ترانيم

12

#ترانيم
بارت١٢
ﻣﺴﺎﺀ ﺍﻟﺤﺐ ﻭﺍﻟﺴﻌﺎﺩﺓ ﻟﻌﻴﻮﻧﻜﻢ ..
///// ﺍﻟﺒﺎﺭﺕ ﺍﻟﺜﺎﻧـﻲ ﻋﺸﺮ /////
# ﺑﻘﻠﻢ _ ﺍﻟﻜﺎﺗﺒﺔ _ ﺷﻤﺲ
‏( ﺷﻤﺲ ﺍﻟﺴﻌـﺪﻱ ‏)
********* # ﺗﺮﺍﻧـﻴــﻢ ***********
ﻋﻤـﻮ ﺍﺑﻮ ﺭﻣﺎﺡ .. ﺑﻨﺘـﻲ ﺍﻧـﻲ ﺭﺍﻳﺢ ﻟﻠﻔﺎﺗﺤـﺔ ﺍﻟﻤﻔﺮﻭﺽ ﺍﻣﺸﻲ ﻣﻦ ﺍﻟﺒﺎﺭﺣﺔ ﻭﻣﺎﺭﺣﺖ ﻋﻴﺐ ﺍﺷﻨﻮ ﻳﻘﻮﻟﻮﺍ ﻋﻠﻴﻪ ﻭﻫﻢ ﻭﻗﻔﺘﻬﻢ ﻣﻌﻲ ﻣﺎﺗﻨﺴﻰ ..
ﺗﺮﺍﻧﻴﻢ .. ﺻﺤﻴﺢ ﻋﻤﻮ .. ﺍﻧﺎ ﻟﻮ ﻣﺎﺣﺎﻟﺔ ﻟﻴﻨﺎ ﻛﺎﻥ ﺭﺣﺖ ﻣﻌﻚ
ﺍﺑﻮ ﺭﻣﺎﺡ .. ﻻ ﻳﻌﺮﻓﻮﻥ ﻭﺿﻌﺠﻦ ﺃﺷﻨﻮ .. ﺍﻧﺘـﻲ ﻗﻔﻠـﻲ ﺍﻟﺒﺎﺏ ﻭﻧﺎﻣـﻲ ﻳﻢ ﺍﺧﻴﺘﻜـﻲ ﻣﺎﺍﺗﺄﺧﺮ ..
ﺗﺮﺍﻧﻴﻢ .. ﻭﺍﻧﺖ ﺗﻌﺮﻑ ﺑﻴﺘﻬﻢ ..
ﺍﺑﻮ ﺭﻣﺎﺡ .. ﺧﺎﺑﺮﺕ ﺍﻟﻮﻟﺪ ﻭﺻﻔﻮﻟـﻲ ﺍﻟﻤﻜﺎﻥ ﻭﺭﺍﺡ ﺍﻗﻮﻝ ﻟﻠﺴﺎﻳﻖ ﻳﻮﺻﻠﻨـﻲ ..
ﺭﺍﺡ ﻋﻤﻮ ﺍﺑﻮ ﺭﻣﺎﺡ ﻭﺍﻧﺎ ﻗﻌﺪﺕ ﺍﺗﺄﻣﻞ ﺑﻠﻴﻨﺎ ﺍﻟﻲ ﻫﺮﻭﺑﻬﺎ ﻟﻠﻨﻮﻡ ﺻﺎﺭ ﺳﻼﺡ ﻟﻠﺘﻐﻠﺐ ﻋﻠﻰ ﺍﻭﺟﺎﻋﻬﺎ ﻭﺍﻟﻤـﻬﺎ ..
ﺍﺗﺼﻞ ﻋﺰﻳﺰ .. ﻣﺎﻗﺪﺭﺕ ﺍﺭﺩ ﻭﺍﻧﺎ ﺑﺎﻟﺒﻴﺖ ﻃﻠﻌﺖ ﺑﺎﻟﺤﺪﻳﻘﻪ ..
ﺭﺩﻳﺖ ..
ﺍﻟﻮ
ﺷﻠﻮﻧﺞ
ﺗﻤﺎﻡ .. ﺍﻧﺖ ﺷﻠﻮﻧﻚ ..
ﺍﻟﺤﻤﺪ ﻟﻠﻪ
ﺍﺷﻨﻮ ﻣﺎﺗﺤﻈﺮ ﺍﻟﻔﺎﺗﺤﺔ .
ﻣﺎﺍﮔﺪﺭ ﺍﺧﺬ ﺍﺟﺎﺯﺓ ﺻﻌﺐ ﻭﻣﺎﺻﺎﺭﻟﻲ ﻓﺘﺮﺓ ﻣﻦ ﺍﺧﺬﺕ ..
ﺑﺲ ﺧﺎﺑﺮﺕ ﺍﻣـﻲ ﻭﺧﻮﺍﻟـﻲ ﻭﻋﺰﻳﺘﻬﻢ ..
ﻟﻴﻨﺎ ﺷﻠﻮﻧﻬﺎ ؟؟
ﻟﻴﻨﺎ ﺗﺤﺎﻭﻝ ﺗﺘﻐﻠﺐ ﻋﻠﻰ ﺣﺰﻧﻬﺎ ﺑﻨﻮﻣﻬﺎ .. ﺣﺘﻰ ﻣﺎﺍﻗﺪﺭ ﺍﺣﺰﻥ ﻭﻻﺍﺑﻜﻲ ﺑﺴﺒﺒﻬﺎ ﺧﺎﻳﻔﻪ ﺗﺘﺄﺛﺮ ﺍﻭ ﻳﺼﻴﺮ ﺑﻴﻬﺎ ﺷﻲ .
ﻣﺎﺍﺗﺤﻤﻠﺖ ﻭﺣﺴﻴﺖ ﺷﻲ ﻳﺨﻨﻘﻨـﻲ .. ﻗﻠﺘﻠﻮ ..
ﻋﺰﻳﺰ ﺍﻧﺎ ﻣﺨﻨﻮﻓﺔ ﻣﺤﺘﺎﺟﺔ ﺍﺻﺮﺥ ﻭﺍﺑﻜﻲ ﻟﻜﻦ ﻣﺎﺍﻗﺪﺭ ﻣﺎﺍﻗﺪﺭ
ﺣﺎﻭﻟﻲ ﺗﻄﻠﻌﻴﻦ ﺍﻟﺤﺰﻥ ﺍﻟﻲ ﺑﺪﺍﺧﻠﺞ ﻣﺎﻳﺼﻴﺮ ﺗﻜﺘﻤﻴﻦ ﺗﺘﺄﺫﻳﻦ
ﻛﻨﺖ ﺍﺳﻤﻌﻠﻮ ﻭﻫﻮ ﻳﺤﻜﻲ ﻭﻳﺨﻔﻒ ﻋﻨﻲ ..
ﺳﻤﻌﺖ ﺻﻮﺕ ﺳﻴﺎﺭﺓ ..
ﻗﻠﺘﻠﻮ ﻋﺰﻳﺰ ﻳﻤﻜﻦ ﺍﺟﺔ ﻋﻤﻮ ﺍﺑﻮ ﺭﻣﺎﺡ ﺍﺭﻭﺡ ﺍﻏﺸﻌﻮ ..
ﻋﺰﻳﺰ .. ﻻ ﺗﺴﺪﻳﻦ ﺍﻟﻤﻮﺑﺎﻳﻞ ﺑﻘﻴﻪ ..
ﺗﺮﺍﻧﻴﻢ .. ﻟﻴﺶ ..
ﻋﺰﻳﺰ .. ﺍﻧﺘﻦ ﻭﺣﺪﺟﻦ ﻭﮔﻠﺘﻲ ﻫﺴﺘﻮﺓ ﺭﺍﺡ ﻣﺎﻣﻌﻘﻮﻟﻪ ﺑﺴﺮﻋﻪ ﻳﺮﺟﻊ ..
ﺗﺮﺍﻧﻴﻢ .. ﺧﻮﻓﺘﻨﻲ ..
ﻃﻠﻌﺖ ﻣﻦ ﺍﻟﺤﺪﻳﻘﺔ ﺑﺄﺗﺠﺎﻩ ﺍﻟﻤﻠﺤﻖ .. ﺍﻏﺸﻌﺖ ﻋﺪﻧﺎﻥ ﻳﺪﻕ ﺑﺎﺏ ﺍﻟﻤﻠﺤﻖ ..
ﻋﺪﻧﺎﻥ ؟؟ ﺍﺷﻨﻮ ﺗﺮﻳﺪ . .
- ﻫﺎﺍﺍ ﺍﺭﻳﺪ ﺍﻟﻤﻔﺘﺎﺡ ﻣﺴﺘﻌﺠﻞ ﺍﺭﻳﺪ ﺍﺳﺒﺢ ﻭﺍﺑﺪﻝ ﻭﺍﻃﻠﻊ ..
- ﺍﻧﺘﻀﺮ ﻫﻮﻧﻲ .
ﺩﺧﻠﺖ ﺍﺧﺬﺕ ﺍﻟﻤﻔﺘﺎﺡ ﻭﻃﻠﻌﺖ ..
ﻟﻘﻴﺘﻮ ﻭﺍﻗﻒ ﻗﺮﻳﺐ ﺑﺎﺏ ﺍﻟﻤﻄﺒﺦ ..
ﺍﺧﺬﺗﻠﻮ ﺍﻟﻤﻔﺘﺎﺡ ..
ﺍﺧﺬﻭ ﻣﻦ ﺍﻳﺪﻱ ﻭﺿﻐﻂ ﻋﻠﻴﻬﺎ ..
ﻛﺘﻤﺖ ﺻﻮﺗﻲ ﻭﻣﺎﻗﺪﺭﺕ ﺍﺣﻜﻲ ﻻﻥ ﻋﺰﻳﺰ ﻳﺴﻤﻊ ﺍﻛﻴﺪ ..
ﻟﻜﻦ ﺩﺣﻘﺖ ﻓﻴﻪ ﺑﺤﻘﺪ ..
ﺍﺑﺘﺴﻢ ﻭﻗﺎﻝ ..
ﺻﺎﻳﺮﺓ ﺍﻟﻴﻔﺔ ﻭﻣﺎﺗﺤﺠﻴﻦ ..
ﻣﺤﺘﺎﺟﺞ ﺑﺸﻐﻠﺔ ..
ﻣﺎﺣﺒﻴﺖ ﻋﺰﻳﺰ ﻳﺴﻤﻊ ﻛﻼﻣﻮ ﺍﻟﺘﺎﻓﻪ ﻏﻠﻘﺖ ﺍﻟﻤﻮﺑﺎﻳﻞ ..
ﻭﻗﻠﺘﻠﻮ .. ﺍﺷﻨﻮ ﻋﻨﺪﻙ
ﻋﺪﻧﺎﻥ .. ﻣﻮ ﻫﻨﺎ ﺟﻮﺓ ..
ﺗﺮﺍﻧﻴﻢ .. ﻗﻮﻟﻮ ﻫﻮﻧﻲ ﻣﺎﺍﺩﺧﻞ ﻣﻌﻚ ..
ﻋﺪﻧﺎﻥ .. ﺑﺮﺍﺣﺘﺞ ﺳﺎﻋﺘﻬﺎ ﺍﻧﺘﻲ ﺍﻟﻲ ﺗﻨﻈﺮﻳﻦ ..
ﻛﺎﻥ ﻳﻔﺘﺢ ﺑﺎﻟﺒﺎﺏ ﻭﻳﺤﻜﻲ ..
ﺍﻧﺖ ﺍﺷﻨﻮ ﺗﺮﻳﺪ ﻣﻨﺎ ..
ﺗﺮﻛﺘﻮ ﻭﺭﺣﺖ ..
ﻣﺴﻜﻨﻲ ﻣﻦ ﺍﻳﺪﻱ ﺳﺒﻖ ﻭﺍﻥ ﮔﺘﻠﺞ ﺍﺭﻳﺪﺝ ﺍﻧﺘﻲ ..
ﻃﺎﻭﻋﻴﻨﻲ ﺍﺣﺴﻦ ﺍﻟﺞ ﻭﺧﺎﺻﻪ ﻫﺴﺎ ﺑﻌﺪ ﻣﺤﺪ ﺍﻟﺞ ﻳﻌﻨﻲ ﺍﻧﻲ ﺍﻛﻮﻥ ﺍﻟﺞ ﺳﻨﺪ ﻭﻇﻬﺮ ﻳﺤﻤﻴﺞ ..
ﺳﺤﺒﺖ ﺍﻳﺪﻱ ﻣﻨﻮ ﻭﻗﻠﺘﻠﻮ .. ﻫﺎﻛﺬ ﺳﻨﺪ ﻣﺎﺍﺭﻳﺪﻭ .
ﺿﺤﻚ ﻭﻗﺎﻝ .. ﺳﻤﻌﺖ ﺭﺣﺘﻮ ﻟﻠﺸﻘﻪ ﺍﻛﻴﺪ ﺷﻔﺘﻴﻬﺎ ﺍﻟﻤﺴﺮﺓ ﻣﺮﺗﺔ .. ﻫﺎﻱ ﺗﺤﺪﻯ ﺍﻟﻜﻞ ﻭﺍﺧﺬﻫﺎ ﻳﻌﻨﻲ ﻣﺴﺘﺤﻴﻞ ﻳﻄﻠﮕﻬﺎ ﻫﺎﻱ ﻃﺒﻌﺎ ﺍﺫﺍ ﻣﺎﻋﻨﺪﺝ ﻣﺎﻧﻊ ﺗﺘﺰﻭﺣﻴﻦ ﻋﻦ ﺷﺮﺝ ﻓﺄﻧﻲ ﺍﻭﻟﻰ ﻉ ﺍﻻﻗﻞ ﺭﺍﺡ ﺍﺩﻟﻠﺞ ﻭﻣﺎﺍﺗﺮﻛﺞ ﻭﻻﻟﺤﻈﺔ
بيج قصص عراقيه حقيقيه من واقعنا.روعه الطائي
ﺗﺮﺍﻧﻴﻢ .. ﺍﻧﺖ ﻣﺎﺗﻔﻬﻢ ﻗﻠﺘﻠﻚ ﻻ ﻻ ﻭﺍﻟﻒ ﻻ .. ﻻﺍﻧﺖ ﻭﻻﻋﺰﻳﺰ ﺧﻠﻴﻬﺎ ﺑﺒﺎﻟﻚ .. ﺍﻧﺎ ﻣﺎﺍﺗﺰﻭﺝ ﻭﻻﺍﻓﻜﺮ ﺍﺭﺗﺒﻂ ﺍﺗﺮﻛﻨﻲ ﺑﺤﺎﻟﻲ ﺍﺭﺟﻮﻙ ..
ﺍﺗﻘﺮﺏ ﺍﺑﺘﻌﺪﺕ ﻋﻨﻮ ..
ﺻﺪﮔـﻲ ﻣﺎﺗﺨﻠﺼﻴﻦ ﻣﻨﻲ ﺍﺑﻠﻴﺞ ﺑﻠﻮﺓ ﻭﺍﺧﻠﻴﻬﻢ ﻳﺎﺧﺬﻭﻥ ﻧﻀﺮﺓ ﻋﻠﻴﺞ ﻭﻳﻄﺮﺩﻭﺝ ﻣﺴﺘﻌﺪ ﺍﺳﻮﻱ ﻛﻠﺸﻲ ﻭﺍﺧﺬﺝ ﺑﺎﻟﻘﻮﺓ ..
