ترانيم

7

#ترانيم
ﻣﺴﺎﺀ ﺍﻟﺤﺐ ﻭﺍﻟﺴﻌﺎﺩﺓ ﺣﺒﺎﻳﺐ 💕
///// ﺍﻟﺒﺎﺭﺕ ﺍﻟﺴـﺎﺑـﻊ /////
# ﺑﻘﻠﻢ _ ﺍﻟﻜﺎﺗﺒﺔ _ ﺷﻤﺲ
‏( ﺷﻤﺲ ﺍﻟﺴﻌـﺪﻱ ‏)
********* # ﺗﺮﺍﻧـﻴــﻢ ***********
ﺍﻣﺸﻲ ﻭﻻ ﺗﻠﺘﻔﺖ !!
ﻭﺇﻥ ﻛﺎﻥ ﺍﻟﻄﺮﻳﻖ ﻣﻈﻠﻢ ﻭﺿﻴﻖ ﻭﻏﺮﻳﺐ ﻭﻣﺠﻬﻮﻝ ..
ﻓﺎﻟﺤـﻴﺎﺓ ﻣﻐﺎﻣﺮﺓ ﻳﺠﺐ ﺍﻥ ﺗﻐﺎﻣﺮ ﻭﺍﻻ ﺍﻧﺖ ﻻ ﺗﻌﻴﺶ ..
ﻧﺤﻦ ﻧﺨﺴﺮ ﺍﻟﻜﺜﻴﺮ ﻣﻦ ﺍﻳﺎﻣﻨﺎ ﻭﻧﺎﺳﻨﺎ ﻻﻧﻨﺎ ﺩﺍﺋﻤﺎ ﻧﺨﺎﻑ
ﺍﻟﺨﻮﻑ ﻳﻔﺴﺪ ﻛﻞ ﺷﻲﺀ ..
ﺗﻌﻠﻤﺖ ﻣﻦ ﺍﻟﺤﻴﺎﺓ ﺍﻥ ﺍﺳﻠﻢ ﻛﻞ ﺷﻲﺀ ﻟﻠﺮﺏ ﻭﺍﻣﻀﻲ
ﻓﺎﺫﺍ ﺍﻟﺘﻔﺖ ﻳﻌﻨﻲ ﺍﻧﻲ ﺍﺷﻜﻚُ ﺑﻘﺪﺭﺗﻪ !!
ﻛﻞ ﻣﺎﺣﺪﺙ ﻫﻮ ﺧﻴﺮﺍ .. ﻭﻛﻞ ﻣﻦ ﺑﻌﺪ ﺧﻴﺮﺍ
ﺑﺎﻻﺧﺮ ﺳﻴﺒﻘﻴﻚ ﺍﻟﺭﺏ ﻓﻲ ﺍﻟﻤﻜﺎﻥ ﺍﻟﻤﻨﺎﺳﺐ ﻭﻣﻊ ﺍﻟﻨﺎﺱ ﺍﻟﻤﻨﺎﺳﺒﺔ ﻟﻚ ..
ﻓﺎﺫﺍ ﻛﻨﺖ ﻣﻦ ﺍﺻﺤﺎﺏ ﺍﻟﻨﻮﺍﻳﺎ ﺍﻟﻄﻴﺒﺔ ﻻﺗﺨﺎﻑ ﺍﺑﺪﺍ !!....
ﻣﺸﻴﺖ ﻣﻦ ﻏﻴﺮ ﻣﺎﻟﺘﻔﺖ .. ﻣﻮ ﺍﻫﻮﻥ ﻣﻦ ﺗﺮﻛﻲ ﺍﻟﻤﺪﻳﻨﺘﻲ ﻭﺗﻬﺠﻴﺮﻱ ﻣﻨﻬﺎ .
ﻣﻜﺘﻮﺏ ﻟﻲ ﺍﻋﻴﺶ ﻋﻤﺮﻱ ﻛﻠﻮ ﻣﻬﺠﺮﺓ ﻭﻣﺎﻟﻲ ﺳﻨﺪ ..
ﻻﺯﻡ ﺍﻋﺘﻤﺪ ﻋﻠﻰ ﻧﻔﺴﻲ ..
ﻭﺍﻭﻗﻒ ﻋﻠﻰ ﺭﺟﻠﻲ ..
ﻛﺎﻥ ﺍﺧﻮ ﺍﻳﻤﺎﻥ ﻳﺪﺣﻖ ﻓﻴﻨﺎ ﺑﺎﻟﻤﺮﺍﻳﺔ .. ﺍﻧﺎ ﻏﺸﻌﺘﻮ ﻣﺮﺓ ﻟﻤﺎ ﻋﺎﻣﺮ ﺭﺟﻊ ﻣﻦ ﺍﻟﻤﺴﺘﺸﻔﻰ ..
ﺍﺣﻤﺪ .. ﺑﺎﻋﻦ ﺧﻮﻳﺔ .. ﺍﻧﻲ ﺣﺎﻭﻟﺖ ﺍﻟﮕﻴﻠﺠﻦ ﻣﻜﺎﻥ ﻗﺮﻳﺐ ﻉ ﺍﻟﻮﻻﻳﺔ .. ﺑﺲ ﺍﻟﻤﺪﺍﺭﺱ ﻭﺍﻟﺤﺴﻴﻨﻴﺎﺕ ﻛﻠﻬﺎ ﻣﺰﺩﺣﻤﺔ ..
ﺭﺍﺡ ﺍﺧﻠﻴﺠﻦ ﻭﻱ ﻋﺎﺋﻠﺔ ﺑﻴﻬﺎ ﻣﺮﺓ ﺟﺒﻴﺮﺓ ﻭﺭﺟﺎﻝ ﺟﺒﻴﺮ ﺑﺎﻟﻌﻤﺮ ﻭﻣﺎﻋﺪﻫﻢ ﺍﺣﺪ ..
ﺍﻧﻬﺰﻣﻮﺍ ﻭﻣﺎﻳﻌﺮﻓﻮﻥ ﺷﻲ ﻋﻦ ﻭﻟﺪﻫﻢ ..
ﺗﺮﺍﻧﻴﻢ .. ﻣﻮ ﻣﺸﻜﻠﻪ ﺧﻠﻴﻨﺎ ﺑﺄﻱ ﻣﻜﺎﻥ ..
ﻟﻴﻨﺎ .. ﺍﺧﺘﻲ ﻭﻳﻦ ﺭﺍﻳﺤﻴﻦ . ﻭﺍﺧﻲ ﻋﺰﻳﺰ ﻳﻌﺮﻑ ..
ﺗﺮﺍﻧﻴﻢ .. ﻣﺎﻛﻮ ﺍﺣﺪ ﺑﻴﻬﻢ ﻳﻌﺮﻑ ﻭﻻ ﺭﺍﺡ ﻳﻌﺮﻓﻮﺍ ..
ﻟﻴﻨﺎ .. ﻭﻟﻴﺶ ﻫﺮﺑﺎﻧﻴﻦ ﻫﻢ ﻳﺤﺒﻮﻧﺎ ﻭﺍﻧﺎ ﺗﻌﻮﺩﺕ ﻋﻠﻴﻬﻢ
ﺗﺮﺍﻧﻴﻢ .. ﻟﻴﻨﺎﺍﺍﺍﺍ ﻫﺬﺍ ﺍﻟﻲ ﻻﺯﻡ ﻳﺼﻴﺮ . ﻣﺎﻧﺒﻘﻰ ﻋﻤﺮﻧﺎ ﻛﻠﻮ ﻋﻨﺪﻫﻢ ..
ﻟﻴﻨﺎﺍﺍ .. ﻟﻜﻦ ..
ﺗﺮﺍﻧﻴﻢ .. ﺍﻗﻄﻌﻲ ﺍﻟﻜﻼﻡ ﻣﻮ ﻭﻗﺘﻮ .
ﻛﺎﻥ ﺍﺧﻮ ﺍﻳﻤﺎﻥ ﻳﺪﺣﻖ ﻓﻴﻨﺎ …
ﻃﻠﻊ ﺍﻟﺼﺒﺢ ﻭﻟﻴﻨﺎ ﻧﺎﻳﻤﺔ ﻋﻠﻰ ﻛﺘﻔﻲ ..
ﺍﺣﻤﺪ .. ﻭﺻﻠﻨﺎ ..
ﺻﺤﻴﺖ ﻟﻴﻨﺎ .. ﻗﻮﻣﻲ ﺣﺒﻴﺒﺘﻲ ﻭﺻﻠﻨﺎ .
ﻗﺎﻣﺖ ﻭﻣﺎﺗﻜﻠﻤﺖ ﺷﻲ ﻣﻌﺎﻱ .
ﻧﺰﻟﻨﺎ ..
ﻛﺎﻥ ﺍﻟﻤﻜﺎﻥ ﻳﺸﺒﻪ ﺍﻟﺒﻴﺖ ﻟﻤﻦ ﺻﻐﻴﺮ ..
ﺍﺗﻘﺮﺏ ﻫﻮ ﻭﺩﻕ ﺍﻟﺒﺎﺏ ..
ﻭﻗﺎﻝ .. ﺍﺑﻮ ﺭﻣﺎﺡ .. ﺍﺑﻮ ﺭﻣﺎﺡ ..
ﻃﻠﻊ ﺭﺟﺎﻝ ﻛﺒﻴﺮ ﺑﺎﻟﻌﻤﺮ ..
ﺍﺣﻤﺪ .. ﺟﺒﺘﻠﻚ ﺍﻣﺎﻧﺔ ﻳﻤﻚ ﻣﻦ ﺍﻟﻤﻮﺻﻞ ﻫﻢ .. ﻣﺎﻋﺪﻫﻦ ﺍﺣﺪ ﻭﺍﻫﻠﻬﻦ ﺍﺧﺬﻭﻫﻢ ﺩﺍﻋﺶ ..
ﺍﺑﻮ ﺭﻣﺎﺡ .. ﻛﻠﻨﺎ ﺍﻣﺎﻧﺔ ﺍﻟﻠﻪ ﺍﺑﻨﻲ .. ﺍﺩﺧﻠﻦ ﺑﻮﻳﻪ ﺍﺩﺧﻠﻦ
ﻟﻴﻨﺎ ﻛﺎﻧﺖ ﻣﺎﺳﻜﺔ ﺑﻴﻪ ﺭﻏﻢ ﻫﻲ ﻣﺎﺗﺘﻜﻠﻢ ﻣﻌﻲ ﻭﺯﻋﻼﻧﺔ ..
ﺩﺧﻠﻨﺎ ﻛﺎﻧﺖ ﻣﺮﺃﺓ ﻛﺒﻴﺮﺓ ﻧﺎﻳﻤﺔ .
ﺍﻏﺸﻌﺘﻨﺎ ﻗﻌﺪﺕ ..
ﺗﺬﻛﺮﺕ ﺍﻟﺸﻐﻞ ..
ﻃﻠﻌﺖ ﺍﺗﻜﻠﻢ ﻣﻌﺎﻩ .. ﻟﻘﻴﺘﻮ ﺭﺍﺡ !!
ﺍﺑﻮ ﺭﻣﺎﺡ .. ﻫﺎ ﺑﻨﺘﻲ ﻧﺴﻴﺘﻲ ﺷﻲ ..
ﺗﺮﺍﻧﻴﻢ .. ﻻ ﻋﻤﻮ !!
ﺭﺟﻌﺖ ﻟﻠﺒﻴﺖ ﺳﻠﻤﺖ ﻋﻠﻰ ﺍﻡ ﺭﻣﺎﺡ ..
ﺍﻡ ﺭﻣﺎﺡ .. ﺍﺷﻨﻮ ﻗﺼﺘﻜﻢ ..
ﺗﺮﺍﻧﻴﻢ .. ﻗﺼﺘﻨﺎ ﻃﻮﻳﻠﻪ .. ﻟﻜﻦ ﻣﺎﻟﻬﺎ ﻣﻌﻨﻰ ﺑﻌﺪ ﺿﻴﺎﻋﻨﺎ ﻭﻓﺮﺍﻗﻨﺎ ﻋﻦ ﺍﻫﻠﻨﺎ ..
ﻧﺰﻟﺖ ﺩﻣﻮﻋﻬﺎ ﻭﻗﺎﻟﺖ .. ﺍﺣﻨﺔ ﻫﻴﻜﻲ ﺿﻴﻌﻨﺎ ﻭﻟﺪﻧﺎ ﻭﺍﺑﻮ ﺭﻣﺎﺡ ﻧﺴﻰ ﺍﻟﻤﻮﺑﺎﻳﻞ ﺑﺎﻟﺒﻴﺖ ﻭﻃﻠﻌﻨﺎ ﺧﺎﻳﻔﻴﻦ ﻋﻠﻰ ﺍﺭﻭﺍﺣﻨﺎ
ﻭﻣﺎﺗﺬﻛﺮﻧﺎﻩ ﺍﻟﻰ ﻟﻤﺎ ﻣﺸﺖ ﺍﻟﺸﺎﺣﻨﻪ ﺑﻴﻨﺎ ﻟﻠﺠﻨﻮﺏ
ﻟﻴﻨﺎ .. ﻭﺍﻭﻻﺩﻛﻢ ﻭﻳﻦ ؟؟
ﺍﺑﻮ ﺭﻣﺎﺡ ﻛﺎﻥ ﻳﺨﻠﻲ ﻣﺎﻱ ﺑﺎﻟﻘﻮﺭﻱ ﻉ ﺍﻟﻨﺎﺭ ﻭﻳﻘﻮﻝ .
ﺍﻧﺎ ﻋﻨﺪﻱ ﺑﻨﺖ ﻭﻭﻟﺪ ﻣﺘﺰﻭﺟﻴﻦ ﻟﻜﻦ ﺑﻴﻮﺗﻬﻢ ﺑﻌﻴﺪﺓ ﻋﻨﺎ ..
ﻣﺎﻗﺪﺭﻧﺎ ﻧﺤﺼﻠﻬﻢ .. ﻭﻟﻤﺎ ﺍﻟﻨﺎﺱ ﻛﻠﻬﺎ ﻓﺰﻋﺖ ﻭﻫﺮﺑﺖ ﻫﺮﺑﻨﺎ ﻣﻌﺎﻫﻢ ..
ﺍﻧﺎ ﻭﺧﺎﻟﺘﻜﻢ ﺍﻡ ﺭﻣﺎﺡ ﻛﺒﺎﺭ ﻣﻮ ﺣﻤﻞ ﺑﻬﺬﻟﺔ ﻭﻋﺬﺍﺏ ..
ﺗﺮﺍﻧﻴﻢ .. ﻭﺍﺣﻨﺔ ﻟﺰﻣﻮﻧﺎ ﻟﻤﺎ ﻛﻨﺎ ﻧﻬﺮﺏ ﻟﻼﻗﻠﻴﻢ .. ﻭﺍﺧﺬﻭﺍ ﺍﺑﻲ ﻭﺍﺧﻲ ﻭﻳﻤﻲ ﻭﺍﺧﺬﻭﻧﺎ ﺳﺒﺎﻳﺎ ﻭﺑﺎﻋﻮﻧﺎ ﻟﻮﻻ ﻣﻌﺠﺰﺓ ﺳﺎﻋﺪﺗﻨﺎ ﺑﺎﻟﻬﺮﺏ ..
