ترانيم

5

#ترانيم
بارت ٥
ﻣﺴﺎﺀ ﺍﻟﻮﺭﺩ ﻭﺍﻟﻘﺪﺍﺡ ﻷﺭﻭﻉ ﻣﺘﺎﺑﻌﻴﻦ 💕
///// ﺍﻟﺒﺎﺭﺕ ﺍﻟﺨـﺎﻣﺲ /////
# ﺑﻘﻠﻢ _ ﺍﻟﻜﺎﺗﺒﺔ _ ﺷﻤﺲ
‏( ﺷﻤﺲ ﺍﻟﺴﻌـﺪﻱ ‏)
********* # ﺗﺮﺍﻧـﻴــﻢ ***********
- ﺍﺷﻨﻮ ﺗﻘﻮﻝ ﺍﻧﺖ ؟؟
ﻣﺴﺘﺤﻴﻞ !!
- ﻟﻴﺶ ﻣﺴﺘﺤﻴﻞ ﺍﺫﺍ ﺑﺎﻟﺞ ﻋﺰﻳﺰ ﻳﺎﺧﺬﺝ ﻻﺗﺼﺪﮔﻴﻦ ﺑﻲ ﻋﺰﻳﺰ ﻣﻮ ﻣﺎﻝ ﻣﺮﺓ ﻭﻣﺴﺆﻭﻟﻴﻪ .. ﻭﺍﺻﻼ ﻋﻨﺪﺓ ﻭﺣﺪﺓ ﺑﺒﻐﺪﺍﺩ ﻣﺨﻠﻴﻬﺎ ﻓﻤﺎﺍﻛﻮ ﺍﻣﺎﻥ ﻭﻳﺎﻩ ..
- ﺍﻧﺖ ﻣﺮﻳﺾ .. ﻭﻣﻦ ﻗﻠﻚ ﺍﻧﺎ ﺍﻓﻜﺮ ﺑﻌﺰﻳﺰ .. ﻋﺰﻳﺰ ﻣﺜﻞ ﺍﺧﻲ ﺍﻧﻘﺬﻧﺎ ﻭﺣﻤﺎﻧﺎ ﻭﻟﻬﻴﻜﻲ ﺍﻧﺎ ﺍﺣﺘﺮﻣﻮ ﻭﺍﻗﺪﺭﻭ ﻣﻮ ﻣﺜﻞ ﻣﺎﺗﻔﻜﺮ ﺍﻧﺖ ..
- ﻻﺗﺘﺴﺮﻋﻴﻦ ﻫﺴﺎ .. ﺍﻧﺘﻀﺮﺝ ﻓﻜﺮﻱ ﻭﺷﻮﻓﻲ ﻭﺍﻟﻠﻪ ﺍﺩﻟﻠﺞ ﺩﻻﻝ ﺍﻧﺘﻲ ﻭﺍﺧﺘﺞ ﻭﺍﺧﻠﻴﺠﻦ ﺑﺒﻴﺖ ﻭﺣﺪﺟﻦ ﻭﺍﻧﺴﻴﺠﻦ ﺍﻟﻲ ﺷﻔﺘﻨﻪ ..
- ﻣﺎﻛﺎﻥ ﻫﺬﺍ ﺭﺃﻳﻚ ﻟﻤﺎ ﺍﺟﻴﻨﺎ .. ﻭﻛﻨﺖ ﺗﻠﻮﻡ ﻋﺰﻳﺰ ﻷﻥ ﺩﺯﻧﺎ ﺍﻟﻌﻨﺪﻛﻢ ..
- ﻣﺎﺟﻨﺖ ﺍﻋﺮﻓﺞ ﺑﺲ ﻫﺬﺍ ﺍﻟﺸﻬﺮ ﺍﻟﻲ ﻋﺸﺘﻲ ﺑﻲ ﻳﻤﻨﺎ ﺗﻌﻠﻘﺖ ﺑﻴﺞ ..
- ﺍﻃﻠﻊ ﻋﺪﻧﺎ .. ﻭﻻ ﺍﻗﻠﻚ ﺍﻧﺎ ﺭﺍﺡ ﺍﻃﻠﻊ .. ﻭﺭﺍﺡ ﺍﻧﺴﻰ ﺍﻟﻜﻼﻡ ﺍﻟﻲ ﻗﻠﺘﻮ ﻣﻮ ﺧﻮﻑ .. ﻻ ﺍﺑﺪﺍ !!
ﻭﺍﻧﻤﺎ ﺍﺣﺘﺮﺍﻡ ﻟﻠﺒﻴﺖ ﺍﻟﻲ ﺃﻭﺍﻧﺎ ﻭﺣﻤﺎﻧﺎ ﻭﺿﻴﻔﻨﺎ ..
ﺗﺮﻛﺘﻮ ﻭﻃﻠﻌﺖ ﻣﻦ ﺍﻟﻐﺮﻓـﺔ .. ﺻﺎﺭﺕ ﺳﺮﺍﺏ ﺩﺣﻘﺖ ﺑﻴﻪ ﻣﺎﻗﺪﺭﺕ ﺍﺧﺒﻲ ﻋﻨﻬﺎ ..
ﺳﺮﺍﺏ .. ﺷﺒﻴﺞ ﺗﺮﻱ ﺍﻛﻮ ﺷﻲ ..
ﺗﺮﺍﻧﻴﻢ .. ﺗﻌﺎﻟﻲ ﻧﻨﺰﻝ ﻟﻠﺤﺪﻳﻘﻪ ﻣﺎﺍﺭﻳﺪ ﺍﺣﺪ ﻳﺴﻤﻌﻨﺎ ..
ﺳﺮﺍﺏ .. ﺧﻮﻓﺘﻴﻨﻲ ﺷﺒﻴﺞ ..
ﻗﻌﺪﻧﺎ ﻉ ﺍﻟﺪﻳﺪﻱ ﻭﻗﻠﺘﻠﻬﺎ .. ﺳﺮﺍﺏ ﺍﻧﺘﻲ ﺗﻌﺮﻓﻴﻨﻲ ﺍﻧﺎ ﻣﺎﺍﺣﺐ ﺍﻟﻜﺬﺏ ﻭﺍﻟﺨﺪﺍﻉ ﻭﻣﺎﺍﺣﺐ ﺍﻧﻜﺮ ﺍﻟﺠﻤﻴﻞ ﻭﺍﺧﻮﻥ ..
ﺍﺻﻼ ﻫﺬﻱ ﺻﻔﺎﺕ ﻣﺎﺗﻨﺎﺳﺒﻨﻲ ﻭﺍﻛﺮﻫﻬﺎ ..
ﺳﺮﺍﺏ .. ﻭﻟﺞ ﺷﻜﻮ ﺧﺒﻠﺘﻨﻲ ﺍﺣﺠﻲ ..
ﺗﺮﺍﻧﻴﻢ .. ﺍﺧﻮﻛﻲ ﻋﺪﻧﺎﻥ .. ﺩﺧﻞ ﻋﻠﻴﻪ ﺑﻐﺮﻓﺔ ﻋﺰﻳﺰ ﻭﻃﻠﺐ ﻳﺘﺰﻭﺟﻨﻲ ..
ﺳﺮﺍﺏ .. ﻋﺰﺍ ﺍﻟﻌﺰﺍﻩ .. ﻭﺍﻟﻠﻪ ﻟﻮ ﺗﺪﺭﻱ ﺑﻲ ﺍﻳﻤﺎﻥ ﺍﻻ ﺗﺤﺮﮔﻪ ﺣﺮﮒ ..
ﺗﺮﺍﻧﻴﻢ .. ﻣﺎﺍﺭﻳﺪ ﺗﺼﻴﺮ ﻣﺸﺎﻛﻞ ﺑﺴﺒﺒﻨﺎ .. ﺍﻧﺎ ﻭﻗﻔﺘﻮ ﻋﻨﺪ ﺣﺪﻭ ﻟﻜﻦ ﻣﺎﺍﻋﺘﻘﺪ ﺭﺍﺡ ﻳﺘﺮﻙ ﺍﻟﻤﻮﺿﻮﻉ ..
ﺍﻧﺎ ﻣﺎﺑﺒﺎﻟﻲ ﻫﺎﻻﻣﻮﺭ .. ﺍﻟﻲ ﻳﻬﻤﻨﻲ ﺗﺴﺘﻘﺮ ﺣﻴﺎﺗﻨﺎ ﻭﺍﻟﻘﻲ ﺍﻫﻠﻲ ﻭﻧﻌﻴﺶ ﺳﻮﺍ ..
ﺳﺮﺍﺏ .. ﻻﺗﺨﺎﻓﻴﻦ ﺍﻧﻲ ﺍﻋﺮﻓﺞ ﺷﻨﻮ ﻭﺍﺧﻮﻱ ﺷﻨﻮ .. ﺍﻧﻲ ﺍﺣﺠﻲ ﻭﻳﺎﻩ ..
ﺧﻠﻴﻨﺎ ﻧﺮﻭﺡ ﻟﻠﻐﺮﻓﻪ ﻭﻧﺎﻣﻲ ﻭﺍﻧﺴﻲ ..
ﻟﻜﻦ ﻣﺎﻗﺪﺭﺕ ﺍﻧﺎﻡ .. ﺍﻛﻴﺪ ﺍﺫﺍ ﺑﻘﻴﺖ ﺍﻛﺜﺮ ﺭﺍﺡ ﺍﺳﺒﺐ ﺍﻟﻬﻢ ﻣﺸﺎﻛﻞ ..
ﻭﺍﻛﻴﺪ ﺭﺍﺡ ﺍﻛﻮﻥ ﺑﻨﻀﺮﻫﻢ ﺍﻧﺴﺎﻧﻪ ﺧﺮﺍﺑﺔ ﺑﻴﻮﺕ ..
ﺍﻟﺮﺏ ﻳﺴﺎﻋﺪﻧـﻲ ﻭﻳﺮﺷﺪﻧﻲ ﻟﻠﻄﺮﻳﻖ ..
ﻗﻤﺖ ﺻﻠﻴﺖ ﻭﺩﻋﻴﺖ ﻭﻃﻠﺒﺖ ﻣﻦ ﺍﻣﻨﺎ ﺍﻟﻌﺬﺭﻯ ﺗﺮﺷﺪﻧﻲ ﺍﺷﻨﻮ ﺍﻋﻤﻞ ..
ﺍﺷﻌﺮ ﻛـﺄﻧﻲ ﻋﻠﻰ ﺳﻔﻴﻨﺔ ﻣﺘﻌﻄﻠﺔ ﺑﻮﺳﻂ ﺑﺤﺮٍ ..
ﻻﺍﻋﺮﻑ ﺍﻟﺴﺒﺎﺣﺔ ﻭﻻ ﺳﺒﻴﻞ ﻟﻠﺮﺟﻮﻉ ؟؟
ﻧﻤﺖ ﺑﻌﺪ ﻣﺎﺗﻌﺒﺖ ﻣﻦ ﺍﻟﺘﻔﻜﻴﺮ .. ﻭﺍﻏﺸﻌﺖ ﺍﺑﻲ ﻓﺮﺣﺖ ﻭﺗﻘﺮﺑﺖ ﺍﻟﻮ ..
ﻟﻜﻦ ﻛﻠﻤﺎ ﺍﺗﻘﺮﺏ ﻳﺒﻌﺪ ﺍﻛﺜﺮ ..
ﺑﻘﻴﺖ ﺍﺻﺮﺥ ﻭﺍﻃﻠﺐ ﻣﻨﻮ ﻳﺎﺧﺬﻧﻲ ﻣﻌﻮ ﻟﻜﻦ ﻣﺎﻗﺒﻞ ﻭﺭﺍﺡ ﻋﻨﻲ ...
ﺍﺍﺍﺍﻩ ﻳﺎﺍﺑﻲ ﻭﻳﻨﻚ ﺍﻧﺖ ﻭﺳﻠﻴﻤﺎﻥ ﻭﻳﻦ ﺭﺣﺘﻮ ﻭﺗﺮﻛﺘﻮﻧﺎ ..
ﺳﻤﻌﺖ ﺻﻮﺕ ﺑﻜﻲ ﻭﺻﺮﺍﺥ ..
ﻓﺰﻋﺖ ﻣﺮﻋﻮﺑﺔ ..
ﺳﺮﺍﺏ ﺑﺴﺮﻋﺔ ﻧﺰﻟﺖ ﺗﺮﻛﺾ ..
ﻭﺍﺣﻨﺔ ﻭﺭﺍﻫﺎ ..
ﺗﻼﻗﻴﻨﺎ ﺍﻧﺎ ﻭﺍﻳﻤﺎﻥ ﻉ ﺍﻟﺒﺎﺏ …
ﺳﺤﺒﺘﻨﻲ ﻭﻗﺎﻟﺖ ..
ﻭﺧﺮﻱ ﻣﻦ ﺷﻔﻨﺎﺟﻦ ﻣﺎﺷﻔﻨﺎ ﺍﻟﺨﻴﺮ ..
ﺣﺘﻰ ﺑﺄﺻﻌﺐ ﺍﻟﻀﺮﻭﻑ ﻭﻫﻲ ﺗﺤﺎﻭﻝ ﺗﻬﻴﻨﺎ
بيج قصص عراقيه حقيقيه من واقعنا.روعه الطائي
ﻧﺰﻟﻨﺎ ﻭﺍﻏﺸﻌﺖ ﺍﻡ ﻋﺪﻧﺎﻥ ﻗﺎﻋﺪﺓ ﺑﻮﺳﻂ ﺍﻟﺒﻴﺖ ﻭﺗﺒﻜﻲ ﻭﺗﻮﻟﻮﻝ ..
ﺍﺑﻨﻲ .. ﻭﻟﻜﻢ ﺍﺑﻨﻲ ﻣﺘﺼﻮﺏ . ﻳﻤﺔ ﺟﻴﺒﻮﻟﻲ ﺍﺑﻨﻲ ..
ﺍﻧﺎ ﺳﻤﻌﺘﻬﺎ ﻗﻌﺪﺕ ﻉ ﺍﻟﺴﻠﻢ .