ﻣﺎﺍﺗﺤﻤﻠﺖ ﺭﻓﻌﺖ ﺍﻳﺪﻱ ﻋﻠﻴﻪ .. ﻣﺴﻚ ﺍﻳﺪ ﻭﺧﻠﻰ ﺍﻳﺪﻭﺍ ﻋﻠﻰ ﻓﻤﻲ ﻭﺭﻓﻌﻨـﻲ ﺑﺎﻟﻴﺪ ﺍﻟﺜﺎﻧﻴﻪ ﻭﺍﻧﺎ ﺍﺣﺎﻭﻝ ﺍﺑﻌﺪﻭﺍ ﻋﻨﻲ ..
ﻟﻜﻦ ﻫﻮ ﺍﻗﻮﻯ ﻭﺍﺿﺨﻢ ﻣﻨﻲ ..
ﺣﺎﻭﻝ ﻳﺪﺧﻠﻨـﻲ ﻟﻠﺒﻴﺖ ﻟﻜﻦ ﻛﻨﺖ ﺍﻗﺎﻭﻡ .. ﻭﻫﻮ ﻛﺎﺗﻢ ﻋﻠﻰ ﺻﻮﺗـﻲ ..
ﻓﺘﺢ ﺍﻟﺒﺎﺏ ﺣﺎﻭﻟﺖ ﺍﻟﻬﺮﺏ ﻣﺴﻜﻨـﻲ ﻣﻦ ﺷﻌﺮﻱ ..
ﻭﺍﻧﺎ ﺍﺻﺮﺥ ﺣﺘﻰ ﻟﻴﻨﺎ ﻣﺎﺗﺴﻤﻌﻨﻲ ﺍﻟﻤﻠﺤﻖ ﺑﻌﻴﺪ ﻋﻦ ﺍﻟﺒﻴﺖ
ﺑﻜﻴﺖ ﺍﻻﻭﻝ ﻣﺮﺓ ﻭﺍﻧﺎ ﻋﻴﻨـﻲ ﻟﻠﺴﻤﺎ ﻭﺍﺗﻮﺳﻞ ﺑﺎﻟﺮﺏ ﻳﺤﻤﻴﻨﻲ ﻣﻨﻮ ..
ﺳﺤﺒﻨﻲ ﻣﻦ ﺷﻌﺮﻱ ﻟﻠﺒﻴﺖ ..
ﻭﺭﺍﺡ ﻳﻘﻔﻞ ﺍﻟﺒﺎﺏ ..
ﻣﺤﺪ ﻳﺴﻤﻌﺞ ﻫﻨﺎ ﻭﻳﻀﺤﻚ ..
ﻗﻤﺖ ﻣﻦ ﻣﻜﺎﻧﻲ ﻭﻣﺎﺍﻋﺮﻑ ﻭﻳﻦ ﺍﻫﺮﺏ ..
ﺭﻛﻀﺖ ﻟﻠﺤﻤﺎﻡ ﻭﻗﻔﻠﺘﻮ ..
ﻭﻫﻮ ﻳﻀﺮﺏ ﺑﺎﻟﺒﺎﺏ ﻭﻳﻘﻠﻲ ..
ﺍﻧﺘﻲ ﺍﻟﻲ ﻭﺻﻠﺘﻴﻨﻲ ﺍﻟﻬﻴﺞ ﺍﻧﻲ ﻣﻮ ﻃﺒﻌﻲ ﻫﺬﺍ ﺑﺲ ﻣﺎﺳﻤﻌﺘﻲ ﻛﻼﻣﻲ .. ﻟﻴﺶ ﺍﻧﻲ ﺷﻨﻮ ﺑﻴﻪ ﻳﺨﺘﻠﻒ ﻋﻦ ﻋﺰﻳﺰ
ﻟﻴﺶ ﻋﻴﻮﻧﺞ ﻣﻦ ﺗﺒﺎﻭﻋﻠﻪ .. ﻛﻠﻬﺎ ﺣﺐ ﻭﻣﻦ ﺗﺒﺎﻭﻋﻠﻲ ﺗﺤﺘﻘﺮﻳﻨﻲ ﻟﻴﺶ ﻭﻳﻀﺮﺏ ﻉ ﺍﻟﺒﺎﺏ ..
ﻗﻠﺘﻠﻮ ﻭﺍﻧﺎ ﺍﺻﺮﺥ ﻻﻧﻮ ﺍﺷﺮﻑ ﻣﻨﻚ ﻭﻣﺎﻳﻮﻡ ﻟﻤﺴﻨﻲ ﻭﻟﻮ ﺑﻨﻀﺮﺓ ..
ﺍﻧﺖ ﺣﻴﻮﺍﻥ ﺣﻴﻮﺍﻥ ..
ﺍﻧﻲ ﺍﻋﻠﻤﺞ ﻣﻦ ﺍﻟﺤﻴﻮﺍﻥ ..
ﻛﺎﻥ ﻳﺼﺮﺥ ﻭﻳﻀﺮﺩ ﺑﺎﻟﺒﺎﺏ ﻭﺍﻧﺎ ﺍﺑﻜـﻲ ﻣﻦ ﺍﻟﺨﻮﻑ ..
ﻛﻴﻒ ﺭﺍﺡ ﺍﻗﺎﻣﻮﺍ ﺍﺷﻨﻮ ﺍﺳﻮﻱ ..
ﺍﺣﻤﻴﻨﻲ ﻳﺎﺍﻣﻲ ﺍﻟﻌﺬﺭﺍ .. ﺍﻟﺮﺏ ﻳﺴﺎﻋﺪﻧـﻲ .. ﺍﻧﻘﺬﻭﻧـﻲ ﻣﻦ ﻫﺬﺍ ﺍﻟﻮﺣﺶ ..
ﺳﻤﻌﺖ ﺻﻮﺕ ﺍﻟﺒﺎﺏ ﺗﻨﺪﻕ ..
ﻓﺮﺣﺖ .. ﺍﻛﻴﺪ ﻋﻤﻮ ﺍﺑﻮ ﺭﻣﺎﺡ ..
ﺻﺮﺧﺖ ﺑﺼﻮﺕ ﻋﺎﻟﻲ ..
ﻋﻤﻮ ﺍﺑﻮ ﺭﻣﺎﺡ ﺍﻧﺎ ﻫﻮﻧﻲ ﺍﻧﻘﺪﻭﻧـﻲ ..
ﺍﻟﺒﺎﺏ ﺗﺘﻜﺴﺮ ﺍﻛﺜﺮ ﻭﺍﻛﺜﺮ ..
ﺳﻤﻌﺖ ﺻﻮﺕ ﻋﺎﻣﺮ ﻭﻫﻮ ﻳﺼﺮﺥ ..
ﺍﻓﺘﺢ ﻭﻟﻚ ﺣﻴﻮﺍﻥ ﺍﻓﺘﺢ ..
ﻗﻌﺪﺕ ﻭﺍﻧﺎ ﺍﺑﻜﻲ .
ﺍﺳﻤﻌﻲ ﻭﻟﺞ ﺍﻳﺎﺝ ﺗﺤﺠﻴﻦ ﺷﻲ .. ﻭﺍﻟﻠﻪ ﺍﺩﻣﺮﺝ ..
ﺭﺍﺡ ﻭﺑﻌﺪﻫﺎ ﺳﻤﻌﺖ ﺻﻮﺕ ﻋﺎﻣﺮ ﻭﻫﻮ ﻳﺘﻌﺎﺭﻙ ﻣﻌﻮ .
ﺍﻧﺪﻗﺖ ﺍﻟﺒﺎﺏ ﻓﺰﻋﺖ ﻣﻦ ﻣﻜﺎﻧﻲ ..
- ﺍﻧﻲ ﻫﻮﻧﻲ ﻋﻤﻚ ﺍﺑﻮ ﺭﻣﺎﺡ ﺍﻓﺘﺤﻲ ﺑﻨﺘﻲ ..
ﻓﺘﺤﺖ ﺍﻟﺒﺎﺏ ﻭﺫﺑﻴﺖ ﺭﻭﺣﻲ ﺍﻟﺤﻀﻨﻮ ..
ﻭﺍﻧﺎ ﺍﺑﻜﻲ ..
ﻋﺎﻣﺮ ﺍﻏﺸﻊ ﺷﻜﻠﻲ . ﻗﺎﻝ ..
ﻫﺎﻱ ﺷﻤﺴﻮﻱ ﺑﻴﻬﺎ .. ﺍﺍﺍﺥ ﻟﻮ ﻣﺎﺍﺧﻮﻱ ﺍﻟﺠﺒﻴﺮ ﺟﺎﻥ ﻋﺮﻓﺘﻚ ﺷﻠﻮﻥ ﺗﺘﻌﺪﻱ ﻋﻠﻰ ﺑﻨﺎﺕ ﺑﺄﻣﺎﻧﺘﻨﺎ ..
ﻭﻟﻚ ﺍﻧﺖ ﺷﻨﻮ .. ﺣﻴﻮﺍﻥ ..
ﻋﺪﻧﺎﻥ .. ﺍﺗﺄﺩﺏ ﻭﻟﻚ ﻭﻻﺗﺘﺠﺎﻭﺯ .. ﺍﻟﻲ ﺳﻮﻳﺘﻪ ﺑﺮﺿﺎﻫﺎ ﺑﺲ ﻣﻦ ﺳﻤﻌﺘﻜﻢ ﺧﺎﻓﺖ ﻭﺩﺧﻠﺖ ﻟﻠﺤﻤﺎﻡ ..
ﺗﺮﺍﻧﻴﻢ .. ﻛﺬﺍﺏ ﻛﺬﺍﺏ ﻻﺗﺼﺪﻗﻮﺍ ﺍﻟﺮﺏ ﺷﺎﻫﺪ ﻋﻠﻴﻨﺎ ﻫﻮ ﺍﻟﻲ ﻃﻠﺐ ﺍﻟﻤﻔﺎﺗﻴﺢ ﻭﺣﺎﻭﻝ ﻳﻌﺘﺪﻱ ﻋﻠﻴﺔ ..
ﻋﺎﻣﺮ ﻣﺎﺍﺗﺤﻤﻞ ﺿﺮﺑﺔ .. ﻭﻟﻚ ﻫﺎﻱ ﺷﻜﻞ ﻭﺣﺪﺓ ﺭﺍﺿﻴﻪ ..
ﻋﺪﻧﺎﻥ ﺭﺟﻌﻠﻮ ﺍﻟﻀﺮﺑﻪ ﻭﺣﺴﻴﺘﻬﻢ ﺭﺍﺡ ﻳﺘﻘﺎﺗﻠﻮ ﺑﺴﺒﺒﻲ ..
ﻭﻋﻤﻮ ﺍﺑﻮ ﺭﻣﺎﺡ ﺣﺎﻭﻝ ﻳﺒﻌﺪﻫﻢ ﻋﻦ ﺑﻌﺾ ..
ﻭﻣﺎﻳﻘﺪﺭ ..
ﻣﺎﻋﺮﻓﺖ ﺍﺷﻨﻮ ﺍﻋﻤﻞ .. ﺭﻛﻀﺖ ﻟﻠﻤﻠﺤﻖ ﻭﻗﻔﻠﺖ ﺍﻟﺒﺎﺏ ﻋﻠﻴﻪ
ﻭﺍﻧﺎ ﺍﺑﻜـﻲ ..
ﻟﻴﺶ ﻟﻴﺶ ﻛﻞ ﻫﺬﺍ ﻳﺼﻴﺮ ﺑﻴﺔ ..
ﺍﺷﻨﻮ ﺳﻮﻳﺖ ﺣﺘﻰ ﺍﺗﻌﺎﻗﺐ ﻫﺎﻛﺬ .
بيج قصص عراقيه حقيقيه من واقعنا.روعه الطائي
ﻗﻌﺪﺕ ﻟﻴﻨﺎ ﺍﻏﺸﻌﺘﻨﻲ ﺧﺎﻓﺖ .. ﺍﺷﻨﻮ ﺑﻜﻲ ﺍﺧﺘﻲ .
ﻣﺴﺤﺖ ﺩﻣﻮﻋﻲ .. ﻭﻗﻠﺘﻠﻬﺎ ﻻﺗﺨﺎﻓﻲ ﺣﺒﻴﺒﺘﻲ ﺍﺗﺬﻛﺮﺕ ﺍﻣﻲ .
ﻟﻴﻨﺎ .. ﺍﻧﺘﻲ ﻣﺎﺗﺒﻜﻲ ﻗﺪﺍﻣﻲ ﺣﺘﻰ ﻣﺎﺍﻧﻘﻬﺮ .. ﺭﻭﺣﻲ ﺍﻏﺸﻌﻲ ﺣﺎﻟﻚ ﺑﺎﻟﻤﺮﺍﻳﻪ .. ﺍﻧﺎ ﺍﺳﻔﻪ ﺍﺧﺘﻲ ﺑﻌﺪ ﻣﺎﺍﻗﻬﺮﻙ ﺍﻋﺮﻑ ﺍﻧﻜﻲ ﺗﺘﺤﻤﻠﻲ ﻭﺗﺼﺒﺮﻱ ﺣﺘﻰ ﻣﺎﺍﺗﺄﺫﻯ ..
ﺳﺎﻣﺤﻴﻨﻲ ..
ﺣﻀﻨﺘﻬﺎ ﻭﺍﺑﻜﻲ ..
ﺭﺩﺕ ﺍﺗﺼﻞ ﻋﻠﻰ ﺳﺮﺍﺏ ﺗﺬﻛﺮﺕ ﺍﻟﻤﻮﺑﺎﻳﻞ ﻭﻗﻊ ﻣﻨﻲ ﺑﺒﺎﺏ ﺍﻟﻤﻄﺒﺦ ﺍﻭ ﺑﺎﻟﻤﻄﺒﺦ ﻣﺎﺍﺗﺬﻛﺮ ..
ﺍﻛﻴﺪ ﻋﺪﻧﺎﻥ ﻣﺎﺭﺍﺡ ﻳﺴﻜﺖ ﻭﺭﺍﺡ ﻳﻘﻠﻬﻢ ﻛﻼﻡ ﻋﻨﻲ ﻭﻳﺼﺪﻗﻮﻩ
ﺍﻧﺪﻗﺖ ﺍﻟﺒﺎﺏ ..
ﺻﺮﺧﺖ . ﻣﻨﻮﻭﻭﻭ
- ﺍﻧﻲ ﻋﻤﻜﻲ ﺍﺑﻮ ﺭﻣﺎﺡ ﺍﻓﺘﺤﻲ ..
ﻓﺘﺤﺖ ﻭﺍﺷﺮﺗﻠﻮ ﻣﺎﻳﺤﻜﻲ ﻟﻴﻨﺎ ﺻﺎﺣﻴﺔ ..
ﺍﻏﺸﻌﺖ ﻋﺎﻣﺮ ﺍﺗﻘﺮﺏ ﺍﻟﻨﺎ ..
ﻣﺎﺍﻋﺮﻑ ﺷﺄﮔﻠﺞ ﻣﺴﺘﺤﻲ ﻭﺍﻟﻠﻪ .. ﺑﺲ ﻫﺬﺍ ﻳﺘﻌﻤﺪ ﻳﺴﻮﻱ ﻫﻴﺞ ﻣﺎﺍﻋﺮﻑ ﻟﻴﺶ ﺩﻭﻣﺔ ﺍﻋﻮﺝ ..
ﻫﻮ ﻳﺤﻜﻲ ﻭﺍﻧﺎ ﺳﺎﻛﺘﺔ ..
ﺗﺮﺍﻧﻴﻢ .. ﺍﻟﻈﺎﻫﺮ ﻓﻌﻼ ﻭﺟﻮﺩﻧﺎ ﺧﻄﺄ ﻫﻮﻧﻲ ..