ﺍﻡ ﺭﻣﺎﺡ .. ﺍﻟﻠﻪ ﻳﺤﺒﻜﻢ .. ﻟﻮ ﺗﺴﻤﻌﻲ ﺍﺷﻨﻮ ﻳﺴﻮﻥ ﺑﺒﻨﺎﺗﻨﺎ . ﺧﺎﻳﻔﻪ ﻋﻠﻰ ﺑﻨﺘﻲ ﻭﺑﻨﺎﺗﻬﺎ ﻭﺑﻨﺎﺕ ﺍﺑﻨﻲ .
ﺧﺎﻳﻔﻪ ﻋﻠﻴﻬﻢ ﻻﻳﺎﺧﺬﻭﻫﻢ ﻭﻳﺒﻴﻌﻬﻢ ﺍﻭ ﻳﻐﺘﺼﺒﻮﻫﻢ .. ﻭﻟﻮ ﻫﻢ ﺻﻐﺎﺭ ﺍﻛﻴﺪ ﻣﺎﻳﻠﻤﺴﻮﻫﻢ ..
ﺍﺑﻮ ﺭﻣﺎﺡ .. ﻫﺬﻭﻝ ﻣﺎﻋﻨﺪﻫﻢ ﺭﺣﻤﺔ ﻭﻻﻳﻌﺮﻓﻮﺍ ﺻﻐﺎﺭ ﻭﻛﺒﺎﺭ ﻛﻔﺮﺓ ﻣﻮ ﺍﺳﻼﻡ ..
ﺳﻴﺪﻧﺎ ﻋﻠﻲ ‏( ﻛﺮﻡ ﺍﻟﻠﻪ ﻭﺟﻬﻪ ‏) ﻛﺎﻥ ﺫﺍﻛﺮ ﻗﺒﻞ 14 ﻗﺮﻥ ﺍﻧﻪ ﻓﻲ ﺯﻣﻦٍ ﻣـﺎ ﺭﺍﺡ ﻳﻈﻬﺮ ﺍﺻﺤﺎﺏ ﺍﻟﺮﺍﻳﺎﺕ ﺍﻟﺴﻮﺩ ..
ﻭﺍﻟﻲ ﺷﻌﻮﺭﻫﻢ ﻛـ ﺷﻌﺮ ﺍﻟﻨﺴﺎﺀ ..
ﻭﻫﺎﺫ ﺗﺤﻘﻖ ﻛﻼﻣﻮ ..
ﺍﻟﻠﻪ ﻛﻠﺸﻲ ﺫﻛﺮ ﻣﻦ ﺧﻼﻝ ﺭﺳﻠﻮ ﻭﺧﻠﻔﺎﺅ .
ﻟﻜﻦ ﺍﻟﺒﺸﺮ ﻣﺎﻳﺘﻌﻆ ﻭﻻﻳﺨﺎﻑ .. ﻋﺎﻣﻴﺘﻮ ﺍﻟﺪﻧﻴﺎ ..
ﺗﺮﺍﻧﻴﻢ .. ﺍﻧﺘﻮ ﻣﺴﻠﻤﻴﻦ ؟؟
ﺍﻡ ﺭﻣﺎﺡ .. ﺍﻱ ﺑﻨﻴﺘﻲ ﺍﺣﻨﺔ ﺳﻨﺔ .. ﻭﺍﻛﻴﺪ ﺍﻧﺘﻦ ﻣﺴﻴﺤﻴﺎﺕ ﻣﺒﻴﻦ ﻣﻦ ﻭﺟﻬﺠﻦ ..
ﺗﺮﺍﻧﻴﻢ .. ﺍﻱ ﻣﺴﻴﺤﻴﺎﺕ . ﻣﻨﻮ ﻋﻠﻲ ﺍﺗﺸﻮﻗﺖ ﺍﺳﻤﻊ ﻋﻨﻮ ..
ﺍﺑﻮ ﺭﻣﺎﺡ .. ﺍﻧﺎ ﺳﻨﻲ .. ﻟﻜﻦ ﺩﺍﻳﻤﺎ ﺍﻗﺮﺃ ﻛﺘﺐ ﻋﻨﻮ .. ﻫﻮ ﺧﻠﻴﻔﺔ ﻣﻦ ﺍﻟﺨﻠﻔﺎﺀ ﺍﻟﺮﺍﺷﺪﻳﻦ .
ﻟﻜﻦ ﻫﻮ ﺍﻣﺎﻡ ﺍﻟﺸﻴﻌﺔ ..
ﺍﻧﺎ ﻣﺎﺍﻗﺪﺭ ﺍﺗﻜﻠﻢ ﻋﻨﻮ ﺑﻘﺪﻫﻢ . ﻫﻢ ﻳﺘﻜﻠﻤﻮﺍ ﻋﻨﻮ ﺑﻌﺸﻖ ﻭﺣﺐ ﻛﺎﻥ ﺻﺪﻳﻖ ﺍﻟﻲ ﺑﺎﻟﺠﻴﺶ ﺍﻳﺎﻡ ﺍﻟﺸﺒﺎﺏ ..
ﺷﻴﻌﻲ .. ﺍﺧﻼﻗﻮ ﻻﻣﺜﻴﻞ ﻟﻬﺎ ..
ﻭﺍﻧﺴﺎﻥ ﻣﺘﺪﻳﻦ ﻭﻳﺨﺎﻑ ﺭﺑﻮ ..
ﻭﻟﻤﺎ ﺍﻗﻠﻮﺍ ﺍﻧﺖ ﺷﻠﻮﻥ ﻫﻴﻜﻲ .
ﻳﻘﻮﻝ ﻫﺬﻩ ﺍﺧﻼﻕ ﻧﺒﻴﻨﺎ ﻭﺍﻣﺎﻣﻨﺎ ﻋﻠﻲ ‏( ﻋﻠﻴﻪ ﺍﻟﺴﻼﻡ ‏)
ﻭﻛﺎﻥ ﺩﺍﻳﻤﺎ ﻳﻘﺼﻠﻲ ﻋﻨﻮ ﻭﻳﺘﻜﻠﻢ ﻋﻦ ﻧﻬﺠﻮ ..
ﺟﺬﺑﻨﻲ ﺍﻗﺮﺃ ﻛﺘﺎﺑﻮ ﺍﺳﻤﻮ ﻧﻬﺞ ﺍﻟﺒﻼﻏﺔ ..
ﻋﺠﺒﺘﻨﻲ ﺷﺨﺼﻴﺘﻮ ﻭﺣﻜﻤﺘﻮ ﺑﺎﻟﺪﻧﻴﺎ ..
ﺗﺮﺍﻧﻴﻢ .. ﻭﺍﻧﺎ ﻋﺠﺒﻨﻲ ﺍﻗﺮﺃ ﻋﻨﻮ ..
ﺍﻡ ﺭﻣﺎﺡ .. ﻳﻜﻔﻲ ﻳﺎﺍﺑﻮ ﺭﻣﺎﺡ . ﺍﻟﺒﻨﺎﺕ ﺗﻌﺒﺎﻧﺎﺕ ﻭﺍﻛﻴﺪ ﺟﻮﻋﺎﻧﺎﺕ . ﺧﻠﻴﻨﺎ ﻧﺠﻬﺰ ﺍﻟﺮﻳﻮﻕ ﻭﺑﻌﺪﻫﺎ ﻛﻤﻠﻮﺍ ﻛﻼﻡ ..
ﻛﻤﻠﻨﺎ ﺭﻳﻮﻕ ..
ﻛﺎﻧﺖ ﻟﻴﻨﺎ ﺯﻋﻼﻧﺔ ﺣﺘﻰ ﻣﺎﺍﻛﻠﺖ ..
ﺍﻟﻤﻜﺎﻥ ﺍﻟﻲ ﺟﺎﻟﺴﻴﻦ ﻓﻴﻪ .. ﻋﺒﺎﺭﺓ ﻋﻦ ﻏﺮﻓﺘﻴﻦ ﻭﺣﺪﺓ ﺻﻐﻴﺮﺓ ﻭﻭﺣﺪﺓ ﻛﺒﻴﺮﺓ ..
ﺍﻡ ﺭﻣﺎﺡ .. ﺍﺧﺬﻭ ﻏﺮﺍﺿﻜﻢ ﻭﺍﻗﻌﺪﻭﺍ ﺑﺎﻟﻐﺮﻓﻪ ﺍﻟﺼﻐﻴﺮﺓ ﻭﺍﻧﺎ ﻭﺍﺑﻮ ﺭﻣﺎﺡ ﺭﺍﺡ ﻧﺒﻘﻰ ﻫﻮﻧﻲ ..
ﺗﺮﺍﻧﻴﻢ .. ﺍﻋﺘﺬﺭ ﻻﻧﺎ ﻗﻠﻘﻨﺎ ﺭﺍﺣﺘﻜﻢ ..
ﺍﻡ ﺭﻣﺎﺡ .. ﻻﺗﻘﻮﻟﻲ ﻫﺎﻟﻜﻼﻡ ﺑﻨﺘﻲ .. ﺍﺣﻨﺔ ﻧﻔﺲ ﺍﻟﻤﺼﻴﺮ ﻭﺍﻫﻞ .. ﺍﻧﺘﻮ ﺑﻨﺎﺗﻲ ﻣﻦ ﺍﻟﻴﻮﻡ ﻟﺤﺘﻰ ﺗﻠﻘﻮﺍ ﺍﻫﻠﻜﻢ ﺍﻭ ﻧﺮﺟﻊ ﺍﻟﻤﺪﻳﻨﺘﻨﺎ ..
ﺣﺴﻴﺖ ﺑﺮﺍﺣﺔ ﻟﻤﺎ ﺍﻏﺸﻌﺘﻬﻢ ﻧﺎﺱ ﻃﻴﺒﻴﻦ ..
ﻭﻛﺄﻧﻮ ﺍﻟﺮﺏ ﻳﺠﻌﻞ ﺑﻄﺮﻳﻘﻨﺎ ﺍﻟﻄﻴﺒﻴﻦ ﺣﺘﻰ ﻳﺤﻤﻴﻨﺎ ..
ﺩﺧﻠﺖ .. ﻟﻴﻨﺎ ﻧﺎﻣﺖ ..
ﻟﻴﻨﺎ ﺣﺒﻴﺒﺘﻲ ﺍﻧﺘﻲ ﻗﺎﻋﺪﺓ .
- ﺍﻧﺎ ﻧﻌﺴﺎﻧﺔ ﺍﺧﺘﻲ ﺍﺭﻳﺪ ﺍﻧﺎﻡ ..
- ﺑﺮﺍﺣﺘﻚ ﺣﺒﻴﺒﺘﻲ ﻟﻜﻦ ﻣﻦ ﺗﻘﻌﺪﻱ ﺧﻠﻴﻨﺎ ﻧﺤﻜﻲ ..
ﻣﺎﺭﺩﺕ ﻋﻠﻴﺔ . ﺗﺬﻛﺮﺕ ﺍﻟﻤﻮﺑﺎﻳﻞ ﻃﻠﻌﺘﻮ ﻭﻏﻠﻘﺘﻮ ﻣﺎﺍﺭﻳﺪ ﺍﺣﺪ ﻳﻌﺮﻑ ﻣﻜﺎﻧﺎ ..
---------------------------------
ﺳﺮﺍﺏ … .
ﮔﻌﺪﺕ ﻣﻦ ﺍﻟﻨﻮﻡ ﺍﻟﺴﺎﻋﺔ ﺗﺴﻌﻪ ﻋﻠﻰ ﺻﻮﺕ ﺍﻣﻲ ﻭﻫﻲ ﺗﺼﻴﺢ ..
- ﻳﻠﺔ ﻣﺎﺗﮕﻌﺪﻥ ﺻﺎﺭ ﺍﻟﻈﻬﺮ ..
ﺑﺎﻭﻋﺖ ﺍﻟﻤﻜﺎﻥ ﻟﻴﻨﺎ ﻭﺗﺮﺍﻧﻴﻢ ﻓﺎﺭﻍ ..
ﻣﻌﻘﻮﻟﺔ ﻧﺰﻟﻮﺍ ﻣﻦ ﻭﻛﺖ ﺍﻟﻴﻮﻡ ..
ﺑﻠﺔ ﺭﻧﻮﻡ ﻋﺎﺩﻱ ﺗﮕﻌﺪ .. ﺑﺲ ﻟﻴﻨﺎ ﺷﻠﻮﻥ ﮔﻌﺪﺕ ﻣﻦ ﺍﻟﺼﺒﺢ ﻭﻫﻲ ﺳﺮﻭﺭ ﺑﺎﻟﮕﻮﺓ ﻳﮕﻌﺪﻥ ﺍﻟﺼﺒﺢ
بيج قصص عراقيه حقيقيه من واقعنا.روعه الطائي
ﺻﺤﻴﺖ ﺳﺮﻭﺭ .. ﺳﺮﻭﺭ ﺧﺎﻧﻢ ﻳﻠﻪ ﺍﮔﻌﺪﻱ .. ﺣﺘﻰ ﻟﻴﻨﺎ ﻭﺗﺮﺍﻧﻴﻢ ﮔﻌﺪﻭﺍ ﻭﺍﻧﺘﻲ ﺑﻌﺪﺝ ..
ﺳﺮﻭﺭ … ﺍﻣﻤﻤﻤﻤﻢ ﻋﻮﻓﻴﻨﻲ ..
ﺳﺮﺍﺏ .. ﻭﻟﺞ ﺭﺍﺡ ﺗﺒﺪﻱ ﺍﻟﺪﻭﺍﻣﺎﺕ ﺷﻠﻮﻥ ﺑﻴﺞ ﻫﻢ ﺗﺒﻘﻴﻦ ﻫﻴﺞ ..
ﺗﺮﻛﺘﻬﺎ ﻭﻧﺰﻟﺖ ..
ﺻﺒﺎﺡ ﺍﻟﺨﻴﺮ ..
- ﺻﺒﺎﺡ ﺍﻟﻨﻮﺭ .. ﻭﻳﻨﺞ ﻟﺴﺎ ﻫﺎﻱ .. ﺳﻮﻱ ﺭﻳﻮﮒ ﺍﻻﺧﻮﺝ ﺧﻠﻲ ﻳﺘﺮﻳﮓ ﺣﺘﻰ ﻳﺎﺧﺬ ﻋﻼﺟﺔ ..
- ﻭﺟﺪﺗﻲ ﺗﺮﻳﮕﺖ ..
- ﺍﻱ ﺟﺎ ﺗﺒﻘﻰ ﻟﺴﺎ ..
