الزهرة المفترسة

الفصل الثاني والاربعون

هشام وهو ينظر لها ويود ان
يفتك بها: انتي طالق يالين..
لتبتسم لين بوجهه وتدير وجهها ويعلوه تقاسيمه
الالم وبعد ذلك ترسم معالم الجمود..وتدلف الي الغرفة..
لين: انا يافندم لين المغربي مرات
هشام المغربي..و جايه اقول ان هشام برئ..
وكيل النيابه: ازاي الادله كلها ضده..
لين: يافندم هشام ساعة الحادث كان معايا..
وكيل النيابه: وايه اللي يثبت..
لين: حضرتك يوم الحادث كنا
في المزرعة علشان فرح اخته..
وكيل النيابه: ده عارفينه ايه الجديد..
لين: انا يومها اتخانقت مع والدته وسبت البيت ومشيت..
وعلي الطريق لما كنت راجعة اتعرضت لحادث سطو وسرقة..
وكيل النيابه: وبعدين ايه علاقة ده بالموضوع..
لين: انا روحت القسم وعملت محضر عند الرائد شكري
واتصلت كمان بهشام من تليفونه وهو جالي علي طول..
وده تقريبا كان وقت الحادث بتاع حامد..وحضرتك تقدر تتأكد بنفسك..
وكيل النيابة بشك: طب ولما هو كدة مجتيش
ليه من البدايه واستنيتي اسبوع علشان تشهدي..
لين بإبتسامة: انا كنت مسافرة تبع
شغل واول ماعرفت جيت علي طول..
وكيل النيابه: طيب يامدام..امضي علي اقوالك واتفضلي..
لين: شكرا يافندم.. وبعد توقيعها علي اقوالها تدلف
خارجا..وتكمل ببرود.. انا قولت اللي هيطلعك سلام يابن المغربي..
هشام بغضب: انا هوريكي...
امر وكيل النيابه بإبقاء هشام في الحبس حتي التأكد من صحة اقوال لين..
>>>>>>>>>>>>>>>>>>>>>>>>>>>>>>>>>>>>
صفاء بفرحة عارمة:شفت
ياممدوح..كوثر قالتلي ان هشام طلق لين..
ممدوح بدهشة:ايه..انتي بتقولي ايه ازاي..
صفاء بحقد:ابدا ياخويا..انت متعرفش ان هي اللي بلغت عنه..
ممدوح:انتي بتقولي ايه..كاظم ماقليش كدة..
صفاء بغل:وهو هيقولك ع اللي السنيورة عملته..
بقي عايزة تودي ابني في داهية..ده انا هوريها..احسن انه طلقها..
ممدوح بتفكير:لااااا..مش ممكن..
الموضوع مش هيخلص علي كدة..
صفاء بفرحة:لا خلص..ده احسن حاجة حصلت..
انا من بكرة هجوز هشام غيرها..واخليه يرميها ..
ممدوح بتعوج:مش لما يخرج الاول من الحبس يام هشام..
صفاء:هيطلع..ماهو طلقها علشان تخرجه من الحبس..واخيرا ارتحت منها...
>>>>>>>>>>>>>>>>>>>>>>>>>>>>>>>>>>>
في الفيلا عادت لين وبدأت في جمع اشيائه
ا استعدادا للرحيل وفي اليوم التالي مساءا همت بالخروج..
كاظم: علي فين يالين..
لين بضيق: همشي.. اخيرا ارتحت..
كاظم بإبتسامه جانبية: مفيش خروج من هنا..
لين بعصبية: يعني ايه..
كاظم: يعني شويه وهشام جاي يالين..وهيتصرف معاكي..
لين بغضب: خلصت منه وهمشي.. مليش دعوة بيه..
ليأتي صوت هشام من خلفها: عمرك ماتخلصي مني..
لين بتحدي: لأ خلصت واطلقت..
ليقترب منها هشام بإبتسامة خبيثة: اه اطلقتي.. بس رديتك..
لتجحظ عينا لين: ايه..مش ممكن..ولكاظم بغضب.. مش ده اللي اتفقنا عليه...
