علي" سكر الخط : هذا قابض يبي يعرف وين يزن مايدرش عليه
ايهم: مفروض قلتله نقاله راح ولا اي سبله مش مانعرفش
رافع: تو بيشك ان في شيء
علي: عارفيني مانعرفش نرقع كان كلمتوه انتم خير
ايهم" بهزوه: ماهو هو عارفك هكا هذا باش كلمك ماكلمناش "وقف وطلع وهو يمشي ف الممر رن نقاله شاف المتصل وتنهد ورد: ها
سمير" بعصبيه حاده : وييييينه بلا لف ودورااان
ايهم: نقاله رايح
سمير: التفليم الزايد عارفني مانحباش وينه قووول
ايهم: شوف حتى انا مانحبش نفلم لكن هو طالع مع قصي وناسي نقاله
سمير: وقصي مايردش ماتقليش ناسي نقاله حتى هو
ايهم: مش عارف
سمير" بعصبيه: تي شن هو يلي تعرفه انت بس قوولي كل شي مش عارف مش عارف
ايهم: شوف يا صاحب ماعنديش مزاج نقعمز نقنع فيك ان مافيهم شي وكان مش مصدق تعال وشوف بعيونك
سمير: اصلا جاي واحنا ف الطريق ولله لو كان ف شي داسه عليا لنقتلك
ايهم: مافيش الا الخير
سمير: كل شيء ولا يصيرلها شي نعدمك انت وجماعتك "سكر الخط"
ايهم" شاف لنقال وتنهد وحط ف جيبه وتمتم بغيض: نار وشرار وخصوصي كان تعلق الامر ب هيام .. يارب يكونو بخير ويصلنا خبر قبل مايوصل ولا تكون اخرتي ع ايده
🌟🌟🌟
الشاب الاول " مزال مصدوم من عصبيتها : علاش المستشفى لا
الشاب الثاني: من كان يلاحق فيكم ؟
هيام" شافتله بغيض وحست من نبرته انه شك فيهم وان الشرطه ملاحقتهم: شوف احنا متعاركين مع مجموعه وكنا ف وسط العركه وصاحبي انضرب جو الشرطه فرقونا والمجرمين قعدين يلاحقو فينا وانا مش مستعد نخاطر بيه ونمشي للمستشفى لاني عارف انهم بيدورو عليه غادي لانه مصاب فهمتو
الشاب الثاني : حتى لو المستشفى في امن واكيد
هيام " وقفت : بارك لله فيكم ماقصرتو بناخد صاحبي ونمشو
الشاب الاول: لا لا خليك لين يرتاح اصلا نزف دم هلبا وين بتمشي بيه تو
هيام" تفكرت ان السيارة قعدت ف الحوش لما هجمو عليهم وشافت لقصي وهي تفكر كيف بيطلعو من هنا واكيد الشرطه محاصرين المكان "
الشاب الثاني: ع راحتك اذا ماتبيش ترفعه لكن راه من تو نقلك صاحبك محتاج تحاليل وصور باش نتأكدو من حالته ونزف دم هلبا اكيد يحتاج زياده دم والرصاصه مزال موجوده وهذا خطر ع حياته كان بتقعد تستنى واذا ع الدخول للمستشفى انا نطمنلك الدخول وبامان