ﺭﺣﺖ ﺻﺒﺤﺖ ﻋﻠﻰ ﺟﺪﺗﻲ ﻭﺑﺴﺖ ﺭﺍﺳﻬﺎ ..
ﻃﻠﻌﺖ ﻭﺳﺄﻟﺖ ..
ﺟﺎ ﺍﻟﺒﻨﺎﺕ ﻭﻳﻦ ..
- ﺍﻧﻲ ﻭﻫﻲ ﺗﻠﮕﻂ ﺍﻟﺘﻤﻦ ..
ﻳﺎﺑﻨﺎﺕ ..
- ﻟﻴﻨﺎ ﻭﺗﺮﺍﻧﻴﻢ ؟؟
- ﻏﻴﺮ ﻧﺎﻳﻤﺎﺕ ﻣﺤﺪ ﮔﻌﺪﺕ ﻟﺴﺎ ..
- ﻣﺎﻣﻮﺟﻮﺩﺍﺕ ﺑﺎﻟﻐﺮﻓﺔ !!
- ﺧﺎﻑ ﺑﻐﺮﻓﻪ ﻋﺰﻳﺰ ﺍﺧﺬﻥ ﺑﻴﻬﺎ ﻣﻘﺎﻭﻟﻪ ..
ﺗﺮﻛﺖ ﻛﻠﺸﻲ ﻭﺻﻌﺪﺕ ﺍﺷﻮﻓﻬﻦ ..
ﻓﺘﺤﺖ ﺍﻟﺒﺎﺏ ﺍﻟﻐﺮﻓﻪ ﻓﺎﺭﻏﺔ ..
ﺩﺧﻠﺖ ﺍﻟﻐﺮﻓﻪ ﻋﻠﻲ ﻭﻋﺎﻣﺮ .. ﺑﺲ ﻋﻠﻲ ﻧﺎﻳﻢ ﻭﺍﻟﻐﺮﻓﺔ ﻣﺴﻮﻳﻬﺎ ﻣﻬﺮﺟﺎﻥ ..
ﻳﺎﺭﺑﻲ ﻭﻳﻦ ﺭﺍﺣﻦ ﺫﻧﻲ ..
ﻃﻠﻌﺖ ﺍﻳﻤﺎﻥ ﻣﻦ ﻏﺮﻓﺘﻬﺎ ..
- ﻣﺎﺷﻔﺘﻲ ﺍﻟﺒﻨﺎﺕ ؟؟
- ﻳﺎﺑﻨﺎﺕ ؟؟
- ﻟﻴﻨﺎ ﻭﺗﺮﺍﻧﻴﻢ ؟؟
- ﻻ ﻭﻳﻦ ﺍﺷﻮﻓﻬﻦ ﻏﻴﺮ ﻧﺎﻳﻤﺎﺕ ﻳﻤﺞ ..
- ﻣﺎﻫﻨﺔ ..
- ﻣﺎﺷﻔﺘﻲ ﺑﻐﺮﻓﻪ ﻋﺰﻳﺰ .. ﻻﻥ ﺳﺖ ﺗﺮﺍﻧﻴﻢ ﻣﺎﺗﻔﺎﺭﮔﻬﺎ ..
- ﺷﻔﺘﻬﺎ ﻣﺎﻫﻲ .. ﺧﻠﻴﺘﻬﺎ ﺗﺤﺠﻲ ﻭﻧﺰﻟﺖ .
ﺭﻣﻀﺖ ﻟﻠﺤﺪﻳﻘﻪ ﺍﺑﺎﻭﻉ ﻣﺎﻛﻮ ..
ﺩﻭﺭﺕ ﺍﻟﺒﻴﺖ ﻛﻠﻪ ﻣﺎﻛﻮ ..
ﻣﻠﻜﻴﺔ .. ﺷﻜﻮ ﺷﺒﻴﺞ ﺗﺘﺮﺍﻛﻀﻴﻦ ﻣﻨﺎ ﻭﻣﻨﺎ ؟
ﺳﺮﺍﺏ .. ﺟﺪﺓ ﻟﻴﻨﺎ ﻭﺗﺮﺍﻧﻴﻢ ﻣﺎﻫﻨﺔ ﺑﺎﻟﺒﻴﺖ ..
ﻣﻠﻜﻴﺔ .. ﻳﺎ ﻗﺤﻄﺎﻥ ﺍﺑﻨﻲ .. ﻭﻳﻦ ﺭﺍﺣﻦ ﺍﻟﺒﻨﺎﺕ .. ﻫﻨﺔ ﻣﺎﻳﻨﺪﻟﻦ ﺍﻱ ﻣﻜﺎﻥ ﺑﻌﺪ ﻭﻳﻦ ﻳﺮﺣﻦ ..
ﻋﺎﻣﺮ .. ﻫﺎ ﺳﺮﺍﺏ ﺷﺒﻴﻬﻦ ..
ﺭﺣﺖ ﻳﻤﺔ … ﺍﻟﺒﻨﺎﺕ ﻣﺎﻫﻨﺔ ﺑﺎﻟﺒﻴﺖ ﻛﻠﻪ ..
ﺍﻣﻲ .. ﻣﺎﮔﺎﻟﻦ ﻭﻳﻦ ﻳﺮﺣﻦ ﻣﻌﻘﻮﻟﺔ ﻋﺮﻓﻦ ﺷﻲ ﻋﻦ ﺍﻫﻠﻬﻦ
ﺳﺮﺍﺏ .. ﺻﺪﮒ ﺗﺤﺠﻴﻦ ﻳﻤﺔ .. ﻣﻨﻴﻦ ﻳﺠﻴﺒﻦ ﺍﺧﺒﺎﺭﻫﻢ ﻣﺎﻋﻨﺪﻫﻦ ﺗﻮﺍﺻﻞ ﺑﺲ ﻭﻱ ﻋﺰﻳﺰ . ﻭﺣﺘﻰ ﺟﻨﺎﺳﻲ ﻣﺎﻋﻨﺪﻫﻦ
ﻣﻠﻜﻴﺔ .. ﻣﻮ ﺍﺧﻮﺝ ﺟﺎﺑﻠﻬﺎ ﻣﻮﺑﺎﻳﻞ ﺧﺎﺑﺮﻳﻬﺎ ﻭﺷﻮﻓﻴﻬﺎ ﻭﻳﻦ
ﺳﺮﺍﺏ .. ﻣﺎﺍﻋﺮﻓﻪ ﺑﺲ ﻋﺰﻳﺰ ﻳﻌﺮﻓﻪ ﻭﺍﺻﻼ ﻻﻥ ﻫﻲ ﻳﻤﻲ ﻣﺎ ﻓﻜﺮﺕ ﺍﺧﺬﺓ ﻣﻨﻬﺎ .
ﻣﻠﻜﻴﺔ .. ﻋﺰﺍ ﺍﻟﻌﺰﺍﺝ ﻋﻠﻰ ﻫﺎﻱ ﺍﻟﺴﺎﻟﻔﻪ ﺷﻠﻮﻥ ﻣﺎﺗﺎﺧﺬﻳﻦ ﺭﻗﻤﻬﺎ .. ﺫﻧﻲ ﺍﻣﺎﻧﻪ ﺑﻠﻪ ﺍﺫﺍ ﺳﻤﻊ ﻋﺰﻳﺰ ﺷﻴﮕﻮﻝ ..
ﻋﺎﻣﺮ .. ﺍﻭﮔﻔﻮﺍ ﺍﻧﻲ ﺭﺍﺡ ﺍﺧﺎﺑﺮ ﻋﺰﻳﺰ ﻭﺍﺷﻮﻓﻪ ..
ﺍﻳﻤﺎﻥ .. ﻭﺍﻟﻠﻪ ﻣﻜﺒﺮﻳﻬﺎ ﻗﺎﺑﻞ ﻫﻨﺔ ﺻﻐﺎﺭ .. ﺍﻛﻴﺪ ﻣﺎﻋﺠﺒﺘﻬﻦ ﺍﻟﮕﻌﺪﺓ ﻫﻨﺎ ﻭﻣﺸﻦ . ﻣﺨﻨﻮﮔﺎﺕ ﺑﺎﻟﺤﺠﺎﺏ ﻭﺍﻟﺪﺷﺎﺩﻳﺶ ﻭﻻﻃﻠﻌﺔ ﻭﻻﻃﺒﺔ ﻫﺎﻱ ﻭﻳﻦ ﺗﺼﺮﻓﻠﻬﻦ ..
ﺳﺮﺍﺏ .. ﺑﻠﻪ ﺍﻧﺘﻲ ﺍﺟﺘﺞ ﻣﻦ ﺍﻟﻠﻪ ﻋﻠﻰ ﺍﻟﻠﻪ .. ﺍﻛﺜﺮ ﻭﺣﺪﺓ ﺗﻔﺮﺡ ﻭﺗﺮﮔﺺ ﺍﻧﺘﻲ ..
ﺍﻳﻤﺎﻥ .. ﻳﺎ ﺍﻧﻲ ﺷﻌﻠﻴﻪ ﻗﺎﺑﻞ ﺍﻧﻲ ﮔﻠﺘﻠﻬﻦ ﺭﻭﺣﻦ .
ﺳﺮﺍﺏ .. ﻛﻠﺸﻲ ﻳﺼﻴﺮ ﺷﻤﺪﺭﻳﻨﺎ ..
ﺍﻳﻤﺎﻥ .. ﻧﻌﻢ ﺍﻟﻠﻪ ﻋﻠﻴﺞ .. ﺍﺩﺭﻱ ﺑﻴﺞ ﺭﺍﺡ ﺗﻄﻴﺤﻴﻬﺎ ﺑﺮﺍﺳﻲ .
ﻭﺍﻟﻠﻪ ﺍﻧﻲ ﺍﮔﻮﻝ ﺧﺎﻑ ﻭﺍﺣﺪ ﻗﺸﻤﺮﻫﺎ ﺑﺎﻟﻔﻴﺲ ﻭﻏﻮﺍﻫﺎ ﻭﺭﺍﺣﺖ .
ﺳﺮﺍﺏ .. ﺧﺎﻓﻲ ﺭﺑﺞ .. ﻛﻠﻨﺎ ﻧﻌﺮﻑ ﺍﺧﻼﻗﻬﻦ ﺷﻨﻮ ..
ﻣﻠﻜﻴﺔ .. ﺧﺎﻳﺒﺔ ﻣﺎﺗﻮﻟﻴﻦ ﺍﻟﺤﺠﺮﺗﺞ ﻭﺗﻨﺠﺒﻴﻦ .. ﺍﻟﺒﻨﺎﺕ ﻣﺎﻧﻌﺮﻓﻠﻬﻦ ﺍﺛﺮ ﻭﺍﻧﺘﻲ ﺗﺘﺸﻤﺘﻴﻦ ..
ﺍﻣﺸﻲ ﻻﺍﮔﻮﻣﻠﺞ ﺑﺎﻟﻌﺼﺎ ..
ﻫﺎ ﻭﻟﻚ ﻋﺎﻣﺮ ﻣﺎﺭﺩ ﺍﺧﻮﻙ ..
- ﻻﺟﺪﺓ ﻣﺎﺭﺩ ..
- ﺧﺎﺑﺮ ﺍﺑﻮﻙ ﻭﮔﻠﺔ ﺧﻠﻲ ﻳﺪﻭﺭﻭﻥ ﻋﻠﻴﻬﻦ ..
ﺧﺎﻑ ﺑﺎﻟﺒﺴﺘﺎﻥ ﺑﻌﺪﻫﻦ ..
ﺷﻨﻲ ﻓﺺ ﻣﻠﺢ ﻭﺫﺍﺏ ..
------------------------------
ﻋﺰﻳﺰ ..
ﺟﻨﺖ ﻧﺎﻳﻢ ﻭﺗﻌﺒﺎﻥ ﻭﺍﻟﻠﻴﻞ ﻛﻠﻪ ﺳﻬﺮﺍﻥ ﺟﺎﻥ ﻋﺪﻧﺎ ﻫﺠﻮﻡ ..
ﺍﺟﺎﻧﻲ ﻭﺍﺣﺪ ﻣﻦ ﺍﻟﺠﻨﻮﺩ
ﺳﻴﺪﻱ ﺳﻴﺪﻱ .. ﺑﺼﻮﺕ ﻗﺮﻱ
ﻓﺘﺤﺖ ﻋﻴﻨﻲ .. ﻭﻃﻔﺮﺕ .. ﺳﺤﺒﺖ ﺳﻼﺣﻲ ﺑﺴﺮﻋﺔ .
- ﺷﻨﻲ ﺻﺎﺭ ﻋﻠﻴﻨﺎ ﻫﺠﻮﻡ ..
- ﻻﺳﻴﺪﻱ .. ﺑﺲ ﺟﻬﺎﺯﻙ ﺻﺎﺭ ﺳﺎﻋﻪ ﻳﺪﮒ ﻉ ﺍﻟﺸﺤﻦ ﻭﺍﺟﻴﺖ ﺍﮔﻠﻚ ..
ﺍﺧﺬﺕ ﻧﻔﺲ ﻭﻓﺮﻛﺖ ﻭﺟﻬﻲ ﻭﮔﻌﺪﺕ ..
- ﻣﻦ ﺷﺄﻛﻮﻝ ﻋﻠﻴﻚ .. ﻫﻲ ﻫﺎﻱ ﺳﻮﺍﻳﺔ .. ﺍﻛﻮ ﻭﺍﺣﺪ ﻋﺎﻗﻞ ﻫﻴﺞ ﻳﺼﺤﻲ ﺍﻟﻨﺎﻳﻢ ..
ﻭﺍﻟﻠﻪ ﻋﺒﺎﻟﻲ ﺻﺎﺭ ﻋﻠﻴﻨﺎ ﻫﺠﻮﻡ ..
ﺍﺣﺠﻲ ﻭﻳﺎﻩ ﺑﺲ ﻳﻀﺤﻚ ﻛﺴﺮ ﺧﺎﻃﺮﻱ .. ﻭﺍﺣﻨﺔ ﺑﻮﺿﻊ ﻻﺯﻡ ﺗﺼﻴﺮ ﮔﻠﻮﺑﻨﺎ ﺟﺒﻴﺮﺓ ﻭﻣﺎﻧﻀﻮﺝ ﺑﺴﺮﻋﺔ ..
- ﺭﻭﺡ ﺍﻧﺖ ﻫﺴﺎ ..
ﺍﺧﺬﺕ ﺍﻟﻤﻮﺑﺎﻳﻞ ﻣﻦ ﺍﻟﺸﺤﻦ ..
ﺑﺎﻭﻋﺖ ﻫﺬﺍ ﻋﺎﻣﺮ ﻣﺘﺼﻞ ﺧﻤﺲ ﻣﺮﺍﺕ ..
ﺳﺘﺮﻙ ﻳﺎﺭﺏ ﺷﺼﺎﻳﺮ ..
ﺑﺴﺮﻋﺔ ﺩﮔﻴﺖ ﻋﻠﻴﻪ ..