كوثر بغيظ: رديتها..تاني..ردت المايه
في زورها.. وانا اللي قولت ارتحت منها..
كاظم بلامبالاة: مليش دعوة انا عملت اللي قولتي عليه..
هشام بثقة وتوعد: وانا رديتك.. وهوريكي
ايام اسود من قرن الخروب مش انا اللي تلوي دراعي..
ولاحد الخدم بلهجة آمرة.. طلعوا حاجتها علي اوضتي فورا..
لين بعصبية: وانا مش قاعدة هنا..
هشام بحزم: هتقعدي غصبا عنك..وهربيكي
ومحدش هيحوش عنك.. ويجذبها من ذراعها..
لين بغضب: لأ مش هيحصل..
هشام بعيون مشتعلة: انا هوريكي.. ويحملها
ويصعد بها وسط صراخها ومحاولاتها الافلات من قبضته..
>>>>>>>>>>>>>>>>>>>>>>>>>>>>>>
صافي بتساؤل:مالك ياسامي..بتفكر في ايه..
سامي بقلق:هشام طلع النهارده..
صافي بإبتسامة:طيب..ده كويس..امال زعلان ليه..
سامي بتوجس:اصلك مش فاهمة..لين هي اللي
بلغت عنه..وخلته يطلقها..هشام ممكن يموتها المرادي..
صافي بقلق:فعلا عندك حق..بس هي
زودتها..ديه كانت هتوديه في داهية..
سامي:انتي مش فاهمة..هشام ميهمهوش الحبس..
ده ممكن يقتلها بس علشان خلته يطلقها..وفكرت
تسيبه..انتي متعرفيهوش..ده فكرة انها تسيبه
تجننه مابالك انه طلقها..ربنا يستر..
صافي:ربنا يستر ياسامي..
>>>>>>>>>>>>>>>>>>>>>>>>>>>
يدلف هشام الي الغرفة ويغلقها ويلقي بلين علي الارض
ويكمل بنبرة مرعبة: انا هربيكي من اول وجديد..
وينهال عليها بالضرب.. بقي تخليني اتحبس وكنت
هروح في داهية لأ وكمان اطلقك.. ده انا هطلع روحك..
لين بصراخ: عااااااي.. ابعد عني.. ااااااي..
هشام بغضب: محدش هيحوشك انا هرقدك سنه في السرير..
وبتتفقي مع شكري عليا..بقي كنتوا هتودوني في داهية..
فلاش باك..
هشام بغضب جارف: ده انا اوديكي في داهية معايا..
لين بلامبالاة: مش فارقة.. واعرف
اني انا بس اللي اقدر اطلعك منها..
هشام بعيون مشتعلة: ازاي..انطقي..
لين: تطلقني وانا اخرجك من هنا..
هشام بغضب: علي جثتي..انا هقول اني
كنت معاكي عند شكري..والمحضر هيثبت..
لين ضاحكة بسخريه:وانت فاكر شكري
هيشهد معاك..انسي ياهشام..شكري بيكرهك..
هشام بعصبية:هيشهد..المحضر هيقول كدة..
لين ضاحكة بثقة: طب اسمع بقي..وتتصل بشكري امام هشام..
لين:ايوة ياشكري..هشام معايا..سمعه اللي قولتلك عليه..
شكري بغل:مش هطلع المحضر بتاعك غير لما
تتصلي بيا وتقوليلي انه طلقك..ولو يقدر يثبت يثبت..
هشام بغضب وصوت عالي:بقي كدة ياشكري..انا هقتلك..
شكري بشماته:تأبيدة سعيدة يااتش..
قولتلك هتسيبها ومصدقتش..يلا..سلام يالينو..
لين بضحكة خبيثة وثقة:سمعت..
اثبت بقي..وانا عارفة شكري بيكرهك اد ايه..
هشام بغضب:هقتلك واقتله يالين..وهتشوفي..
باك..
هشام بغضب جارف:هقتلك..
لين صارخة: عاااااي.. انا اللي هقتلك ياهشام.. مش هسيبك..