ﻋﺎﻣﺮ .. ﻻﺗﮕﻮﻟﻴﻦ ﻫﻴﺞ ﻟﻴﺶ ﻣﻨﻮ ﺩﺍﻳﺴﻠﺠﻦ ﻋﻠﻰ ﻃﺮﻑ ﻭﺩﺍﻋﺘﺞ ﺍﺧﺬﻟﺞ ﺣﻘﺞ ﻣﻨﻪ ﺑﺲ ﺗﺨﻠﺺ ﺍﻟﻔﺎﺗﺤﺔ ..
ﺗﺮﺍﻧﻴﻢ .. ﻟﻮ ﻣﺎﺍﻧﺘﻮ ﺍﻟﺤﻘﺘﻮ ﺍﺷﻨﻮ ﺻﺎﺭ ﻗﻠﻲ .. ﺍﺷﻨﻮ ﺻﺎﺭ ..
ﺍﻧﺎ ﺍﻗﻠﻚ .. ﻟﻮ ﺍﻧﺎ ﻣﻴﺘﺔ ﻟﻮ ﻫﻮ ..
ﻻﻥ ﻣﺴﺘﺤﻴﻞ ﺍﺧﻠﻴﻪ ﻳﻠﻤﺴﻨﻲ ﻭﺳﺎﻋﺘﻬﺎ ﻟﻮ ﺍﻧﺎ ﻗﺎﺗﻠﺔ ﺣﺎﻟﻲ ﺍﻭ ﻗﺎﺗﻠﺘﻮ ..
ﻋﺎﻣﺮ .. ﻋﺰﻳﺰ ﺟﺎﻥ ﺣﺎﺱ ﮔﻠﺒﻪ .. ﻭﻃﻠﺐ ﺍﺧﺬ ﺍﺑﻮ ﺭﻣﺎﺡ ﻭﺍﻭﺻﻠﻪ ﺍﻟﺠﻦ ﻻﻥ ﻭﺣﺪﺟﻦ ..
ﻳﻤﻜﻦ ﻳﻌﺮﻑ ﺑﺴﻮﺍﻟﻒ ﻋﺪﻧﺎﻥ ..
- ﻳﻌﻨﻲ ﻋﺰﻳﺰ ﺍﻟﻲ ﺍﺗﺼﻞ ﺑﻴﻚ ؟؟
- ﺍﻱ ﻫﻮ ..
- ﻋﺎﻣﺮ ﻻﺗﻘﻠﻮﺍ ﺷﻲ .. ﻫﻮ ﺑﻮﺿﻊ ﻣﺎﻳﺴﻤﺢ ﺍﻧﻪ ﻳﻔﻜﺮ ﻭﻳﻀﻮﺝ ﻋﺎﻣﺮ .. ﻣﺎﺗﻌﺮﻓﻴﻦ ﻋﺰﻳﺰ .. ﺣﺘﻰ ﺍﺫﺍ ﻣﺎﮔﺘﻠﻪ ﺭﺍﺡ ﻳﺒﻘﻰ ﻳﺸﻚ ﻣﺎﺩﺍﻡ ﺣﺲ ﺍﻛﻮ ﺷﻲ ﻏﻠﻂ ﻣﺎﻳﻜﺬﺏ ﺍﺣﺴﺎﺳﺔ ..
ﻭﺍﻭﻝ ﻭﺗﺎﻟﻲ ﻻﺯﻡ ﺍﺑﻮﻱ ﻳﻌﺮﻑ .. ﻭﻳﺨﻠﻲ ﺣﺪ ﺍﻟﻪ ..
ﺍﺑﻮ ﺭﻣﺎﺡ .. ﺍﻧﺎ ﺍﻟﺴﺒﺐ ﻣﺎﻛﺎﻥ ﻻﺯﻡ ﺍﻃﻠﻊ ﻭﺍﺗﺮﻛﻜﻢ ﺑﻬﺎﻛﺬ ﻣﻜﺎﻥ ﻭﺣﺪﻛﻢ ..
ﻭﻋﺪ ﻣﺎﺍﺗﺮﻛﻢ ﻟﺤﻈﺔ .. ﺑﺲ ﻻﺗﻘﻬﺮﻱ ﻧﻔﺴﻜﻲ ﻭﺍﺩﺧﻠﻲ ﺍﺳﺒﺤﻲ ﻭﺍﺭﺗﺎﺣﻲ ..
ﺍﺳﺘﺄﺫﻥ ﻋﺎﻣﺮ ﻭﺭﺍﺡ .. ﺩﺣﻘﺖ ﺳﻴﺎﺭﺓ ﻋﺪﻧﺎﻥ ﻣﺎﻣﻮﺟﻮﺩﺓ ﻣﻌﻨﺎﻩ ﺭﺍﺡ ﺍﻟﺮﺏ ﻳﻨﺘﻘﻢ ﻣﻨﻮ ..
ﺍﻭﻝ ﻣﺮﺓ ﺍﺩﻋﻲ ﻫﺎﻛﺬ ﻋﻠﻰ ﺷﺨﺺ ..
ﺩﺧﻠﺖ ﺍﺳﺒﺢ ﻭﺍﻧﺎ ﺍﺗﺨﻴﻞ ﺍﺷﻨﻮ ﻳﺼﻴﺮ ﻟﻮ ﻣﺎﻟﺤﻘﻮﺍ ..
ﻃﻠﻌﺖ ﺍﺩﻭﺭ ﻋﻠﻰ ﻣﻮﺑﺎﻳﻠﻲ ..
ﻟﻘﻴﺘﻮ ﻋﻨﺪ ﻋﻤﻮ ﺍﺑﻮ ﺭﻣﺎﺡ ..
ﻗﺎﻝ ﺍﻏﻠﻘﺘﻮﺍ ﻻﻥ ﻋﺰﻳﺰ ﺩﻕ ﻛﺜﻴﺮ ﻭﻣﺎﻗﺪﺭﺕ ﺍﺭﺩ ﻋﻠﻴﻪ ﻭﺍﻗﻠﻮ ﺷﻲ ..
ﻭﻻﺍﻧﺎ ﻗﺪﺭﺕ ﺍﻓﺘﺤﻮ ﻭﺍﺭﺩ .. ﺍﺗﺮﻛﺘﻮﺍ ﻣﻐﻠﻖ ..
ﻟﻠﻴﻞ .. ﺭﺟﻊ ﻋﺎﻣﺮ ﻭﻣﻌﻮ ﺳﺮﺍﺏ ..
ﻳﻤﻜﻦ ﺗﻌﺮﻑ ..
ﺍﻭﻝ ﻣﺎﺩﺧﻠﺖ ﺣﺼﻨﺘﻨﻲ ﻭﺗﻮﺍﺳﻲ ﺑﻴﻪ ..
ﻋﺎﻣﺮ .. ﮔﻮﻣﻦ ﻟﻠﺒﻴﺖ ﺍﻧﻲ ﻳﻤﺠﻦ ﻫﻨﺎ ﻭﺳﺮﺍﺏ ﻣﺎﺭﺍﺡ ﺗﺮﻭﺡ ﺑﻌﺪ ﻟﻠﻔﺎﺗﺤﺔ . ﻃﻠﻌﻨﺎ ﺣﺠﺔ ﻣﺎﻟﻬﺎ ﺧﻠﮓ ﻭﻣﺮﻳﻀﻪ ..
ﻳﻠﺔ ﮔﻮﻣﻦ ..
ﺗﺮﺩﺩﺕ ﺍﻗﻮﻡ ﻭﺣﺎﻭﻟﺖ ﺍﺭﻓﺾ ﻟﻜﻦ ﺗﻮﺳﻼﺕ ﺳﺮﺍﺏ ﻣﺎﺧﻠﺘﻨﻲ ﺍﻗﺪﺭ ﺍﺭﻓﺾ ..
ﻭﻋﻤﻮ ﺍﺑﻮ ﺭﻣﺎﺡ ﺍﺷﺮﻟﻲ ﺍﻟﺨﺎﻃﺮ ﻟﻴﻨﺎ ..
ﻃﻠﻌﺖ ﻣﻌﺎﻫﺎ ﻭﻟﻴﻨﺎ ﻣﺎﺳﻜﺔ ﺑﻴﺪﻱ ..
ﺩﺧﻠﻨﺎ ﻟﻠﺒﻴﺖ .
ﻭﺍﻧﺎ ﺍﺗﺨﻴﻞ ﺷﻠﻮﻥ ﺳﺤﺒﻨﻲ ﻣﻦ ﺷﻌﺮﻱ ﻭﺩﺧﻠﻨﻲ ﺣﺴﻴﺖ ﺑﺸﻌﻮﺭ ﻏﺮﻳﺐ .
ﻛﺮﻫﺖ ﻧﻔﺴﻲ ﻭﺟﻤﺎﻟﻲ ﺍﻟﻲ ﺻﺎﺭ ﻟﻌﻨﺔ ﺑﺎﻟﻨﺴﺒﺔ ﻟﻲ ..
ﺑﻜﻞ ﻣﻜﺎﻥ ﺍﻏﺸﻊ ﺍﻟﻲ ﻳﺪﺣﻖ ﻓﻴﻨﺎ ﺑﻨﻀﺮﺍﺕ ﻳﺸﻤﺄﺯ ﻣﻨﻬﺎ ﺍﻟﺒﺪﻥ
بيج قصص عراقيه حقيقيه من واقعنا.روعه الطائي
ﺧﻠﻴﻨﺎ ﻟﻴﻨﺎ ﻗﺎﻋﺪﺓ ﺑﻐﺮﻓﻪ ﺍﻟﺠﺪﺓ .. ﻭﻃﻠﻌﻨﺎ ﺍﻧﺎ ﻭﺳﺮﺍﺏ ﻟﻠﻤﻄﺒﺦ ..
ﻣﺎﺍﺗﺤﻤﻠﺖ ﻭﻗﻠﺘﻠﻬﺎ ﻛﻠﺸﻲ ..
ﺳﺮﺍﺏ .. ﺍﻟﻠﻪ ﻻﻳﻨﻄﻴﻪ .. ﻋﺒﺎﻟﻲ ﻋﻘﻞ ﻭﻧﺴﻰ ﺍﻟﺴﺎﻟﻔﻪ ..
ﺗﺮﺍﻧﻴﻢ .. ﻟﻴﺶ ﺍﻧﺎ ﺷﻠﻮﻥ ﻫﺮﺑﺖ ﻭﺗﺮﻛﺖ ﺍﻟﺒﻴﺖ ﻏﻴﺮ ﺑﺴﺒﺒﻮ ﻭﺳﺒﺐ ﻣﺮﺗﻮ . ﺍﺻﻼ ﺍﻧﺎ ﻃﻠﺒﺖ ﻣﻨﻬﺎ ﺗﺴﺎﻋﺪﻧﻲ ﻭﺗﻬﺮﺑﻨﻲ ﺣﺘﻰ ﺍﺧﻠﺺ ﻣﻦ ﻋﺪﻧﺎﻥ ﻭﻣﺎﺍﺳﺒﺐ ﻣﺸﺎﻛﻞ ..
ﻟﻮ ﻓﻌﻼ ﺍﻧﺎ ﺍﻟﻲ ﺧﻠﻴﺘﻮ ﻳﺘﻘﺮﺑﻠﻲ ﻛﺎﻥ ﻗﺒﻠﺖ ﻋﺮﺿﻮﺍ ﻭﺗﺰﻭﺟﺖ ﺑﺎﻟﺴﺮ .
ﻟﻜﻦ ﺍﻧﺎ ﻣﺎﻫﺎﻛﺬ ﻣﺎﻫﺎﻛﺬ .
ﺻﺤﻴﺢ ✔ ﺍﻟﺪﻧﻴﺎ ﻋﺬﺑﺘﻨﻲ ﻭﺳﺮﻗﺖ ﺍﺣﺒﺎﺑﻲ ﻭﺍﻫﻠﻲ ﻣﻨﻲ ﻟﻜﻦ ﻣﺴﺘﺤﻴﻞ ﺍﺑﻴﻊ ﻧﻔﺴﻲ ﻭﺷﺮﻓﻲ ﺍﻻﻱ ﺍﺣﺪ ..
ﺳﺮﺍﺏ .. ﻛﺎﻓﻲ ﮔﻄﻌﺘﻲ ﮔﻠﺒﻲ ﻭﺍﻟﻠﻪ ﮔﻠﺒﻲ ﺣﺎﺱ ﺷﺮﺩﺗﻦ ﺑﺴﺒﺒﻪ .. ﺑﺲ ﻣﺎﺗﻮﻗﻌﺖ ﻫﺎﻱ ﺍﻟﺒﻮﻣﺔ ﺗﺴﺎﻋﺪﺟﻦ ..
ﺷﻠﻮﻥ ﻭﻣﻨﻮ ﺍﺧﺬﺟﻦ .
ﻣﺎﻛﻮ ﻏﻴﺮ ﺍﺣﻤﺪ ﻣﻮﻭﻭﻭ ..
ﻛﺎﻥ ﻋﺎﻣﺮ ﻭﺍﻗﻒ ﻳﺘﻨﺼﺖ ﻋﻠﻴﻨﺎ ..
ﺩﺧﻞ ﻭﻫﻮ ﻳﻘﻮﻝ . ﻫﺴﺎ ﺗﺴﻮﻟﻔﻠﻲ ﻛﻠﺸﻲ . ﻭﺍﻧﺘﻲ ﺣﺴﺎﺑﺞ ﺑﻌﺪﻳﻦ ﺳﺮﺍﺏ .
ﻣﻦ ﺷﻮﻛﺖ ﻭﻋﺪﻧﺎﻥ ﻣﺨﻠﻲ ﻋﻴﻨﻪ ﻋﻠﻴﻬﺎ ﺍﺣﺠﻲ ..
ﺳﺮﺍﺏ ﺣﻜﺘﻠﻮ ﻛﻞ ﺷﻲ .. ﻭﻫﻮ ﻳﻀﺮﺏ ﺑﺎﻟﺒﺎﺏ ﻭﻳﺘﻮﻋﺪ ﻭﻳﻬﺪﺩ ﻭﻛﺄﻧﻪ ﻋﺰﻳﺰ ﻗﺒﺎﻟﻲ ..
ﺍﺫﺍ ﻋﺎﻣﺮ ﺻﺎﺭ ﺑﻲ ﻫﺎﻛﺬ ﻋﺰﻳﺰ ﺍﺷﻨﻮ ﻳﻌﻤﻞ ..
ﺗﺮﺟﻴﺘﻮ ﻣﺎﻳﻘﻮﻝ ﺍﻟﻌﺰﻳﺰ ..
ﻋﺎﻣﺮ .. ﻛﺎﻓﻲ ﺗﺮﺍﻧﻴﻢ .. ﻣﺎﺗﺼﻮﺭﺕ ﻫﻴﺞ ﺿﻌﻴﻔﻪ . ﺍﻟﻲ ﺍﻋﺮﻓﻪ ﺍﻧﺘﻲ ﻣﺎﺗﺨﺎﻓﻴﻦ ﺷﻠﻮﻥ ﺗﺴﻜﺘﻴﻦ ﻭﺗﺨﻠﻴﻪ ﻳﺘﻤﺎﺩﻯ ..
ﺗﺮﺍﻧﻴﻢ .. ﺍﻧﺎ ﻣﻮﺿﻌﻴﻔﻪ ﻭﻻﺧﺎﻳﻔﻪ . ﺍﻧﺎ ﻓﻘﻂ ﺣﺎﻭﻟﺖ ﻣﺎﺍﻫﺪﻡ ﺍﻟﺒﻴﺖ ﺍﻟﻲ ﺍﻭﺍﻧﻲ ﻭﺣﺎﻓﻆ ﻋﻠﻴﻨﺎ ﺍﻧﺎ ﻭﺍﺧﺘﻲ ..