- ﺍﻟﻮ ..
- ﻫﺎ ﻋﺎﻣﺮ ﺷﺼﺎﻳﺮ ﺑﻴﻚ ﺷﻲ . ؟
- ﻻﺧﻮﻳﺔ ﻣﺎﺑﻴﻪ ﺑﺲ ﻋﻨﺪﻙ ﺭﻗﻢ ﺗﺮﺍﻧﻴﻢ ﻣﻮﻭﻭﻭ ؟
- ﺍﻱ ﻋﻨﺪﻱ ﻟﻴﺶ ﺷﺒﻴﻬﺎ ..
- ﺧﻮﻳﺔ ﺗﺮﺍﻧﻴﻢ ﻭﻟﻴﻨﺎ ﺻﺒﺤﻨﺎ ﻣﺎﻫﻨﺔ ﺑﺎﻟﺒﻴﺖ ﻣﺨﺘﻔﻴﺎﺕ ..
- ﻣﺨﺘﻔﻴﺎﺍﺍﺍﺍﺍﺕ ﺷﻨﻮ .. ﻭﺍﻧﺘﻮ ﻭﻳﻦ ﻋﻨﻬﻦ . ﺍﻛﻮ ﻭﺍﺣﺪ ﻣﺄﺫﻳﻬﻦ
- ﻭﺍﻟﻠﻪ ﺧﻮﻳﺔ ﺍﻟﺤﺪ ﺍﻟﻠﻴﻞ ﻛﻠﻨﺎ ﺳﻬﺮﺍﻧﻴﻦ ﻭﺳﻮﺍﻟﻒ ﻭﺿﺤﻚ ﻣﺎﻛﻮ ﺷﻲ ..
ﺣﺘﻰ ﺗﻌﺠﺒﻨﺎ ﻣﻦ ﻣﺎﻟﮕﻴﻨﺎﻫﻦ .
- ﺷﻮ ﺳﺪﺓ ﺑﺴﺮﻋﻪ ﺧﻠﻲ ﺍﺧﺎﺑﺮ ﺗﺮﺍﻧﻴﻢ ..
ﺳﺪﻳﺘﻪ ﻣﻨﻪ .. ﻭﺧﺎﺑﺮﺕ ﺗﺮﺍﻧﻴﻢ . ﻛﻢ ﻣﺮﺓ ﺍﺩﮒ ﻭﻣﻐﻠﻖ ﻗﻠﻘﺖ ﺍﻛﺜﺮ ..
ﻭﻳﻦ ﻳﺮﺣﻦ ..
ﺧﺎﺑﺮﺕ ﻋﻠﻰ ﻋﺎﻣﺮ ..
- ﺑﺎﻭﻉ ﺧﻠﻲ ﺍﺑﻮﻱ ﻭﺍﻟﻮﻟﺪ ﻳﺪﻭﺭﻭﻥ ﻋﻠﻴﻬﻦ ﻫﻦ ﻣﺎﻳﺮﺣﻦ ﺑﻌﻴﺪ ﻣﺎﻳﻨﺪﻟﻦ ..
ﺧﺎﻑ ﺷﻮ ﻣﻨﻮ ﻣﺴﻤﻌﻬﻦ ﺣﺠﺎﻳﻪ ﻭﻃﺎﻟﻌﺎﺕ ..
ﻋﺎﻣﺮ .. ﻫﺴﺎ ﺍﺑﻮﻱ ﻋﻠﻰ ﺟﻴﺔ ﻭﺍﮔﻠﺔ ..
ﺍﻧﻄﻴﻨﻲ ﺳﺮﺍﺏ ﻣﻦ ﻳﻤﻚ .
ﺳﺮﺍﺏ .. ﻫﺎ ﺧﻮﻳﺔ ﺷﻠﻮﻧﻚ ..
ﻋﺰﻳﺰ .. ﺳﺮﺍﺏ ﺍﺻﻌﺪﻱ ﺷﻮﻓﻲ ﻣﺎﺧﺬﺍﺕ ﻏﺮﺍﺿﻬﻦ ﺍﻟﻤﻮﺑﺎﻳﻞ ﺍﺗﺄﻛﺪﻱ ﻭﺧﺎﺑﺮﻳﻨﻲ ..
ﺳﺮﺍﺏ …
ﺍﺟﺔ ﺍﺑﻮﻱ .. ﺷﻜﻮ ﻭﻳﻦ ﺍﻟﺒﻨﺎﺕ ﺭﺍﺣﻦ ؟؟
ﺟﺪﺗﻲ ﻣﺘﻜﻴﻪ ﻋﻠﻰ ﻋﺼﺘﻬﺎ ﻭﺍﺷﺮﺕ ﺑﺄﺩﻳﻬﺎ .. ﻭﺍﻟﻠﻪ ﻣﺎﺍﺩﺭﻱ ﺍﺳﺄﻝ ﻣﺮﺗﻚ ﻭﺑﻨﺖ ﺍﺧﻮﻙ ﻳﺎﻫﻲ ﻣﻨﻬﻦ ﺍﻟﻲ ﻫﺠﺠﺖ ﺍﻟﺒﻨﺎﺕ
ﺍﻟﺤﺪ ﺍﻟﺒﺎﺭﺣﺔ ﺷﺤﻼﺗﻬﻦ ﻳﺴﻮﻟﻔﻦ ﻭﻳﻀﺤﻜﻦ ..
ﺍﻡ ﻋﺪﻧﺎﻥ .. ﻳﺎﻋﻤﺔ ﻧﻌﻢ ﺍﻟﻠﻪ ﻋﻠﻴﺞ ﺍﻧﻲ ﺷﻌﻠﻴﺔ .. ﻭﺍﻟﻠﻪ ﻣﺎﺣﺎﺟﻴﺔ ﻭﻳﺎﻫﻦ ..
ﻗﺤﻄﺎﻥ .. ﻭﺍﻧﺘﻲ ﺍﻳﻤﺎﻥ .
ﺍﻳﻤﺎﻥ .. ﻳﺎﻋﻤﻲ ﺑﺎﻟﻘﺮﺁﻥ ﻣﺎﻟﻲ ﻋﻼﻗﻪ ﻣﻦ ﺻﺎﺭﺕ ﺍﻟﺸﻐﻠﺔ ﺑﻴﻨﺎ ﺗﺠﻨﺒﺘﻬﺎ ﻭﻣﺎﺣﺠﻴﺖ ﻭﻳﺎﻫﺎ ..
ﺍﻟﻠﻪ ﺷﺎﻫﺪ ﻋﻠﻴﻪ ﺍﺫﺍ ﻣﺴﻤﻌﺘﻬﻦ ..
ﻃﻠﻊ ﺍﺑﻮﻱ ﻣﻮﺑﺎﻳﻠﻪ ﻭﺧﺎﺑﺮ ﻋﺪﻧﺎﻥ ..
ﺍﻟﻮ ﻭﻟﻴﺪﻱ ﺍﺧﺬ ﻭﻟﺪ ﻋﻤﻚ ﺍﺣﻤﺪ ﺣﺴﻦ ﻭﺍﻟﺒﺎﻗﻴﻦ ﻭﺍﻃﻠﻌﻮﺍ ﺩﻭﺭﻭ ﻉ ﺍﻟﺒﻨﺎﺕ ﺗﺮﺍﻧﻴﻢ ﻭﻟﻴﻨﺎ .
ﺫﻧﻲ ﺍﻣﺎﻧﺔ ﻳﺒﻌﺪ ﺍﺑﻮﻙ ﻭﻻﺯﻡ ﻧﻠﮕﺎﻫﻦ ..
ﺻﻌﺪﺕ ﺍﻧﻲ ﻟﻔﻮﮒ .. ﮔﻌﺪﺕ ﺳﺮﻭﺭ ﺑﺤﺮﮔﺔ ..
ﮔﻮﻣﻲ ﻭﻟﺞ ﮔﻮﻣﻲ ﺍﻟﺒﻴﺖ ﻣﮕﻠﻮﺏ ﻭﺍﻧﺘﻲ ﺗﻨﺒﻞ ﻣﺎﻝ ﻧﻮﻡ ..
ﺳﺮﻭﺭ .. ﺷﻜﻮ
ﺳﺮﺍﺏ .. ﻟﻴﻨﺎ ﻭﺗﺮﺍﻧﻴﻢ ﻣﺨﺘﻔﻴﺎﺕ ﻣﺎﻫﻨﺔ ..
ﻃﻔﺮﺕ ﻣﻦ ﻣﻜﺎﻧﻬﺎ ﻳﺎﺍﺍﺍﺍﺍﻭﻳﻦ ﺭﺍﺣﻦ
- ﻣﺎﺍﺩﺭﻱ .. ﻟﻴﻨﺎ ﻣﺎﻟﻤﺤﺘﻠﺞ ..
- ﻻ .. ﺍﺻﻼ ﻫﻲ ﻓﺮﺣﺎﻧﺔ ﻻﻥ ﺍﻟﻴﻮﻡ ﻧﺮﻭﺡ ﻧﺸﺘﺮﻱ ﻣﻼﺑﺲ ﻣﺪﺭﺳﺔ ﻭﮔﻠﺘﻠﻬﺎ ﺭﻭﺣﻲ ﻭﻳﺎﻱ ﺍﺧﺘﺎﺭﻳﻠﻲ ﻋﻠﻰ ﺫﻭﻗﺞ ..
ﺳﺮﺍﺏ .. ﮔﻠﺒﻲ ﻧﺎﺭ ﻋﻠﻴﻬﻦ ﻭﻳﻦ ﻳﺮﺣﻦ ﻭﻣﻨﻮ ﺍﻟﻬﻦ ﺑﻌﺪﻧﺎ ..
ﺭﺑﻲ ﺍﺣﻔﻈﻬﻦ ﻣﺎﻟﻬﻦ ﺍﺣﺪ ﻏﻴﺮﻙ ﻫﺴﺎ ..
ﺗﺬﻛﺮﺕ ﻛﻼﻣﻬﺎ .. ﺍﻟﺒﺎﺭﺣﺔ ﻛﻠﻪ ﻋﺒﺎﻟﻚ ﺟﺎﻱ ﺗﻮﺩﻉ ﻭﻣﺎﺍﺩﺭﻱ ﺷﺒﻴﻬﺎ ﺳﺎﺭﺣﺔ ﻭﺿﺎﻳﺠﺔ ..
ﻧﺰﻟﺖ ﺳﺮﻭﺭ .. ﻓﺘﺤﺖ ﺍﻟﻜﻨﺘﻮﺭ ﻣﺎﺧﺬﺍﺕ ﻛﻞ ﻏﺮﺍﺿﻬﻦ ..
ﺍﻧﺘﺒﻬﺖ ﻟﻠﻜﻮﻣﺪﻱ ﺍﻛﻮ ﻭﺭﻗﻪ ﺟﻮﺓ ﺍﻟﺸﺎﺣﻨﺔ ..
ﻓﺘﺤﺘﻬﺎ ..
ﺻﺒﺎﺡ ﺍﻟﺨﻴﺮ ﺣﺒﻴﺒﺘﻲ ..
ﺍﺩﺭﻱ ﺑﻴﺞ ﻫﺴﺎ ﻗﻌﺪﺗﻲ ﻣﻦ ﺍﻟﻨﻮﻡ ﻭﻣﺎﻟﻘﻴﺘﻴﻨﺎ .. ﻭﺍﻛﻴﺪ ﻗﻠﻘﺘﻲ ﻋﻠﻴﻨﺎ .
ﻻﺗﺨﺎﻓﻲ ﺍﺣﻨﻪ ﺑﺨﻴﺮ .
ﻭﻃﻤﻨﻲ ﺍﻫﻠﻚ ﻭﺧﺎﺻﻪ ﻋﺰﻳﺰ . ﻭﻗﻮﻟﻴﻠﻮ ﻳﺴﺎﻣﺤﻨﻲ ﻣﺎﻗﺪﺭﺕ ﺍﺑﻘﻰ ..
ﻭﺍﻧﻲ ﺍﺷﻜﺮﻭ ﻋﻠﻰ ﻛﻞ ﺷﻲ ﻋﻤﻠﻮ ﻷﺟﻠﻨﺎ .
ﻭﻣﺎﺍﻧﺴﻰ ﻓﻀﻠﻮ ..
ﺍﻧﺎ ﻣﺎﺭﺍﺡ ﺍﻧﺴﺎﻩ ﻭﺭﺍﺡ ﺍﺗﺼﻞ ﻓﻴﻪ ﺑﺲ ﺍﺳﺘﻘﺮ ..
ﺑﻮﺳﻴﻠﻲ ﺍﻟﺠﺪﺓ ﻭﻋﻤﻮ ﻗﺤﻄﺎﻥ ﻭﺳﺮﻭﺭ ﻭﺳﻠﻤﻴﻠﻲ ﻋﻠﻰ ﻋﻠﻲ ﻭﻋﺎﻣﺮ ..
ﻭﻻﺗﻨﺴﻴﻦ ﺍﻟﺪﻭﺍ ..
ﺍﻧﺎ ﻛﺘﺒﺖ ﺍﻟﻚ ﻛﻠﺸﻲ ﺑﺨﺼﻮﺻﻮ ..
ﺍﺣﺒﻚ ﻳﺎﺍﺧﺘﻲ ﺍﻟﺤﺒﻴﺒﺔ
ﺍﻗﺮﺃ ﻭﻋﻴﻮﻧﻲ ﺗﺠﺮﻱ ﻣﻦ ﺍﻟﺒﺠﻲ ..
ﻟﻴﺶ ﻫﻴﺞ ﺗﺮﺍﻧﻴﻢ ﻟﻴﺶ . ﻭﻟﺞ ﻋﻠﻘﺘﻴﻨﻲ ﺑﻴﺞ ﻭﺣﺒﻴﺘﺞ ﻭﮔﻠﺖ ﺍﻟﻠﻪ ﻋﻮﺿﻨﻲ ﻭﺍﻧﻄﺎﻧﻲ ﻭﺣﺪﺓ ﺗﻔﻬﻤﻨﻲ ..
ﻧﺰﻟﺖ ..
ﺍﺷﻬﮓ ﻣﻦ ﺍﻟﺒﺠﻲ ..
ﻣﻠﻜﻴﺔ .. ﺧﻴﺮ ﻭﻟﺞ ﺷﺒﻴﺞ ﺍﻟﺒﻨﺎﺕ ﺑﻴﻬﻦ ﺷﻲ ..
ﺍﻟﻜﻞ ﻳﺒﺎﻭﻋﻠﻲ ﻳﺮﻳﺪ ﻛﻠﻤﺔ ﻣﻨﻲ ..
ﮔﻠﺘﻠﻬﻢ ..
ﻛﺎﺗﺒﺘﻠﻲ ﺭﺳﺎﻟﺔ ..