ﻻ ﻣﺴﺘﺤﻴﻞ ﻳﻜﻮﻥ ﻋﺰﻳﺰ ﺻﺎﺭﻟﻮ ﺷﻲ ..
ﻋﺰﻳﺰ ﻣﺎﻳﻤﻮﺕ ..
ﻋﺰﻳﺰ ﻭﻋﺪﻧﺎ ﻣﺎﻳﺘﺮﻛﻨﺎ ﻟﺤﺎﻟﻨﺎ ..
ﻟﻴﺶ ؟؟
ﺣﺘﻰ ﺍﻻﻧﺴﺎﻥ ﺍﻟﻮﺣﻴﺪ ﺍﻟﻲ ﻟﻤﺎ ﺍﻏﺸﻌﻮﺍ ﺍﻏﺸﻊ ﺍﻻﻣﻞ ﺑﻌﻴﻨﻮ .. ﻳﺮﻭﺡ ﻋﻨﺎ ﻟﻴﺶ ؟؟
ﻗﺤﻄﺎﻥ .. ﺻﺪﮒ ﺟﺬﺏ ﺍﻧﺘﻀﺎﺭ ﺷﺒﻴﺞ .. ﻣﻮ ﮔﺎﻟﺞ ﻋﺰﻳﺰ ﻣﺼﻮﺏ ﺑﺮﺟﻠﺔ ﻣﺎﺑﻲ ﺷﻲ .. ﻋﻠﻴﻤﻦ ﺗﻔﺎﻭﻟﻴﻦ ..
- ﻋﺰﻳﺰ ؟؟ .. ﻟﻜﻦ ﻣﻴﻦ ﻳﻘﺼﺪﻭ ﺗﺼﻮﺏ .. ﻻﻳﻜﻮﻥ ﺍﺧﻮﻫﻢ ﺍﻟﺜﺎﻧﻲ ﺍﻋﺘﻘﺪ ﺍﺳﻤﻮ ﻋﺎﻣﺮ .
ﻣﻠﻜﻴﺔ .. ﻫﻲ ﻣﻦ ﻳﻮﻣﻬﺎ ﺗﻔﺎﻭﻝ ﺑﺎﻟﺸﺮ .. ﻭﺝ ﺍﻧﺘﻲ ﺟﺎﻳﺒﺔ ﺑﻨﺎﺕ ﻟﻮ ﻭﻟﺪ ..
ﺍﺫﺍ ﻣﺎﻳﺪﺍﻓﻌﻮﻥ ﻋﻦ ﻭﻃﻨﻬﻢ ﻭﺑﻠﺪﻫﻢ ﻻﺧﻴﺮ ﺑﻴﻬﻢ ..
ﻓﺨﺮ ﺍﻟﻲ ﻣﻦ ﺍﺷﻮﻑ ﻭﻟﺪﻱ ﻳﻘﺎﺗﻠﻮﻥ ﻭﻳﺪﺍﻓﻌﻮﻥ ..
ﺍﻡ ﻋﺪﻧﺎﻥ .. ﺍﻱ ﺣﻘﺞ ﻋﻤﺔ ﻣﺎﺿﺎﻳﮕﺔ ﺍﻟﻠﻮﻋﺔ .
ﻣﻠﻜﻴﺔ .. ﻭﺍﻟﻠﻪ ﺗﺮﻳﺪﻧﻲ ﺍﻛﺴﺮ ﺍﻟﻌﺼﺎ ﻋﻠﻴﻬﺎ ﻭﻟﺢ ﻣﻨﻮ ﺍﻟﺮﺑﺎﻫﻢ ﻏﻴﺮﻱ .. ﻫﺎﻱ ﻻﻥ ﺟﺒﺘﻴﻬﻢ ﺻﺮﺗﻲ ﺗﺨﺎﻓﻴﻦ ﻋﻠﻴﻬﻢ ﺍﻛﺜﺮ ﻣﻨﻲ ..
ﺍﻡ ﻋﺪﻧﺎﻥ .. ﺭﻭﺡ ﺟﻴﺒﻮ ﺍﺧﻮﻛﻢ ﺷﻤﻨﺘﻀﺮﻳﻦ . ﺍﺭﻳﺪ ﺍﺷﻮﻑ ﺍﺑﻨﻲ ﻟﻮ ﺍﺧﺬﻭﻧﻲ ﺍﻟﻪ ..
ﺍﺑﻮ ﻋﺪﻧﺎﻥ .. ﮔﻮﻣﻲ ﺑﺪﻟﻲ ﻳﻠﻪ ..
ﻭﺍﻧﺖ ﻋﺪﻧﺎﻥ ﺟﻬﺰ ﺍﻟﺴﻴﺎﺭﺓ ﻭﻻﺗﻘﻠﻘﻮﻥ ﻋﻤﺎﻣﻜﻢ ﻭﻋﻤﺎﺗﻜﻢ . ﻧﺸﻮﻑ ﺍﻟﺴﺎﻟﻔﻪ ﺷﻨﻮ ﻭﻧﺨﺎﺑﺮﻛﻢ ﻭﺍﺻﻼ ﻋﺰﻳﺰ ﻳﻤﺔ ﻭﻳﻄﻤﻨﺎ ﺍﻭﻝ ﺑﺄﻭﻝ ..
ﻭﺍﻧﺖ ﻋﻠﻲ ﺑﻮﻳﺔ ﺍﻟﺸﻐﻞ ﺑﻴﺪﻙ ﻣﻮ ﺗﻌﻮﻓﻪ ﻭﺗﻨﺎﻡ ﻟﻠﻈﻬﺮ ﺗﺮﻯ ﺍﺧﺎﺑﺮ ﺍﺑﻮ ﻓﻼﺡ ﻭﺍﺳﺄﻟﻪ ..
ﻣﻠﻜﻴﺔ .. ﺭﻭﺡ ﺷﻮﻑ ﻋﺎﻣﺮ ﻭﻃﻤﻨﺎ ﻋﻠﻴﻪ ﻭﻻﺗﺸﻴﻞ ﻫﻢ ﺍﻟﺸﻐﻞ ﺍﻧﻲ ﻫﻨﺎ ﻭﺷﻮﻳﻪ ﻭﺍﺧﺎﺑﺮ ﻛﺮﻳﻢ ﻳﺮﻭﺡ ﺑﻤﻜﺎﻧﻚ ..
ﺳﻠﻤﻮﺍ ﻭﺭﺍﺣﻮﺍ .. ﻭﺍﻟﻜﻞ ﻳﺪﻋﻲ ﺑﺴﻼﻣﺘﻮ ..
ﻟﻴﻨﺎ .. ﺑﻌﺪﻧﻲ ﻧﻌﺴﺎﻧﻪ ..
ﺗﺮﺍﻧﻴﻢ .. ﺍﺷﺸﺸﺶ ﻣﺎﺗﻐﺸﻌﻴﻦ ﺍﻟﻨﺎﺱ ﻣﻘﻬﻮﺭﺓ ﻋﻠﻰ ﺍﺑﻨﻬﻢ ﻭﺍﻧﺘﻲ ﺗﻔﻜﺮﻳﻦ ﺑﺎﻟﻨﻮﻡ ..
ﻗﻤﺖ ﺍﺳﺎﻋﺪ ﺳﺮﺍﺏ ﺑﺎﻟﺸﻐﻞ ﻭﻛﻞ ﺷﻮﻳﺔ ﺩﺍﺧﻠﺔ ﻭﺣﺪﺓ ﻣﻦ ﺍﻗﺮﺑﺎﺋﻬﻢ ﻭﻋﻤﺎﺗﻬﻢ .
ﻳﺒﻜﻮ ﻭﻳﺪﺧﻠﻮ ﻟﻐﺮﻓﺔ ﺍﻟﺠﺪﺓ ..
ﺩﺧﻠﺖ ﺍﺳﺮﺍﺀ ﻣﻦ ﻏﻴﺮ ﺳﻼﻡ ..
- ﻭﻟﺞ ﻣﺎﺗﻌﺮﻓﻴﻦ ﺗﮕﻮﻟﻴﻦ ﺗﺨﺎﺑﺮﻳﻦ . ﻟﻮ ﺍﻧﻲ ﻣﻮ ﺍﺧﺘﻪ .
ﺳﺮﺍﺏ .. ﻫﻮ ﺍﺣﻨﺔ ﺷﻔﻨﺎ ﺩﺭﺑﻨﺎ .. ﺑﺴﺮﻋﻪ ﺑﺴﺮﻋﻪ ﺭﺍﺣﻮﺍ ﻭﻳﻦ ﺍﻟﻨﺎ ﺧﻠﮓ ﻧﺨﺎﺑﺮ ﻭﻧﺤﺠﻲ ..
ﺩﺧﻠﺖ ﺍﺑﻨﻬﺎ ﺍﻟﻐﺮﻓﺔ ﺍﻫﻠﻬﺎ . ﻭﺭﺍﺣﺖ ﻋﻨﺪ ﺟﺪﺗﻬﺎ ..
ﺍﻧﺎ ﺍﻟﻠﻴﻞ ﻛﻠﻮ ﻣﺎﻧﻤﺖ ﻭﺗﻌﺐ ﻭﺍﺭﻕ ﺣﺴﻴﺖ ﺑﻨﻌﺎﺱ ..
- ﺳﺮﺍﺏ ﺍﻧﺎ ﺭﺍﺡ ﺍﺻﻌﺪ ﻓﻮﻕ ..
- ﻭﻣﺎﺗﺘﻐﺪﻳﻦ ..
- ﻻ ﻣﺎﺍﺭﻳﺪ ﻭﺍﻧﺘﻮ ﺑﺄﻱ ﺣﺎﻝ .
- ﻗﺎﺑﻞ ﻧﻤﻮﺕ ﻣﻦ ﺍﻟﺠﻮﻉ ﺷﺎﻳﻔﺘﻬﻦ ﺫﻧﻲ ﺍﻟﻲ ﺿﺎﻳﺠﺎﺕ ﻭﻛﺖ ﻣﺎﻧﺨﻠﻲ ﺍﻟﺴﻔﺮﺓ ﺻﺪﮔﻴﻨﻲ ﻛﻠﻬﻦ ﻳﮕﻌﺪﻥ ﻳﺎﻛﻠﻦ ﻭﻳﻨﺴﻦ
ﻋﻴﻨﻲ ﻭﻛﺖ ﺍﻟﺒﻄﻮﻥ ﺗﻌﻤﻰ ﺍﻟﻌﻴﻮﻥ ..
- ﻫﻬﻬﻬﻬﻬﻪ ﻣﺎﺍﻋﺮﻑ ﻣﻨﻴﻦ ﺗﻘﻮﻟﻲ ﻫﺎﻟﻜﻼﻡ ..
- ﻫﻬﻬﻬﻬﻬﻪ ﻫﻮ ﺍﻟﻲ ﻳﮕﻌﺪ ﻳﻢ ﺍﻟﺤﺠﻴﺔ ﻣﻠﻜﻴﻪ ﻛﻠﺸﻲ ﻳﺘﻌﻠﻢ .
ﺍﺩﺭﻱ ﺗﻌﺒﺘﺞ ﺍﻟﻴﻮﻡ ﻭﻳﺎﻱ ﺑﺲ ﺷﺄﺳﻮﻱ ﻫﺎﻱ ﻣﺮﺕ ﺍﺧﻮﻱ ﺍﻟﺸﻔﻴﺔ ﺳﻮﺕ ﺭﻭﺣﻬﺎ ﺿﺎﻳﺤﺔ ﻭﮔﺎﺑﻠﺖ ﺍﻣﻬﺎ ﻭﺍﺧﺘﻬﺎ ﻭﻋﺎﻓﺘﻨﻲ ﻭﺣﺪﻱ ..
ﺭﻭﺣﻲ ﻧﺎﻣﻲ ﺑﺲ ﻫﺎﺍﺍ ﺍﻣﺸﻲ ﺑﻐﺮﻓﺔ ﻋﺰﻳﺰ ﻧﺎﻣﻮ ﺍﻧﺘﻲ ﻭﻟﻴﻨﺎ ﺍﺣﺴﻦ ﺑﺎﺭﺩﺓ ﻭﻫﺪﻭﺀ ..
ﻷﻥ ﻏﺮﻓﺘﻨﺎ ﺭﺍﺡ ﻫﺴﺎ ﺗﺼﻌﺪ ﻋﻤﺘﻲ ﺍﺑﺘﺴﺎﻡ ﻭﺍﻭﻻﺩﻫﺎ ﻣﺎﻳﺨﻠﻮﺟﻦ ﺗﻨﺎﻣﻦ
ﺻﻌﺪﻧﺎ ﻟﻐﺮﻓﺔ ﻋﺰﻳﺰ ..
ﻟﻴﻨﺎ ﻣﺎﺻﺪﻗﺖ ﺭﺍﺣﺖ ﻉ ﺍﻟﺴﺮﻳﺮ ﻭﻧﺎﻣﺖ ..
- ﺍﺍﺍﺍﺍﻩ ﺍﻟﻲ ﻳﺸﻮﻓﻨﻲ ﻳﻘﻮﻝ ﺳﻨﻴﻦ ﻣﺎﻧﺎﻳﻤﺔ ..
ﺗﺮﺍﻧﻴﻢ .. ﻣﻴﻦ ﻗﻠﻚ ﻻﺗﻨﺎﻣﻲ .. ﻭﺗﺴﻬﺮﻱ ..
ﻟﻴﻨﺎ .. ﻟﻮ ﻳﻤﻲ ﻛﺎﻧﺖ ﺻﺮﺧﺖ ﻋﻠﻴﻨﺎ ﻭﻗﺎﻟﺖ ﻧﺎﻣﻲ ﻣﻦ ﻭﻗﺖ ﻭﺣﺎﻓﻈﻮ ﻋﻠﻰ ﺻﺤﺘﻜﻢ ..