ﻣﺎﺣﺒﻴﺖ ﻳﺼﻴﺮ ﺑﻴﻨﻜﻢ ﻣﺸﺎﻛﻞ ﺑﺴﺒﺒﻲ ..
ﻭﺣﺘﻰ ﺳﺮﺍﺏ ﺍﻧﺎ ﺍﻟﻲ ﻃﻠﺒﺖ ﻣﻨﻬﺎ ﺗﺴﻜﺖ ..
ﻋﺎﻣﺮ ... ﻫﺬﺍ ﻣﻦ ﻳﻮﻡ ﺍﻟﻲ ﻋﺮﻑ ﺗﺴﻮﺩﻥ ﻋﻠﻴﻨﺎ ﻭﻋﺒﺎﻟﻚ ﺻﺮﻧﺎ ﺍﻋﺪﺍﺋﺔ ﺍﻟﻠﻪ ﻻﻳﻨﻄﻴﺞ ﻳﺎﺍﻳﻤﺎﻥ ..
ﺿﺮﺏ ﺍﻟﺒﺎﺏ ﻭﺭﺍﻩ ﻭﻃﻠﻊ ..
ﻫﺴﺎ ﺍﺟﻲ ﺍﻗﻔﻠﻦ ﺍﻟﺒﺎﺏ ..
ﺭﺍﺡ ﻭﻣﺎﺭﺟﻊ ﺍﻻ ﻟﻠﻴﻞ ..
ﻗﺎﻝ ﺍﺗﺼﻞ ﻋﺰﻳﺰ ﻭﺳﺄﻟﻨﻲ ﻟﻴﺶ ﻣﺎﺗﺮﺩﻳﻦ ﮔﻠﺘﻠﻪ ﻟﻴﻨﺎ ﺍﺗﺨﺮﺑﻄﺖ ﻭﺍﺧﺬﻧﺎﻫﺎ ﻟﻠﻤﺴﺘﺴﻔﻰ ..
ﺧﺎﻑ ﻳﺨﺎﺑﺮﺝ ..
ﻭﻟﻮ ﻫﻮ ﺷﻚ ﻭﺭﺑﻂ ﺟﻴﺔ ﻋﺪﻧﺎﻥ ﻭﺍﻟﻜﻼﻡ ﺍﻟﻲ ﺳﻤﻌﻪ ﺑﻴﻨﻜﻢ
ﻭﺑﻌﺪﻫﺎ ﺍﻧﻐﻠﻖ ﺍﻟﺨﻂ ..
ﺑﺲ ﮔﺘﻠﻪ ﻣﺎﻛﻮ ﺷﻲ ﺍﺟﻴﻨﺎ ﻟﮕﻴﻨﺎ ﻋﺪﻧﺎﻥ ﻣﺎﺧﺬ ﻣﻼﺑﺲ ﻭﻃﺎﻟﻊ ﻭﺗﺮﺍﻧﻴﻢ ﻳﻢ ﻟﻴﻨﺎ ﻣﺘﺨﺮﺑﻄﺔ ﺑﺎﻟﻤﻠﺤﻖ ﻭﺍﺧﺬﻧﺎﻫﺎ ﺑﺴﺮﻋﻪ ﻟﻠﻤﺴﺘﺸﻔﻰ ﻟﻜﻦ ﺍﻛﻴﺪ ﻣﺎﻋﺒﺮﺕ ﻋﻠﻴﻪ ..
ﻟﻠﻴﻞ ﻓﺘﺤﺖ ﻣﻮﺑﺎﻟﻲ .. ﻟﻘﻴﺖ ﻣﻜﺎﻟﻤﺎﺕ ﻛﺜﻴﺮ ﻭﺭﺳﺎﺋﻞ ..
ﺩﻗﻴﺖ ﻋﻠﻴﻪ ﺭﺩ ﺑﺴﺮﻋﻪ ..
ﻭﻳﻨﺞ ﻟﻴﺶ ﻫﻴﺞ ﻗﻠﻘﺘﻴﻨﻲ ..
ﻟﻴﺶ ﻋﺎﻣﺮ ﻣﺎﻗﻠﻚ ﻟﻴﻨﺎ ﻣﺮﻳﻀﻪ .
ﺍﻱ ﮔﺎﻟﻲ ﺑﺲ ﻣﺎﻣﻘﺘﻨﻊ .. ﻋﺪﻧﺎﻥ ﺷﻌﻨﺪﺓ ﻭﻳﺎﺝ
ﺍﺷﻨﻮ ﺗﻘﺼﺪ . ؟؟
ﺗﺮﺍﻧﻴﻢ ﺍﻧﻲ ﻣﻮ ﻃﻔﻞ ﺍﻟﺤﺠﻲ ﺍﻟﻲ ﺳﻤﻌﺘﻪ ﺧﻼﻧﻲ ﺍﺳﺘﻐﺮﺏ ﺷﻨﻮ ﺍﻟﻲ ﺑﻴﻨﻜﻢ ﺣﺘﻰ ﻳﺘﺠﺮﺃ ﻭﻳﮕﻠﺞ ﻫﻴﺞ ..
ﺗﺮﺍﻧﻴﻢ .. ﻋﺰﻳﺰ ﺍﺷﻨﻮ ﺑﻴﻨﻲ ﻭﺑﻴﻨﻮ .. ﺍﻭﻋﻰ ﻋﻠﻰ ﻛﻼﻣﻚ ..
ﻋﺰﻳﺰ .. ﻫﺎﻫﻲ ﺑﺮﺍﺣﺘﺞ .. ﻳﻠﻪ ﻓﻲ ﺍﻣﺎﻥ ﺍﻟﻠﻪ ..
ﻭﻏﻠﻘﻪ ﻭﻫﻮ ﺿﺎﻳﺞ ..
ﻭﻛﺄﻧﻪ ﻳﻠﻮﻡ ﺑﻴﻪ .. ﺍﺷﻨﻮ ﺑﻴﺪﻱ ﻭﺍﻧﺎ ﺍﻟﺪﻧﻴﺎ ﺿﺪﻱ ..
ﻛﻠﻤﺎ ﺍﻗﻮﻝ ﺍﻧﻔﺘﺤﺖ ﺍﻻﺑﻮﺍﺏ ﺑﻮﺟﻬﻲ ﺍﻻﻗﻴﻬﺎ ﺗﻨﻐﻠﻖ ﺍﻛﺜﺮ ﻭﺍﻛﺜﺮ .
ﺍﺍﺍﺍﺍﻩ ﻳﺎﺍﻣﻲ ﺍﺍﺍﺍﺍﺍﺍﻩ ﻟﻴﺶ ﺗﺮﻛﺘﻴﻨﺎ ﻣﺤﺘﺎﺟﺘﻜـﻲ ﺍﻛﺜﺮ ﻣﻦ ﻗﺒﻞ
ﺻﻌﺪﺕ ﻟﻴﻨﺎ .. ﺍﺧﺘﻲ ﻟﻴﺶ ﺍﺣﺴﻚ ﻣﻬﻤﻮﻣﺔ ﺍﺷﻨﻮ ﺻﺎﻳﺮ ﻗﻮﻟﻴﻠﻲ ..
ﺗﺮﺍﻧﻴﻢ .. ﻣﺎﻛﻮ ﺷﻲ ﺣﺒﻴﺒﺘﻲ ﻻﺗﺘﻘﻬﺮﻱ ..
ﻟﻴﻨﺎ .. ﺍﻛﻴﺪ ﺍﺷﺘﻘﺘﻲ ﺍﻻﻣـﻲ ﻣﺜﻠﻲ ..
ﺗﺮﺍﻧﻴﻢ .. ﻟﻴﺶ ﻫﻮ ﺍﻧﺎ ﻣﺘﻰ ﻣﺎﺍﺷﺘﻘﺖ ﺍﻟﻬﺎ .. ﺻﻮﺭﺗﻬﺎ ﻣﺎﺗﺮﻭﺡ ﻣﻦ ﺑﺎﻟﻲ ﺍﺑﺪﺍ ..
ﻟﻴﻨﺎ .. ﻟﻴﺶ ﻣﺎﺍﺧﺬﺗﻲ ﺻﻮﺭﺓ ﺍﻟﻬﺎ ﻣﺸﺘﺎﻗﻪ ﻛﺜﻴﺮ ..
ﺳﻜﺘﺖ ﻋﻨﻬﺎ ﻭﻣﺎﺍﻋﺮﻑ ﺍﺷﻨﻮ ﺍﻗﻠﻬﺎ ﻟﻮ ﺍﻏﺸﻌﺖ ﺍﻟﺼﻮﺭﺓ ﺍﻟﻲ ﻋﻨﺪﻱ ﻛﺎﻧﺖ ﺧﺎﻓﺖ ﻭﺍﻧﺮﻋﺒﺖ ﺍﻛﺜﺮ
بيج قصص عراقيه حقيقيه من واقعنا.روعه الطائي
ﺍﺧﺬﺗﻬﺎ ﺍﻟﺤﻀﻨﻲ ﻭﻧﻤﻨﺎ .. ﻣﻊ ﺍﻧﻪ ﺧﺎﻳﻔﻪ ﻣﻦ ﻋﺪﻧﺎﻥ ﻻﻳﻄﻠﻌﻠﻲ ﺑﺄﻱ ﻟﺤﻈﺔ ..
ﻻﺍﻛﻴﺪ ﻣﺎﻳﺮﺟﻊ ﺑﻌﺪ .. ﻫﻮﻧﻲ ﻋﺎﻣﺮ ﻭﻋﻤﻮ ﺍﺑﻮ ﺭﻣﺎﺡ ..
ﻭﺳﺮﺍﺏ ..
ﻟﻠﺼﺒﺢ ﻗﻌﺪﺕ ﻟﻘﻴﺖ ﺳﺮﺍﺏ ﺑﺎﻟﻤﻄﺒﺦ ..
- ﻫﺎ ﮔﻌﺪﺗﻲ ﺭﻧﻮﻡ .. ﺷﻔﺘﺞ ﺗﻌﺒﺎﻧﻪ ﻣﺎﺭﺩﺕ ﺍﮔﻌﺪﺝ ..
ﻭﺍﺑﻮﻱ ﺍﺟﺔ ﺑﻠﻴﻞ ﻟﻬﻨﺎ ﻭﺭﺍﺩ ﻳﺤﺠﻲ ﻭﻳﺎﺝ ﺑﺲ ﮔﺘﻠﻪ ﻧﺎﻳﻤﺔ ﺍﺟﻠﻬﺎ ..
ﺗﺮﺍﻧﻴﻢ .. ﻟﻴﺶ ﻗﻠﺘﻮﻟﻮﺍ ﺍﻛﻴﺪ ﺭﺍﺡ ﻳﺼﺪﻕ ﻋﺪﻧﺎﻥ ..
ﺳﺮﺍﺏ .. ﻻ ﻣﺴﺘﺤﻴﻞ ﺍﺑﻮﻱ ﻣﻮ ﻣﻦ ﻫﺬﺍ ﺍﻟﻨﻮﻉ ﻭﻻﺗﻨﺴﻴﻦ ﺍﻛﻮ ﺷﻬﻮﺩ ﻋﺎﻣﺮ ﻭﺍﺑﻮ ﺭﻣﺎﺡ ..
ﻭﺍﻧﻲ ﻫﻢ ﺳﻮﻟﻔﺘﻠﻪ ﺍﻟﻲ ﺳﻮﺍﻩ ﺑﻴﺞ ﻗﺒﻞ ﻫﻮ ﻭﻣﺮﺗﻪ ..
ﻭﺷﻠﻮﻥ ﻫﺮﺑﺘﺞ ﺣﺘﻰ ﺗﺨﻠﺺ ﻣﻨﺞ ..
ﺗﺮﺍﻧﻴﻢ .. ﺍﺍﺍﺍﺍﻩ ﺍﻛﺒﺮ ﻏﻠﻂ ﺍﻧﻪ ﺭﺟﻌﺖ ﻫﻮﻧﻲ .. ﻛﺎﻥ ﻻﺯﻡ ﺍﺑﻘﻰ ﻋﻨﺪ ﻋﻤﻮ ﺍﺑﻮ ﺭﻣﺎﺡ ﺑﺎﻟﺤﺴﻴﻨﻴﻪ ..
ﺳﺮﺍﺏ .. ﺑﺎﻋﻲ ﺭﻧﻮﻡ ﺍﻧﺘﻲ ﻣﺎﺍﻟﺞ ﺫﻧﺐ .. ﺭﺍﺡ ﺍﮔﻠﺞ ﺷﻐﻠﻪ ﻭﻣﻨﻬﺎ ﺗﻌﺮﻓﻴﻦ ﻟﻴﺶ ﻋﺪﻧﺎﻥ ﻫﻴﺞ ﺗﺼﺮﻓﺎﺗﻪ ..
ﺗﺮﺍﻧﻴﻢ .. ﻓﻌﻼ ﺑﻮﺩﻱ ﺍﻋﺮﻑ ﻟﻴﺶ ﻫﺎﻛﺬ ﻳﻌﻤﻞ ﻭﻳﻐﺎﺭ ﻣﻦ ﻋﺰﻳﺰ ..
ﺳﺮﺍﺏ .. ﺑﺲ ﺍﻭﻋﺪﻳﻨﻲ ﻫﺎﻟﺴﺎﻟﻔﻪ ﺗﺒﻘﻰ ﺳﺮ ﺑﻴﻨﺎ ..
ﺗﺮﺍﻧﻴﻢ .. ﻭﻋﺪ .. ﻟﻜﻦ ﺍﺫﺍ ﺗﺤﺴﻲ ﻓﻴﻬﺎ ﺧﻄﺮ ﻻﺗﻘﻮﻟﻲ ..
ﺳﺮﺍﺏ .. ﻻ ﻫﻲ ﺍﻟﻜﻞ ﻳﻌﺮﻓﻬﺎ ﺍﺻﻼ ..
ﺍﺑﻮﻱ ﺟﺎﻥ ﻳﺤﺐ ﻭﺣﺪﺓ ﻗﺒﻞ ﻻﻳﺘﺰﻭﺝ ﺑﻨﺖ ﻋﻤﺔ ﺍﻟﻲ ﻫﻲ ﺍﻣﻲ ﺍﺑﻮﻩ ﺍﻟﺸﻴﺦ ﺍﻗﺼﺪ ﺟﺪﻱ ﻣﻨﺬﺭ ..
ﺧﻄﺐ ﺍﻣﻲ ﺍﻟﺔ .. ﻭﺟﺒﺮﺓ ﻋﻠﻴﻬﺎ ..
ﺑﺲ ﺍﺑﻮﻱ ﻳﺤﺐ ﺫﻳﺞ ﺍﻟﺒﻨﻴﻪ .. ﻫﻲ ﻳﺘﻴﻤﺔ ﻭﺑﻨﺖ ﻓﻼﺡ ﻋﻨﺪﻧﺎ ﺟﺎﻥ ..
ﺟﺪﻱ ﻣﻦ ﺷﺎﻑ ﺍﺑﻮﻩ ﻣﺼﺮ ﻳﺨﻄﺒﻠﻪ ﺑﻨﺖ ﻋﻤﺔ ﻭﻫﺪﺩﻫﺎ ﻳﻔﺼﻠﻪ ﻣﻦ ﺍﻟﻌﺸﻴﺮﺓ ﺍﺫﺍ ﻧﺰﻝ ﻛﻠﻤﺘﺔ ..