ﺭﺍﺣﻦ ﺑﻌﺪ ﻣﺎﻳﺮﺟﻌﻦ . ﻭﻣﺎﺍﺗﺤﻤﻠﺖ ﺑﻌﺪ ﺍﻟﻌﺒﺮﺓ ﺧﻨﮕﺘﻨﻲ ..
ﺍﺧﺬ ﺍﺑﻮﻱ ﺍﻟﻮﺭﻗﻪ ﻣﻦ ﺍﻳﺪﻱ ﻭﻗﺮﺃﻫﺎ ..
- ﺷﻠﻮﻥ ﻫﻴﺞ ﺗﺘﺼﺮﻑ .. ﻋﻮﺩ ﺟﻨﺖ ﺍﮔﻮﻝ ﻋﻠﻴﻬﺎ ﻋﺎﻗﻠﻪ ﻭﺍﻛﺒﺮ ﻣﻦ ﻋﻤﺮﻫﺎ ﺗﺎﻟﻲ ﺻﺪﻣﺘﻨﻲ ..
ﻻﺯﻡ ﺍﻛﻮ ﺳﺒﺐ ﻭﺭﻯ ﺍﺧﺘﻔﺎﺋﻬﻦ ﻣﺎﻣﻘﺘﻨﻊ ﺍﺻﻼ ..
ﻋﺎﻣﺮ ﺧﺎﺑﺮ ﺍﺧﻮﻙ ﻭﮔﻠﻪ ﻻﻳﺒﻘﻰ ﻗﻠﻖ ..
ﻋﺰﻳﺰ .. ﺑﻘﻴﺖ ﺍﻟﻮﺏ ﻭﺍﺭﻭﺡ ﻣﻨﺎ ﻭﺍﺭﺟﻊ ﻣﻨﺎ .. ﻭﺍﺗﺼﻞ ﻋﻠﻴﻬﺎ ﻣﻐﻠﻖ . ﺩﺯﻳﺖ ﺭﺳﺎﺋﻞ ﺷﮕﺪ ﻣﻦ ﻗﻬﺮﻱ ﻣﺎﻋﺮﻓﺖ ﺷﻨﻮ ﺍﻛﺘﺐ ..
ﻭﺍﻧﻲ ﺍﮔﻮﻝ ﻛﻼﻣﻬﺎ ﻏﺮﻳﺐ ﻭﻋﺒﺎﻟﻚ ﺗﻮﺩﻋﻨﻲ ..
ﺍﺍﺍﺍﺍﺥ ﻳﺎﻋﺰﻳﺰ ﻣﺎﺗﻮﺏ ..
ﺩﻭﺭ ﺧﺎﺑﺮﻧﻲ ﻋﺎﻣﺮ ﻭﺯﺍﺩ ﺍﻟﻄﻴﻦ ﺑﻠﺔ ﺑﻌﺪ ﻣﺎﮔﺎﻟﻲ ﻉ ﺍﻟﺮﺳﺎﻟﻪ ﻭﺭﺍﻳﺤﺔ ﺑﺮﻏﺒﺘﻬﺎ ﻭﻣﻮﺩﻋﺘﻨﺎ ..
ﺍﺳﺘﻐﻔﺮﺕ ﺭﺑﻲ ..
ﺣﺘﻰ ﺍﻫﺪﺃ ..
ﻫﺎﻱ ﺛﻮﻟﻪ ﻟﻮ ﺷﻨﻮ .. ﺷﻠﻮﻥ ﺗﺨﺎﻃﺮ ﺑﺮﻭﺣﻬﺎ ﻫﻲ ﻭﺍﺧﺘﻬﺎ ﻭﺗﻄﻠﻊ ﺣﺘﻰ ﺟﻨﺎﺳﻲ ﻣﺎﻋﺪﻫﺎ .
ﻭﻳﻦ ﺗﻮﻟﻲ ..
ﺍﺍﺍﺍﺥ ﺗﺮﺍﻧﻴﻢ .. ﺍﺍﺍﺍﺍﺥ ﻣﻦ ﻳﻮﻣﺞ ﻋﻨﻴﺪﺓ ..
ﺑﻘﻴﺖ ﺍﻟﻨﻬﺎﺭ ﻛﻠﻪ ﺍﻓﻜﺮ ﺑﻴﻬﻦ ﻭﻳﻦ ﻣﻤﻜﻦ ﻳﺮﻭﺣﻦ ..
ﺣﺴﻴﺖ ﺭﻭﺣﻲ ﻣﺮﺑﻂ ﻭﻻﺣﻮﻝ ﻭﻻﻗﻮﺓ ﺍﻟﻲ .
ﻣﻨﺎ ﻭﺍﺟﺒﻲ ﻭﻣﻨﺎ ﺍﻻﻣﺎﻧﺔ ﺍﻟﻲ ﺧﻠﻴﺘﻬﺎ ﻋﻠﻰ ﻋﺎﺗﻘﻲ ..
ﺍﻟﻚ ﺣﻜﻤﺔ ﺑﻴﻬﺎ ﻳﺎﺭﺑﻲ ..
ﻣﻦ ﺧﻠﻴﺘﻨﻲ ﺍﺷﻮﻓﻬﺎ ﻭﺍﻧﻘﺬﻫﻦ ﻣﻦ ﺩﻭﻥ ﺍﻟﺒﻨﺎﺕ ﻭﺍﻟﻨﺎﺱ .
ﻟﻠﻴﻞ ﻭﺍﻧﻲ ﺍﺗﺼﻞ ﻭﻣﻐﻠﻖ ﻭﺑﻜﻞ ﻣﺮﺓ ﺍﺣﺲ ﻧﺎﺭ ﻭﺗﺸﺐ ﺑﻴﻪ
ﺍﺗﺼﻞ ﺑﺄﻫﻠﻲ ﻭﺍﺫﺏ ﺣﺮﮔﺘﻲ ﺑﻴﻬﻢ ﻭﺍﺗﻌﺼﺐ .
ﻭﺳﺎﻋﺔ ﺍﻫﺪﺃ ﻭﺍﻟﻌﻦ ﺍﻟﺸﻴﻄﺎﻥ .
ﻣﺎﺍﺩﺭﻱ ﺷﺼﺎﺭ ﺑﻴﻪ .. ﺣﺴﻴﺖ ﻫﺎﻟﻤﻮﻗﻒ ﻣﺮ ﺑﻴﻪ ..
ﺗﺬﻛﺮﺕ ﺫﺭﻯ ﻣﻦ ﺣﺐ ﺍﺭﺑﻊ ﺳﻨﻮﺍﺕ ﺗﺎﻟﻲ ﺗﺮﻛﺘﻨﻲ ﺑﻼ ﻛﻼﻡ ﻭﺑﻌﺪﻫﺎ ﺗﺨﺎﺑﺮ ﻭﺗﮕﻠﻲ ﺳﺎﻓﺮﺕ ..
ﻟﻴﺶ ﻛﻞ ﺍﻟﻲ ﺍﻋﺮﻓﻬﻦ ﻳﺨﺬﻟﻨﻲ ..
ﺻﺢ ﺗﺮﺍﻧﻴﻢ ﻣﺎﻭﻋﺪﺗﻨﻲ ﺑﺸﻲ ..
ﻭﻻﺑﻴﻨﺎ ﺷﻲ .
ﺑﺲ ﻣﻦ ﺳﻤﻌﺖ ﺭﺍﺣﺖ ﺣﺴﻴﺖ ﺑﺨﺬﻻﻥ ..
ﻟﻴﺎﻟﻲ ﻭﺍﺣﻨﺔ ﻧﺴﻮﻟﻒ ..
ﺣﺴﻴﺘﻬﺎ ﻧﻔﺴﻲ ﻭﺍﻧﻲ ﺍﻓﻀﻔﺾ ﺍﻟﻬﺎ .
ﺍﺟﺔ ﺑﺒﺎﻟﻲ ﺍﻟﻴﻮﻡ ﺍﻟﻲ ﺷﻔﺘﻬﺎ ﺑﻲ ..
ﺟﺎﻧﺖ ﻣﺴﻮﻳﺔ ﺿﻔﻴﺮﺓ ﻣﺜﻞ ﻣﻴﺴﻤﻮﻫﺎ ﺍﻫﻠﻬﺎ ..
ﻭﺍﻛﻮ ﺷﻌﺮﺍﺕ ﻣﻦ ﺍﻟﮕﺬﻟﺔ ﻧﺎﺯﻟﻪ ﻋﻠﻰ ﻭﺟﻬﻬﺎ .. ﻗﻮﻳﺔ ﻭﻋﻨﻴﺪﺓ ﻭﻧﻀﺮﺗﻬﺎ ﺣﺎﺩﺓ ..
ﻭﺍﮔﻒ ﺑﻌﻴﺪ ﻭﮔﻠﺒﻲ ﻧﺎﺭ ﻋﻠﻰ ﺑﻨﺎﺗﻨﺎ ﺑﻴﺪ ﺍﻻﻧﺠﺎﺱ ..
ﺟﺎﻥ ﺑﻮﺩﻱ ﺍﻫﺠﻢ ﻋﻠﻴﻬﻢ ﻛﻠﻬﻢ ﻭﺍﺭﻣﻴﻬﻢ ﻟﻮ ﺍﺗﺬﻛﺮ ﺍﻧﻲ ﺑﻮﺍﺟﺐ ﻭﻫﺠﻮﻣﻲ ﻭﺍﻧﻲ ﺑﻮﺳﻄﻬﻢ ﻣﻌﻨﺎﻩ ﻣﻮﺗﻲ ﻭﺧﺴﺎﺭﺓ ﺍﻟﻤﻬﻤﺔ ﺑﺎﻟﺘﺎﻟﻲ ..
ﺳﻤﻌﺖ ﺻﻮﺗﻬﺎ ﻭﻫﻲ ﺗﺪﺍﻓﻊ ﻋﻦ ﻧﻔﺴﻬﺎ ﻭﺍﺧﺘﻬﺎ .
ﺿﺮﺑﺖ ﺍﻳﺪ ﺍﻟﺨﻠﻴﺠﻲ ﻭﺍﻟﻲ ﻭﻳﺎﻩ ..
ﻭﺟﺎﻧﺖ ﻣﺜﻞ ﺍﻟﻠﺒﻮﺓ ﺍﻟﻲ ﺗﺪﺍﻓﻊ ﻋﻠﻰ ﺍﻃﻔﺎﻟﻬﺎ ..
ﺍﺫﺍ ﺣﺴﺖ ﺑﺨﻄﺮ ..
ﻫﻴﺞ ﺟﺎﻧﺖ ﺗﺪﺍﻓﻊ ﻋﻦ ﻧﻔﺴﻬﺎ ﻭﺍﺧﺘﻬﺎ ..
ﻣﺎﺍﺩﺭﻱ ﺷﻨﻮ ﺍﻟﻲ ﺧﻼﻧﻲ ﺍﺭﻭﺡ ﻭﺍﮔﻮﻝ ﺍﻧﻲ ﺍﺷﺘﺮﻳﺘﻬﻦ ..
ﺷﻔﺖ ﻧﻀﺎﺭﺗﻬﺎ ﺍﻟﻲ ﻭﺷﻠﻮﻥ ﺗﺮﻳﺪ ﺗﻬﺠﻢ ﻋﻠﻴﻪ ..
ﻭﻟﺤﺪ ﻣﺎﺍﺧﺬﺗﻬﻦ ﻭﻫﻲ ﻣﺎﺧﺬﺓ ﻭﺿﻌﻴﺔ ﺍﻟﻬﺠﻮﻡ ..
ﻛﻞ ﺷﻮﻳﺔ ﺍﺣﺲ ﺭﺍﺡ ﺗﻨﻔﻌﻞ ﻭﺗﻬﺠﻢ .
ﻣﺎﻗﺒﻠﺖ ﺗﺼﻌﺪ ﺍﻟﺴﻴﺎﺭﺓ ﺍﻻ ﻟﻤﻦ ﻫﺪﺩﺗﻬﺎ ﺍﻧﻲ ﺍﺭﻳﺪ ﺍﺧﻠﺼﻬﺎ ﻣﻦ ﻭﺿﻌﻬﺎ ﻭﻫﻲ ﻣﻌﺎﻧﺪﺓ ..
ﺣﻘﻬﺎ ﻭﻣﺎﺃﻟﻮﻣﻬﺎ ..
ﻷﻥ ﺍﻟﻲ ﺷﻔﺘﻪ ﺑﺎﻟﻤﻮﺻﻞ ..
ﺭﺍﺡ ﻳﺒﻘﻰ ﻣﺤﻔﻮﺭ ﺑﺬﺍﻛﺮﺗﻲ ﺍﻟﻌﻤﺮ ﻛﻠﻪ ..
ﺑﻨﺎﺕ ﻛﺒﺎﺭ ﻭﺻﻐﺎﺭ ﻣﺜﻞ ﺍﻟﻮﺭﺩ ..
ﺻﺎﺭﻥ ﺑﻴﺪ ﺍﻧﺠﺎﺱ ﻣﺎﻳﻌﺮﻓﻮﻥ ﺍﻟﺮﺣﻤﺔ
ﻣﻦ ﺍﻭﻝ ﻟﺤﻈﺔ ﺍﺧﺬﺕ ﺗﺮﺍﻧﻴﻢ ﻭﺍﺧﺘﻬﺎ ﺻﺎﺭﻥ ﺑﻌﺎﺗﻘﻲ ﮔﻤﺖ ﺍﺧﺎﻑ ﻋﻠﻴﻬﻦ ﻣﻦ ﺭﻭﺣﻲ ..
ﺧﻠﻴﺘﻬﻦ ﺑﻴﺖ ﺍﻫﻠﺔ ﻫﺮﺑﺎﻧﻴﻦ ..
ﻭﺑﺪﻟﺖ ﺍﻗﻔﺎﻟﺔ ..
ﻣﺨﻠﻲ ﺑﻲ ﻏﺮﺍﺿﻲ ﻭﺍﻻﺳﻠﻜﻲ ﻣﺎﻟﺘﻲ ﻭﻣﻮﺑﺎﻳﻼﺗﻲ ﺍﻟﺨﺎﺻﻪ ﺑﺎﻟﺪﻭﺍﻡ .
ﻛﺎﻧﺖ ﺣﻴﺎﺗﻲ ﻋﻠﻰ ﺣﺎﻓﺔ ﺍﻟﻬﺎﻭﻳﺔ ..
ﻷﻥ ﻣﻤﻜﻦ ﺑﺄﻱ ﻟﺤﻈﺔ ﺍﻧﻜﺸﻒ ..
ﺍﻃﻠﻊ ﻭﻳﺎﻫﻢ ﻭﺍﺧﺒﺮ ﻋﻨﻬﻢ ﻭﻳﻨﻘﺘﻞ ﻣﻨﻬﻢ ﻫﻮﺍﻱ ﻟﻜﻦ ﺑﺎﻟﻲ ﻭﻓﻜﺮﻱ ﻳﻤﻬﻦ ..