هشام بغضب: هخلص عليكي الاول..بقي
تحبسيني واطلقك..ليه ده كله..هي اول مرة..
لين بصراخ غاضب:لااااا.. مش اول مرة..بس مش
بعد ماحبيتك ياهشام..مش بعد ده كله..وبتوعد وبكاء
شديد وهي تمسك بملابسه..هدمرك..و مش هسيبك..
لينظر لها هشام بدهشة وعدم تصديق وهي تتحدث بعصبيه
وبكاء ويمسك بها ويكمل:خلاص اسكتي..اهدي..
لين بغضب وبكاء وهي تدفعه:لا..مش ههدي..ورب العزة هدمرك..
مش انا اللي تعمل فيا كدة..مش انا اللي احبك وتعمل معايا كدة..كنت عايزني اجيب عيل علشان تاخد الفلوس وتسبني وتسمع كلام امك وتتجوز عليا..جننتني وخلتني اموت ابني بإيدي مش هرحمك بعد خيانتك ليا..
هشام وقد ثبتها علي الفراش وبحدة:
يخربيتك اهدي هيجرالك حاجة..خلاص..
لين بصراخ شديد وهي تحاول التملص منه:لاااااا..
ابعد عني..مش هسيبك تقربلي..هقتلك..عاااااااي..
ليمسك يديها بيد واحدة ويبحث عن
دوائها المنوم ويأخذ منه قرص منوم
ويدسه في فمها قسرا ويرغمها علي ابتلاعه
ويكمل بصوت عالي صارم:قولت خلاص..اسكتي..
لتظل تصرخ بهستيريا حتي تشعر بالنعاس..
هشام بجدية :اسمعي قبل ماتنامي..عمري
ماهسيبك ومش هعمل كده تاني يالين..
انا هفضل معاكي..ليرتخي جفناها وتخضع للنوم..
ليعدل من نومها ويسمع باب الغرفة يدق ويذهب لفتحه..
كاظم بقلق:ايه ياهشام..انا قولت تربيها اه..لكن
مش كدة..عملت فيها ايه..صوتها اختفي مرة واحدة..
هشام وهو يمسد شعره بضيق:مفيش ياجدي..نامت..
كاظم بتعجب:نامت..نامت ازاي..وبتوجس..هشام عملتلها ايه..
هشام بتنهيدة:مفيش ياجدي..جاتلها حاله الجنان
تاني اديتها حباية ونامت..متخفش مش هعمل فيها حاجة..
كاظم بتوجس:ناوي علي ايه ياهشام..
هشام بتثاقل: مفيش..سيبني الوقتي ياجدي..
عايز انام.. اديلي اسبوع طاير النوم من عيني..
كاظم :طيب..هسيبك.. اوعي ..
هشام بضيق:خلاص بقي..
ليرحل كاظم ويعود هشام الي الداخل ويتسطح
بجوار لين ويضع رأسها علي صدره ويكمل..
هشام بتنهيدة:فكراني هسيبك..عمري..عارفة لما رميت
عليكي يمين الطلاق كانت روحي بتتسحب مني..انتي مراتي
وهتفضلي طول عمرك..ومن هنا ورايح هتبقي معايا
علي طول..مش هسيبك من ايدي..عارف جنانك..
>>>>>>>>>>>>>>>>>>>>>>>>>>>>>
هو: كن منصفاً يا سيدي القاضي..ذنبي انا رجل له ماضي
تلك التي امامك الان..كانت لدي اعز انسانة
واحببتها وهي احبتني..صدقاً جميع الهم انستني
صارحتها وقلت مولاتي..كثيره هي كانت علاقاتي
قالت حبيبى دع الماضي وقبلني...بين ذراعيك..
انا الكل..فانا لي الحاضر والأتي..
هي: كن منصفاً ياسيدي القاضي..تخونني لغتي وألفاظي
إن الذي أمامك الآن..أشبعنى ظلم وحرمان
انا حالة فعلا لها يرثى..حتى نسيت بأنني أنثى
هو: دللتها..
هي: دللتنى..