ﺭﺍﺡ ﻭﺍﺗﺰﻭﺝ ﺍﻟﻲ ﻳﺤﺒﻬﺎ ﻋﻘﺪ ﺳﻴﺪ ﺑﺲ ﻭﻣﺤﺪ ﻳﻌﺮﻑ ﻫﺎﻟﺸﻲ ﺑﺲ ﻋﻤﺎﻣﻲ ﻭﻋﻤﺎﺗﻲ ..
ﺟﺪﻱ ﺍﻧﺠﻠﻂ ﻭﺗﻤﺮﺽ ﻣﺎﺍﺗﺤﻤﻞ ..
ﺭﺟﻊ ﺍﺑﻮﻱ ﺑﻌﺪ ﻣﺎﺟﺪﻱ ﺗﻤﺮﺽ ..
ﻭﺻﺎﺭ ﺍﻣﺎﻡ ﺍﻻﻣﺮ ﺍﻟﻮﺍﻗﻊ .. ﻭﺗﺰﻭﺝ ﺑﻨﺖ ﻋﻤﺔ ..
ﻣﺮﺗﺔ ﺫﻳﺞ .. ﺗﻤﺮﺿﺖ ﻭﻫﻲ ﺣﺎﻣﻞ ﻣﻦ ﺍﻟﻘﻬﺮ ﺑﻌﺪ ﻣﺎﺍﺑﻮﻱ ﮔﻄﻊ ﺑﻴﻬﺎ .. ﻭﻳﺠﻲ ﺑﺎﻟﺴﺮ ﺑﺴﺒﺐ ﺟﺪﻱ ﺍﻟﻲ ﺟﺎﻥ ﺭﺍﻓﺾ ﺯﻭﺍﺟﻬﻢ ﻭﺷﺮﻁ ﻋﻠﻴﻪ ﻳﻄﻠﮕﻬﺎ ﺑﺲ ﺍﺑﻮﻱ ﻣﺎﻃﻠﮓ ..
ﻭﺑﻘﻰ ﻭﻳﺎﻫﺎ ﺍﻟﻰ ﺍﻥ ﻭﻟﺪﺕ ﻋﺪﻧﺎﻥ ﻭﻣﺎﺗﺖ ..
ﺩﻓﻨﻬﺎ ﻭﺭﺟﻊ ﻟﻠﺒﻴﺖ ﻭﺑﻴﺪﺓ ﻋﺪﻧﺎﻥ ..
ﺍﻣﻲ ﻣﺎﻗﺒﻠﺖ ﺗﺘﻜﻔﻠﻪ ﺑﻌﺪ ﻣﺎﺍﺑﻮﻱ ﺳﻮﻟﻔﻠﻬﻢ ﺍﻟﺴﺎﻟﻔﻪ ﻭﺍﻧﻪ ﺍﻣﺔ ﻣﺎﺗﺖ ﻭﻣﺎﺑﻘﺎﻟﻪ ﺍﺣﺪ ﻏﻴﺮﺓ ..
ﺑﺲ ﺟﺪﺗﻲ ﮔﺎﻟﺖ ﻻ .. ﻳﺒﻘﻰ ﻭﻳﺘﺮﺑﻰ ﻫﻨﺎ ﻭﻳﺘﺴﺠﻞ ﺑﺄﺳﻤﺞ ﺳﻮﺍﺀ ﺭﺿﻴﺘﻲ ﺍﻭ ﻻ ..
ﻭﻣﺤﺪ ﻳﮕﻠﺔ ﻫﻮ ﺍﺑﻦ ﺑﻨﺖ ﺍﻟﻔﻼﺡ ..
ﺭﺍﺡ ﻳﻨﻌﺮﻑ ﻫﻮ ﺍﺑﻨﺞ ..
ﺍﻣﻲ ﺷﻮﻳﻪ ﺷﻮﻳﻪ ﻛﺎﻡ ﻳﻜﺴﺮ ﺧﺎﻃﺮﻫﺎ ﻭﺑﺪﺃﺕ ﺗﻌﺘﻨﻲ ﺑﻲ ﻭﺗﺪﺍﺭﻳﻪ ﺍﻟﻰ ﺍﻥ ﺗﻌﻠﻘﺖ ﺑﻲ ..
ﺭﺑﺘﻪ ﻭﺗﻌﺒﺖ ﻋﻠﻴﻪ ﻭﻣﺎﻓﺮﻗﺘﺔ ﻋﻦ ﻭﺍﺣﺪ ﻣﻨﺎ ﺍﺑﺪ ﻭﺍﻧﺘﻲ ﺗﺸﻮﻓﻴﻦ ﺷﻠﻮﻥ ﺗﻌﺰﺓ ..
ﻫﺎﻟﺴﺮ ﻣﺤﺪ ﻳﻌﺮﻑ ﺑﻲ ﺣﺘﻰ ﺍﺣﻨﻪ ..
ﺍﻟﻰ ﺍﻥ ﺧﻄﺒﻮ ﻋﺪﻧﺎﻥ ﺍﻻﻳﻤﺎﻥ ..
ﺍﻳﻤﺎﻥ ﺳﺎﻣﻌﻪ ﺍﻟﺴﺎﻟﻔﻪ ﻣﻦ ﺍﻣﻬﺎ ﻭﺭﺍﺣﺖ ﮔﺎﻳﻠﺘﻠﻪ ﻋﻠﻰ ﻛﻠﺸﻲ ..
ﻫﻮ ﺗﺨﺒﻞ ﻭﺍﺟﺔ ﻭﺍﺟﻪ ﺍﺑﻮﻱ ﻭﺟﺪﺗﻲ ﻭﺍﻣﻲ ..
ﺍﻣﻲ ﺗﺒﺠﻲ ﻭﺗﮕﻠﻪ ﺍﻧﺖ ﺍﺑﻨﻲ ﺍﻧﻲ ﺭﺑﻴﺘﻚ ﺑﺲ ﻫﻮ ﻧﻜﺮ ﻛﻞ ﺭﺑﺎﺗﻬﺎ ﻭﮔﺎﻟﻬﺎ ﺑﺲ ﻣﺎﺣﺒﺘﻴﻨﻲ ﻣﺜﻞ ﻋﺰﻳﺰ ..
ﻭﻻﺳﻮﻳﺘﻮﺍ ﺍﻟﻲ ﻣﺜﻞ ﻋﺰﻳﺰ ..
ﻭﻣﻦ ﻫﺬﺍ ﺍﻟﻴﻮﻡ ﺍﺷﺘﻌﻠﺖ ﻧﺎﺭ ﺍﻟﻐﻴﺮﺓ ﺑﻴﻦ ﻋﺪﻧﺎﻥ ﻭﻋﺰﻳﺰ ﻭﺻﺎﺭ ﻳﻜﺮﻩ ﻋﺰﻳﺰ ﻭﻛﺄﻧﻪ ﻣﻨﺎﻓﺲ ﺍﻟﻪ .
ﻭﺷﻨﻮ ﻳﺮﻳﺪﺓ ﻋﺰﻳﺰ ﻫﻮ ﻳﮕﻮﻝ ﺍﺭﻳﺪﺓ ﻳﻌﻨﻲ ﺑﺎﻟﻤﺨﺘﺼﺮ ﻳﺘﺤﺠﺞ ﻋﻠﻰ ﺍﻗﻞ ﺷﻲ .
ﺗﺮﺍﻧﻴﻢ .. ﻣﻮ ﻣﺼﺪﻗﺔ ﺍﺑﺪﺍ .. ﻟﻮ ﻗﺎﻟﻮﻟﻲ ﻫﺬﻱ ﺣﻜﺎﻳﻪ ﻣﺎﺍﺻﺪﻕ .. ﻣﻌﻘﻮﻟﻪ .
ﺻﺢ ﻫﻮ ﺍﻧﺤﺮﻡ ﻣﻦ ﺍﻣﻮ ﻟﻜﻦ ﺍﻟﻠﻪ ﻋﻮﺿﻮﺍ ﺑﺄﻣﻜﻲ ﻭﺍﻟﻜﻞ ﻳﺤﺒﻮ .
ﻳﻤﻜﻦ ﻳﺤﺲ ﺍﻧﻪ ﻏﻴﺮ ﻣﺮﻏﻮﺏ ﻓﻴﻪ . ﺍﺣﺴﺎﺳﻮ ﺻﻌﺐ ﻭﻳﺤﺘﺎﺝ ﻭﻗﺖ ﺣﺘﻰ ﻳﺘﺄﻗﻠﻢ ..
ﻫﺴﺎ ﻋﺮﻓﺖ ﻟﻴﺶ ﺩﺍﻳﻤﺎ ﻳﻘﺎﺭﻥ ﺣﺎﻟﻮ ﺑﻌﺰﻳﺰ
ﺍﺍﺍﺍﻩ ﺳﺮﺍﺏ ﻛﻞ ﻭﺍﺣﺪ ﻫﻤﻮ ﺷﻜﻞ ..
ﺳﺮﺍﺏ .. ﻋﻮﻓﻴﻨﺎ ﻣﻦ ﻫﺎﻱ ﺍﻟﺴﺎﻟﻔﻪ . ﻣﺎﮔﺘﻠﺞ ﺍﺑﻮﻱ ﺭﺍﺡ ﻳﻨﺼﺒﻮﻩ ﺷﻴﺦ ﺑﻌﺪ ﺟﺪﻱ ..
ﺍﻟﻌﺸﻴﺮﺓ ﻛﻠﻬﺎ ﺍﺧﺘﺎﺭﺗﺔ ..
ﺗﺮﺍﻧﻴﻢ .. ﻳﺴﺘﺎﻫﻞ ﻫﻮ ﺷﺨﺺ ﻣﺤﺘﺮﻡ ﻭﻋﺎﺩﻝ ﺍﻟﺮﺏ ﻳﻮﻓﻘﻮ
ﺳﺮﺍﺏ .. ﺍﻱ ﺑﺲ ﻭﻳﺎﻱ ﻻ ..
ﺗﺮﺍﻧﻴﻢ .. ﻟﺴﺎ ﻣﺎﻛﻮ ﺧﺒﺮ ﻣﻨﻮ ..
ﺳﺮﺍﺏ .. ﺍﺑﺪ ﻣﻦ ﻳﻮﻡ ﺍﻟﻲ ﮔﺎﻝ ﺍﻧﺘﻲ ﺗﺨﻠﻴﺘﻲ ﻋﻨﻲ ﻭﺗﻤﺸﻴﻦ ﻭﺭﻯ ﺍﻫﻠﺞ ﺑﻌﺪ ﻣﺎﻋﺮﻓﺖ ﺷﻲ ﻋﻨﻪ ..
ﻳﻌﻨﻲ ﺷﻴﺮﻳﺪﻧﻲ ﺍﺷﺮﺩ ﻣﻦ ﺍﻫﻠﻲ ﻭﺍﺳﻮﺩ ﻭﺟﻬﻬﻢ . ﻟﻮ ﺍﻣﻮﺕ ﻣﺎﺍﺳﻮﻳﻬﺎ ﻭﺍﻧﺰﻝ ﺭﺍﺱ ﺍﺑﻮﻱ ﻭﺍﺧﻮﺍﻧﻲ .
ﻟﻮ ﻳﺤﺒﻨﻲ ﻳﻨﺘﻈﺮ ﻭﻳﺼﺒﺮ ﻣﻮ ﻳﺘﺨﻠﻰ .
ﺗﺮﺍﻧﻴﻢ .. ﻟﻮ ﺍﺗﺨﻠﻰ ﻓﻬﻮ ﻣﺎﻳﺴﺘﺎﻫﻠﻚ . ﺍﻟﻤﻬﻢ ﺍﻧﺘﻲ ﻭﻓﻴﻪ ﺍﻟﻮ ﻭﺍﻟﺮﺏ ﻳﺴﺎﻋﺪﻛﻢ ﻭﺗﺘﺨﻄﻮﺍ ﻫﺎﻟﻤﺤﻨﺔ ..
ﻣﺮ ﻛﻢ ﻳﻮﻡ ﻭﺍﻟﻜﻞ ﺭﺟﻊ ﻟﻠﺒﻴﺖ ﺑﻌﺪ ﻣﺎﺻﺎﺭ ﻋﻤﻮ ﻗﺤﻄﺎﻥ ﻫﻮ ﺍﻟﺸﻴﺦ ..
ﻋﻤﻞ ﻋﺰﻳﻤﺔ ﻛﺒﻴﺮﺓ ﻭﻋﺰﻡ ﺍﻟﺸﻴﻮﺥ .. ﺑﻴﻮﻣﻬﺎ ﺍﺟﺔ ﻋﺰﻳﺰ .
ﺍﻭﻝ ﻣﺎﺍﻏﺸﻌﻨﻲ ﻛﺎﻥ ﻭﺟﻬﻮ ﺛﻘﻴﻞ ..
ﺳﻠﻢ ﻉ ﺍﻟﻜﻞ ﻭﺣﺘﻰ ﻟﻴﻨﺎ ﻭﺗﺮﻛﻨﻲ ﻭﺻﻌﺪ ..
ﺣﺴﻴﺖ ﺍﻛﻮ ﺷﻲ .. ﺍﻭ ﻋﺪﻧﺎﻥ ﻭﺻﻠﻮﺍ ﻛﻼﻡ ﺧﻼﻩ ﻫﺎﻛﺬ ﻳﺪﺣﻖ ﺑﻴﻪ ..
ﻣﻌﻘﻮﻟﺔ ﻋﺪﻧﺎﻥ ﺑﺴﺒﺐ ﻃﺮﺩ ﻋﻤﻮ ﻗﺤﻄﺎﻥ ﺍﻟﻮ ﻫﺎﻛﺬ ﻋﻤﻞ ﻭﺷﻮﻩ ﺻﻮﺭﺗﻲ ﻗﺪﺍﻣﻮ ..
ﺗﺬﻛﺮﺕ ﺍﻟﻲ ﺻﺎﺭ ﻣﻦ ﻳﻮﻣﻴﻦ ..
ﺩﺧﻠﺖ ﺳﺮﺍﺏ ﻭﻗﺎﻟﺖ ..
ﺗﺮﺍﻧﻴﻢ ﺍﺟﻮ ﺍﻫﻠﻲ ﻛﻠﻬﻢ ﻭﺍﺑﻮﻱ ﻳﺮﻳﺪﺝ ﺟﻮﺓ ..
ﻧﺰﻟﺖ ﺳﻠﻤﺖ ﻉ ﺍﻟﺠﺪﺓ ..
ﺍﻟﺨﺎﻟﺔ ﺍﻡ ﻋﺪﻧﺎﻥ ﻣﻮ ﻣﻌﻬﻢ ..
ﻋﻤﻮ ﻗﺤﻄﺎﻥ .. ﺑﻮﻳﺔ ﺗﺮﺍﻧﻴﻢ ﺍﺑﻘﻲ ﻫﻨﺎ .. ﻭﺍﻧﺘﻲ ﺳﺮﺍﺏ ﺻﻴﺤﻲ ﻋﺪﻧﺎﻥ ﻭﺗﻌﺎﻱ ..
ﺍﻟﺒﻘﻴﺔ ﺍﻃﻠﻌﻮﺍ ..
ﻋﺎﻣﺮ ﺍﻧﺖ ﺍﺑﻘﻰ ..
ﻗﻌﺪﺕ ﻭﻛﺄﻧﻲ ﻗﺎﻋﺪﺓ ﺑﻤﺤﻜﻤﺔ ..
ﻭﺟﻬﻮ ﻣﺎﻳﺘﻔﺴﺮ ﻭﻣﺎﻟﻲ ﺍﻟﻐﻀﺐ ﻋﻴﻨﻮ ..