ﺧﺎﻳﻒ ﻻ ﻭﺍﺣﺪ ﻳﺪﺧﻞ ﺍﻟﺒﻴﺖ ﻭﻳﻜﺴﺮ ﺍﻟﺒﺎﺏ ﻭﻳﻠﮕﻴﻬﻦ .
ﻭﺧﺎﺻﻪ ﻣﻦ ﻏﺒﺖ ﻋﺸﺮ ﺍﻳﺎﻡ ﻋﻨﻬﻦ ..
ﺟﻨﺖ ﺍﺿﺤﻚ ﻋﻠﻰ ﺳﻮﺍﻟﻒ ﺗﺮﺍﻧﻴﻢ ..
ﻭﺷﻠﻮﻥ ﻣﺎﻣﺨﻠﻴﺔ ﺳﺠﻴﻦ ﺑﺎﻟﻤﻄﺒﺦ ..
ﻭﻋﺎﺟﺒﺘﻨﻲ ﻗﻮﺗﻬﺎ ﺣﻴﻞ ..
ﻛﻨﺖ ﺍﻟﺘﺰﻡ ﺍﻟﺼﻤﺖ ﺣﺘﻰ ﻣﺎﺍﻧﻜﺸﻒ ..
ﻣﺎﮔﺪﺭﺕ ﺍﮔﻠﻬﻦ ﺑﻬﻮﻳﺘﻲ ﻭﺍﺧﻠﻴﻬﻦ ﻳﻄﻤﺄﻧﻦ ..
ﻻﻥ ﻣﺎﺍﻋﺮﻓﻬﻦ ﺯﻳﻦ ..
ﻭﻳﻤﻜﻦ ﻳﻜﺸﻔﻨﻲ ..
ﻣﻦ ﺭﺟﻌﺖ ..
ﻻﺣﻈﺖ ﺑﺎﻟﺒﻴﺖ ﺍﻟﻲ ﻳﻤﻨﺎ ﺍﻛﻮ ﻳﺠﻮﻥ ﻭﻭﻳﺎﻫﻢ ﺑﻨﺎﺕ ..
ﻭﺍﻟﺒﻨﺎﺕ ﻳﺒﺠﻦ ﻭﻣﺎﻳﻘﺒﻠﻦ ﻳﺪﺧﻠﻦ ﻭﻫﻢ ﺑﺎﻟﻀﺮﺏ ﻭﺍﻟﺴﺤﺐ ﻳﺎﺧﺬﻭﻫﻦ ﻏﺼﺐ ..
ﺍﺣﺲ ﺭﻭﺣﻲ ﺗﺘﮕﻄﻊ ﻭﻳﺎﻫﻦ ..
ﺳﺎﻋﺎﺕ ﺍﺣﺲ ﺭﻭﺣﻲ ﻭﺍﺣﺪ ﻧﺬﻝ ﻻﻥ ﻣﺎﺑﻴﺪﻱ ﺷﻲ ﺍﺳﻮﻱ ﺍﻟﻬﻦ ..
ﻭﻣﺎﺍﺭﺗﺎﺣﻴﺖ ﺍﻻ ﺩﺧﻠﺖ ﻭﺭﻣﻴﺘﻬﻢ ﻭﻫﺮﺑﺘﻬﻦ ..
ﻣﺎﺍﮔﺪﺭﺕ ﺍﺑﻘﻰ ﺍﻛﺜﺮ ﻷﻥ ﺍﻛﻴﺪ ﺭﺍﺡ ﺍﻧﻜﺸﻒ ﻭﺧﺎﺻﻪ ﺍﻟﻜﻞ ﻳﻌﺮﻑ ﺍﻟﺒﻴﺖ ﺍﻟﻲ ﻳﻤﻬﻢ ﺍﻟﻲ ..
ﺍﺧﺬﺗﻬﻦ ﻭﻃﻠﻌﺖ ﻣﻦ ﺍﻟﻤﻮﺻﻞ ..
ﺍﻟﻲ ﺳﺎﻋﺪﻧﻲ ﻟﻬﺠﺘﻲ ﺍﻟﻐﺮﺑﻴﺔ ﺍﻟﻲ ﺗﻌﻠﻤﺘﻬﺎ ﻣﻦ ﻛﻨﺖ ﺍﺩﺍﻭﻡ ﺑﺎﻻﻧﺒﺎﺭ ..
ﻭﺩﻫﺎﺋﻲ ﺑﺎﻟﺘﻌﺎﻣﻞ ﻭﻳﺎﻫﻢ .
ﻣﺎﮔﺪﺭﻭﺍ ﻳﻜﺸﻔﻮﻧﻲ ..
ﻣﻦ ﺍﺗﺼﻠﺖ ﺑﺎﻟﻤﺴﺆﻝ ﻣﺎﻟﺘﻲ ﻭﮔﺘﻠﻪ ﺍﻧﻲ ﻃﻠﻌﺖ ﻣﻦ ﺍﻟﻤﻮﺻﻞ ..
ﻣﺎﻗﺒﻞ ﻭﺍﺻﺮ ﺍﺭﺟﻊ ﻭﺍﻛﻤﻞ ﺍﻟﻤﻬﻤﺔ .
ﺑﺲ ﺧﻮﻓﻲ ﻋﻠﻴﻬﻦ ﻭﺍﺫﺍ ﺑﻘﻴﺖ ﺍﻛﺜﺮ ﺭﺍﺡ ﺍﻋﺮﺿﻬﻦ ﻟﻠﺨﻄﺮ .
ﻃﻠﻌﺘﻬﻦ ﻭﺍﻣﻨﺖ ﻋﻠﻴﻬﻦ ﻳﻠﻪ ﺍﺭﺗﺎﺣﻴﺖ ..
ﺿﺤﻜﺖ .. ﻻﺍﺭﺍﺩﻳﺎ ﻣﻦ ﺗﺬﻛﺮﺕ ﻣﻮﻗﻔﻬﺎ ﺑﺎﻟﺴﻴﻄﺮﺓ ..
- ﻫﻬﻬﻬﻬﻬﻪ ﺷﻠﻮﻥ ﻧﺰﻟﺖ ﺗﺮﻛﺾ ﻭﺗﺼﻴﺢ ﺩﺍﻋﺸﻲ ﺩﺍﻋﺸﻲ .
ﺧﺮﺭﺭﺭﺏ ﻳﻮﻣﻬﺎ ﺷﮕﺪ ﺩﺍﻫﻴﺔ ..
ﻣﺎﮔﺪﺭﺕ ﺍﺧﻠﻴﻬﻦ ﺑﺒﻐﺪﺍﺩ ..
ﻷﻥ ﻣﺎﻳﻌﺮﻓﻦ ﺍﺣﺪ ..
ﻓﻜﺎﻥ ﺍﻻﻧﺴﺐ ﺍﺩﺯﻫﻦ ﺍﻻﻫﻠﻲ ..
ﻣﺎﻗﺒﻠﺖ ﺗﺮﻭﺡ ﻭﺍﺻﺮﺕ ﺗﺒﻘﻰ ﻳﻤﻲ .. ﻻﻥ ﺣﺴﺖ ﺑﺎﻻﻣﺎﻥ ﻭﻳﺎﻱ ﻭﻫﺬﺍ ﺍﻟﺸﻲ ﻓﺮﺣﻨﻲ ..
ﻣﻨﻈﺮﻳﻦ ﺍﻟﻬﺎ ﻣﺎﺭﺍﺣﻦ ﻣﻦ ﺑﺎﻟﻲ ..
ﻟﻤﺎ ﻃﻠﻌﻨﺎ ﻣﻦ ﺍﻟﻤﻮﺻﻞ ﺍﻟﺒﻐﺪﺍﺩ ﺷﻠﻮﻥ ﻧﺎﻳﻤﺔ ﻭﺷﻌﺮﻫﺎ ﺍﻟﺬﻫﺒﻲ ﻣﻐﻄﻲ ﻭﺟﻬﻬﺎ .
ﻭﻣﻦ ﻟﻤﺎ ﻟﺒﺴﻦ ﻫﻲ ﻭﺍﺧﺘﻬﺎ ﻣﻠﻒ ﺍﻟﺼﻼﺓ ..
ﻋﺒﺎﻟﻚ ﻣﻼﻙ ..
ﺍﺍﺍﺍﺥ ﻳﺎﺗﺮﺍﻧﻴﻢ .. ﺷﻨﻮ ﺍﻟﻲ ﺑﻴﺞ ﺟﺬﺑﻨﻲ ﻫﻴﺞ ..
ﺍﺫﺍ ﻉ ﺍﻟﺠﻤﺎﻝ ﻓﻤﺎﻳﻬﻤﻨﻲ .
ﺑﺒﻐﺪﺍﺩ ﺷﻔﺖ ﺍﺷﻜﺎﻝ ﺍﻟﺒﻨﺎﺕ ﻭﺍﺣﻼﻫﻦ ..
ﺍﻛﻮ ﺷﻲ ﻳﺤﺴﺴﻨﻲ ﺑﺄﺭﺗﺒﺎﻁ ﺭﻭﺣﻲ ﻭﻳﺎﺝ ..
ﺧﻼﻧﻲ ﺍﺗﺮﻙ ﻛﻠﺸﻲ ﻭﺍﻋﺮﺽ ﺣﻴﺎﺗﻲ ﻟﻠﺨﻄﺮ ﻭﺍﺭﺟﻊ ﻟﻠﻤﻮﺻﻞ ﺣﺘﻰ ﺍﺣﺼﻞ ﺍﻭﺭﺍﻕ ﺍﻭ ﻫﻮﻳﺎﺕ ﺍﻟﺠﻦ ..
ﻭﺍﺩﻭﺭ ﺑﻜﻞ ﻣﻜﺎﻥ ﻋﻠﻰ ﺍﻫﻠﺞ ﻭﺍﻣﺞ ..
- ﺟﻨﺖ ﺍﺭﻳﺪ ﺍﺻﺎﺭﺣﺞ ﺑﺎﻟﺤﻘﻴﻘﺔ ﺑﺲ ﺧﻔﺖ ﻋﻠﻴﺞ .. ﻭﻟﻮ ﺍﺩﺭﻱ ﺑﻴﺞ ﻗﻮﻳﺔ ﻭﺭﺍﺡ ﺗﺘﺤﻤﻠﻴﻦ ..
ﺑﺲ ﮔﻠﺒﻲ ﻣﺎﺍﻧﻄﺎﻧﻲ ﻟﻴﺶ .
ﻟﻴﺶ ..
ﺍﻱ ﺍﻧﻲ ﺍﺳﺄﻟﻚ ﻳﺎﮔﻠﺒﻲ ﻟﻴﺶ ؟؟
ﻭﻟﻚ ﻟﻴﺶ ؟؟
ﻣﻮ ﺣﻠﻔﺘﻚ ﺗﻜﺮﻩ ﻛﻞ ﻣﺮﺓ ﺑﺎﻟﻜﻮﻥ ﻭﻣﺎﺗﺮﻑ ﺑﻌﺪ ﻟﻴﺶ ؟؟
ﺑﺖُ ﺍﺷﻌﺮ ﺍﻥ ﻗﻠﺒـﻲ ﻻﻳﻀﺦ ﺍﻻ ﺍﻟﻢ ﺍﻟﻰ ﺑﺎﻗﻲ ﺍﺟﺰﺍﺀ ﺟﺴﻤـﻲ !!
ﺍﻱ ﺭﺟﻞ ﺍﻧﺎ .. ﻻﺗﻼﺣﻘﻪ ﺍﻻ ﺍﻟﻮﺍﺗـﻲ ﻳﺘﻠﺬﺫﻥ ﺑﺄﻟﻤـﻲ !!
ﻣﺴﺘﺤﻴﻞ ﺍﻫﺪﺃ ﺍﻻ ﺍﺫﺍ ﻟﮕﻴﺘﺞ ﻭﺍﻋﺮﻑ ﻟﻴﺶ ﺭﺣﺘﻲ ..
ﺧﺎﺑﺮﺕ ﺳﺮﺍﺏ ..
- ﺍﻟﻮ ﺳﺮﺍﺏ ..
- ﻫﻼ ﺧﻮﻳﺔ ﻣﺎﻛﻮ ﺧﺒﺮ ﻋﻨﻬﻦ ..
- ﺟﻬﺎﺯﻫﺎ ﻣﻐﻠﻖ .. ﺑﺲ ﮔﻠﻴﻠﻲ ﻣﺎﺳﻮﻟﻔﺘﻠﺞ ﺷﻲ . ﻣﺎﻟﻤﺤﺘﻠﺞ
- ﻻ ﺍﺑﺪ ﺍﺧﺮ ﻟﺤﻈﺔ ﺟﺎﻧﺖ ﺗﻮﺻﻴﻨﻲ ﻭﻣﺜﻞ ﺍﻟﻲ ﺗﻮﺩﻉ ﺑﺲ ﻣﺎﺍﺗﻮﻗﻌﺖ ﺭﺍﺡ ﺗﻌﻮﻓﻨﺎ
- ﺯﻳﻦ ﺑﺎﻟﺒﻴﺖ ﺍﻛﻮ ﻭﺍﺣﺪ ﻣﺴﻤﻌﻬﺎ ﺣﺠﻲ .. ﻏﻴﺮ ﺍﻟﻲ ﺳﻮﻟﻔﺔ ﻋﺎﻣﺮ ﺍﻟﻲ .
- ﻫﺎﺍﺍﺍﺍ ﻻ ﺑﺲ ..
- ﺑﺲ ﺷﻨﻮ ..
- ﻫﺎ ﻻﻫﻴﺞ ﮔﻠﺖ ﺧﺎﻑ ﺍﻳﻤﺎﻥ ﻭﻳﺎﻫﺎ ﺑﺲ ﻫﻲ ﻣﺎﺗﻬﺘﻢ ﺍﻻﻳﻤﺎﻥ ﻭﺗﺮﺩﻫﺎ ﻭﻣﺎﺗﺴﻜﺖ ..
- ﻫﻮ ﻫﺬﺍ ﺍﻟﻲ ﻣﺨﺒﻠﻨﻲ .. ﺗﺮﺍﻧﻴﻢ ﻣﺎﺗﻬﺘﻢ ﻟﻠﺴﻮﺍﻟﻒ ﺍﻟﻔﺎﺭﻏﺔ ﻻﺯﻡ ﺍﻛﻮ ﺷﻲ ﺻﺎﻳﺮ ..
- ﻳﻠﻪ ﺭﻭﺣﻲ ﻧﺎﻣﻲ ﺧﻮﻳﺔ ﺗﺼﺒﺤﻴﻦ ﻋﻠﻰ ﺧﻴﺮ ..
- ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ ﺩﻳﺮ ﺑﺎﻟﻚ ﻋﻠﻰ ﻧﻔﺴﻚ ..