دمرتــنى انت..اهملتنــــى انت
انت انت عذابى..انت انت همومى
ونسيت قسوته..وقولت له دع الماضي وقبلني
بين ذراعيك انا الكل..فانا لي الحاضر والاتي..
هو: مرالزمان..تغيرت .. تغيرت ..
تمردت.. تمردت .. تجبرت .. تجبرت وتكبرت
صبرى الجميل..تجاوز الصبر
لغه الحوار تحولت جمر..فأن رأتنى جنبها سارحا
فورا تصير امرأه اخرى..
غيرتها مرض يوسوسنى..فعلا احن لذلك الماضي
اطلق سيدى القاضى..اطلـــــق
اطلــــــــق..حرر يديـــــــــــا..
هي: الله على سهراته الكبرى..يوما اراه ويختفى شهرا
عذرا يناقض سيدى عذرا..من بيت صاحبة الى اخرى
فالشلة الأولى أعادته لضلاله..وضياعه الماضي
كن منصفاً سيدي القاضي
المحكمة..
>>>>>>>>>>>>>>>>>>>>>>>>>>>>
كوثر بفضول:هااااا..عمل فيها ايه..
كاظم بتنهيدة:مفيش..نامت..
كوثر بفرحة:من كتر الضرب مش كده..هشام علمها الادب..
كاظم بإرتياح:لأ..هشام مضربهاش..
كوثر بدهشه وغيظ:ايه..امال عمل
ايه..سكت عليها..بعد اللي عملته..
كاظم بخفوت:هشام بيحبها..وهيصلح كل حاجة..
كوثر بغل وحدة:يعني ايه..مش هيربيها..
كاظم بضيق ونفاذ صبر..بقولك ايه..انا اتخنقت منك.. تلمي هدومك
وتروحي علي بيت اهلك..يااما تخرسي بلسانك ومتنطقيش..
كوثر بتوجس:انت بتتكلم جد ياكاظم..
كاظم بجدية ونبره محذرة:ايوة..وانتي عارفة
انا ممكن ارميكي في اي لحظة..فلمي نفسك..
كوثر بقلق:ح..حاضر ياكاظم..
مش هنطق ولا هاجي عند لين..
كاظم بضيق:غوري..انا خارج من هنا..
كوثر بقلق:لاااااااا..شكل كاظم شايفله
واحدة جديدة..انا لازم اهدي شويه..والم الدور..
>>>>>>>>>>>>>>>>>>>>>>>>>>>>>>>>
بعد يومان..
كاظم بقلق:كده مش كويس ياهشام...
هشام بضيق:مش عارف..لا راضية تتكلم ولا حتي تاكل..
كوثر بغل لنفسها:ان شالله تموت..وارتاح منها..
هشام :انا هتصل بنور تجيلها..
كوثر بتعوج:انا طالعة فوق..لتتصل بسعد..
كوثر بغيظ:ايوة ياسعد..لقيت حل..
سعد:لسه ياكوثر..بس انتي مش قولتي
انه لين حبست هشام والبيت مقلوب..
كوثر بغل وكره:ايوة..بس عاملة فيها
المجنونه..وهشام زي الاهبل مصدق..
سعد بتفكير:طيب..بما انها عامله فيها
المجنونه..اقتلي هشام ولبسيها في لين..
كوثر وهي تضرب علي صدرها:يخربيتك..
انت بتقول ايه..مش ممكن..
سعد برفعة حاجب:وليه ان شاء الله..مانتي تقتليه..وتلبسها
لين..ونكسب احنا..فكري فيها..وبتهكم..ولا لسه نفسك فيه..
كوثر بضيق:مش كدة..بس هقتله ازاي..
سعد:حبه سم في الاكل..ونقول سمته لين..هي
مش حبسته وقالت هتموته..يبقي خلاص..
كوثر:طب وهجيب السم ده منين..
سعد:عدي عليا وانا هجيبلك واحد مفعوله فوري..
كوثر علي مضض:طيب..هشوف الظروف واعدي عليك..سلام..
ولنفسها..معلش ياهشام..بس مش هطلع من المولد بلا حمص..
>>>>>>>>>>>>>>>>>>>>>>>>>>>>