ﻗﺎﻝ .. ﺑﻮﻳﺔ ﻭﺍﻟﻠﻪ ﻣﺴﺘﺤﻲ ﻣﻨﺞ ﻭﻣﺎﺍﻋﺮﻑ ﺍﻭﺩﻱ ﻭﺟﻬﻲ ﻋﻨﺞ .. ﻟﺠﻦ ﺍﺣﻨﺔ ﻣﻮ ﻣﻦ ﺷﻴﻤﻨﺎ ﻧﺨﻠﻲ ﻋﻴﻨﺎ ﻋﻠﻰ ﺍﻣﺎﻧﻪ ﻋﺪﻧﺎ ﻭﺍﻧﺘﻲ ﻭﺍﻟﻠﻪ ﺣﺎﺳﺒﺞ ﻣﺜﻞ ﺑﻨﺎﺗﻲ ﺍﻧﺘﻲ ﻭﺍﺧﻴﺘﺞ ..
ﺍﻟﻬﻴﺞ ﻣﺎﻗﻴﺪﺗﺠﻦ ﻭﺧﻠﻴﺘﺠﻦ ﺑﺎﻟﺒﻴﺖ ﻭﻱ ﻭﻟﺪﻱ ﻭﺍﻫﻠﻲ ..
ﻻﻥ ﺍﻋﺮﻑ ﺗﺮﺑﻴﺘﻲ ﻣﺎﺗﺨﻄﻲ ﻭﻻﻳﺨﻠﻮﻥ ﻋﻴﻨﻬﻢ ﻋﻠﻰ ﻋﺮﺿﻬﻢ ..
ﻭﺍﻟﻲ ﺻﺎﺭ ﻣﻦ ﻋﺪﻧﺎﻥ ﻭﺑﻌﺪ ﻣﺎﺳﻤﻌﺖ ﻣﻦ ﻋﺎﻣﺮ ﻭﺳﺮﺍﺏ ﻭﻋﻤﺞ ﺍﺑﻮ ﺭﻣﺎﺡ ﺧﻼﻧﻲ ﺍﺧﻠﻲ ﺭﺍﺳﻲ ﺑﺎﻟﻄﻴﻦ ..
ﺍﻧﻲ ﺻﺮﺕ ﺷﻴﺦ ﻭﺍﻟﻨﺎﺱ ﺗﺸﻬﺪﻟﻲ ﺑﻌﺪﻟﻲ ﻭﺗﺎﻟﻲ ﻫﻴﺞ ﻳﺼﻴﻮ ﺑﺒﻴﺘﻲ ..
ﺗﺮﺍﻧﻴﻢ .. ﻟﻜﻦ ﺍﻧﺖ ﻣﺎﻟﻚ ﺫﻧﺐ .. ﺍﻧﺎ ﺍﻟﻤﻔﺮﻭﺽ ﻣﺎﻛﺎﻥ ﺍﺭﺟﻊ ﺑﻌﺪ ﺍﻟﻲ ﺻﺎﺭ ..
ﺍﻟﺠﺪﺓ .. ﻟﻴﺶ ﻣﺎﮔﻠﺘﻲ ﺑﻮﻛﺘﻬﺎ ﻭﻧﻜﺴﺮﻟﺞ ﺭﺍﺳﻪ .. ﻭﺍﻟﻠﻪ ﻋﺮﻓﺖ ﺍﻛﻮ ﺷﻲ ﻭﺭﻯ ﻃﻠﻌﺘﺠﻦ ..
ﺑﺲ ﻣﺎﺍﺗﻮﻗﻌﺖ ﻫﺎﻟﺴﺎﻗﻂ ﻫﻴﺞ ﻳﺴﻮﻱ ..
ﻭﻣﺮﺗﻪ ﻭﺍﺣﻤﺪ ﺣﺴﺎﺑﻬﻢ ﺑﻌﺪﻳﻦ ..
ﺗﺮﺍﻧﻴﻢ .. ﻋﻤﻲ ﺍﻏﻠﻘﻮﺍ ﺍﻟﻤﻮﺿﻮﻉ .. ﺍﻧﺎ ﻭﺍﺧﺘﻲ ﺭﺍﺡ ﻧﻐﺸﻊ ﻣﻜﺎﻥ ﻭﻧﻌﻴﺶ ﻓﻴﻪ ﻭﺍﻧﺎ ﺍﺷﺘﻐﻞ ﻭﻧﻌﻴﺶ ..
ﻗﺤﻄﺎﻥ .. ﻻ ﺑﻨﺘﻲ ﺍﻧﺘﻲ ﻭﺍﺧﺘﺞ ﮔﻠﺘﻠﺠﻦ ﻣﺎﺗﻄﻠﻌﻦ ﺍﻻ ﻟﻠﻤﻮﺻﻞ ﺑﻌﺪ ﺍﻟﺘﺤﺮﻳﺮ ..
ﺍﻟﻲ ﻳﻄﻠﻊ ﻫﻮ ﺍﻟﻲ ﻣﺎﻋﺮﻓﺖ ﺍﺭﺑﻴﻪ ﻭﺍﻟﻲ ﺩﻟﻠﻨﺎﻩ ﻭﮔﻠﻨﺎ ﻣﻜﺴﻮﺭ ﺧﺎﻃﺮ ﺗﺎﻟﻲ ﺗﻤﺮﺩ ..
ﺩﺧﻞ ﻋﺪﻧﺎﻥ ﻭﻛﺎﻥ ﻳﺪﺣﻖ ﺑﻨﻀﺮﺓ ﻏﻀﺐ ..
ﺷﺘﺮﻳﺪ ﺑﻮﻳﻪ ..
ﻗﺤﻄﺎﻥ .. ﺗﻌﺮﻑ ﺷﺄﺭﻳﺪ ﻟﻮ ﺷﻤﺎﺍﺣﺠﻲ ﻭﻳﺎﻙ ﻣﺎﻳﻔﻴﺪ ﺍﻟﺤﺠﻲ ..
ﺍﺧﺬ ﻣﺮﺗﻚ ﻭﺍﻃﻠﻌﻮﺍ ﻣﻦ ﺍﻟﺒﻴﺖ .. ﺍﻻﺑﻦ ﺍﻟﻲ ﻣﺎﻳﺼﻮﻥ ﻋﺮﺿﻲ ﻭﺭﺍﻱ ﻣﻮ ﺍﺑﻨﻲ ﻭﺍﺗﺒﺮﺃ ﻣﻨﻪ
بيج قصص عراقيه حقيقيه من واقعنا.روعه الطائي
ﻋﺪﻧﺎﻥ .. ﻳﻌﻨﻲ ﺗﺼﺪﮔﻬﺎ ﻭﺗﺠﺬﺑﻨـﻲ .. ﺫﺍﻙ ﺍﻟﻴﻮﻡ ﺍﺟﺖ ﻭﺧﺮﺑﺖ ﺑﻴﺘﻨﺎ .
ﻫﻲ ﺍﻟﻲ ﻏﻮﺗﻨﻲ ﻭﺍﻧﻲ ﺭﺟﺎﻝ ﺻﺪﮔﺖ ﺑﻴﻬﺎ ﻭﻋﺒﺎﻟﻲ ﺻﺪﮒ ﺗﺤﺒﻨﻲ .. ﻫﻲ ﻟﻮ ﺷﺮﻳﻔﻪ ﻣﺎﻃﻠﺒﺖ ﺍﺗﺰﻭﺟﻬﺎ ﺑﺎﻟﺴﺮ ..
ﺗﺮﺍﻧﻴﻢ .. ﻛﺬﺍﺏ .. ﻛﺬﺍﺏ .. ﻫﻮ ﺍﻟﻲ ﻃﻠﺐ ﻣﻨﻲ ..
ﺍﺗﻘﺮﺏ ﺑﺄﺗﺠﺎﻫﻲ . ﻣﺴﻜﻮ ﻋﺎﻣﺮ .. ﻭﺍﺑﻮﻩ ﺿﺮﺑﻮ ..
ﺍﻃﻠﻊ ﻣﻦ ﺑﻴﺘﻲ ﺑﺴﺮﻋﻪ ﺷﻮﻛﺖ ﻣﺎﺗﻨﻌﺪﻝ ﻭﺗﻌﺮﻑ ﺧﻄﺄﻙ ﺑﻌﺪﻫﺎ ﮔﻮﻝ ﻋﻨﺪﻱ ﺧﻄﺄ ..
ﻋﺪﻧﺎﻥ .. ﻫﺴﺎ ﮔﻤﺖ ﺗﺤﺠﻲ ﺑﺎﻻﺧﻼﻕ ﻭﺍﻟﺸﺮﻑ .
ﻟﻴﺶ ﻣﻦ ﻋﻔﺖ ﺍﻣﻲ ﻭﺭﺣﺖ ﺗﺰﻭﺟﺖ ﻣﺎﮔﻠﺖ ﺍﺧﻼﻕ ﻭﺷﺮﻑ
ﻗﺤﻄﺎﻥ .. ﺗﺄﺩﺏ ﻭﻟﻚ .. ﻣﺎﺗﺮﻛﺘﻬﺎ ﺍﻻﺧﺮ ﻟﺤﻈﺔ .. ﻭﺍﻣﻚ ﻫﻲ ﺍﻟﻲ ﺭﺑﺘﻚ ﻭﺗﻌﺒﺖ ﻋﻠﻴﻚ .. ﺑﺲ ﺍﻟﺤﻘﺪ ﺗﺎﺭﺱ ﮔﻠﺒﻚ ﻭﻣﺎﻏﺰﺭ ﺑﻴﻚ ﺍﻟﺮﺑﺎ ..
ﺍﻃﻠﻊ ﻋﺪﻧﺎﻥ ﻻﺍﺧﻠﻲ ﻃﻠﻘﻪ ﺑﺮﺍﺳﻚ ..
ﻓﻀﺤﺘﻨﻲ ﻭﻟﻚ ﺍﻃﻠﻠﻠﻠﻠﻊ ..
ﺻﺎﺭ ﺻﺮﺍﺥ ﻭﺿﺮﺏ ﻭﻃﺮﺩ ..
ﻭﺍﻧﺎ ﺍﻟﻮﻡ ﺑﻨﻔﺴﻲ .. ﻟﻮ ﻣﺎﺗﺠﻴﻨﺎ ﻫﻮﻧﻲ ﻣﺎﺻﺎﺭ ﺍﻟﻲ ﺻﺎﺭ ..
ﻃﻠﻊ ﻋﺪﻧﺎﻥ ﺑﺴﺮﻋﻪ ﻭﺍﻳﻤﺎﻥ ﺗﺴﺐ ﻭﺗﻐﻠﻂ ﻭﺗﻘﻮﻝ .
ﺗﺒﻴﻊ ﺍﺑﻨﻚ ﻋﻤﻲ ﻋﻠﻤﻮﺩ ﻫﺎﻱ .. …… ﻛﻢ ﻣﺮﺓ ﺷﻔﺘﻬﺎ ﻭﺣﺬﺭﺗﻬﺎ ﺑﺲ ﺻﻮﺟﻲ ﻣﺎﻓﻀﺤﺘﻬﺎ ﺑﺬﻳﺞ ﺍﻟﻠﻴﻠﻪ ﺍﻟﻲ ﺷﻔﺘﻬﺎ ﺗﻐﻮﻳﻪ ﺑﺎﻟﻤﻄﺒﺦ ..
ﺑﻘﻴﺖ ﻣﺼﺪﻭﻣﺔ ﻋﻠﻰ ﻛﺬﺑﻬﺎ ﻭﺍﻓﺘﺮﺍﺋﻬﺎ ..
ﺳﺮﺍﺏ .. ﻛﺎﻓﻲ ﺍﻳﻤﺎﻥ .. ﻟﻮ ﺻﺪﮒ ﺟﺎﻥ ﻓﻀﺤﺘﻴﻬﺎ ﻣﻮ ﻫﺮﺑﺘﻴﻬﺎ ﻭﺧﻔﺘﻲ ﻻﺻﺪﮒ ﻋﺪﻧﺎﻥ ﻳﺘﺰﻭﺟﻬﺎ ..
ﻗﺤﻄﺎﻥ .. ﻋﺒﺎﻟﻲ ﺑﻨﺖ ﺍﺧﻮﻱ ﺗﺼﻮﻧﻴﻦ ﺑﻴﺘﻲ ﻭﻣﺜﻞ ﺑﻨﺎﺗﻲ ﻃﻠﻌﺘﻲ ﺣﻴﺔ ﻭﺍﻟﺘﻔﻴﺘﻲ ﻋﻠﻴﻨﺎ ..
ﻋﺪﻧﺎﻥ ﻟﻮ ﻣﺎﺍﻧﺘﻲ ﻣﺎﺟﺎﻥ ﺻﺎﺭ ﻫﻴﺞ ﻭﻻﺍﺗﻐﻴﺮ ..
ﺑﺲ ﻻﺗﺼﺪﮔﻴﻦ ﺗﻘﺮﻳﻦ ﺑﺮﺍﺳﻪ ﺭﺍﺡ ﻳﺒﻘﻰ ﺍﻟﺞ ﻭﮔﻮﻟﻲ ﻋﻤﻲ ﮔﺎﻟﻬﺎ ..
ﺍﻳﻤﺎﻥ .. ﺍﻧﻲ ﻃﺎﻟﻌﻪ ﻭﺧﻠﻲ ﺍﻟﻐﺮﺑﻪ ﺗﻔﻴﺪﻛﻢ ..
ﺻﻌﺪﺕ ﺟﻤﻌﺖ ﺍﻏﺮﺍﺿﻬﺎ ﻭﻃﻠﻌﺖ .
ﺍﻟﺒﻴﺖ ﺻﺎﺭ ﻋﺒﺎﺭﺓ ﻋﻦ ﻣﺸﺎﺣﻨﺎﺕ ﻭﻛﻼﻡ ﻭﺻﺮﺍﺥ ..
ﻣﺎﻫﻤﻨﻲ ﺍﻻ ﻟﻴﻨﺎ ﺍﻟﻲ ﻭﺍﻗﻔﺔ ﻉ ﺍﻟﺪﺭﺝ ﻭﺳﻤﻌﺖ ﻛﻠﺸﻲ ..
ﺍﻋﺘﺬﺭﺕ ﻣﻨﻬﻢ ﻭﺻﻌﺪﺕ ﺍﻟﻬﺎ ..
ﻟﻴﻨﺎ
- ﺍﺷﻨﻮ ﺍﺧﺘﻲ .. ﻟﻴﺶ ﺍﻧﺎ ﺍﺧﺮ ﻣﻦ ﻳﻌﻠﻢ ﺩﺍﺋﻤﺎ ﻛﻠﺸﻲ ﻳﺼﻴﺮ ﺑﺤﻴﺎﺗﻲ ﺍﻧﺎ ﺍﻗﻠﻚ .. ﻭﻟﻤﺎ ﺍﺳﺄﻟﻚ ﺍﺷﻨﻮ ﻓﻴﻜﻲ ﻣﺎﺗﻘﻮﻟﻲ ..
- ﺣﺒﻴﺒﺘﻲ ﻏﺼﺐ ﻋﻨﻲ ﺻﺪﻗﻴﻨﻲ ﻣﻮ ﺑﻴﺪﻱ .. ﻣﺎﺭﺩﺕ ﺍﺧﻠﻴﻜﻲ ﺗﻨﻘﻬﺮﻱ ﻭﺍﻧﺘﻲ ﺍﺻﻼ ﻣﻘﻬﻮﺭﺓ ..