ﺳﺪﻳﺘﺔ ﻣﻨﻪ ﻭﺍﻧﻲ ﺍﻟﻮﻡ ﺑﺮﻭﺣﻲ .. ﻻﺍﮔﺪﺭ ﺍﺳﻮﻟﻔﻠﻪ ﻋﻠﻰ ﺳﻮﺍﻳﺔ ﻋﺪﻧﺎﻥ ﺧﺎﻑ ﻳﺘﻜﺎﺗﻠﻮﻥ ..
ﻣﻌﻘﻮﻟﺔ ﻋﺪﻧﺎﻥ ﺳﻮﺍﻟﻬﺎ ﺷﻲ ﻭﺧﻼﻫﺎ ﺗﻬﺞ ..
ﺧﻠﻲ ﺍﺭﻭﺡ ﺍﺣﺠﻲ ﻭﻳﺎﻩ ﻭﺍﺷﻮﻓﻪ ..
ﺩﮔﻴﺖ ﺑﺎﺏ ﻏﺮﻓﺘﻬﻢ ..
ﻓﺘﺤﺖ ﺍﻳﻤﺎﻥ ..
- ﻋﺪﻧﺎﻥ ﮔﺎﻋﺪ ..
- ﺍﻱ ﺷﺘﺮﺩﻳﻦ ﻣﻨﻪ ..
- ﻋﻨﺪﻱ ﺷﻐﻠﻪ ﻭﻳﺎﻩ .
ﻋﺪﻧﺎﻥ .. ﻫﺎ ﺳﺮﺍﺏ ﺧﻴﺮ ..
ﺳﺮﺍﺏ .. ﺍﺭﻳﺪ ﺍﺣﺠﻲ ﻭﻳﺎﻙ ﻭﺣﺪﻧﺎ ..
ﺍﻳﻤﺎﻥ .. ﻭﻟﻴﺶ ﻣﻮ ﻳﻤﻲ ﺷﻨﻲ ﻫﻲ ﺍﺳﺮﺍﺭ .
ﻋﺪﻧﺎﻥ .. ﺍﻳﻤﺎﺍﺍﺍﻥ . ﻳﻠﻪ ﺟﺎﻱ ..
ﺍﺟﺔ ﻋﺪﻧﺎﻥ ﻭﺩﺧﻠﻨﺎ ﺍﻟﻐﺮﻓﺔ ﻋﺰﻳﺰ ..
- ﺍﻛﻮ ﺧﺒﺮ ﻋﻨﻬﻦ ..
- ﻭﻟﻴﺶ ﺗﺴﺄﻝ ﻣﻮ ﺍﻧﺖ ﺍﻟﻲ ﻫﺠﺠﺘﻬﻦ ..
- ﺻﻤﻲ ﺣﻠﮕﺞ ﺷﻠﻮﻥ ﺗﺤﺠﻴﻦ ﻫﻴﺞ ﻭﻳﺎﻱ ..
- ﺗﺮﺍﻧﻴﻢ ﻛﻠﺸﻲ ﺟﺎﻧﺖ ﺗﺴﻮﻟﻔﻠﻲ .. ﺷﺴﻮﻳﺘﻠﻬﺎ ﻭﺧﻠﻴﺘﻬﺎ ﺗﻬﺞ
- ﻣﺎﺳﻮﻳﺖ ﺷﻲ ﺣﺎﻟﻲ ﻣﻦ ﺣﺎﻟﻜﻢ ﺣﺘﻰ ﮔﻠﺒﺖ ﺍﻟﻤﻨﻄﻘﻪ ﻋﻠﻴﻬﺎ ﺍﻟﻴﻮﻡ ﻣﺎﻛﻮ ..
- ﺍﺧﺎﻑ ﺍﻧﺖ ﺟﺎﺑﺮﻫﺎ ﻭﻣﺎﺧﺬﻫﺎ .. ﻟﻮ ﺿﻐﻄﺖ ﻋﻠﻴﻬﺎ ﻭﺧﻠﻴﺘﻬﺎ ﺗﻮﺍﻓﻖ ﺗﺘﺰﻭﺟﻚ ﺑﺎﻟﺴﺮ .
ﺷﻬﮕﺖ ﻭﺻﺤﺖ ﻋﺰﺯﺯﺯﺯﺍ ﺷﻠﻮﻥ ﺭﺍﺣﺖ ﻣﻦ ﺑﺎﻟﻲ ..
ﺻﻢ ﺣﻠﮕﻲ ..
ﺍﺷﺸﺸﺸﺸﺸﺶ ﻓﻀﺤﺘﻴﻨﺎ . ﻭﺍﻟﻠﻪ ﻣﺎﺍﺩﺭﻱ ﺑﻴﻬﻦ ﻭﻳﻦ ﺷﺒﻴﺞ ..
- ﻋﺰﻳﺰ ﺍﺫﺍ ﻋﺮﻑ ﻣﺎﻳﺴﻜﺖ ..
- ﻫﺎﺍﺍﺍﺍﺍ ﮔﻮﻟﻲ ﻫﻴﺞ ﺧﺎﻳﻔﺔ ﻋﻠﻰ ﻣﺸﺎﻋﺮ ﺍﺧﻮﺝ ﺍﻟﻌﺰﻳﺰ .
ﺍﺳﻤﻌﻲ ﻭﻟﺞ ﻣﺎﺗﻬﺪﺩﻳﻨﻲ ﺑﻲ ﻻﻥ ﻣﺎﺍﺧﺎﻑ ﻣﻨﻪ ﻭﻻﺍﻫﺘﻢ ﻓﺎﻫﻤﺔ ..
ﻭﺍﺫﺍ ﺣﺠﻴﺘﻲ ﻣﺎﺗﺤﺼﻠﻴﻦ ﺑﺲ ﺍﻟﻤﺸﺎﻛﻞ .
ﻭﺷﺪﻋﻮﺓ ﻛﺎﺗﻠﺔ ﺭﻭﺣﺞ . ﺑﻨﺎﺕ ﺍﺟﻦ ﺷﻬﺮ ﺯﻣﺎﻥ ﻭﺭﺍﺣﻦ ﻋﺮﻓﺔ ﻭﻟﻔﻪ ﻭﺧﺒﺼﺘﻴﻨﺎ ..
ﻭﺑﻌﺪﻳﻦ ﺍﻧﻲ ﺟﺎﻱ ﺍﺩﻭﺭ ﻋﻠﻴﻬﻦ ﺑﺲ ﺍﻟﮕﺎﻫﻦ ﻋﻮﺩ ﺍﻃﻤﻨﺞ ﻻﺗﺨﺎﻓﻴﻦ ..
- ﺍﻧﺖ ﺷﻨﻮ .. ﺣﺮﺍﻡ ﻋﻨﺪﻱ ﺍﺧﻮ ﻣﺜﻠﻚ ..
- ﺍﻱ ﺍﺗﺒﺮﻱ ﻣﻨﻲ ﻛﺎﻓﻲ ﻋﻨﺪﺝ ﺍﺧﻮﺍﻧﺞ ﺍﻟﺬﻫﺐ ﺍﻟﻲ ﻣﺎﻳﺨﻄﺄﻭﻥ ﻭﺍﻟﻤﻼﻙ ..
ﺍﻃﻠﻊ ﺍﺣﺴﻦ ﺍﻟﻲ ﻣﺎﻓﺎﺭﻍ ﺍﻟﺘﻔﺎﻫﺎﺗﺞ ..
- ﻋﻮﻑ ﺍﻟﺒﻨﺎﺕ .. ﺍﺫﺍ ﺻﺪﮒ ﺍﻧﻬﺰﻣﻦ ﻣﻨﻚ .. ﻋﻮﻓﻦ ﻻﺗﻼﺣﮕﻬﻦ ﺧﻠﻴﻬﻦ ﺑﻬﻤﻬﻦ ..
ﺿﺤﻚ ﻭﻃﻠﻊ ﺗﻔﺎﺟﺄﺕ ﺑﺄﻳﻤﺎﻥ ﺑﺎﻟﺒﺎﺏ ﻭﺍﻛﻔﻪ ﺗﺘﻨﺼﺖ ..
ﺭﺍﺡ ﺍﻟﻐﺮﻓﺘﻪ ﻭﺍﺟﺖ .. ﺍﮔﻠﺞ ﺷﮕﺎﻟﺞ ﻋﺪﻧﺎﻥ . ﺷﻨﻮ ﺭﺍﺡ ﻳﺪﻭﺭ ﻋﻠﻴﻬﻦ ..
ﺳﺮﺍﺏ .. ﻣﺎﺍﺩﺭﻱ ﺍﺳﺄﻟﻴﻪ ﻣﻮ ﺳﻤﻌﺘﻲ ﻛﻼﻣﺔ ﻟﻴﺶ ﺗﻐﺸﻤﻴﻦ ﺭﻭﺣﺞ .
ﻳﻠﻪ ﻫﺴﺎ ﺍﻃﻠﻌﻲ ﺍﺭﻳﺪ ﺍﻗﻔﻞ ﺍﻟﻐﺮﻓﻪ .
ﻗﻔﻠﺘﻬﺎ ﻭﻃﻠﻌﺖ ﻭﺍﻧﻲ ﺍﻛﻞ ﺑﺮﻭﺣﻲ ﺍﻛﻞ ..
ﻫﺴﺎ ﻟﻮ ﺑﺲ ﺍﺳﻤﻊ ﺧﺒﺮ ﻋﻨﻬﻦ ﺟﺎﻥ ﺍﺭﺗﺎﺣﻴﺖ ..
ﺗﺮﺍﻧﻴﻢ … .
ﻟﻠﻴﻞ ﻗﻤﺖ ﺳﻮﻳﺖ ﻋﺸﺎ ﻣﻜﺎﻥ ﺧﺎﻟﺔ ﺍﻡ ﺭﻣﺎﺡ ﻻﻥ ﻣﺎﺗﻘﺪﺭ ﻣﻔﺎﺻﻠﻬﺎ ﺗﻮﺟﻌﻬﺎ ﻭﻻﺣﻈﺖ ﺍﺑﻮ ﺭﻣﺎﺡ ﻫﻮ ﺍﻟﻲ ﻳﻘﻮﻡ ﺑﺄﺷﻐﺎﻝ ﺍﻟﺒﻴﺖ ..
- ﺍﻗﻌﺪ ﻋﻤﻮ ﺍﻧﺎ ﻣﻦ ﺍﻟﻴﻮﻡ ﺍﺗﻜﻔﻞ ﺑﻜﻠﺸﻲ ..
- ﺑﺎﺭﻙ ﺍﻟﻠﻪ ﺑﻴﺞ ﺑﻨﻴﺘﻲ ..
- ﻋﻤﻮ ﻋﻨﺪﻱ ﻃﻠﺐ ؟؟
- ﻗﻮﻟﻲ ﻳﺎﺑﻨﺘﻲ ..
- ﺍﺭﻳﺪ ﺍﺩﻭﺭ ﺷﻐﻞ ..
- ﻭﻫﻮ ﻭﻳﻦ ﺗﻠﻘﻴﻦ ﺷﻐﻞ ﻫﻮﻧﻲ .. ﻭﺍﻧﺘﻲ ﺗﻘﻮﻟﻲ ﻣﺎﻋﻨﺪﻙ ﻭﺛﻴﻘﺔ ﺍﻭ ﺍﻭﺭﺍﻕ ﺭﺳﻤﻴﻪ ..
- ﺍﻱ ﺷﻐﻠﺔ ﺍﺫﺍ ﺗﻌﺮﻑ ﺍﺣﺪ ﻳﺴﺎﻋﺪﻧﻲ ﻫﻮﻧﻲ ..
- ﺍﻟﺮﺟﺎﻝ ﺍﻟﻲ ﺟﺎﺑﻜﻢ .. ﻋﻨﺪﻭ ﻣﻌﺎﺭﻑ ﻭﻫﻮ ﺍﻟﻲ ﺍﺟﺔ ﻣﻊ ﺍﻟﻤﺴﺆﻭﻝ ﻟﻤﺎ ﺍﻧﻄﻮﻧﺎ ﻣﺴﺎﻋﺪﺍﺕ ..
- ﻣﺎﺍﻗﺪﺭ ﺍﻃﻠﺐ ﻣﻨﻮ ﻣﺎﻋﻨﺪﻱ ﺭﻗﻤﻮ ..
- ﺍﻧﻲ ﺍﺷﻮﻓﻠﺞ .
ﺍﻡ ﺭﻣﺎﺡ .. ﺍﻧﺎ ﻋﻨﺪﻱ ﻓﻜﺮﺓ .. ﺑﻴﻦ ﻣﺎﺗﻠﻘﻴﻠﻚ ﺷﻐﻞ ..
ﺑﺎﻻﻭﻝ ﺍﻧﺘﻲ ﺗﻌﺮﻓﻲ ﺗﻄﺒﺨﻲ ؟؟
- ﺍﻱ ﺍﻋﺮﻑ ..
- ﺧﻠﺺ ﺧﻠﻴﻨﺎ ﻧﻔﺘﺢ ﻣﺸﺮﻭﻉ ﻧﻌﻤﻞ ﺍﻛﻼﺕ ﺑﺮﺃﺱ ﻣﺎﻝ ﺍﻟﻲ ﻋﺪﻧﺎ ﻭﻋﻤﻚ ﺍﺑﻮ ﺭﻣﺎﺡ ﻳﺎﺧﺬﻫﻦ ﻟﻠﺴﻮﻕ ﺍﻭ ﺍﻟﻤﺤﻼﺕ ﻭﻳﺒﻴﻌﻬﻦ
ﺗﺮﺍﻧﻴﻢ .. ﻓﻜﺮﺓ ﺣﻠﻮﺓ ﺍﻧﺎ ﻋﻨﺪﻱ ﻣﺒﻠﻎ ﻗﻠﻴﻞ ﻧﺸﺘﺮﻱ ﻓﻴﻪ ﺍﻟﻲ ﻧﻘﺪﺭ ﻋﻠﻴﻪ ..
ﺍﻡ ﺭﻣﺎﺡ .. ﻭﺍﻧﺎ ﺍﺑﻴﻊ ﺳﻮﺍﺭﺍﺗﻲ ﻭﺫﻫﺒﻲ ﻭﻧﺸﺘﺮﻱ ﻣﺠﻤﺪﺓ ﻧﺤﻔﻆ ﻓﻴﻬﺎ ﺍﻻﻛﻞ ..
ﻓﺮﺣﺖ ﻭﺍﺑﺘﺴﻤﺖ ﺣﺴﻴﺖ ﺣﻴﺎﺗﻲ ﺭﺍﺡ ﺗﺴﺘﻘﺮ ﻭﺍﺧﻴﺮﺍ ﻣﻊ ﻫﺬﻱ ﺍﻟﻨﺎﺱ ﺍﻟﻄﻴﻴﺔ ﻭﺧﺎﺻﺔ ﺑﻌﺪ ﻣﺎﺷﺠﻌﻨﺎ ﺍﺑﻮ ﺭﻣﺎﺡ ..
