وهي بتنزل من الدرج الا وقفت باستغراب
لما شافته ماسك تي شيرته الابيض بايده ومستند بايده ع الكوميدينا ومنزل راسه واضح يتألم
كانت تشوفه كيف بهاللحظه يحاول يتماسك كثر م يتألم من جرحه ! ومايبين !! ف كيف بفقده لامه وتسببه
بوفاتها ! للحظه تهورت وتوجهت لعنده
ودخلت بهدوء : تبي شي ؟
رفع راسه بهاللحظه فتح عيونه بدون م يلف عليها
رجع نزل راسه وهمس ببحته الرجوليه : لـ..ـلا
طالعته باستغراب ! مشت لعنده بكل هدوء
وقفت بجنبه
نزلت عيونها تطالع بجرحه والخوف ياكل قلبها اكل طالعته
همست ببحه وقلق: يوجعك؟
فتح عيونه بهدوء ورفع نظراته لها بدون م يرفع راسه بالكامل
ارتبكت بهاللحظه ! وماتدري ليه ترتبك بكل مره يطالعها فيه
نزل عيونه وهمس : شـ..وي
اخذت التي شيرت منه و
رمته ع السرير لفت ومسكت ايده وهو شاد
بذراعه وقبضه ايدينه بالكوميدينا لدرجه عروقه واضحه
ميهاف بهمس : لاتشد ع اعصابك
اخذ نفس عميق وهمس : خلينـ..ـي
ميهاف وهي تطالعه بشفقه :ماراح اخليك يالله فك ايدك
لف عليها بنظرات هاديه تتنقل بين عيونها ابتسم : ليه تطالعيني بهالنظرات وانتي تدرين اني اكرهها
طالعته بخوف : وش فيها نظراتي ؟ عادي خايفه عليك لايصير فيك شي ..
صد وضحك وسرعان م تأوه فز قلبها بهاللحظه
تمسكت بايده زياده : تكفى لاتطفشني وتتعبني معك قوم يالله وانسدح ..
زفر بزفره عميقه رفع ظهره بشويش واستقام بطوله
ميهاف : جرحك ؟ اضمده والا م يحتاج
سيف بتعب : روحي نامي بضمـ..ـده بنفسي
ميهاف بانفعال : مجنون انت ؟ م تقدر مستحيل
خلاص انا اضمده
سيف بهمس : م تعرفين
ميهاف : انت تعلمني بس انسدح يالله
استسلم من الالم والتعب انسدح ع السرير
بدأ يشيل ضمادته بنفسه طالعت فيه ميهاف ثم طالعت بالكوميدينا بضياع وارتباك
: اي واحد؟
غمض عيونه من العوار ونطق : طلعي الكحلي وصبيه ب قطن
لفت بارتباك اخذته وسوت مثل م قال وهي بتلف تبي تحطه ع جرحه
أنت تقرأ
قوم ضمني من بعد قسوتك و أوزن ضلوعي على لحن الحياة و ضمني
Storie d'amoreرواية خليجية بقلم سلطانة تجميع @storykaligi نتمنى لكم قراءة ممتعة