ﻭﺗﻐﻠﻖ ﺍﻟﺘﻠﻔﺰﻳﻮﻥ ﺳﺎﻋﻪ ﺗﺴﻌﻪ ﺣﺘﻰ ﻧﻨﺎﻡ .
- ﻻﺗﺬﻛﺮﻳﻨﻲ ﺍﻟﺮﺏ ﻳﺠﻤﻌﻨﺎ ﺑﻴﻬﻢ ﻭﻳﻦ ﻣﺎﻳﻜﻮﻧﻮ ..
ﻧﺎﻣﺖ ﻟﻴﻨﺎ ﺑﺴﺮﻋﺔ ..
ﻭﺍﻧﺎ ﺑﻘﻴﺖ ﺍﺗﺼﻔﺢ ﻓﻲ ﺍﻟﻔﻴﺴﺒﻮﻙ ﻭﺍﺧﺬ ﻣﻌﻠﻮﻣﺎﺕ ﻋﻦ ﺍﻟﻨﺎﺯﺣﻴﻦ ﻟﻠﺠﻨﻮﺏ ﻭﺍﻟﻤﻨﺎﻃﻖ ﺍﻟﻮﺳﻄﻰ ﻭﻭﻳﻦ ﻳﻘﻌﺪﻭﺍ ..
ﻭﺧﺎﺻﻪ ﻓﻲ ﺍﻟﻌﻤﺎﺭﺓ ..
ﺩﺧﻠﺖ ﺳﺮﺍﺏ ﻭﻣﻌﺎﻫﺎ ﺻﻴﻨﻴﻪ ﺍﻛﻞ .
- ﻫﺎﻱ ﺷﻨﻮ ﻟﻴﻨﺎ ﻧﺎﻣﺖ ؟؟
- ﺍﻱ ﻣﻦ ﺍﻟﺴﻬﺮ ﻣﺎﺗﺤﻤﻠﺖ ؟؟
- ﻫﻤﺰﻳﻦ ﺑﻌﺪﺝ ﻣﺎﻧﺎﻳﻤﺔ ﺗﻌﺎﻟﻲ ﺗﻐﺪﻱ ﻭﮔﻌﺪﻱ ﻟﻴﻨﺎ .. ﺟﺪﺗﻲ ﺭﺯﻟﺘﻨﻲ ..
- ﻟﻴﺶ ..
- ﮔﺎﻟﺖ ﺷﻠﻮﻥ ﺗﺨﻠﻴﻬﻦ ﻳﻨﺎﻣﻦ ﺑﻼ ﺍﻛﻞ ﻓﻮﮒ ﻣﺎﻣﺘﻌﺒﺎﺕ ﺍﻟﺒﺘﻴﻪ ﺗﺸﺘﻐﻞ ﻭﺗﻨﻀﻒ ﺍﻟﺠﻦ ..
ﻣﺎﺗﺤﻄﻦ ﻟﮕﻤﺔ ﺑﺤﻠﮕﺠﻦ ﺍﺫﺍ ﻣﺎﻳﺎﻛﻠﻦ .
ﺗﺮﺍﻧﻴﻢ .. ﺍﻟﺮﺏ ﻳﺤﻔﻈﻬﺎ ﺷﻘﺪ ﺣﺒﻴﺘﻬﺎ ..
ﺳﺮﺍﺏ .. ﺍﻱ ﻭﺍﻟﻠﻪ ﺑﻼﻫﺎ ﻛﻠﻨﺎ ﻧﻀﻴﻊ ﻫﻲ ﺍﻟﻲ ﺟﺎﻣﻌﺘﻨﺎ .. ﺍﻟﻠﻪ ﻳﺤﻔﻈﻬﺎ ﺍﻟﻨﺎ ..
ﻳﻠﻪ ﮔﻌﺪﻱ ﻟﻴﻨﺎ ﺗﺎﻛﻞ .
ﺗﺮﺍﻧﻴﻢ .. ﻻ ﺍﺗﺮﻛﻴﻬﺎ ﺧﻠﻴﻬﺎ ﻟﻤﺎ ﺗﻘﻌﺪ ﻻﺗﺮﻭﺡ ﻧﻮﻣﺘﻬﺎ . ﺍﻧﺘﻲ ﺍﻗﻌﺪﻱ ﻣﻌﺎﻱ ﺍﻛﻠﻲ ﻣﺎﺍﻋﺮﻑ ﺍﻛﻞ ﻟﻮﺣﺪﻱ ..
ﺳﺮﺍﺏ .. ﻭﺍﻟﻮﺍﺩﻡ ﺍﻟﺠﻮﺓ ﻛﻞ ﺷﻮﻳﻪ ﺻﺎﻳﺤﻴﻨﻲ ..
ﺗﺮﺍﻧﻴﻢ .. ﺳﺮﻭﺭ ﻭﺍﻳﻤﺎﻥ ﻣﻮﺟﻮﺩﺍﺕ . ﺻﺪﻗﻴﻨﻲ ﻣﺎﺍﻛﻞ .
ﺳﺮﺍﺏ . ﻻﻋﻴﻨﻲ ﺧﻠﻴﻨﻲ ﺍﮔﻌﺪ ﻭﻳﻦ ﻻﮔﻴﻪ ﻫﻴﺞ ﮔﻌﺪﺓ ﻭﺑﻐﺮﻓﺔ ﺣﻀﺮﺓ ﺍﻟﻀﺎﺑﻂ ..
ﻟﻮ ﻳﺪﺭﻱ ﻧﺎﻛﻞ ﺑﻴﻬﺎ ﺍﻻ ﻳﺘﺨﺒﻞ ﻳﻤﻮﺕ ﻣﻦ ﺭﻳﺤﺔ ﺍﻻﻛﻞ ﺑﻐﺮﻓﺘﻪ ﺣﺮﻳﺺ ﻋﻠﻰ ﻛﻠﺸﻲ ﺑﻴﻬﺎ .
ﺗﺬﻛﺮﺕ ﻟﻤﺎ ﻛﻨﺎ ﺑﺎﻟﻤﻮﺻﻞ ﻭﺍﺷﻨﻮ ﺳﻮﺓ ﻟﻤﺎ ﺣﺎﻭﻟﺖ ﺍﺩﺧﻞ ﻏﺮﻓﺘﻮ .. ﻃﻴﺐ ﻟﻴﺶ ﻫﺴﺎ ﺳﻤﺤﻠﻲ ؟؟
ﻛﻤﻠﻨﺎ ﺍﻛﻞ ﻭﺭﺣﺖ ﻧﻤﺖ ﻣﻊ ﻟﻴﻨﺎ .. ﻓﺘﺤﺖ ﺍﻟﻤﻮﺑﺎﻳﻞ ﻭﻛﻨﺖ ﻣﺘﺮﺩﺩﺓ ﺍﺗﺼﻞ ﻋﻠﻴﻪ ﺍﻭ ﻻ ..
ﻳﻤﻜﻦ ﻣﺸﻐﻮﻝ ﻭﻣﺎﻳﻘﺪﺭ . ﺍﻭ ﻋﻨﺪﻭ ﻫﺠﻮﻡ ﺍﻭ ﻭﺍﺟﺐ ..
ﺍﺧﺎﻑ ﺍﺷﻐﻠﻮ ﻭﻳﺼﻴﺮﻟﻮ ﺷﻲ ..
ﺍﺧﺮ ﺷﻲ ﺗﺠﺮﺃﺕ ﻭﻛﺘﺒﺘﻠﻮ ﺭﺳﺎﻟﺔ ..
ﺷﻠﻮﻧﻚ ﻋﺰﻳﺰ ﻛﻴﻔﻮ ﻋﺎﻣﺮ ﺍﻟﺮﺏ ﻳﺸﻔﻴﻪ ..
ﺷﻘﺪ ﺯﻋﻠﺖ ﻟﻤﺎ ﺳﻤﻌﺖ .. ﺍﻟﺮﺏ ﻳﺤﻔﻈﻜﻢ ﻭﺗﺮﺟﻌﻮ ﺳﺎﻟﻤﻴﻦ
ﺍﻭﻝ ﻣﺎﺭﺳﻠﺘﻬﺎ ﺍﺗﺼﻞ ﺑﺴﺮﻋﻪ ..
ﺑﻘﻴﺖ ﻣﺘﺮﺩﺩﺓ ﺍﺭﺩ ﺍﻭ ﻻ ..
ﻫﻔﻔﻔﻒ ﺭﺩﻳﺖ ﻭﺭﺗﺒﺖ ﺣﺎﻟﻲ ﻭﺍﺳﺘﻘﻤﺖ ﺑﺠﻠﺴﺘﻲ ﻭﻛﺄﻧﻪ ﻳﻐﺸﻌﻠﻲ ﺍﻭ ﻗﺎﻋﺪ ﻗﺪﺍﻣﻲ ..
ﻣﺎﺍﮔﺪﺭ ﺍﻛﺘﺐ .. ﺑﺲ ﺣﺒﻴﺖ ﺍﻃﻤﻨﺞ .
ﺷﻠﻮﻧﺞ ﺑﺎﻻﻭﻝ .. ﻣﺮﺗﺎﺣﺔ ﺍﻥ ﺷﺎﺀ ﺍﻟﻠﻪ . ﻭﻟﻴﻮﻥ ﺷﻠﻮﻧﻬﺎ
- ﻟﻴﻮﻥ؟؟
- ﺍﻱ ﺻﺪﻳﻘﺘﻲ ﻟﻴﻮﻥ ﻟﻴﺶ ﺿﺠﺘﻲ ؟؟
- ﻻ ﺍﻛﻴﺪ ﻟﻴﺶ ﺍﺿﻮﺝ ..
- ﻻﻥ ﺩﻣﻬﺎ ﺧﻔﻴﻒ ﻭﻣﻮ ﻣﺜﻠﺞ ..
- ﺍﻣﻤﻤﻤﻤﻢ ﺗﺘﻬﻨﻰ .. ﺍﻧﺎ ﺑﺨﻴﺮ ﻭﻫﻲ ﺑﺨﻴﺮ ﺍﻟﻤﻬﻢ ﺍﺧﻮﻙ ﺷﻠﻮﻧﻮ ..
- ﺍﻟﺤﻤﺪ ﻟﻠﻪ ﻫﺴﺎ ﻛﻞ ﺷﻮﻳﻪ ﺍﺧﺎﺑﺮ ﻭﺍﻫﻠﻲ ﻳﻤﺔ .
- ﺍﻟﺮﺏ ﻳﺸﻔﻴﻪ . ﺍﻋﺘﺬﺭ ﻻﻥ ﺷﻐﻠﺘﻚ ..
- ﻻ ﺑﺎﻟﻌﻜﺲ ﺟﻨﺖ ﻣﺎﺧﺬ ﺍﺳﺘﺮﺍﺣﺔ .
- ﺍﻣﻤﻤﻢ ﺧﻠﻴﻚ ﺗﺮﺗﺎﺡ ﺑﺎﺍﺍﻱ ..
- ﺍﺩﺭﻱ ﺗﺮﺩﻳﻦ ﺗﻨﻬﺰﻣﻴﻦ ﻳﻠﻪ ﻋﻤﻲ ﻣﺎﺍﺧﺮﺝ .. ﺳﻠﻤﻴﻠﻲ ﻉ ﺍﻻﻫﻞ ﻛﻠﻬﻢ ..
ﻏﻠﻘﺘﻮ ﻭﻏﻤﻀﺖ ﻋﻴﻨﻲ ﻭﺍﺧﺬﺕ ﻧﻔﺲ ..
ﺧﻠﻴﺖ ﺭﺍﺳﻲ ﺟﻮﺓ ﺍﻟﻤﺨﺪﺍ ﻭﻧﻤﺖ ..
ﺻﺤﻴﺖ ﻋﻠﻰ ﺻﻮﺕ ﺍﻳﻤﺎﻥ ..
- ﻭﺍﻟﻠﻪ ﻋﻴﻨﻲ ﻣﺎﺧﺬﺍﺕ ﺭﺍﺣﺘﺠﻦ ﺑﻐﺮﻓﺔ ﻋﺰﻳﺰ .. ﻣﻮﮔﻠﻨﺎ ﻣﺎﻳﻘﺒﻞ ﺍﺣﺪ ﻳﺪﺧﻞ ﻏﺮﻓﺘﺔ
بيج قصص عراقيه حقيقيه من واقعنا.روعه الطائي
ﺳﺤﺒﺖ ﺷﻌﺮﻱ ﻟﻮﺭﻯ .. ﻭﻟﻔﻴﺘﻮ ﻭﻫﻲ ﺗﺪﺣﻖ ﺑﻴﻪ ﻭﺍﺧﺘﻬﺎ ﺑﺎﻟﺒﺎﺏ ﻭﺍﻗﻔﺔ ..
ﻭﻗﻠﺖ .. ﻋﺰﻳﺰ ﻫﻮ ﺍﻟﻲ ﺳﻤﺤﻠﻨﺎ ﻧﺪﺧﻞ ﻏﺮﻓﺘﻮ ﺍﺳﺄﻟﻲ ﺳﺮﺍﺏ ﺍﺫﺍ ﻣﺎﺗﺼﺪﻗﻲ ..
ﺳﻮﺯﺍﻥ .. ﺟﺬﺍﺑﺔ ﻋﺰﻳﺰ ﻣﺴﺘﺤﻴﻞ ﻳﺨﻠﻲ ﺍﺣﺪ ﻳﺪﺧﻞ ﻏﺮﻓﺘﻪ .
ﺗﺮﺍﻧﻴﻢ .. ﻭﺍﻟﻤﻄﻠﻮﺏ ﺍﺷﻨﻮ ؟؟
ﺍﻳﻤﺎﻥ .. ﺗﻄﻠﻌﻴﻦ ﻭﺍﻧﻲ ﺍﮔﻮﻝ ﻫﺬﻧﻲ ﺭﺍﺣﻦ ﺍﻟﺒﻴﺖ ﻛﻠﻪ ﺩﻭﺭﺗﺔ ﻣﺎﻛﻮ ﺗﺎﻟﻲ ﻫﻨﺎ ..