ﻟﻴﻨﺎ ﻛﺎﻥ ﻣﺎﻋﺎﺟﺒﻬﺎ ﺍﻟﻜﻼﻡ ﻭﺿﺎﻳﺠﺔ ..
ﺛﺎﻧﻲ ﻳﻮﻡ ﻗﻌﺪ ﺍﺑﻮ ﺭﻣﺎﺡ ﻣﻦ ﻧﻮﻣﻮ ..
ﻭﺍﻧﺎ ﺣﻀﺮﺕ ﺍﻟﺮﻳﻮﻕ ..
ﻭﺍﺣﻨﺔ ﻗﺎﻋﺪﻳﻦ ﻉ ﺍﻻﻛﻞ ﺍﻏﺸﻊ ﻟﻴﻨﺎ ﻣﺎﺗﺎﻛﻞ ﻭﺯﻋﻼﻧﺔ ..
ﻗﺎﻝ .. ﻟﻴﻨﺎ ﻳﺎﺍﺑﻲ ﺍﻧﺎ ﻣﺎﺍﻗﺪﺭ ﺍﻧﺰﻝ ﻟﻮﺣﺪﻱ ﻉ ﺍﻟﺴﻮﻕ ﻭﺍﺗﺴﻮﻕ ﺍﺷﻨﻮ ﺭﺃﻳﻚ ﺗﻨﺰﻟﻴﻦ ﻣﻌﺎﻱ ﻭﺗﺴﺎﻋﺪﻳﻨﻲ ..
ﺿﺤﻜﺖ ﻭﻗﺎﻟﺖ .. ﻳﺼﻴﺮ ﺍﺭﻭﺡ ﻣﻌﺎﻙ ..
ﺍﺑﻮ ﺭﻣﺎﺡ .. ﻭﻟﻴﺶ ﻣﺎﻳﺼﻴﺮ ﺑﺲ ﺧﻠﻲ ﻋﻠﻰ ﺭﺍﺳﻚ ﺍﺷﻲ ﻷﻥ ﺍﻟﻨﺎﺱ ﻫﻮﻧﻲ ﺗﺴﺘﻐﺮﺑﻚ .
- ﺍﺧﺘﻲ ﺗﻮﺍﻓﻘﻲ ﺍﺭﻭﺡ ..
ﺍﺑﺘﺴﻤﺖ ﺍﻟﻬﺎ ﻭﻗﻠﺖ ..
ﺍﻱ ﺣﺒﻴﺒﺘﻲ ﺭﻭﺣﻲ .. ﻭﻫﺎﻛﻲ ﻫﺬﻭﻝ ﺍﻟﻲ ﺑﻘﻮﺍ ﻣﻌﻲ ﺍﺷﺘﺮﻱ ﻓﻴﻬﻢ ﺍﻟﻲ ﺗﺤﺘﺎﺟﻴﻪ ..
ﻓﺮﺣﺖ ﻭﺭﺍﺣﺖ ﻏﻴﺮﺕ ﻣﻼﺑﺴﻬﺎ ..
ﻗﻠﺖ ﺍﻻﺑﻮ ﺭﻣﺎﺡ .. ﺷﻜﺮﺍ ﻋﻤﻮ ..
ﻏﻤﺰﻟﻲ ﻭﻗﺎﻝ .. ﻻﺗﺸﻴﻠﻲ ﻫﻢ .. ﻫﺬﺍ ﺩﻻﻝ ﻣﺮﺍﻫﻘﻴﻦ .
بيج قصص عراقيه حقيقيه من واقعنا.روعه الطائي
ﺍﻡ ﺭﻣﺎﺡ .. ﺍﻟﻠﻪ ﻳﻜﻮﻥ ﺑﻌﻮﻧﻬﺎ ﻃﻔﻠﻪ ﻭﺷﺎﻓﺖ ﻛﻞ ﻫﺬﺍ ..
ﺍﺧﺬﻫﺎ ﻭﺭﺍﺣﻮﺍ ﻟﻠﺴﻮﻕ ..
ﻭﺍﻧﺎ ﺑﻘﻴﺖ ﻣﻊ ﺧﺎﻟﻪ ﺍﻡ ﺭﻣﺎﺡ ﻧﻀﻔﺖ ﺍﻟﻤﻜﺎﻥ ﻭﻏﺴﻠﺖ ﻣﻼﺑﺲ ﻭﻃﻠﻌﺖ ﺍﻧﺸﺮﻫﻢ ..
ﺍﻏﺸﻌﺖ ﻛﺜﻴﺮ ﻋﻮﺍﺋﻞ ﻣﺜﻠﻨﺎ ﻣﻬﺠﺮﻳﻦ ﻭﺍﻃﻔﺎﻝ ﺗﻠﻌﺐ ﻭﻻﺣﺴﻴﻦ ..
ﺍﺗﻤﻨﻴﺖ ﺍﺭﺟﻊ ﻃﻔﻠﻪ .. ﺍﻭ ﻳﺎﻟﻴﺖ ﻟﻢ ﺍﻭﻟﺪ ﺍﺻﻼ ..
ﺩﺧﻠﺖ ﻋﻤﻠﺖ ﻏﺪﺍ ..
ﻭﺍﻡ ﺭﻣﺎﺡ ﻧﺎﻳﻤﺔ ..
ﻓﺘﺤﺖ ﻣﻮﺑﺎﻳﻠﻲ ..
ﻟﻘﻴﺖ ﺭﺳﺎﺋﻞ ﻛﺜﻴﺮﺓ ﻣﻦ ﻋﺰﻳﺰ .
ﻟﻴﺶ ﺭﺣﺘﻲ .
ﻣﻮ ﮔﻠﺘﻠﺞ ﻻﺗﺮﻭﺣﻴﻦ
ﺷﻨﻮ ﺻﺎﺭ ﻭﻏﻴﺮﺝ ..
ﻟﻴﺶ ﻭﺩﻋﺘﻴﻨﻲ ..
ﺍﻧﺎ ﻟﻌﺒﺔ ﺑﻴﺪﻳﺞ ..
ﺍﺗﺨﻴﻠﺖ ﺷﻜﻠﻮ ﻭﻫﻮ ﻣﻌﺼﺐ .. ﺑﻴﻨﻄﻮﺍ ﺷﺮﺍﻳﻴﻦ ﺭﻗﺒﺘﻮ ..
ﻛﺘﺒﺖ ﺭﺳﺎﻟﺔ ﺍﻟﻮ ﻭﺍﻟﺴﺮﺍﺏ .. ﻭﺑﻌﺜﺘﻬﻢ ﻧﻔﺲ ﺍﻟﻮﻗﺖ ﻭﺭﺟﻌﺖ ﻏﻠﻘﺘﻮ ..
ﺳﺮﺍﺏ .. ﮔﺎﻋﺪﺓ ﺍﻧﻀﻒ ﻭﺿﺎﻳﺠﺔ .. ﺍﺣﺲ ﺍﻟﺒﻴﺖ ﻣﻮﺣﺶ ﺑﻼ ﺗﺮﺍﻧﻴﻢ ﻭﻟﻴﻨﺎ .
ﻭﻣﻮ ﺑﺲ ﺭﺃﻱ ﻫﺬﺍ ..
ﺟﺪﺗﻲ ﻭﺳﺮﻭﺭ ﻭﻋﺎﻣﺮ ﻭﻋﻠﻲ ﻭﺍﺑﻮﻱ ﻛﻠﻨﺎ ﺣﺎﺳﻴﻦ ﺑﻮﺣﺸﺔ ﺑﻠﻴﺎﻫﻦ ..
ﺍﺟﺖ ﺳﺮﻭﺭ ﺗﺮﻛﺾ ﻭﻃﺎﻳﺮﺓ ..
ﺳﺮﺍﺏ .. ﺳﺮﺍﺏ . ﺭﺳﺎﻟﺔ ﻣﻦ ﺗﺮﺍﻧﻴﻢ ..
ﻓﺮﺣﺖ ﻭﺗﺮﻛﺖ ﻛﻠﺸﻲ ﺑﻤﻜﺎﻧﻲ ..
ﺟﺪﺗﻲ ﺗﺼﻴﺢ ﻭﺗﮕﻮﻝ ..
ﻫﺎ ﻭﻟﺠﻦ ﺑﺸﺮﻧﻲ ﺷﺘﮕﻮﻝ ..
ﻭﻋﺎﻣﺮ ﻣﻦ ﺟﻬﺔ .
ﻗﺮﺃﺗﻠﻬﻢ ﺍﻟﺮﺳﺎﻟﺔ ﺑﺼﻮﺕ ﻋﺎﻟﻲ .. ﺣﺒﻴﺒﺘﻲ ﺳﺮﺍﺏ ﺍﺷﺘﻘﺘﻠﻜﻢ ﻛﺜﻴﺮ .. ﻭﺧﺎﺻﺔ ﺍﻟﺠﺪﺓ ﺍﺷﺘﻘﺖ ﻟﺤﻜﻴﻬﺎ ﻭﻗﻌﺪﺍﺗﻬﺎ ﺳﻠﻤﻴﻠﻲ ﻉ ﺍﻟﻜﻞ ﻭﻻﺗﺨﺎﻓﻮﺍ ﺍﻧﺎ ﺑﺨﻴﺮ ﻭﻋﻨﺪ ﻧﺎﺱ ﻃﻴﺒﻴﻦ ﻣﺜﻠﻜﻢ ..
ﻭﺭﺍﺡ ﺍﺭﺳﻠﻚ ﺍﺧﺒﺎﺭﻧﺎ ﺩﺍﺋﻤﺎ .. ﺍﺣﺒﻜﻲ ﻳﺎﺍﺧﺘﻲ ﺍﻟﻐﺎﻟﻴﻪ ..
ﻧﺰﻟﺖ ﺩﻣﻮﻋﻲ .. ﻭﺟﺪﺗﻲ ﺗﻘﻮﻝ . ﺳﻮﺩﺓ ﻋﻠﻴﺔ ﻳﻤﺔ ﺭﺑﻲ ﻳﺤﻤﻴﺠﻦ ﻭﻳﻦ ﻣﺎﺟﻨﺘﻦ ..
ﻭﺭﺍﺡ ﺍﺑﻘﻰ ﺍﺩﻋﻲ ﺍﻟﺠﻦ ﺍﻟﻰ ﺍﻥ ﻳﻠﻢ ﺷﻤﻠﺠﻦ ﺑﺄﻫﻠﺠﻦ ..
ﺳﺮﺍﺏ .. ﺧﻠﻲ ﺍﺧﺎﺑﺮ ﻋﺰﻳﺰ ﺍﺑﺸﺮﺓ ..
ﻋﺰﻳﺰ ..
ﻛﻨﺖ ﮔﺎﻋﺪ ﻭﺿﺎﻳﺞ .. ﻭﺣﺪﺩﻧﺎ ﻣﻜﺎﻥ ﻋﻨﺎﺻﺮ ﻣﻦ ﺍﻟﺘﻨﻀﻴﻢ ..
ﻭﻣﻨﺘﻀﺮﻳﻦ ﻧﻬﺠﻢ ..
ﺍﺟﺘﻨﻲ ﺭﺳﺎﻟﻪ ..
ﻣﺎﺍﻫﺘﻤﻴﺖ ﺑﺎﻻﻭﻝ ..
ﺑﻌﺪﻫﺎ ﺣﺴﻴﺖ ﮔﻠﺒﻲ ﻧﻐﺰﻧﻲ ﻓﺘﺤﺘﻬﺎ ..
ﻟﮕﻴﺘﻬﺎ ﻛﺎﺗﺒﺔ .. ﺍﺗﺨﻴﻠﻚ ﻭﺍﻧﺖ ﺗﻘﻮﻝ ﻫﺬﻱ ﺍﻟﻜﻠﻤﺎﺕ ﻭﻣﻌﺼﺐ ﻟﻜﻦ ﺣﻘﻚ ﻭﻣﺎﻟﻮﻣﻚ . ﺳﺎﻣﺤﻨﻲ ﻛﻠﺸﻲ ﺻﺎﺭ ﻏﺼﺐ ﻋﻨﻲ ﻭﺍﻻ ﺍﻧﺎ ﻣﻮ ﻃﺒﻌﻲ ﺍﻧﻜﺮ ﺍﻟﺠﻤﻴﻞ ﻭﺍﻫﺮﺏ ..
ﻻﺗﺨﺎﻑ ﺍﻧﺎ ﺑﻤﻜﺎﻥ ﺍﻣﻦ ..
ﻭﺭﺍﺡ ﺍﺭﺍﺳﻠﻚ .. ﻭﻟﻄﻠﺐ ﻣﻨﻚ ﺗﺒﻌﺜﻠﻲ ﺻﻮﺭ ﻋﻦ ﺍﻻﻭﺭﺍﻕ ﺍﻟﻲ ﻗﻠﺖ ﻋﻠﻴﻬﺎ ..
ﺍﺷﻜﺮﻙ ﻣﻦ ﻗﻠﺒﻲ ﻋﻠﻰ ﻛﻠﺸﻲ ﻋﻤﻠﺘﻮ ﺍﻟﻨﺎ ..
ﻭﺧﻠﻲ ﺑﺎﻟﻚ ﻋﻠﻰ ﺣﺎﻟﻚ ..
ﻣﺎﺗﺸﻔﻌﻠﺞ ﺍﻱ ﺭﺳﺎﻟﺔ ﺑﺲ ﺧﻠﻲ ﺍﺷﻮﻓﺞ ..
ﺍﺑﺘﺴﻤﺖ .. ﺍﻟﻤﻬﻢ ﺑﻤﻜﺎﻥ ﺍﻣﻦ ..
ﺑﻘﻴﺖ ﺍﻗﺮﺃ ﺑﺎﻟﺮﺳﺎﻟﻪ ﻛﻢ ﻣﺮﺓ ..
ﮔﺎﻟﺖ ﻏﺼﺐ ﺷﻨﻮ ﺍﻟﻲ ﻏﺼﺒﻬﺎ ..
ﻫﻴﻨﺔ ﺑﺲ ﺧﻠﻲ ﺗﺨﻠﺺ ﻫﺎﻱ ﺍﻻﻳﺎﻡ ﻭﺍﻧﺰﻝ ﺍﻻﻫﻠﻲ ﻭﻛﻠﺸﻲ ﻳﺘﻮﺿﺢ ..
ﺍﺗﺼﻠﺖ ﺳﺮﺍﺏ .. ﻓﺼﻠﺘﻪ ﻣﺎﺍﮔﺪﺭ ﺍﺭﺩ ﻻﻥ ﺭﺍﺡ ﺍﺭﻭﺡ ﺑﻮﺍﺟﺐ
ﺩﺯﺗﻠﻲ ﺭﺳﺎﻟﻪ ..
ﺗﺮﺍﻧﻴﻢ ﺑﺨﻴﺮ ﺩﺯﺗﻠﻲ ﺭﺳﺎﻟﺔ ﺑﺲ ﺗﻔﺮﻍ ﺧﺎﺑﺮﻧﻲ !!
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ ……