكة:ماشي..براحتك..
هشام بضحكة:يبقي اتفقنا..
>>>>>>>>>>>>>>>>>>>>>>>>>>>>>

شوقي:بجد يادك الشحنة ديه زي الفل..كسبنا كتير..
مازن:يعني اللي دفعناه فيها قليل ياشوقي..

شوقي:معلش..مالمكسب مش قليل..
بس قولي..انت هتعمل ايه في موضوع صافي..

مازن:مش عارف..ديه مختفيه..حتي تليفونها مقفول..
شوقي:طيب..انا هحاول ادور عليها برضو..سلام الوقتي..

مازن:سلام..ويتصل بنور..ايوة يانوري..
نور:ايوة ياحبيبي..

مازن:حضري نفسك..هنسهر انا وانتي برا الليلة..ونحتفل ..
نور بضحكة:ايه..الشحنة طلعت كويسه..

مازن:ايوة..انتي وش السعد عليا..يلا اجهزي وهعدي عليكي بعد شويه..
نور:حاضر..
>>>>>>>>>>>>>>>>>>>>>>>>>>>>>>