ﺳﻮﺯﺍﻥ .. ﮔﻮﺓ ﺗﺬﺏ ﺭﻭﺣﻬﺎ ﻋﻠﻴﻪ ﺗﻮﺭﻁ ﻧﻘﺬﻫﻦ ..
ﺗﺮﺍﻧﻴﻢ .. ﺍﻋﺘﺬﺭ ﺗﻌﺒﺘﻜﻢ ﻣﻌﺎﻱ ﻭﺍﻧﺘﻮ ﺗﺪﻭﺭﻭ ﺍﻟﺒﻴﺖ ﻛﻠﻮ ﻫﻴﻜﻲ ﺍﻧﺎ ﻣﻬﻤﺔ ﻋﻨﺪﻛﻢ ..
ﺍﻳﻤﺎﻥ .. ﻣﺎﻳﻨﮕﺪﺭﻟﺞ ﻋﺮﻣﺔ ..
ﺗﺮﺍﻧﻴﻢ .. ﻭﻟﻮ ﻣﺎﺍﻓﻬﻤﺖ ﻟﻜﻦ ﺷﻜﺮﺍ ﺍﻟﻜﻲ ..
ﺻﺤﻴﺖ ﻟﻴﻨﺎ ﺑﻬﺪﻭﺀ . ﻟﻴﻨﺎ ﺣﺒﻴﺒﺘﻲ ﻗﻮﻣﻲ ﺻﺎﺭ ﺍﻟﻌﺼﺮ ..
ﻟﻴﻨﺎ .. ﺍﻣﻤﻤﻢ ﺍﺷﻨﻮ ﺑﻜﻢ ﺗﺘﻨﺎﻗﺮﻭﻥ ..
ﺗﺮﺍﻧﻴﻢ .. ﻻ ﺣﺒﻴﺒﺘﻲ ﻣﺎﻧﺘﻨﺎﻗﺮ ﺍﻟﺒﻨﺎﺕ ﻳﻀﺤﻜﻮ ﻣﻌﺎﻱ ..
ﻧﺴﻴﺖ ﺍﻗﻠﻚ ﻋﺰﻳﺰ ﺍﺗﺼﻞ ﻳﺴﺄﻝ ﻋﻨﻜﻲ ..
ﻟﻴﻨﺎ .. ﺻﺪﻕ ﻭﺍﺷﻠﻮﻧﻮ ﺍﺧﻮ ..
ﺗﺮﺍﻧﻴﻢ .. ﺑﺨﻴﺮ .. ﻳﻠﻪ ﻗﻮﻣﻲ ..
ﺳﻮﺯﺍﻥ .. ﺍﻭﮔﻔﻲ ﻋﻠﻴﻤﻦ ﺧﺎﺑﺮﺝ ﻋﺰﻳﺰ ..
ﺍﺷﺮﺗﻠﻬﺎ ﺑﺎﻟﻤﻮﺑﺎﻳﻞ .
ﺑﻬﺬﺍ ﺍﺷﺘﺮﺍﻩ ﺍﻟﻲ ﻋﺰﻳﺰ ..
ﻛﺎﻧﻮ ﻳﺪﺣﻘﻮ ﺍﻟﺒﻌﺾ ﻣﺴﺘﻐﺮﺑﻴﻦ .. ﻭﻃﻠﻌﻨﺎ ﺍﻧﺎ ﻭﻟﻴﻨﺎ .
ﺑﺤﻴﺎﺗﻲ ﻣﺎﺍﺣﺐ ﺍﺗﻌﺎﻣﻞ ﻣﻊ ﺍﺣﺪ ﻫﻴﻜﻲ ﻟﻜﻦ ﻫﻢ ﺟﺒﺮﻭﻧﻲ ﺑﺘﺼﺮﻓﺎﺗﻬﻢ ﻣﻌﻲ ..
ﻧﺰﻟﺖ ﻭﺍﻧﺎ ﺿﺎﻳﺠﺔ ﻭﻣﻘﻬﻮﺭﺓ ﻟﻜﻦ ﻣﺎﺑﻴﻨﺖ ﻷﺣﺪ ﺍﻟﻲ ﻓﻴﻬﻢ ﻳﻜﻔﻲ ..
ﻛﺎﻧﺖ ﺳﺮﺍﺏ ﺗﺤﻀﺮ ﺳﺮﻳﺮ ﺍﻟﻌﺎﻣﺮ ﺑﺎﻻﺳﺘﻘﺒﺎﻝ ..
ﺩﺧﻠﺖ ﺍﻟﻬﺎ ..
- ﺗﺤﺘﺎﺟﻲ ﻣﺴﺎﻋﺪﺓ ؟؟
- ﺻﺢ ﺍﻟﻨﻮﻡ .. ﻫﻠﻜﺘﻨﻲ ﺟﺪﺗﻲ ..
ﮔﻮﻣﻲ ﺍﮔﻌﺪﻱ ﻧﻀﻔﻲ ﺭﺗﺒﻲ .. ﻋﺒﺎﻟﻚ ﺍﻭﻝ ﻣﺮﺓ ﻧﻨﻀﻒ ﻭﺩﻭﺭ ﺫﻧﻲ ﺍﻟﺒﻨﺎﺕ ﻛﻠﻬﺎ ﻣﺴﻄﺮﺓ ﻣﺎﻳﮕﻮﻣﻦ ﻳﺴﺎﻋﺪﻧﻲ ..
ﺣﺘﻰ ﻣﺎﻟﺤﮕﺖ ﺍﺧﺎﺑﺮ ﺍﻫﻠﻲ ﺍﺳﺄﻝ ﻋﻠﻴﻬﻢ ..
- ﺍﺗﺼﻞ ﻋﺰﻳﺰ ﻭﻃﻤﻨﻲ ﻭﺍﻫﻠﻚ ﻋﻨﺪﻭ .
- ﻋﺰﻳﺰ ﺍﺗﺼﻞ ﺑﻴﺞ .. ﺍﺣﻢ ﺍﺣﻢ ..
- ﺍﺷﻨﻮ ﺗﻘﺼﺪﻱ ؟؟
- ﺍﻧﺘﻲ ﺍﻟﺬﻛﻴﻪ ﻣﺎﻟﮕﻔﺘﻴﻬﺎ ..
- ﻓﻬﻤﺖ ﻗﺼﺪﻙ ﺑﺲ ﺍﻟﻲ ﻓﻲ ﺑﺎﻟﻜﻲ ﻣﺴﺘﺤﻴﻞ ﻳﺼﻴﺮ ﻻﻣﻦ ﺟﻬﺘﻲ ﻭﻻﻣﻦ ﺟﻬﺘﻮ ..
- ﺍﻱ ﻫﻢ ﺻﺪﮒ ﺍﻟﻨﺎﺱ ﻣﺎﺗﺮﺣﻢ ﻭﺍﻧﺘﻲ ﻣﻦ ﻃﺎﺋﻔﻪ ﻭﻫﻮ ﻣﻦ ﻃﺎﺋﻔﺔ .. ﻭﻟﻮ ﺍﻧﻲ ﺍﺷﻮﻓﺞ ﺍﻧﺘﻲ ﻭﻋﺰﻳﺰ ﻣﺨﻠﻮﻗﻴﻦ ﺍﻟﺒﻌﺾ ..
ﺿﺤﻜﺖ ﻻﺍﺭﺍﺩﻳﺎ .. ﺍﻧﺘﻲ ﺍﺷﺒﻴﻜﻲ ﺳﺮﺍﺏ ﻧﺎﻗﺼﻚ ﺗﺴﻮﻳﻠﻨﺎ ﻋﺮﺱ .. ﺍﻧﺎ ﻣﺎﺗﻬﻤﻨﻲ ﻃﺎﺋﻔﻪ .. ﻭﺣﺘﻰ ﺍﺑﻲ ﻛﺎﻥ ﻳﻘﻮﻝ ﺍﻟﺤﺐ ﻣﺎﻳﻌﺮﻑ ﺩﻳﻦ ﺍﻭ ﻃﺎﺋﻔﻪ ﻣﻌﻴﻨﺔ ..
ﻟﻜﻦ ﺍﻧﺎ ﺍﻗﺼﺪ ﺍﻧﻪ ﻣﺴﺘﺤﻴﻞ ﺍﻓﻜﺮ ﺍﺭﺗﺒﻂ ﺍﻭ ﺍﺣﺐ ﺍﻻ ﺍﺫﺍ ﻟﻘﻴﺖ ﺍﻫﻠﻲ ..
ﻭﺍﻧﺎ ﺍﻏﺸﻊ ﻋﺰﻳﺰ ﻣﻮ ﻣﻨﺎﺳﺐ ﻟﻲ .. ﺍﺣﺴﻮ ﻏﺎﻣﺾ ﻭﻋﻨﺪﻭ ﺍﺳﺮﺍﺭ ﻭﺍﻧﺎ ﺍﺣﺐ ﺍﺭﺗﺒﻂ ﺑﺄﻧﺴﺎﻥ ﻭﺭﻗﺔ ﺑﻴﻀﻪ ﻗﺪﺍﻣﻲ . .
- ﻳﺎﺧﻴﺔ ﻭﻫﺬﺍ ﻭﻳﻦ ﺗﻠﮕﻴﻪ ﺑﺎﻟﻌﺮﺍﻕ ﺍﻟﻌﻈﻴﻢ .. ﻭﺑﻌﺪﻳﻦ ﺍﺧﻮﻱ ﻃﻴﺐ ﻣﻌﻠﻴﺞ ﺑﺎﻟﻜﻼﻡ ﺍﻟﻲ ﻳﻨﮕﺎﻝ ﻋﻠﻴﻪ ..
- ﻻ ﺳﺮﺍﺏ ﻻﺗﺘﻮﻗﻌﻲ ﺍﻧﻲ ﺍﻧﺘﻘﺺ ﻣﻨﻮ ﺍﻭ ﺍﻗﻠﻞ ﻣﻦ ﺷﺨﺼﻴﺘﻮ ﺑﺎﻟﻌﻜﺲ ..
ﻫﻮ ﺍﻧﺴﺎﻥ ﺷﻬﻢ ﻭﺻﺎﺣﺐ ﻏﻴﺮﺓ ﻋﻠﻰ ﺑﻨﺎﺕ ﺑﻠﺪﻭ .. ﺍﻟﺮﺏ ﻳﺤﻔﻈﻮ ﻟﺤﺒﻴﺒﺘﻮ ..
- ﺑﺲ ﻋﺰﻳﺰ ﻣﺎﻳﺤﺐ ﻫﻲ ﻭﺣﺪﺓ ﻭﺭﺍﺣﺖ ﻭﺗﺮﻛﺘﻪ ..
- ﻟﻴﺶ ؟؟
- ﻛﺎﻥ ﺑﺒﻐﺪﺍﺩ ﻳﺪﺭﺱ .. ﻭﺗﻌﺮﻑ ﻋﻠﻴﻬﺎ ﻫﻨﺎﻙ ﻭﺣﺒﻬﺎ ﺍﺭﺑﻊ ﺳﻨﻮﺍﺕ ﺳﻮﻳﻪ ﺑﻘﻮﺍ ..
ﺍﻫﻠﻨﺎ ﻭﻧﺎﺳﻨﺎ ﻛﻠﻬﺎ ﺗﻌﺮﻑ ﺑﻴﻬﺎ ﻻﻥ ﻣﻘﺮﺭ ﻳﺘﺰﻭﺟﻬﺎ ﻭﺻﺎﺭﺡ ﺟﺪﺗﻲ ﻭﺍﺑﻮﻱ ..
ﻟﻜﻦ ﻓﺠﺄﺓ ﺗﺮﻛﺘﺔ ﻭﺳﺎﻓﺮﺕ ﻣﻊ ﺍﻫﻠﻬﺎ ﻟﺠﻮﺀ ..
- ﺍﺷﻨﻮ .. ﻭﻟﻴﺶ ﻣﺎﺧﺒﺮﺗﻮ ..
- ﻣﺎﻟﻤﺤﺘﻠﻪ ﺍﺻﻼ .. ﻗﻄﻌﺖ ﺍﺧﺒﺎﺭﻫﺎ ﻭﻫﻮ ﻳﺨﺎﺑﺮ ﻣﺎﻛﻮ ﺗﺎﻟﻲ ﺑﻴﻮﻡ ﺧﺎﺑﺮﺗﺔ ﻫﻲ .. ﮔﺎﻟﺘﻠﻪ ﺍﻧﻲ ﺳﺎﻓﺮﺕ ﻭﻱ ﺍﻫﻠﻲ ﺍﻟﻠﻪ ﻳﻜﺘﺒﻠﻚ ﺍﻻﺣﺴﻦ ﻣﻨﻲ ..
ﺍﻧﺼﺪﻡ ﻭﻋﺼﺐ ﻭﻛﺴﺮ .. ﺣﺘﻰ ﻫﺪﺩﻫﺎ ﺍﺫﺍ ﻣﺎﺗﺮﺟﻊ ﻳﺴﺎﻓﺮ ﺍﻟﻬﺎ ..
ﺑﺲ ﻫﻲ ﻏﻠﻘﺖ ﻭﺍﻟﺨﻂ ﻭﻛﻠﺸﻲ ﻳﺮﺑﻄﻬﺎ ﺑﻲ ﺣﺘﻰ ﻣﺎﻳﻌﺮﻑ ﻃﺮﻳﻘﻬﺎ
بيج قصص عراقيه حقيقيه من واقعنا.روعه الطائي
ﺍﺷﻨﻮ ﻫﺎﻟﺒﺸﺮ ﺷﻠﻮﻥ ﺗﻘﺪﺭ ﺗﺘﻼﻋﺐ ﺑﻤﺸﺎﻋﺮ ﺷﺨﺺ . ﻣﺴﺘﺤﻴﻞ ﻛﺎﻧﺖ ﺗﺤﺒﻮ ..
ﻭﻗﺪﻳﺶ ﺻﺎﺭﻟﻮ ..
