ترانيم

3-4

اسعد الله اوقاتكم بكل خير احبتـي 💕..
///// البارت الثـالث /////
#بقلم_الكاتبة_شمس
( شمس السعـدي )

********* #ترانـيــم ***********

في بعض الأحيان وجب عليك أن تجبر نفسك على التأقلم مع الواقع حتى تستطيع ... العيش !!

حتى لو كنت مااعرفوا لعزيز .. لكن موقفو معانا جعلني اشعر بوجودو حولي دائما ..
اتذكر صوتو ونضراتو ..
يعني مو بالضرورة انه يكون في مشاعر لي اتجاههة ..

( هذا كان ردي للينا لما سألتني )
-انتي ليش خايفه عليه وتدعيلو .. رغم ماتعرفي وماعندك مشاعر اتجاهو ؟؟

بقينا بغرفة الجدة ماطلعنا والكل خايف على عزيز ويدعي ..
عدنان .. يعني ليش مكبريها ماخابرتوا ست الهانم .. هسا تلگوه عندها ..
ابو عدنان .. عدنااااان اسكت ..
-وليش اسكت يابة .. لو هذا العزيز الضابط الي رافع راسكم .. تدافعون عنه لو شمايسوي ..
خلص عمرة ببغداد بحجة يدرس .. وبعدها داوم بالفلوجة وبالموصل ..
وخلصها ونسة وانتو تبجون عليه ..
دور راح رافگ وحدة استغفر الله .. وهم سكتوا ..
ومن غير الشقة الي عندة ببغداد الله يعلم شيسوي بيها
وهو مقشمركم بسبحتة وديانته وانتو مصدگين ..

-شقتو .. تذكرت علي لما قال ليش ماخليتهم بالشقه مالتك . يعني اذا عندو شقة ببغداد ليش دزنا لهنا وليش خلانا بالامام بحجة ماكو عندنا هويات مايگدر يأجرلنا بالفندق ..

ساعات احس نفسي اعرفه لكن بنفس الوقت احس اكو غموض بحياته .. معقولة يكون مثل ماقال اخوه ..

لينا .. معقول اكو اخ يكره اخو بهذي الطريقة ..
ترانيم .. اشششش لاتتدخلي مالنا علاقة .

ملكية .. عود هاي انت الجبير وبعد ابوك .. وهيج حاقد وتغار من اخوك ..
لو انت بمكانة هم خفنا عليك .. بس انت مگابلنا وشغلك وي ابوك .. بس اخيك بعيد والوضع تشوفه شلون ..

ابو عدنان .. انت نفسك اذا صار عليه لا سامح شي ماتنقهر وتضوج ؟؟
عدنان .. اي اخوي وانقهر .. بس ليش تتغاضون على اخطائة واحنة لا ..
يعني من اخذ هاي الساقطة محد حجة ..
ملكية .. ولك اخذها غير مالها احد وراد يسترها ..
عدنان .. هههههه لا والله فاعل خير .. باجر يترس البيت الكم بنات بحجة الستر ..
شنو مومن سيد هو ..
ام عدنان .. كافي عدنان .. مااريد گطع بينكم صار ساعه ساكته لان الحجية وابوك يحجون ..
شوف ولد عمك گلب على گلب وانت شلون تحجي على اخوك ..
عزيز جبير وواعي وادري بي مايغلط ..

عدنان .. جا ليش سويتي قيامة من جاب ذني البنات اذا تدرين بي مايغلط ..
ام عدنان .. هذا شي ثاني .. ماانكر ضجت لأن مااعرفهن والوضع يخوف .. بس البنات خطار يومين ويرحن شلي عدهن ..

ايمان .. سبحان المغير الاحوال .. كافي عيني لاتعب روحك خلي يرجع اخوك بالسلامة عود ويصير خير ..