" بيت ابو صقر "
بلحظه دخول صقر : السلام عليكم ي قوم !
مشعل والوليد وهم يلعبون فيفا بدون م يلفون عليه
: وعليكم السلام !
ومن وراهم منيره " ام صقر " وبيادر وعريب قاعدين يتقهوون !
دخل صقر للصاله : ماشاء الله ادخل اطلع وانتم ع قهوتكم !
بيادر بضحك : شدعوه حرام عليك قهوتنا بس بعد العشا والعصر !
قعد صقر ع الارض معهم واخذ الفنجال ورفعه لامه : صبي لي جعل محد يصب غيرك ي ام صقر انتي !
اخذت ام صقر الفنجال منه بعتب : استغفر ربك
وش هالحكي الماصخ ! وهالدعا الشين !
صقر بتكشير لف ع خواته : بالله وش يرضيها امكم؟
عريب بضحك : ولاشي ام صقر مو من نوع هالحريم
اللي يحبون الغزل !
صقر : وش نسوي ؟
رفعت ايدها عريب : ابد لاتمدح ولاتتغزل !
لف مشعل عليهم : اقول صقير توب انك تمدح امـ..
الا مسكه الوليد من شعره ولفه ع التلفزيون : العب وخلك من سوالفهم
مشعل : فك شعري تعبت على م سويته والا
والله اقوم ولا العب معك !
فكه الوليد ومسح ع راسه : معليش اسف ي شعوله ، العب خلني اكسر راسك !
مشعل : هه تبطي عظم
لف صقر ع امه بتنهد :وين ابوي ؟
بيادر : سافر
شهق صقر : تمزحين !
ام صقر وهي تصب لصقر
قهوه : راح ياخذ عمره وبيعتمر عن ام سيف رحمه الله عليها !
صقر بتنهد اخذ الفنجال ونزله جمع كفوفه ويفركهم ببعض
بارتباك !
ام صقر : الا صدق وراه راجع بدري ! م رحت لسيف !
صقر بارتباك : الا رحت و ..
قاطعته عريب : بالله خله يجي دام ابوي مسافر وبيطول بياخذ
اسبوع والا اسبوعين ماهو راجع خله يجي ينام عندنا
ام صقر : بي اسكتي خليه يكمل !
عريب بحلطمه : طيب تفضل كمل
نزل صقر راسه وهو يحك حاجبه بطرف اصبعه
بارتباك : عشـ..ـان
ام صقر بشك ع اعصابها : تكلم فيه شي !!
رفع صقر وتنهد وبنفس واحد نطق : رحت له عشان اكون الشاهد ع زواجه وقال لي
اقولكم انه تزوج الرجال !
أنت تقرأ
قوم ضمني من بعد قسوتك و أوزن ضلوعي على لحن الحياة و ضمني
عاطفيةرواية خليجية بقلم سلطانة تجميع @storykaligi نتمنى لكم قراءة ممتعة