- ﺍﻋﺘﻘﺪ ﺳﻨﺘﻴﻦ ﻭﺑﻌﺪﻫﺎ ﻣﺎﺣﺐ ﺍﺑﺪ ﺫﺏ ﻧﻔﺴﻪ ﻋﻠﻰ ﺷﻐﻠﺔ ﻭﺩﻭﺍﻣﺔ ﻭﻣﺨﻠﺼﻬﺎ ﺑﺒﻐﺪﺍﺩ ﻳﺠﻴﻨﺎ ﻗﻠﻴﻞ ..
- ﻗﻬﺮﺗﻴﻨﻲ ﻭﺍﻟﻜﻼﻡ ﺍﻟﻲ ﺳﻤﻌﺘﻮ ﻣﻦ ﻋﺪﻧﺎﻥ ﻋﻨﻮ ..
- ﻣﻌﻠﻴﺞ ﺑﻌﺪﻧﺎﻥ ﻣﻦ ﻳﻮﻣﺔ ﻳﻐﺎﺭ ﻣﻦ ﻋﺰﻳﺰ ﻷﻥ ﺍﻟﻜﻞ ﻳﻤﺪﺡ ﺑﻲ ﻭﻳﺤﺒﻪ ..
- ﻟﻴﺶ ﻫﻮ ﺍﻛﻮ ﻏﻴﺮﺓ ﺑﻴﻦ ﺍﻻﺧﻮﺓ ..
- ﺍﻟﻄﻤﻊ ﻭﺍﻟﺰﻥ ﻳﻮﻟﺪﻥ ﺍﻟﻜﺮﻩ ﻻﺗﺴﺘﻐﺮﺑﻴﻦ ..
ﻭﺧﺎﺻﻪ ﻫﻮ ﻳﺤﺲ ﻟﻮ ﻣﻬﻤﺎ ﺳﻮﻳﻨﺎﻟﻪ ﻳﺤﺲ ﻣﻘﺼﺮﻳﻦ ﺑﺤﻘﻪ .
- ﺍﺷﻨﻮ ﺍﻟﺴﺒﺐ ؟؟
- ﺍﻭﻭﻭﻭﻩ ﺗﺮﻛﻴﻨﺎ ﻣﻦ ﻫﺬﺍ ﺍﻟﻜﻼﻡ .. ﺗﺪﺭﻳﻦ ﻣﺤﺪ ﻳﺤﺲ ﺑﻌﺰﻳﺰ ﮔﺪﻱ .. ﺍﻧﺘﻲ ﺗﺸﻮﻓﻴﻨﻲ ﺍﺿﺤﻚ ﻭﺍﺳﻮﻟﻒ ﻭﻣﺎﺑﻴﻪ ﺷﻲ .
ﺑﺲ ﺩﺍﺧﻠﻲ ﻳﺘﮕﻄﻊ ..
- ﻓﺎﻫﻤﺘﻚ ..
- ﺍﺣﻨﻪ ﻫﻨﺎ ﻋﺪﻧﺎ ﻛﻠﺸﻲ ﻋﻴﺐ .. ﺣﺘﻰ ﺍﻟﺤﺐ ﻋﻴﺐ ﻭﺍﻟﻜﻼﻡ ﻭﻱ ﺍﻟﻐﺮﻳﺐ ﻋﻴﺐ .
ﺑﺲ ﻣﻮ ﺑﻴﺪﻱ .. ﮔﻠﺒﻲ ﺗﻌﻠﻖ ﺑﻲ ..
ﻧﺰﻟﺖ ﺩﻣﻮﻋﻬﺎ . ﻭﻣﺴﺤﺘﻬﻦ ﺑﺴﺮﻋﻪ ﻭﺍﺑﺘﺴﻤﺖ ..
ﺗﺪﺭﻳﻦ ﺍﻭﻝ ﻣﺮﺓ ﺍﺳﻮﻟﻒ ﻭﺍﻓﻀﻔﺾ ..
ﺑﺲ ﻣﺎﻋﻨﺪﻱ ﺍﺣﺪ ﺍﺳﻮﻟﻔﻠﻪ ..
ﺍﻟﺒﺎﺭﺣﺔ ﺩﺯﻟﻲ ﺭﺳﺎﻟﻪ ﻳﮕﻠﻲ ﺗﻌﺒﺖ !!
ﺍﻟﻰ ﻣﺘﻰ ﻧﺒﻘﻰ ﻫﻴﺞ ..
ﻫﻮ ﺣﻘﻪ ﻛﻢ ﻣﺮﺓ ﻳﻨﺮﻓﺾ ﻭﻳﺮﺟﻊ .. ﻫﻢ ﺍﻫﻠﺔ ﻳﺮﺩﻭﻥ ﻳﻔﺮﺣﻮﻥ ﺑﻲ ﻭﻳﺸﻮﻓﻮﻥ ﺍﻭﻻﺩﺓ ..
ﺳﺎﻋﺎﺕ ﺗﻄﺦ ﺑﺮﺍﺳﻲ ﺍﮔﻠﻪ ﺍﻧﺴﺎﻧﻲ ﻭﺍﺗﺰﻭﺝ ..
ﺑﺲ ﺍﺩﺭﻱ ﺑﺮﻭﺣﻲ ﺍﺫﺍ ﺗﺰﻭﺝ ﺍﻣﻮﺕ ﻣﺎﺍﺗﺤﻤﻞ ..
ﺣﻀﻨﺘﻬﺎ ﻭﺑﻮﺳﺘﻬﺎ .. ﺣﺒﻴﺒﺘﻲ ﻻﺗﻘﻮﻟﻲ ﻫﻴﻜﻲ ﺍﻧﺘﻲ ﺍﺧﺘﻲ ﺍﻟﻲ ﻣﺎﻭﻟﺪﺗﻬﺎ ﻳﻤﻲ ..
ﺍﻧﺎ ﺍﺣﺲ ﺍﻧﻲ ﺍﻋﺮﻓﻜﻲ ﻣﻦ ﺯﻣﺎﻥ ﻣﻮ ﻣﻦ ﺷﻬﺮ ..
ﺍﻟﺮﺏ ﻳﺤﻤﻴﻜﻢ ﻭﻳﺠﻤﻌﻜﻢ ..
- ﺍﻣﺎﻧﺔ ﺍﺩﻋﻴﻠﻨﺎ ﺗﺮﺍﻧﻴﻢ ﻣﺎﻋﻨﺪﻱ ﺍﺣﺪ ﻏﻴﺮ ﺍﻟﻠﻪ ﻭﺍﻧﺘﻲ ﺍﺷﻜﻴﻠﻜﻢ
- ﺍﺷﻜﻲ ﻟﻠﺮﺏ ﺍﻓﻀﻞ .. ﻫﻮ ﺍﻟﻲ ﻳﻘﺪﺭ ﻳﺴﺎﻋﺪﻙ ..
ﺍﻧﺎ ﺍﺳﻤﻌﻚ ﻭﺍﻭﺍﺳﻴﻜﻲ .. ﻟﻜﻦ ﺍﻟﺤﻞ ﺑﻴﺪﻭ ..
- ﻭﺍﻟﻨﻌﻢ ﺑﺎﻟﻠﻪ .. ﺧﻠﻴﻨﻲ ﺍﮔﻮﻡ ﺍﺣﻀﺮ ﻟﻠﻌﺸﺎ ﻻ ﺗﺤﺠﻲ ﺟﺪﺗﻲ ﻋﻠﻴﻪ ..
- ﻭﺍﻧﺎ ﺍﺭﻭﺡ ﺍﺷﻮﻑ ﺍﻟﺠﺪﺓ ﻭﺍﻗﻴﺲ ﺿﻐﻄﻬﺎ ﺍﻟﻴﻮﻡ ﻣﺎﻗﺴﺘﻮ ..
ﺩﺧﻠﺖ ﻏﺮﻓﺘﻬﺎ ﻛﺎﻥ ﺍﻟﻜﻞ ﻗﺎﻋﺪ ﻋﻨﺪﻫﺎ ..
- ﻭﻳﻨﺞ ﻳﻤﺔ ﺍﻧﻲ ﮔﻠﺖ ﻧﺴﺘﻴﻨﻲ ..
- ﺷﻠﻮﻥ ﺍﻧﺴﺎﻛﻲ ﻟﻜﻦ ﺍﺧﺬﺗﻨﻲ ﺍﻟﻐﻔﻮﺓ ..
- ﻧﻮﻡ ﺍﻟﻌﻮﺍﻓﻲ ..
ﻗﺴﺖ ﺿﻐﻄﻬﺎ ﻭﻛﻤﻠﺖ ..
ﺳﻮﺯﺍﻥ .. ﺧﻮﺵ ﺻﺎﺭﺕ ﻋﻨﺪﻧﺎ ﻣﻤﺮﺿﻪ ﺑﺎﻟﺒﻴﺖ ..
ﺍﺑﺘﺴﻤﺖ ﺍﻟﻬﺎ ﻭﻗﻠﺖ .
ﻻ ﺑﺲ ﻳﺴﻌﺪﻧﻲ ﺍﺭﺍﻋﻲ ﺍﻟﻲ ﺍﺣﺒﻬﻢ ..
ﻛﻤﻠﺖ ﻭﻃﻠﻌﺖ ..
ﻣﺎﺭﺩﺕ ﺍﺑﻘﻰ ﻳﻤﻬﻢ ..
ﻣﺮ ﻛﻢ ﻳﻮﻡ ﻭﺭﺟﻊ ﻓﻘﻂ ﻋﺪﻧﺎﻥ ﻭﺍﻣﻮ ﻭﺍﺑﻮﻩ ﺑﻘﻮ ﻋﻨﺪ ﻋﺎﻣﺮ ..
ﻛﺎﻥ ﻋﺰﻳﺰ ﻛﻞ ﻳﻮﻡ ﺑﺎﻟﻠﻴﻞ ﻳﺘﺼﻞ ﺑﺤﺠﺔ ﺍﻫﻠﻮ ﻭﺟﺪﺗﻮ ..
ﻛﺎﻥ ﻳﻘﺪﺭ ﻳﺘﺼﻞ ﻉ ﺳﺮﺍﺏ ﺍﻭ ﺍﻱ ﺍﺣﺪ ..
ﻟﻜﻦ ﺣﺴﻴﺘﻮ ﻳﺘﻌﻤﺪ ﻳﺘﺼﻞ ﺑﻴﻪ ..
ﻣﺎﺍﻋﻄﻴﺘﻮ ﻓﺮﺻﻪ ﺍﺑﺪﺍ ﻟﻜﻦ ﺑﺬﻭﻕ .. ﻭﺧﺎﺻﺔ ﺍﻧﺎ ﻣﺎﺍﻋﺮﻑ ﻏﺎﻳﺘﻮ ﻭﻻﺍﻋﺮﻓﻮ ..
ﺣﺘﻰ ﻟﻮ ﻧﻘﺬﻧﻲ ﻭﺍﺷﺘﺮﺍﻧﻲ ﻣﻦ ﺩﺍﻋﺶ . ﻟﻜﻦ ﻣﺎﻳﻌﻄﻴﻪ ﺍﻟﺤﻖ ﺍﻧﻪ ﻳﺘﺼﻞ ﻛﻞ ﻳﻮﻡ ﻭﻳﺴﻬﺮ ﺍﻟﻠﻴﻞ ..
ﻫﺬﺍ ﺍﺷﻨﻮ ﺻﺎﺣﺒﺘﻮ ﻣﺎﺗﻐﺎﺭ ..
ﻣﺎﺍﻧﻜﺮ ﻛﻨﺖ ﺻﺎﺭﻣﺔ ﻣﻌﺎﻩ ﻓﻲ ﺍﻟﺒﺪﺍﻳﺔ ..
ﻟﻜﻦ ﻟﻤﺎ ﻏﺸﻌﺘﻮ ﻣﺨﻠﻲ ﺑﻴﻨﺎ ﺧﺪﻭﺩ ﺑﺎﻟﻜﻼﻡ ..
ﻭﻛﺎﻥ ﺍﻛﺜﺮ ﻛﻼﻣﻮ ﻋﻦ ﺍﻻﻭﺿﺎﻉ ..
ﻭﻓﺮﺣﺎﻥ ﻻﻥ ﺳﻴﺪ ﻣﻦ ﺩﻳﻨﻬﻢ ﺍﺻﺪﺭ ﻓﺘﻮﻯ ﺍﻟﺠﻬﺎﺩ ﺿﺪ ﺩﺍﻋﺶ ﻭﻗﺎﻝ ..
ﺑﻌﻮﻥ ﺍﻟﻠﻪ ﻭﻋﻮﻥ ﺍﻟﻨﺸﺎﻣﻰ ﻭﺍﺻﺤﺎﺏ ﺍﻟﻐﻴﺮﺓ ﺍﻟﻲ ﺑﺎﻟﺠﻨﻮﺏ ﻭﺑﻜﻞ ﺍﻟﻌﺮﺍﻕ ﺭﺍﺡ ﻧﻬﺰﻣﻬﻢ ﺑﻔﺘﺮﺓ ﻗﺼﻴﺮﺓ ..
ﺣﺘﻰ ﻟﻮ ﻛﻠﻔﺖ ﺍﺭﻭﺍﺣﻨﺎ ..
- ﺍﻧﺖ ﻛﺜﻴﺮ ﺗﺤﺐ ﻭﻃﻨﻚ ..
- ﻭﺍﻧﺘﻲ ﻣﺎﺗﺤﺒﻴﻪ ..
- ﻻ ﺑﺎﻟﻌﻜﺲ ﺍﺣﺒﻮ ﻛﺜﻴﺮ ﺑﺲ ﻣﺎﻋﺸﺖ ﻭﺷﻔﺖ ﻓﻴﻪ ﻣﺜﻠﻚ ﺍﺣﻨﺔ ﺣﻴﺎﺗﻨﺎ ﺍﻗﺘﺼﺮﺕ ﻉ ﺍﻟﻤﻮﺻﻞ ﻓﻘﻂ ..