- ﺍﻧﺎ ﻛﺮﻫﺖ ﺍﻟﺪﻧﻴﺎ ﻛﻠﻬﺎ .. ﺍﻟﻜﻞ ﻳﺨﺪﻉ ﻭﻳﺤﻘﺪ ﻟﻴﺶ ﻫﺎﻛﺬ ﺻﺮﻧﺎ ﻟﻴﺶ ﻟﻴﺶ ..
- ﻫﻲ ﻫﺎﻱ ﺣﻴﺎﺗﻨﺎ ﺣﺒﻴﺒﺘﻲ ﻣﻮ ﻛﻞ ﺍﻟﻨﺎﺱ ﺯﻳﻨﺔ ﻭﻻﻛﻠﻬﺎ ﺳﻴﺌﺔ - ﻟﻜﻦ ﺍﻧﺎ ﺗﻌﺒﺖ ﺍﺧﺘﻲ .. ﺧﻠﻴﻨﺎ ﻧﻌﻴﺶ ﺑﺲ ﺍﻧﺎ ﻭﺍﻧﺘﻲ .
ﺑﻌﺪ ﺍﻟﻲ ﺳﻤﻌﺘﻮ ﻗﻤﺖ ﺍﺧﺎﻑ ﺣﺘﻰ ﻣﻦ ﻋﻠﻲ ﻟﻤﺎ ﻳﻤﺰﺡ ﻣﻌﺎﻱ ﻭﻳﻀﺤﻚ ..
- ﻻ ﺣﺒﻴﺒﺘﻲ ﻋﻠﻲ ﻣﺜﻞ ﺍﺧﻮﻛﻲ ﻻﺗﺸﻜﻲ ﻓﻴﻪ ﻭﻫﻮ ﻃﻴﺐ ﻛﺜﻴﺮ
ﺑﺎﻟﻘﻮﺓ ﻗﺪﺭﺕ ﺍﻗﻨﻌﻬﺎ ﺍﻧﻪ ﺍﻟﻨﺎﺱ ﻣﻮ ﻛﻠﻬﺎ ﻣﺘﺸﺎﺑﻬﺔ ﺑﺎﻟﻄﺒﺎﻉ ﻭﺍﻟﺘﺼﺮﻓﺎﺕ ..
ﺣﻴﺎﺗﻨﺎ ﻋﺒﺎﺭﺓ ﻋﻦ ﺗﺠﺎﺭﺏ ..
ﺑﻜﻞ ﻣﺮﺣﻠﺔ ﺍﻟﻨﺎ ﺗﺠﺮﺑﺔ ﻭﻻﺯﻡ ﻧﺨﻮﺿﻬﺎ ﻭﻧﻨﺠﺢ ﻓﻴﻬﺎ ..
ﻭﺍﺫﺍ ﺭﺳﺒﻨﺎ ﻣﻮ ﻣﻌﻨﺎﻫﺎ ﻧﻬﺎﻳﺔ ﺍﻟﻌﺎﻟﻢ ..
ﻻﺯﻡ ﻧﻘﻮﻡ ﻭﻣﺎﻧﺘﻮﻗﻒ ﻭﻧﺴﺘﻤﺮ ﺣﺘﻰ ﻧﻨﺠﺢ ..
ﻟﻜﻦ ﺣﻴﺎﺗﻲ ﺗﺠﺎﺭﺑﻬﺎ ﺻﻌﺒﻪ .. ﻭﺑﻜﻞ ﻣﺮﺓ ﺍﺧﺴﺮ ﻓﻴﻬﺎ ﻣﻊ ﺫﻟﻚ ﻣﺎﻗﻄﻌﺖ ﺍﻻﻣﻞ ﺍﻣﻪ ﺑﻴﻮﻡ ﺍﻧﺠﺢ ﻭﺍﺟﺘﻤﻊ ﻣﺎ ﺍﺑﻲ ﻭﺍﺧﻲ ﻭﻧﻌﻴﺶ ﺳﻮﻯ
ﺍﻟﺮﺟﻮﻉ ﻟﻠﺤﺎﺿﺮ . .
ﻟﻤﺎ ﺍﻏﺸﻌﺖ ﺗﺼﺮﻓﺎﺕ ﻋﺰﻳﺰ ﻣﻌﻲ .. ﺑﻘﻴﺖ ﺍﻓﻜﺮ ﻭﺍﺳﺄﻝ ﻧﻔﺴﻲ ﺍﻻﻑ ﺍﻻﺳﺌﻠﺔ ..
ﺍﻟﻜﻞ ﻣﺸﻐﻮﻝ ﺑﺎﻟﻤﻄﺒﺦ ﻣﻊ ﺍﻧﻪ ﺍﻡ ﻋﺪﻧﺎﻥ ﻭﻋﻤﺎﺗﻮ ﻣﺎﻳﺤﻜﻮ ﻣﻌﻲ ﻭﻣﺼﺪﻗﻴﻦ ﺍﻧﺎ ﺍﻟﺴﺒﺐ ﻭﻳﺤﻤﻠﻮﻧـﻲ ﻣﺴﺆﻭﻟﻴﻪ ﻃﺮﺩ ﻋﺪﻧﺎﻥ ..
ﻣﺎﺍﻧﻜﺮ ﺍﻧﺎ ﻧﻔﺴﻲ ﺣﺰﻧﺎﻧﺔ ﻉ ﺍﻟﻲ ﺻﺎﺭ ..
ﻋﻼﻗﻪ ﻋﻤﻮ ﻗﺤﻄﺎﻥ ﺑﺄﺧﻮﻩ ﺍﺑﻮ ﺍﻳﻤﺎﻥ ﺧﺮﺑﺖ ..
ﻟﻜﻦ ﺍﺷﻨﻮ ﺫﻧﺒﻲ ﺍﺫﺍ ﻋﺪﻧﺎﻥ ﺣﺎﻭﻝ ﻳﻌﺘﺪﻱ ﻋﻠﻴﻪ ﻭﻣﺎﺻﺎﻥ ﺍﻻﻣﺎﻧﻪ ﺍﻟﻲ ﻋﻨﺪﻭ ..
ﻛﻢ ﻣﺮﺓ ﻗﻠﺘﻠﻬﻢ ﻧﺮﻭﺡ ﻣﻦ ﻫﻮﻥ ﻭﻣﻘﺒﻠﻮﺍ ﺣﺘﻰ ﺍﻟﺠﺪﺓ ﻗﺎﻟﺖ
ﻣﺎﺍﺣﺠﻲ ﻭﻳﺎﺝ ﻭﻻﺍﻋﺮﻓﺞ ﺍﺫﺍ ﻓﺘﺤﺘﻲ ﺍﻟﻤﻮﺿﻮﻉ ﺑﻌﺪ ..
ﻃﻠﻌﺖ ﻣﻦ ﺍﻟﻤﻄﺒﺦ ..
ﻧﺰﻝ ﻋﺰﻳﺰ ﻻﺑﺲ ﺩﺷﺪﺍﺷﻪ ﻭﺩﺧﻞ ﻟﻼﺳﺘﻘﺒﺎﻝ ﻣﻦ ﻏﻴﺮ ﻣﺎﻳﺤﻜﻲ ﻛﻠﻤﺔ ..
ﺍﻧﺎ ﻭﻟﻴﻨﺎ ﻗﺎﻋﺪﻳﻦ ﻋﻨﺪ ﺍﻟﺠﺪﺓ ﺑﺎﻟﻐﺮﻓﻪ ..
ﺑﻘﻰ ﺳﺎﻋﺔ ..
ﻭﻃﻠﻊ ..
ﺍﺟﺔ ﺍﻟﻐﺮﻓﻪ ﺍﻟﺠﺪﺓ ..
ﻗﻌﺪﻭﺍ ﻳﺘﻬﺎﻣﺴﻮﺍ ﺑﺎﻟﻜﻼﻡ ..
ﻭﺍﻟﻲ ﻋﺮﻓﺘﻮ ﺍﻧﻪ ﺑﻌﺪ ﺍﻟﻐﺪﺍ ﻋﻤﺎﻣﻮ ﻳﺮﻳﺪﻭ ﻳﺼﺎﻟﺤﻮ ﻋﺪﻧﺎﻥ ﻣﻊ ﺍﺑﻮﻩ ﻭﻋﻤﻮ ﺍﺑﻮ ﺍﻳﻤﺎﻥ ﻫﻢ ﻳﺠﻲ ﻭﻳﺘﻨﺎﻗﺸﻮ ..
ﻭﺍﻟﺠﺪﺓ ﺗﻘﻠﻮ .. ﺍﺫﺍ ﺍﺟﻮ ﺍﺭﻳﺪﻙ ﺗﻬﺪﺃ ﻣﺎﻧﺮﻳﺪ ﻧﻨﻔﻀﺢ ﺑﻴﻦ ﺍﻟﻌﺎﻟﻢ ﺍﺑﻮﻙ ﺷﻴﺦ ﻭﺍﻟﻌﻴﻮﻥ ﺻﺎﺭﺕ ﻋﻠﻴﻪ ﺧﻠﻲ ﻛﻠﺸﻲ ﻳﻨﺤﻞ ﺑﺎﻟﻬﺪﻭﺍﺓ …
ﻭﺍﻧﻲ ﻫﻢ ﺭﺍﺡ ﺍﺣﻈﺮ ﺍﻟﺠﻠﺴﺔ ..
ﻣﺎﺍﻋﺮﻑ ﻟﻴﺶ ﻗﻠﺒﻲ ﻧﻐﺰﻧﻲ ﻭﺣﺴﻴﺖ ﺑﺨﻮﻑ ..
ﻭﺧﺎﺻﻪ ﻟﻤﺎ ﺳﻤﻌﺖ ﻋﺰﻳﺰ ﻳﻘﻮﻝ ..
ﺍﺫﺍ ﺍﺟﺔ ﺍﻛﺴﺮ ﺭﺍﺳﻪ .
ﻃﻠﻊ ﻣﻦ ﺍﻟﻐﺮﻓﻪ ﻣﻌﺼﺐ .. ﻭﺻﻞ ﻟﻠﺒﺎﺏ ﺍﻟﺘﻔﺖ ﻭﺍﺷﺮﻟﻲ ﺑﺮﺍﺳﻮ .
ﺻﻌﺪ ﻭﺍﻧﺎ ﺑﻘﻴﺖ ﺑﻤﻜﺎﻧﻲ ..
ﺍﺷﻨﻮ ﺍﻋﻤﻞ ﺍﺭﻭﺡ ﺍﻭ ﻻ ..
ﺷﻠﻮﻥ ﺍﺭﻭﺡ ﻭﺍﻟﺒﻴﺖ ﻛﻠﻮ ﻧﺎﺱ ..
ﻭﻋﻤﺎﺗﻬﻢ ﻭﺑﻨﺎﺗﻬﻢ ﺍﺷﻨﻮ ﻳﻘﻮﻟﻮ ﻟﻮ ﺍﻏﺸﻌﻮﻧﻲ ﺻﺎﻋﺪﺓ ﺑﻌﺪﻭ
ﺑﻘﻴﺖ ﻗﺎﻋﺪﺓ ﻭﻣﺎﻗﻤﺖ .
ﺍﺟﺖ ﺭﺳﺎﻟﻪ ﺍﻟﻤﻮﺑﺎﻳﻠﻲ ..
ﻓﺘﺤﺘﻬﺎ ..
ﻛﺎﺗﺐ .. ﺍﺫﺍ ﻣﺎﺗﺠﻴﻦ ﺍﻧﺰﻝ ﺍﺻﻴﺤﺞ ﮔﺪﺍﻡ ﺍﻟﻜﻞ ..
ﺍﺳﺘﻐﺮﺑﺖ ﻫﺬﺍ ﺷﻠﻮﻥ ﻳﺤﻜﻲ ﻣﻌﻲ ﻫﺎﻛﺬ ..
ﺻﻌﺪﺕ ﺑﺨﻔﻴﻪ ..
ﺩﻗﻴﺖ ﺍﻟﺒﺎﺏ ﻓﺘﺤﻬﺎ ..
ﻭﺍﻧﺎ ﻭﺍﻗﻔﺔ ﻗﻠﺘﻠﻮ ..
ﺍﻟﺒﻴﺖ ﻣﻠﻴﻨﺎ ﻧﺎﺱ ﻣﺎﻧﺎﻗﺼﻨﻲ ﻛﻼﻡ ﺍﺷﻨﻮ ﺗﺮﻳﺪ ..
- ﻭﺍﻟﻠﻪ ﻭﺧﺎﻳﻔﻪ ﻣﻦ ﺣﺠﻲ ﺍﻟﻨﺎﺱ ﻣﻮﻭﻭ
- ﺍﺷﻨﻮ ﺗﻘﺼﺪ ﺍﻧﺘﺒﻪ ﺍﻟﻜﻼﻣﻚ ..
- ﺍﻧﺘﻲ ﺍﻟﻲ ﺍﻧﺘﺒﻬﻲ ﺍﻟﺘﺼﺮﻓﺎﺗﺞ ﻟﻮ ﻣﺎﺳﻜﻮﺗﺞ ﻋﻨﻪ ﻣﺎﺗﻤﺎﺩﻯ ﺑﺲ ﻻﻥ ﺳﻜﺘﻲ ﺗﺼﻮﺭ ﺍﻧﺘﻲ ﺭﺍﺿﻴﻪ ﻭﺗﺘﺪﻟﻠﻴﻦ ..
- ﻋﺰﻳﺰ ﺍﺣﺘﺮﻡ ﺣﺎﻟﻚ ﺷﻠﻮﻥ ﺗﺤﻜﻲ ﻣﻌﻲ ﻫﺎﻛﺬ ..
ﺻﻮﺗﺞ ﻭﺍﻳﺎﺝ ﺗﺘﺠﺎﻭﺯﻳﻦ .. ﺍﻟﻨﺎﺭ ﺍﻟﻲ ﺑﺪﺍﺧﻠﻲ ﺍﻃﻠﻌﻬﺎ ﺑﻴﺞ ﻗﺒﻞ ﻻﺍﻃﻠﻌﻬﺎ ﺑﻲ ﻓﺎﻫﻤﺔ ..
ﺍﺩﺧﻠﻲ ﺑﺴﺮﻋﻪ ﺧﻠﻲ ﺍﺣﺠﻲ ﺍﻟﻌﻨﺪﻱ ..
ﺩﺧﻠﺖ ﻏﻠﻖ ﺍﻟﺒﺎﺏ ..
ﺑﺎﻋﻲ ﺗﺮﺍﻧﻴﻢ ﺣﺴﺎﺑﺞ ﺑﻌﺪﻳﻦ ﺷﮕﺪ ﮔﻠﺘﻠﺞ ﺳﻮﻟﻔﻴﻠﻲ ﻣﺎﺣﺠﻴﺘﻲ ﻭﺍﻧﻲ ﻣﻦ ﻳﻮﻡ ﺍﻟﻲ ﮔﺎﻟﻲ ﻋﺎﻣﺮ ﻟﺴﺎ ﺍﺣﺲ ﻧﺎﺭ ﺷﺎﺑﻪ ﺑﻴﻪ ﻭﺟﺎﺯﻓﺖ ﻭﻧﺰﻟﺖ ﺑﺴﺒﺒﺞ .
ﻋﺪﻧﺎﻥ ﺍﻧﻲ ﺍﺧﺬﻟﺞ ﺣﻘﺞ ﻣﻨﻪ ..
ﺑﺲ ﻫﻴﺞ ﻣﺎﺭﺍﺡ ﺗﺨﻠﺼﻴﻦ ﻭﺍﻟﻨﺎﺱ ﻣﺎﺗﺴﻜﺖ ..