ﻣﺎﻃﻠﻌﻨﺎ ﻭﻻﺷﻔﻨﺎ . ﺍﻭﻝ ﻣﺮﺓ ﺍﻃﻠﻊ ﻣﻦ ﺍﻟﻤﻮﺻﻞ ﻟﻤﺎ ﺍﺟﻴﺖ ﻟﻠﻌﻤﺎﺭﺓ .
ﻛﻨﺖ ﺍﺗﻤﻨﻰ ﺍﻛﻮﻥ ﻭﻟﺪ ﻭﺍﺳﺘﺒﺪ ﻭﺍﺗﻤﺮﺩ ﻭﺍﻧﻬﺾ ﺑﺒﻠﺪﻱ ﻟﻼﺣﺴﻦ
بيج قصص عراقيه حقيقيه من واقعنا.روعه الطائي
ﻋﺰﻳﺰ .. ﻛﻠﻨﺎ ﺍﻟﻌﺮﺍﻗﻴﻴﻦ ﺍﺻﺤﺎﺏ ﻏﻴﺮﺓ ﻣﻦ ﺷﻤﺎﻟﻨﺎ ﺍﻟﺠﻨﻮﺑﻨﺎ ﺍﻟﺪﻭﻝ ﻛﻠﻬﺎ ﺗﺤﺴﺪﻧﺎ ﻋﻠﻰ ﺷﺠﺎﻋﺘﻨﺎ ..
ﻣﺎﻳﻮﻡ ﻓﻜﺮﺕ ﺩﻗﻴﻘﻪ .. ﺍﻧﻪ ﺍﻟﻤﻮﺻﻞ ﻣﻮ ﻭﻻﻳﺘﻲ ﻭﺍﻧﻪ ﺩﺍﻋﺶ ﻣﺎﺩﺧﻞ ﻣﺪﻳﻨﺘﻲ ..
ﻣﺎﺗﺮﺩﺩﺕ ﻭﻻﻟﺤﻈﺔ ﺍﻧﻪ ﺍﻟﺒﻲ ﺩﻋﻮﺓ ﺍﻟﺠﻬﺎﺕ ﺍﻟﻌﻠﻴﺎ ﻭﺍﺿﺤﻲ ﺑﻨﻔﺴﻲ ﻭﺍﺩﺧﻞ ﻭﺳﻄﻬﻢ ﻭﺍﻋﺮﻑ ﺍﺧﺒﺎﺭﻫﻢ ﻭﺍﻓﻠﺶ ﺧﻄﻄﻬﻢ
ﻛﻨﺖ ﺍﻗﺘﻞ ﻣﻨﻬﻢ ﻭﺍﻭﺟﻪ ﺍﺻﺎﺑﻊ ﺍﻻﺗﻬﺎﻡ ﻟﻠﻲ ﻣﻨﻬﻢ ﻭﺑﻴﻬﻢ ﺣﺘﻰ ﻭﺍﺣﺪ ﻳﻜﺘﻞ ﺍﻟﺜﺎﻧﻲ ..
ﻣﺎﺍﺭﻳﺪ ﺍﮔﻠﺞ ﺍﻧﻲ ﻭﺍﻧﻲ .
ﺑﺲ ﻓﻌﻼ ﺫﻭﻟﺔ ﺍﺣﻨﻪ ﻭﻛﻞ ﻭﻟﺪﻧﺎ ﻣﺜﻠﻲ ﻭﺍﻛﺜﺮ ..
- ﺍﻟﺮﺏ ﻳﺤﻤﻴﻚ ..
ﺍﻧﺎ ﺍﺗﻤﻨﻰ ﺍﺧﺪﻡ ﺑﻠﺪﻱ ﻣﺜﻠﻚ . ﺣﺘﻰ ﻟﻮ ﺍﻋﺎﻟﺞ ﺍﻟﺠﺮﺣﻰ ﻭﺍﺩﺍﻭﻱ ﺍﻟﻤﺮﺿﻰ ﺑﺎﻟﻤﺨﻴﻤﺎﺕ ﻟﻜﻦ ﻟﻼﺳﻒ ﻣﺎﺍﻗﺪﺭ ..
ﻋﺰﻳﺰ .. ﻳﻮﻡ ﻋﻦ ﻳﻮﻡ ﺍﻗﺪﺭﺝ ﺍﻛﺜﺮ ﻭﺍﻋﺮﻓﺞ ﺍﺧﺖ ﺭﺟﺎﻝ ﻭﺑﻨﺖ ﺍﺑﻮﺝ ..
ﺑﺲ ﺍﻧﺘﻲ ﺍﻣﺎﻧﺘﻲ ﻣﺎﺍﮔﺪﺭ ﺍﻓﺮﻁ ﺑﻴﺞ ﻭﺍﺧﻠﻴﺞ ﺗﺘﻌﺬﺑﻴﻦ ﺑﺎﻟﻤﺨﻴﻤﺎﺕ ..
ﺗﮕﺪﺭﻳﻦ ﺗﺨﺪﻣﻴﻦ ﺑﻠﺪﺝ ﺑﺎﻟﺪﻋﺎﺀ ..
- ﺗﺮﺍﻧﻴﻢ ؟؟
- ﻧﻌﻢ ..
- ﺷﮕﺎﻋﺪ ﺗﺴﻮﻳﻦ ﻫﺴﺎ ﻭﻭﻳﻦ ﮔﺎﻋﺪﺓ ..
ﺗﺬﻛﺮﺕ ﺍﻧﺎ ﻧﺎﻳﻤﺔ ﻋﻠﻰ ﺳﺮﻳﺮﻭ .. ﻓﺰﻋﺖ ﻭﻗﻤﺖ ﻣﻦ ﻣﻜﺎﻧﻲ ﻭﺭﺗﺒﺖ ﺍﻟﺴﺮﻳﺮ ﻭﻣﻦ ﻋﻘﻠﻲ ﺍﻧﻮ ﻳﻐﺸﻌﻨﻲ ..
- ﻫﺎﺍﺍ ﺍﻧﺎ ﺍﺟﻴﺖ ﺍﻟﻐﺮﻓﺘﻚ ﺍﺧﺬ ﻛﺘﺎﺏ ﻭﺑﻌﺪ ﻣﺎﺍﺗﺼﻠﺖ ﻣﺎﺍﻗﺪﺭﺕ ﺍﻃﻠﻊ ..
- ﺍﻓﺘﺤﻲ ﺍﻭ ﻣﺠﺮ ﻣﻦ ﺍﻟﻤﻜﺘﺐ ﻭﻃﻠﻌﻲ ﻛﺘﺎﺏ ﺑﻲ ..
- ﻋﻤﻠﺖ ﻣﺜﻞ ﻣﺎﻗﻠﻲ ..
- ﻟﮕﺘﻴﻪ ؟؟
- ﺍﻱ .. ‏( ﺟﺬﺑﻨـﻲ ﺍﺳﻤﻮ ﻟﻠﻜﺘﺎﺏ ‏)
- ﺍﻛﻮ ﻓﺎﺻﻠﻪ ﺑﺎﻟﻮﺳﻂ ﺍﻓﺘﺤﻲ ﺍﻟﻜﺘﺎﺏ ﻭﺍﻗﺮﺃﻟﻲ ﺑﺼﻮﺗﺞ ..
ﻣﺤﺘﺎﺝ ﺍﺳﺘﺮﺧﻲ ﺑﻌﺪ ﻫﺬﺍ ﺍﻟﺘﻌﺐ ..
ﻣﺎﻗﺪﺭﺕ ﺍﺭﻓﺾ ﺍﻭ ﺍﺗﻜﻠﻢ .. ﻭﻟﻘﻴﺖ ﻧﻔﺴﻲ ﺍﻗﺮﺃ .. ﻭﻛﺄﻥ ﺍﻟﻔﻀﻮﻝ ﻳﻘﺘﻠﻨﻲ ﻷﻋﺮﻑ ﻣﺎﺗﺤﻮﻳﻪ ﻫﺬﻩ ﺍﻟﺼﻔﺤﺎﺕ ..
ﺍﻟﺘﻲ ﻋﻨﺪﻣﺎ ﻳﻘﺮﺃﻫﺎ ﻳﺴﺘﺮﺧﻲ ﻭﻳﺮﺗﺎﺡ !!
ﺑﺪﺃﺕ ﺍﻗﺮﺃ ..
ﻭﻛﻨﺖ ﺍﻫﻴﻢ ﻣﻊ ﺍﻟﻜﻠﻤﺎﺕ ﻭﻛﺄﻧﻲ ﺍﻋﻴﺶ ﻓﻴﻬﺎ !!
} ﺃﻋﺮﻑ ﺑﺄﻥ ﻫﺬﺍ ﻫﻮ ﺟﺰﺀ ﻣﻦ ﻣﺸﻜـﻠﺘﻲ ﻣﻌﻚ .. ﺃﺧﺸﻰ ﺍﻻﺑﺘﻌﺎﺩ ﻋﻨﻚ ' ﺃﺧﺸـﻰ ﺍﻟﺤﻴﺎﺓ ﻣﻦ ﺩﻭﻧﻚ .. ﺣﺎﻭﻟـﺖ ﺍﻻﺑﺘﻌﺎﺩ ﻟﻜـﻨﻨﻲ ﻟﻢ ﺃﺗﻤﻜـﻦ ﻣﻦ ﺫﻟﻚ .. ﻧﺎﺭ ﻗﺮﺑـﻚ ﺍﺧﻒ ﻭﻃﺄﺓ ﻣﻦ ﻧﺎﺭ ﺑﻌـﺪﻙ ﻳﺎﻋﺰﻳﺰ ………'
ﻫﻨﺎ ﺍﺳﺘﻮﻗﻔﻨﻲ ﺍﻻﺳﻢ ﻭﺍﺳﺘﻐﺮﺑﺖ ؟؟
- ﻟﻴﺶ ﺗﻮﻗﻔﺘﻲ ﻛـﻤﻠﻲ ؟؟
ﺍﻛﻤﻠﺖ ﻣﻦ ﻏﻴﺮ ﻛﻼﻡ ..
ﻗﻠﺒـﻲ ﻳﺴﺘﻌﺮ ﺑﻌﻴﺪﺍً ﻋﻨﻚ ﻭﻳﺘﻠﻈﻰ ﺑﺠﻮﺍﺭﻙ ..! ﺍﻱ ﺣﺐٌ ﻣﻮﺣﻞ ﻫﺬﺍ ﺍﻟﺬﻱ ﻋﻠﻘﺖ ﺑﻪ ؟ ..
ﺃﻱ ﻋﻼﻗﺔٍ ﻋﻘﻴﻤـﺔ ﻫﺬﻩ ؟ …… {..
ﻛﻨﺖ ﺍﻗﺮﺃ ﻭﻫﻮ ﻳﺴﺘﻤﻊ ﺑﺼﻤﺖ ﻟﻜﻦ ﺍﻧﻔﺎﺳﻪ ﻭﺗﻨﻬﺪﺍﺗﻪ ﻭﺍﺿﺤﺔ ..
ﻗﺎﻝ .. ﺗﻌﺒﺘﺞ ﻭﻳﺎﻱ .. ﺻﻮﺗﺞ ﻓﻌﻼ ﻳﺪﻝ ﺍﻧﻚ ﻗﺎﺭﺋﺔ ﺟﻴﺪﺓ ﺗﺪﺭﻳﻦ ﺗﺼﻠﺤﻴﻦ ﺗﻜﻮﻧﻴﻦ ﻣﺬﻳﻌﺔ ﺍﻭ ﺷﺎﻋﺮﺓ ﻋﻠﻰ ﻫﺬﺍ ﺍﻟﺼﻮﺕ
ﺣﺎﻭﻟﺖ ﺍﻏﻴﺮ ﺍﻟﻜﻼﻡ ..
- ﺍﻣﻤﻤﻤﻢ ﺍﺧﺠﻠﺖ ﺗﻮﺍﺿﻌﻨﺎ ﺳﻴﺪ ﻋﺰﻳﺰ ..
- ﺍﻧﺘﻲ ﻣﻨﻴﻦ ﻃﻠﻌﺘﻲ ؟؟
- ﺍﺷﻨﻮ ؟؟
- ﻻ ﻫﻴﺞ .. ﻳﻠﻪ ﺭﻭﺣﻲ ﺍﺭﺗﺎﺣﻲ ﻭﻧﺎﻣﻲ ﺍﺧﺮﺗﺞ ..
ﺳﻠﻢ ﻭﻏﻠﻖ ﺍﻟﻤﻮﺑﺎﻳﻞ ..
ﻭﺍﻧﺎ ﺑﻘﻴﺖ ﺍﺗﺼﻔﺢ ﻫﺬﺍ ﺍﻟﻜﺘﺎﺏ ﺍﻟﻌﺠﻴﺐ ..
ﺍﻭﻝ ﻣﺮﺃﺓ ﺍﻗﺮﺃﻩ ..
ﻭﻛﺄﻧﻪ ﻣﻜﺘﻮﺏ ﺍﻟﻮ ﻭﺍﻟﻲ ..
ﻫﻞ ﻫﻲ ﺻﺪﻓﺔ ﺍﻭ ﻛﺎﻥ ﻣﺘﻌﻤﺪ ..
ﺑﻘﻴﺖ ﺍﻟﻠﻴﻞ ﻛﻠﻮ ﺳﻬﺮﺍﻧﺔ ﺍﻗﺮﺃ ﻓﻴﻪ ..
ﻋﺤﺒﺘﻨﻲ ﻛﻞ ﻛﻠﻤﺔ ﻭﻫﻤﺴﺔ ﻭﺧﺎﻃﺮﺓ ﻓﻴﻪ ..
ﻟﺪﺭﺟﺔ ﻣﺎﺣﺴﻴﺖ ﺍﻻ ﻋﻠﻰ ﺻﻮﺕ ﺍﻻﺫﺍﻥ .
ﻗﻤﺖ ﺑﺴﺮﻋﺔ ﻭﺭﺟﻌﺖ ﺍﻟﻔﺎﺻﻠﺔ ﺍﻟﻤﻜﺎﻧﻬﺎ ﻭﻗﻔﻠﺖ ﺍﻟﻐﺮﻓﻪ ﻭﻃﻠﻌﺖ ..
ﺩﺧﻠﺖ ﺍﻟﻐﺮﻓﻪ ﻟﻘﻴﺖ ﺍﻟﻤﻨﺒﻪ ﻳﺪﻕ ..
ﺳﺮﺍﺏ ﺗﻮﻗﺘﻮ ﻟﻤﺎ ﺗﺼﻠﻲ ﺍﻟﻔﺠﺮ ..
ﺭﻛﻀﺖ ﻟﻠﻔﺮﺍﺵ ﻭﻧﻤﺖ
بيج قصص عراقيه حقيقيه من واقعنا.روعه الطائي
ﺻﺤﻴﺖ ﺍﻟﺼﺒﺢ ﺑﺎﻟﻘﻮﺓ ..
ﺑﺲ ﺍﺟﺖ ﺳﺮﺍﺏ ﻭﻗﺎﻟﺖ ..
ﺍﻫﻠﻲ ﻭﺻﻠﻮﺍ ﺑﺎﻟﻄﺮﻳﻖ ﻫﻤﺔ ﻭﻋﺎﻣﺮ .. ﮔﻮﻣﻲ ﺳﺮﻭﺭ ﺑﺴﺮﻋﻪ ﻗﻤﺖ ﻣﻌﺎﻫﺎ ﻭﺭﺗﺒﻨﺎ ﺍﻟﺒﻴﺖ ﻛﺎﻧﺖ ﺍﻳﻤﺎﻥ ﻋﻨﺪ ﺍﻫﻠﻬﺎ ﺗﺮﻭﺡ ﺗﺨﺒﺰ ﻻﻥ ﺍﻟﺘﻨﻮﺭ ﻋﺎﻃﻞ ﻋﻨﺪ ﺑﻴﺖ ﺍﺑﻮ ﻋﺪﻧﺎﻥ .
ﺳﺮﺍﺏ ﺗﻄﺒﺦ .. ﻭﺍﻧﺎ ﻋﻤﻠﺖ ﺩﻭﻟﻤﺔ ﻣﻮﺻﻠﻴﺔ ﺍﺳﺘﻐﻠﻴﺖ ﻋﺪﻡ ﺗﻮﺍﺟﺪ ﺍﻡ ﻋﺪﻧﺎﻥ ﻻﻧﻬﺎ ﻣﺎﺗﺨﻠﻴﻨﻲ ﺍﻃﺒﺦ ..
ﻗﺴﺖ ﺍﻟﻀﻐﻂ ﻟﻠﺠﺪﺓ ..
ﻛﺎﻧﺖ ﺍﺳﺮﺍﺀ ﻓﻲ ﻏﺮﻓﺘﻬﺎ ﺗﺮﺿﻊ ﺍﺑﻨﻬﺎ ..
ﻗﻠﺖ ﻟﺴﺮﻭﺭ ﻭﻟﻴﻨﺎ ﺍﻧﻬﻢ ﻳﻨﻀﻔﻮﺍ ﺍﻟﻄﺎﺑﻖ ﺍﻻﺭﺿﻲ ﻭﺍﻧﺎ ﺻﺎﻋﺪﺓ ﻟﻠﻄﺎﺑﻖ ﺍﻟﻌﻠﻮﻱ ﺍﻧﻀﻔﻮ ..
ﻛﻨﺖ ﺍﻧﻀﻒ ﻭﺍﻣﺴﺢ ﺑﺎﻻﺭﺿﻴﺎﺕ . ﺍﻟﺪﺷﺪﺍﺷﺔ ﻛﺎﻧﺖ ﻣﻀﺎﻳﻘﺘﻨﻲ ..
ﺭﻓﻌﺘﻬﺎ ﻭﺧﺎﺻﻪ ﺍﻧﻮ ﺍﻟﺒﻴﺖ ﻓﺎﺭﻍ ..
ﻭﻋﻠﻲ ﺭﺍﺡ ﻳﺠﻴﺐ ﺍﻫﻠﻮ ﻣﻦ ﺑﻐﺪﺍﺩ ..
ﻭﻋﺪﻧﺎﻥ ﺑﺎﻟﺸﻐﻞ ..
ﻭﺍﻧﺎ ﺍﻧﻀﻒ ﺗﻔﺎﺟﺄﺕ ﺑﻮﺟﻮﺩ ﻋﺪﻧﺎﻥ ﻭﺭﺍﻱ ..
ﻧﺰﻟﺖ ﺍﻟﺪﺷﺪﺍﺷﺔ ﺑﺴﺮﻋﻪ .
ﻭﺳﻮﻳﺖ ﻧﻔﺴﻲ ﻣﺎﺷﻔﺘﻮ ..
ﺍﺧﺬﺕ ﺍﻟﻤﻲ ﻟﻠﺤﻤﺎﻡ .. ﻟﻘﻴﺘﻮ ﻭﺭﺍﻱ .
- ﺍﺷﻨﻮ ﺗﺮﻳﺪ ﻋﺪﻧﺎﻥ ﻟﻴﺶ ﻣﻼﺣﻘﻨﻲ ..
- ﻓﻜﺮﺗﻲ ؟؟
- ﺍﻧﺖ ﻣﻦ ﻋﻘﻠﻚ ﺍﻭﺍﻓﻖ .. ﻣﺴﺘﺤﻴﻞ ﺍﻧﺴﻰ ..
- ﺍﺩﺭﻱ ﺑﻴﺞ ﺗﺨﺎﻓﻴﻦ ﻣﻦ ﺍﻫﻠﻲ .. ﺑﺲ ﻻﺗﺨﺎﻓﻴﻦ ﺍﻧﻲ ﺍﻫﺮﺑﺞ ﻣﻦ ﺍﻟﺒﻴﺖ ﻭﺍﻟﻜﻞ ﻣﺎﺭﺍﺡ ﻳﺤﺲ ..
ﻭﺍﺻﻼ ﻋﻨﺪﻱ ﺑﻴﺖ ﻣﺸﺘﺮﻳﻪ ﺍﺧﺬﺟﻦ ﻋﻠﻴﻪ ﻭﺍﺗﺰﻭﺟﺞ ﺑﺎﻟﺴﺮ ﺻﺪﮔﻴﻨﻲ ﻣﺤﺪ ﻳﺤﺲ ﺑﻴﻨﺎ ﻭﻣﺤﺪ ﻳﻠﻮﻣﺞ ..
ﻭﺣﺘﻰ ﻋﺰﻳﺰ ﺗﺮﻛﻴﻠﻪ ﺭﺳﺎﻟﻪ ﺍﻧﻪ ﺍﻧﺘﻲ ﺭﺣﺘﻲ ﻉ ﺍﻟﻤﺨﻴﻤﺎﺕ ﺭﺍﺡ ﻳﺘﺮﻛﺞ ﻭﻣﺎﻳﺪﻭﺭ ﻋﻠﻴﺞ ..
ﺭﻣﻴﺖ ﺍﻟﻘﻤﺎﺷﺔ ﺍﻟﻲ ﻛﻨﺖ ﺍﻣﺴﺢ ﺑﻴﻬﺎ ﻣﻦ ﺍﻳﺪﻱ ..
ﻭﺿﺤﻜﺖ ..
- ﺍﻣﻤﻤﻤﻤﻢ ﺑﺲ ﺍﻧﺎ ﻣﺎﺍﺗﺰﻭﺝ ﺍﻻ ﺑﺎﻟﻜﻨﻴﺴﺔ ..
- ﺑﺲ ﺍﺣﻨﺔ ﻣﺴﻠﻤﻴﻦ ﻭﻻﺯﻡ ﻋﻘﺪ ..
- ﺍﻱ ﻋﺎﺩﻱ ﺻﻴﺮ ﻣﺴﻴﺤﻲ ﻭﺍﻭﺍﻓﻖ ﺍﺗﺰﻭﺟﻚ ..
- ﺗﺤﺠﻴﻦ ﺻﺪﮒ ﻣﺴﺘﺤﻴﻞ . ﻟﻴﺶ ﻫﻮ ﺍﻟﺮﺟﺎﻝ ﻳﻤﺸﻲ ﻋﻠﻰ ﺩﻳﺎﻧﺔ ﺍﻟﻤﺮﺓ ﻟﻮ ﺍﻟﻤﺮﺓ ﺗﻤﺸﻲ ﻉ ﺩﻳﺎﻧﺔ ﺍﻟﺮﺟﺎﻝ ..
ﺍﺣﻨﺔ ﻣﺎﻋﺪﻧﺎ ﻫﻴﺞ .
ﻭﻫﺎﻱ ﻓﺮﺻﻪ ﻣﺎﺗﺘﻌﻮﺽ ﻓﻜﺮﻱ ﺯﻳﻦ ﻭﺍﻟﺞ ﺧﻼﻝ ﻫﺬﺍ ﺍﻻﺳﺒﻮﻉ ﻗﺮﺭﻱ ﻭﺍﻻ ..
- ﻭﺍﻻ ﺍﺷﻨﻮ ؟؟ ﺍﺷﻨﻮ ﻫﺬﻱ ﺍﻟﻤﺼﻄﻠﺤﺎﺕ .. ﻟﻠﻤﺮﺓ ﻭﺍﻟﺮﺟﺎﻝ ﻟﻴﺶ ﻫﻮ ﺍﺷﻨﻮ ﺍﻟﻔﺮﻕ ﺑﻴﻨﻲ ﻭﺑﻴﻨﻚ ..
ﺍﻧﺎ ﺍﻗﺪﺭ ﺍﻋﻤﻞ ﻛﻞ ﺍﻟﻲ ﺗﻌﻤﻠﻮ ﻭﺍﻛﺜﺮ ..
ﻉ ﺍﻻﻗﻞ ﺍﻟﻤﺮﺓ ﺍﻃﻬﺮ ﻭﺍﺣﺴﻦ ﻣﻦ ﺍﻟﺬﻛﻮﺭ ﻣﺜﻠﻚ ..
ﺍﻧﺎ ﺍﺣﺘﺮﻡ ﺍﻻﺳﻼﻡ ﻭﺍﺣﺘﺮﻡ ﺍﻟﻤﺴﻠﻤﻴﻦ ﻟﻜﻦ ﺍﻧﺖ ﻻ ﻻﻧﻚ ﻣﺴﺘﺤﻴﻞ ﺗﻜﻮﻥ ﻣﺴﻠﻢ ﻭﺗﺤﻤﻞ ﺗﻌﺎﻟﻴﻢ ﻭﺍﺧﻼﻕ ﺩﻳﻨﻚ ..
ﻋﺪﻧﺎﻥ .. ﺍﻋﺮﻓﺞ ﻟﻴﺶ ﻫﻴﺞ ﺗﺴﻮﻳﻦ .. ﻛﻞ ﻫﺬﺍ ﻋﻠﻤﻮﺩ ﻋﺰﻳﺰ
ﺑﻴﺶ ﺍﺣﺴﻦ ﻣﻨﻲ .
- ﺍﻻﺣﺴﻦ ﻻﺗﻘﺎﺭﻥ ﺣﺎﻟﻚ ﺑﻲ .. ﻳﻜﻔﻲ ﻫﻮ ﺣﺎﻓﻆ ﻋﻠﻴﻨﺎ ﻭﻣﺎﻧﻈﺮ ﺍﻟﻨﺎ ﻣﺜﻠﻤﺎ ﺗﻨﻈﺮ ﺍﻧﺖ ﻟﻲ ..
ﻋﺪﻧﺎﻥ .. ﺑﻄﻠﻲ ﻓﻠﺴﻠﻔﻪ .. ﺍﻧﻲ ﻣﺸﺘﺮﻳﺞ ﻭﺍﻧﺘﻲ ﻣﺎﻟﺞ ﺍﺣﺪ ﻭﺍﻫﻠﺞ ﺍﺻﻼ ﻣﺎﺗﻮﺍ ﻭﺷﺒﻌﻮﺍ ﻣﻮﺕ .. ﻳﻌﻨﻲ ﻣﺤﺪ ﺍﻟﺞ ﻏﻴﺮﻱ ﮔﺘﻠﻚ ﺍﺩﻟﻠﺞ ﺩﻻﻝ ..
ﺩﺧﻞ ﺍﻟﻐﺮﻓﺘﻮ ﺍﺧﺬ ﻛﻴﺲ ﻭﻃﻠﻊ . ﻭﻫﻮ ﻳﺪﺣﻖ ﺑﻴﻪ ﻭﻳﺒﺘﺴﻢ ..
ﻛﺮﻫﺖ ﺣﻴﺎﺗﻲ ﻛﻠﻤﺎ ﺍﻗﻮﻝ ﺭﺍﺡ ﺗﻨﺤﻞ ﺗﺘﻌﻘﺪ ﺍﻛﺜﺮ ..
ﻗﻌﺪﺕ ﻉ ﺍﻻﺭﺽ ﻭﺍﻧﺎ ﺍﺑﻜﻲ ..
ﺍﻱ ﺑﻜﻴﺖ ﻷﻭﻝ ﻣﺮﺓ ..
ﻣﺎﺣﺴﻴﺖ ﺑﻀﻌﻒ ﻭﺍﺳﺘﺴﻼﻡ ﻟﻜﻦ ﺍﻟﺬﻝ ﺻﻌﺐ ..
ﻣﺴﺤﺖ ﺩﻣﻮﻋﻲ ﻭﻛﻤﻠﺖ ﻭﻧﺰﻟﺖ ..
ﺍﻏﺸﻌﺘﻨﻲ ﺳﺮﺍﺏ .. ﺷﺒﻴﺞ .. ﻋﺪﻧﺎﻥ ﺳﻤﻌﺞ ﺷﻲ ..
- ﻟﻴﺶ ﻣﺎﻗﻠﺘﻲ ﺍﺟﺔ ..