ﻻﺯﻡ ﻧﺨﻠﻲ ﺣﻞ ﻭﻧﺴﻜﺖ ﺍﻟﺤﻠﻮﮒ ..
ﺗﺮﺍﻧﻴﻢ .. ﻭﺍﺷﻨﻮ ﺭﺃﻳﻚ ﺍﻟﺤﻞ ..
ﻋﺰﻳﺰ .. ﺗﺘﺰﻭﺟﻴﻨﻲ ..
ﻫﻮ ﻗﺎﻝ ﻫﺎﻛﺬ ﻭﺍﻧﺎ ﺑﻘﻴﺖ ﻣﺼﺪﻭﻣﺔ .. ﻫﺬﺍ ﺍﺷﻨﻮ ﻳﺘﻮﻗﻌﻨﻲ ﻳﺨﻠﺺ ﻋﺪﻧﺎﻥ ﻭﻫﺴﺎ ﻫﻮ ..
ﺿﺤﻜﺖ ﺑﺴﺨﺮﻳﺔ ﻭﻗﻠﺘﻠﻮ .. ﻭﻟﻴﺶ ﺗﻌﺘﺐ ﻋﻠﻰ ﻋﺪﻧﺎﻥ ﻣﺎﺍﻧﺖ ﻣﺜﻠﻮ ..
ﺿﺮﺏ ﻉ ﺍﻟﻄﺎﻭﻟﺔ ﺑﻘﻮﺓ ﻭﻗﺎﻝ ..
ﻻﺗﻘﺎﺭﻧﻴﻨﻲ ﺑﻲ ﻓﺎﻫﻤﺔ .. ﺍﻧﻲ ﺍﺭﻳﺪ ﺍﺣﻤﻴﺞ ﻣﻦ ﺍﻟﻨﺎﺱ ﻭﻣﻨﻪ ﻟﻮ ﺑﻴﺪﻱ ﻛﺘﻠﺘﻪ ﺑﺲ ﻫﺬﺍ ﺍﺧﻮﻱ ..
ﻟﻜﻦ ﺍﺫﺍ ﺻﺮﺗﻲ ﺑﺬﻣﺘﻲ ﻣﺤﺪ ﺭﺍﺡ ﻳﺤﺠﻲ ..
- ﺍﻣﻤﻤﻤﻢ ﻗﺼﺪﻙ ﻣﺜﻞ ﻣﺴﺮﺓ ..
- ﻣﺴﺮﺓ ﺷﻨﻮ ؟؟ ﻣﻨﻮ ﮔﻠﺞ ..
- ﻣﻮ ﻣﻬﻢ ﻣﻨﻮ ﻗﻠﻲ ﺍﻟﻤﻬﻢ ﺍﻧﻲ ﻣﺴﺘﺤﻴﻞ ﺍﻛﻮﻥ ﻣﺜﻠﻬﺎ ﻭﺍﻧﺖ ﻣﺎﻣﺠﺒﻮﺭ ﺗﺤﻤﻴﻨﻲ ..
ﻻﺍﻫﻠﻚ ﻭﻻﺗﻘﺎﻟﻴﺪﻙ ﻭﺩﻳﻨﻚ ﻳﺴﻤﺤﻠﻚ ﺗﺮﺗﺒﻂ ﺑﻴﻪ ..
ﻭﻻ ﺍﻧﺎ ﺭﺍﺡ ﺍﺳﻤﺢ ﺍﻛﻮﻥ ﻣﺜﻞ ﻣﺎﺗﺘﻮﻗﻊ ﺍﻧﺖ ﻭﺍﺧﻮﻙ ..
ﻟﻼﺳﻒ ﻛﻨﺖ ﺍﺗﺼﻮﺭ ﺍﻧﺖ ﻣﻼﺫﻱ ﻭﺍﻣﺎﻧﻲ ﻟﻜﻦ ﻣﺎﺗﻔﺮﻕ ﻋﻦ ﻏﻴﺮﻙ ..
ﺍﻧﺎ ﺑﺲ ﺗﻬﺪﺃ ﺍﻻﻭﺿﺎﻉ ﺭﺍﺡ ﺍﺧﺬ ﺍﺧﺘﻲ ﻭﻧﺮﻭﺡ ﻣﻦ ﻫﻮﻧﻲ ﻭﺍﺷﺘﻐﻞ ﻭﻧﻌﻴﺶ ..
ﺣﺎﻭﻟﺖ ﺍﻃﻠﻊ ﺻﺎﺭ ﻗﺪﺍﻣـﻲ ..
ﺍﻧﺘﻲ ﻏﻠﻄﺎﻧﻪ .
ﺍﻓﮕﺲ ﻋﻴﻮﻧﻲ ﺍﺫﺍ ﺗﺒﺎﻭﻋﻠﺞ ﺑﻐﻴﺮ ﻧﻀﺮﺓ .
ﺷﻮﻓﻴﻬﻦ ﺯﻳﻦ ..
ﻭﻟﺞ ﺍﻧﻲ ﺍﺧﺎﻑ ﻣﻦ ﻋﻴﻮﻧﻲ ﻋﻠﻴﺞ ..
ﻭﺍﻧﺘﻲ ﺗﻘﺎﺭﻧﻴﻨﻲ ﺑﻌﺪﻧﺎﻥ ..
ﻟﻮ ﺗﻘﺎﺭﻧﻴﻦ ﻧﻔﺴﺞ ﺑﻤﺴﺮﺓ ..
ﻣﺴﺮﺓ ﻣﺎﻳﺮﺑﻄﻨﻲ ﺑﻴﻬﺎ ﺷﻲ ﻣﺜﻞ ﺍﻟﻲ ﻳﺮﺑﻄﻨﻲ ﺑﻴﺞ ..
- ﻟﻴﺶ ﺍﺷﻨﻮ ﺍﻟﻲ ﻳﺮﺑﻄﻨﺎ ﺍﺳﺘﺎﺫ ﻋﺰﻳﺰ ..
- ﺟﺒﺮﻭﺗﺞ ﻭﻋﻨﺎﺩﺝ ﻭﻗﻮﺗﺞ ﻫﺎﻱ ﺍﻟﻲ ﺗﺮﺑﻄﻨﻲ ﺑﻴﺞ .. ﻣﻦ ﺳﻤﻌﺖ ﺻﺢ ﺿﺠﺖ ﻭﺍﻧﻘﻬﺮﺕ ﺑﺲ ﮔﻠﺒﻲ ﻣﺎﺑﻲ ﺍﻱ ﺷﻚ ﺍﺗﺠﺎﻫﺞ ﻻﻥ ﺻﺮﺕ ﺍﻋﺮﻓﺞ ﺍﻛﺜﺮ ﻣﻦ ﺭﻭﺣﻲ ..
ﺷﻮﻛﺖ ﺗﺤﺴﻴﻦ ﻭﮔﻠﺒﺞ ﺍﻟﻈﺎﻟﻢ ﻳﺤﻦ ..
- ﻋﺰﻳﺰ ..
- ﮔﻮﻟﻲ
- ﻣﺎﺍﻗﺪﺭ .. ﺍﻧﺎ ﻃﺮﻳﻘﻲ ﻛﻠﻮ ﻋﺜﺮﺍﺕ ﻳﻜﻔﻴﻨﻲ ﺍﻗﻮﻡ ﻭﺍﻗﻊ ﺍﻟﻮﺣﺪﻱ ..
ﻣﺎﺍﻗﺪﺭ ﺍﺟﺎﺯﻑ ﻭﺍﺩﺧﻞ ﻓﻴﻪ ﻣﻊ ﺷﺨﺺ ﺛﺎﻧﻲ .. ﺍﺫﺍ ﻭﻗﻌﺖ ﻣﻌﺎﻩ ﻣﺎﺭﺍﺡ ﺍﻗﺪﺭ ﺍﻭﻗﻒ ﻣﺮﺓ ﺛﺎﻧﻴﻪ ..
- ﻣﺎﺍﺭﻳﺪ ﺍﻛﻮﻥ ﺍﺳﺘﻐﻼﻟﻲ ﻭﺍﺟﺒﺮﺝ .. ﺑﺲ ﺻﺪﮔﻴﻨﻲ ﺍﻟﻤﺼﻠﺤﺘﺞ ﻭﺍﻟﺤﻤﺎﻳﺘﺞ ..
ﺍﻟﻴﻮﻡ ﻋﻤﺎﻣﻲ ﻳﺠﺘﻤﻌﻮﻥ .. ﺧﻠﻴﻨﺎ ﻧﻨﻬﻲ ﻛﻠﺸﻲ ..
- ﻣﺴﺮﺓ ﺗﺤﺒﻚ ﺗﻌﺮﻑ ..
- ﻣﺎﻳﻬﻤﻨﻲ ﻭﺳﺒﻖ ﻭﺍﻥ ﮔﻠﺘﻠﻬﺎ ﻭﺍﺻﻼ ﺣﺠﻴﺖ ﻭﻳﺎﻫﺎ ﻭﻃﻠﺒﺖ ﻧﻨﻔﺼﻞ ﻭﺗﺸﻮﻑ ﺣﻴﺎﺗﻬﺎ ﻭﮔﻠﺘﻠﻬﺎ ﺍﻟﺸﻘﻪ ﻭﺍﻟﺼﺎﻟﻮﻥ ﻳﺒﻘﻦ ﺍﻟﺞ ﻳﻌﻨﻲ ﻣﺎﻛﻮ ﺷﻲ ﺑﻌﺪ ﻳﺨﻠﻴﺞ ﺗﺮﻓﻀﻴﻦ ..
ﻭﺍﺫﺍ ﻣﺎﻣﺘﺄﻛﺪﺓ ﻣﻦ ﻣﺸﺎﻋﺮﺝ ﻣﺎﺭﺍﺡ ﺍﺿﻐﻂ ﻋﻠﻴﺞ .
ﻓﻜﺮﻱ ﺍﻭ ﺍﻋﺘﺒﺮﻱ ﻫﺎﻱ ﻓﺘﺮﺓ ﺧﻄﻮﺑﻪ ﻣﻨﺎ ﻟﻤﻦ ﻳﻬﺪﺃ ﺍﻟﻮﺿﻊ ﻭﺻﺪﮔﻲ ﺳﺎﻋﺘﻬﺎ ﺍﺣﺘﺮﻡ ﻗﺮﺍﺭﺝ ﻟﻮ ﻣﻬﻤﺎ ﻳﻜﻮﻥ ..
ﺗﺮﻛﺘﻮﺍ ﻭﻃﻠﻌﺖ ﻣﻦ ﻏﻴﺮ ﻣﺎﺍﻗﻮﻝ ﺍﻱ ﻛﻠﻤﺔ .
ﻣﺎﺍﻧﻜﺮ ﺍﻛﻮ ﻣﺸﺎﻋﺮ ﻣﺘﺠﻬﺔ ﻧﺎﺣﻴﺔ ﻋﺰﻳﺰ ﺑﺲ ﺧﺎﻳﻔﻪ ﺍﻟﺪﻧﻴﺎ ﻋﻠﻤﺘﻨﻲ ﻣﺎﺍﺛﻖ ..
ﺧﺎﻳﻔﻪ ﻟﻴﻜﻮﻥ ﺣﺎﻟﻲ ﻣﻦ ﺣﺎﻝ ﻣﺴﺮﺓ ..
ﺍﻭ ﺍﺗﻨﺪﻡ ﻋﻠﻰ ﺍﺧﺘﻴﺎﺭﻱ ﺍﻟﻌﻤﺮ ﻛﻠﻮ ..
ﺑﻴﻦ ﻋﻘﻠـﻲ ﻭﻗﻠﺒﻲ . ﻣﺘﺎﻫﺎﺕ ﻭﻣﺎﻛﺎﻥ ﻣﻨﻲ ﺍﻻ ﺍﺧﺬ ﺭﺃﻱ ﺳﺮﺍﺏ ﻫﻲ ﺍﻟﻮﺣﻴﺪﺓ ﺍﻟﻲ ﺗﻔﻬﻤﻨﻲ ..
ﻭﻛﺎﻥ ﺭﺩﻫﺎ ..
- ﻣﺎﺍﮔﻠﺞ ﻃﺮﻳﻘﺞ ﺳﻬﻞ .. ﻭﺭﺍﺡ ﺗﻌﺎﻧﻴﻦ .. ﺑﺲ ﻉ ﺍﻻﻗﻞ ﺭﺍﺡ ﺗﺼﻴﺮﻳﻦ ﺑﺤﻤﺎﻳﺔ ﻋﺰﻳﺰ ﻭﻣﺤﺪ ﻳﮕﺪﺭ ﻳﺪﻭﺳﻠﺞ ﻉ ﻃﺮﻑ ..
ﺗﺮﻯ ﻋﺰﻳﺰ ﻳﺤﺒﺞ ﺑﺲ ﻫﻮ ﻣﻮ ﻣﻦ ﺍﻟﻨﻮﻉ ﺍﻟﻲ ﻳﻈﻬﺮ ﻣﺸﺎﻋﺮﺓ
ﻭﻣﺜﻞ ﻣﺎﮔﺎﻟﺞ ﺍﻋﺘﺒﺮﻳﻬﺎ ﻓﺘﺮﺓ ﺧﻄﻮﺑﺔ ﻭﺣﺎﻭﻟﻲ ﺗﺘﻘﺮﺑﻴﻦ ﻣﻨﻪ ﺍﻛﺜﺮ ..
- ﻭﻫﺴﺎ ﺍﺷﻨﻮ ﺍﺳﻮﻱ ..
- ﺧﻠﺼﻮﺍ ﻏﺪﺍ ﻭﺭﺍﺡ ﻳﮕﻌﺪﻭﻥ .. ﺩﺯﻳﻠﻪ ﺭﺳﺎﻟﻪ ﻭﺧﻠﻴﻪ ﻳﺎﺧﺬﻟﺞ ﺣﻘﺞ ﻭﻳﺮﺟﻊ ﻛﺮﺍﻣﺘﺞ ..
ﺑﺪﻭﻥ ﺗﻔﻜﻴﺮ .. ﻛﺘﺒﺖ ﺭﺳﺎﻟﺔ ﻭﻗﻠﺘﻠﻮ .. ﻣﻮﺍﻓﻘﺔ ..
ﻭﻛﺎﻥ ﻫﺬﺍ ﻗﺮﺍﺭﻱ ﻟﺒﺪﺍﻳﺔ ﺟﺪﻳﺪﺓ ﻭﻟﻄﺮﻳﻖ ﺟﺪﻳﺪ ﺑﺤﻴﺎﺗـﻲ ..
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ … .
ﺣﺒﺎﻳﺐ ﻻﺗﻨﺴﻮﺍ ﺍﻟﺘﺼﻮﻳﺖ ﺑﺎﻟﻨﺠﻤﺔ ..
ﻭﻻﺗﻨﺴﻮﺍ ﺍﻟﺘﺼﻮﻳﺖ ﻉ ﻣﺴﺎﺑﻘﻪ ﺍﻛﻮﻥ .. ﺑﺪﺃ ﺍﻟﻌﺪ ﺍﻟﺘﻨﺎﺯﻟﻲ .
ﻳﻮﻡ .. 15-8
ﺭﺍﺡ ﺗﻜﻮﻥ ﺍﻟﻨﺘﺎﺋﺞ ﺑﮕﺪ ﻣﻌﺰﺗﻲ ﻋﻨﺪﻛﻢ ﺑﻴﻀﻮﺍ ﻭﺟﻬﻲ .. ﻭﻟﻮ ﺍﻋﺮﻓﻜﻢ ﻣﺎﺗﻘﺼﺮﻭﻥ .
ﺍﺣﺒﻜﻢ