- ﻣﺎﺍﺩﺭﻱ ﺑﻲ .. ﻣﺎﺷﻔﺘﻪ ﺍﻻ ﻟﻤﻦ ﻃﻠﻊ ﺳﺄﻟﺘﻪ ﮔﺎﻝ ﺍﺟﻴﺖ ﺍﺧﺬ ﻓﻠﻮﺱ ﻭﺍﻃﻠﻊ ﻣﺴﺘﻌﺠﻞ .. ﺷﻨﻮ ﺭﺍﺩ ﻣﻨﺞ ..
- ﺍﺗﺮﻛﻲ ﺍﻟﻤﻮﺿﻮﻉ ..
- ﻻ ﺍﻻ ﺍﻋﺮﻑ ..
ﺳﺤﺒﺘﻨﻲ ﻣﻦ ﺍﻳﺪﻱ ﻭﻃﻠﻌﻨﺎ ﻟﻠﺤﺪﻳﻘﺔ ..
ﻳﻠﺔ ﮔﻮﻟﻲ ..
- ﻳﺠﺒﺮﻧﻲ ﺑﺎﻟﺰﻭﺍﺝ ﻣﻨﻮ ﺑﺎﻟﺴﺮ . ﻭﻫﺪﺩﻧﻲ ..
- ﺧﻠﻲ ﻳﻮﻟﻲ ﺑﺲ ﺧﻠﻲ ﻳﺠﻲ ﻋﺎﻣﺮ ﻭﺗﻬﺪﺃ ﺍﻻﻭﺿﺎﻉ .
ﻭﺍﻧﻲ ﺍﺷﻮﻓﻠﻲ ﺣﻞ ﻭﻳﺎﻩ .
- ﻳﻘﻠﻲ ﺍﻫﺮﺑﻲ ﺍﻧﺘﻲ ﻭﺍﺧﺘﻚ ﻭﺍﻧﺎ ﺍﺧﺬﻛﻢ ﻋﻠﻰ ﺑﻴﺖ ﻭﺍﻛﺘﺒﻲ ﺭﺳﺎﻟﻪ ﺍﻧﻚ ﻫﺮﺑﺘﻲ ﻋﻠﻰ ﺍﻟﻤﺨﻴﻤﺎﺕ ..
- ﺍﻭﻭﻭﻭﻑ ﻫﻲ ﺩﻭﺍﻩ ﺑﺲ ﺍﻳﻤﺎﻥ ﻭﺍﻧﻲ ﮔﻠﺖ ﺷﻠﻮﻥ ﻳﺘﺰﻭﺝ ﻏﻴﺮ ﺗﻤﻮﺗﻪ ﻃﻠﻊ ﻳﺮﻳﺪ ﻳﺘﺰﻭﺝ ﻣﻦ ﻭﺭﺍﻫﺎ ..
ﺍﺍﺍﺍﺥ ﻛﻠﻪ ﻣﻦ ﻣﺮﺕ ﻋﻤﻲ ﻭﺍﻳﻤﺎﻥ ﮔﺎﻟﻠﺔ ﺍﻟﺤﻘﻴﻘﻪ ﻭﻣﻦ ﻳﻮﻣﻬﺎ ﺗﻐﻴﺮ ﻭﺻﺎﺭ ﺣﺎﻗﺪ ..
- ﺣﻘﻴﻘﻪ ﺷﻨﻮ ..
- ﺑﻌﺪﻳﻦ ﺍﺳﻮﻟﻔﻠﺞ ..
ﺳﻤﻌﻨﺎ ﺻﻮﺕ ﺳﻴﺎﺭﺓ …
ﺩﺧﻠﺖ ..
ﻭﻧﺰﻝ ﻋﻠﻲ ﻳﺮﻛﺾ .. ﻧﺰﻝ ﻛﺮﺳﻲ ﻣﺘﺤﺮﻙ .. ﻭﻧﺰﻝ ﺷﺨﺺ ﻛﺎﻥ ﻳﺸﺒﻬﻮ ﻟﻌﺰﻳﺰ ﻟﻜﻦ ﺍﺻﻐﺮ ﻣﻨﻮ ..
ﻭﺍﻣﻮ ﻓﺮﺣﺎﻧﺔ ..
ﺑﺴﺮﻋﻪ ﺍﺟﻦ ﻋﻤﺎﺗﻮ ﻭﻋﻤﺎﻣﻮ ﻭﺍﻭﻻﺩ ﻋﻤﻮ ﺍﺗﺠﻤﻌﻮﺍ ﻛﻠﻬﻢ ..
ﺩﺧﻠﻮﻩ ﻻﺳﺘﻘﺒﺎﻝ ﺑﺴﺮﻳﺮﻭ ..
ﻗﺤﻄﺎﻥ .. ﺗﻌﺎﻱ ﺑﻮﻳﺔ ﺗﺮﺍﻧﻴﻢ .. ﻋﻨﺪﺓ ﻣﻐﺬﻱ ﻭﻋﻼﺝ ﻓﺎﺕ ﻭﻛﺘﻬﻦ ﺷﻜﻠﻴﻬﻦ ﺑﺴﺮﻋﻪ ﺑﻌﺪ ﺍﺑﻮﺝ ..
ﺳﻠﻤﺖ ﻭﺩﺧﻠﺖ ﻭﺍﺣﺲ ﺍﻟﻜﻞ ﻳﺪﺣﻖ ﺑﻴﻪ ..
ﺍﻏﺸﻌﺘﻠﻮ ﻭﺍﺑﺘﺴﻤﺖ ..
ﺳﻼﻣﺘﻚ ..
ﻋﺎﻣﺮ .. ﺍﻟﻠﻪ ﻳﺴﻠﻤﺞ ﺍﻧﺘﻲ ﺗﺮﺍﻧﻴﻢ .. ﻋﺰﻳﺰ ﺳﻮﻟﻔﻠﻲ ﻋﻨﺞ ..
ﺩﺧﻠﺖ ﻟﻴﻨﺎ ..
ﺳﻼﻣﺘﻚ ..
- ﻭﺍﻧﺘﻲ ﻟﻴﻨﺎ ﺳﺒﺤﺎﻥ ﺍﻟﺨﺎﻟﻖ ﻋﺰﻳﺰ ﻗﺼﺮ ﺑﺎﻟﻮﺻﻒ ﺍﺻﻼ ..
ﺍﺑﺘﺴﻤﺖ ﻭﺍﻧﺎ ﺍﺭﻛﺐ ﺍﻟﻤﻐﺬﻱ ﺍﻟﻮ ..
- ﻭﺍﺷﻨﻮ ﻗﺎﻝ ..
- ﻻ ﺍﻋﺬﺭﻳﻨﻲ ﺍﻧﻲ ﺑﺌﺮ ﺍﺳﺮﺍﺭ ﻋﺰﻳﺰ ﻣﺴﺘﺤﻴﻞ ﺗﺒﻮﮔﻴﻦ ﺍﻟﺴﺎﻧﻲ ..
ﺍﺑﺘﺴﻤﺖ .. ﺍﻟﺮﺏ ﻳﺤﻔﻈﻜﻢ ﺍﻟﺒﻌﺾ ..
ﺍﺭﺗﺤﺖ ﻟﻌﺎﻣﺮ ﻛﺜﻴﺮ .. ﻛﺎﻥ ﺭﺯﻥ ﻭﻋﺎﻗﻞ ﻣﻮ ﻣﺜﻞ ﻋﻠﻲ ﻳﺤﺐ ﻳﻤﺰﺡ ﻭﻳﻀﺤﻚ ..
ﺑﻘﻴﺖ ﺟﻨﺐ ﻋﺎﻣﺮ ﺍﻋﻄﻴﺘﻮ ﻋﻼﺟﻮ .. ﻭﻛﻨﺖ ﺧﺠﻼﻧﺔ ﻣﻦ ﻭﻟﺪ ﻋﻤﻮ . ﺑﻌﺪﻫﺎ ﻗﺎﻟﻮ ﺍﺟﻮ ﺍﺻﺪﻗﺎﺀ ﻋﺎﻣﺮ ﻳﺮﺩﻭﻥ ﻳﻐﺸﻌﻮﻩ .
ﺍﺷﺮﻟﻲ ﻋﺎﻣﺮ ﺍﻗﻮﻡ ﺍﺩﺧﻞ ..
ﻗﻤﺖ ﻟﻠﺒﻴﺖ ..
ﻛﻨﺖ ﻣﺴﺘﻐﺮﺑﻪ ﻣﻌﻘﻮﻟﺔ ﻫﻮ ﻳﺸﺒﻪ ﺗﺼﺮﻓﺎﺕ ﻋﺰﻳﺰ ﻭﺍﻻ ﺍﻧﺎ ﺍﻟﻲ ﻗﻤﺖ ﺍﺗﺨﻴﻠﻮ ﻋﺰﻳﺰ ..
ﺣﺮﻛﺖ ﺭﺍﺳﻲ ﺣﺘﻰ ﺍﻃﺮﺩ ﺍﻻﻓﻜﺎﺭ ..
ﻭﺍﻧﺸﻐﻠﺖ ﻣﻊ ﺍﻟﺒﻨﺎﺕ ﻓﻲ ﺍﻟﻤﻄﺒﺦ ..
ﺑﻴﻮﻣﻬﺎ ﺍﺗﻌﺤﺒﻮ ﻉ ﺍﻟﺪﻭﻟﻤﺔ ﻭﺣﺒﻮﻫﺎ ﻭﺍﻟﻜﻞ ﻃﻠﺐ ﺍﻟﻮﺻﻔﻪ ..
ﻛﺎﻧﺖ ﺍﻡ ﻋﺪﻧﺎﻥ ﻫﺎﺩﺋﺔ ﻭﻗﻠﻴﻠﺔ ﺍﻟﻜﻼﻡ ﻣﻦ ﻏﻴﺮ ﻋﺎﺩﺗﻬﺎ ﺍﻭ ﻳﻤﻜﻦ ﻣﻦ ﺍﻟﺘﻌﺐ ﻻﻥ ﺳﺒﺤﺖ ﻭﺩﺧﻠﺖ ﻧﺎﻣﺖ .
ﻟﻠﻌﺼﺮ ﺍﻟﻜﻞ ﺭﺍﺡ ﻋﻠﻰ ﺑﻴﺘﻮ .. ﻃﻠﺐ ﺍﺑﻮ ﻋﺪﻧﺎﻥ ﻧﻀﻤﺪ ﺟﺮﺣﻮ ﺍﻟﻌﺎﻣﺮ ﺑﺮﺟﻠﻮ ..
ﻟﻜﻦ ﺍﻟﺨﻄﺎﺭ ﻣﺎﺗﻮﻗﻒ .. ﻣﺤﺒﻴﻪ ﻛﺜﺎﺭ ﺍﻭ ﻫﻢ ﻋﺎﺩﺍﺗﻬﻢ ﻛﺬﺍ ..
ﻛﻞ ﺷﻮﻳﻪ ﺧﻄﺎﺭ ..
ﻣﺎﺍﺗﻮﻗﻔﻮﺍ ﻟﻠﻴﻞ ..
ﻭﺍﻧﺎ ﺑﻘﻴﺖ ﻣﻨﺘﻀﺮﺓ ﻭﻣﺎﻧﻤﺖ ﻻﻥ ﺍﺑﻮ ﻋﺪﻧﺎﻥ ﺍﻋﺘﻤﺪ ﻋﻠﻴﻪ ..
ﺻﻌﺪﻭ ﺍﻟﺒﻨﺎﺕ ﻟﻠﻐﺮﻓﻪ ﻭﺍﻧﺎ ﺑﻘﻴﺖ ﺑﺎﻟﻤﻄﺒﺦ ﺍﺳﻮﻱ ﺷﺎﻱ ﺍﻟﻬﻢ ﻭﺳﺮﺍﺏ ﻗﺎﻟﺖ ﺍﻧﺎ ﺗﻌﺒﺖ ﺧﻠﻴﺞ ﺑﻤﻜﺎﻧﻲ .
ﻟﻜﻦ ﻫﻠﻜﻨﻲ ﻋﻠﻲ ﺑﻄﻠﺒﺎﺗﻮ ..
ﻛﻞ ﺷﻮﻳﻪ ﻳﻘﻮﻝ ﺷﺎﻱ ﻣﺎﻱ ﻓﻮﺍﻛﻪ ..
ﻣﺎﺻﺪﻗﺖ ﺑﺪﺃﻭ ﻳﻄﻠﻌﻮﺍ ..
ﺩﺧﻞ ﻋﺪﻧﺎﻥ ﻣﻦ ﺑﺎﺏ ﺍﻟﺤﺪﻳﻘﻪ ..
ﺷﻔﺘﻮ ﻋﻤﻠﺖ ﻧﻔﺴﻲ ﺍﻏﺴﻞ ﺍﻻﻛﻮﺍﺏ ﻭﺍﻧﻀﻒ ..
ﺍﺗﻘﺮﺏ ﻭﻫﻤﺲ ..
ﺷﻠﻮﻧﻬﺎ ﺯﻭﺟﺘﻲ ﺍﻟﻤﺴﺘﻘﺒﻠﻴﺔ ﻉ ﺍﻟﺘﻌﺐ .. ﻭﻛﺎﻥ ﻳﺒﺘﺴﻢ ..
ﺳﻤﻌﺖ ﺻﻮﺕ ﺍﻟﺘﻔﺘﺖ ﺑﺴﺮﻋﻪ ..
ﻭﺍﻏﺸﻌﺖ ﺍﻳﻤﺎﻥ ﻭﺍﻗﻔﺔ ﺑﺒﺎﺏ ﺍﻟﻤﻄﺒﺦ ﺍﻟﻲ ﻣﻦ ﺟﻬﺔ ﺍﻟﺼﺎﻟﺔ ﻭﻛﺎﻥ ﺗﺤﺪﻕ ﺑﻴﺔ ﺑﻐﻀﺐ ..
ﻣﻦ ﺍﻟﺼﺪﻣﺔ ﻭﻗﻌﺖ ﺍﻟﻜﻮﺏ ﻭﺍﻧﻜﺴﺮ ﻣﻦ ﻳﺪﻱ !!
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