قصي " حط طاسه القهوة وشاف لخاله : تطمن ي خالي احنا نحاربو ف داعش واكيد هالشي ع خاطر بلادنا
الخال: انتم شباب صغار علاش اضيعو اعماركم ف الحروب ساد يلي شفتوه بعدين هاهي الدوله تو هي تتكفل بيهم
قصي" بهزوه: اي دوله ي خالي هو احنا 4 دول بدينا شرق وغرب وشمال وجنوب وقريب حتى الوسط يقسموه دوله بروحه . بعدين احنا مش صغار اعمارنا فوق ال20 امتى بدينا نحاربو لما نطقو لل50 مانقدروش نرفعو السلاح
ماهر: ي بوي خليه انت عارف قناعاته من يوم يومه حتى بوه ماقدره بتقدره انت
الخال" بعصبيه: كان نبي نقدره ونكسر راسه وانا خاله ولي الحق عليه لكن مدام فيها مصلحه البلاد والدين معليش لكن اذا حسيت ان الامر بيطول وفيه خطورة نوقفه ولو هنا كلبشته وخليته مربط
قصي" يتهرب من السيره قبل ماخاله يطبق يلي قاله: المهم انت اخبارك ي خالي
.
.
.
هيام " غلقت الخط ولفت لايهم بعصبيه: طلعو ليهم يومين بعد ما استلمو السلاح مفروض من امس هنا كيف ما فقدتوهم
ايهم" بخوف: امس لهينا فيكم انت وقصي بعدين توقعناهم يصلو الليل والا اليوم الصبح
هيام" بعصبيه مفرطه: انتم عاااارفين كويس ان سمير يصل ف موعده المحدد ولو الكلام صح انهم من يومين طالعين مفروض امس الصبح وصلووو مش تستنو يوم كامل باش تبلغوني
رافع: هدي شوي باذن لله تنحل
هيام" ضربت الطاولة بقوة: ماشي ينحل لازم نعجلو ونحرروهم قبل مايصلو لمركز الشرطه ومعش نقدرو نمسكوهم "خدت سلاحها المحطوط وطلعت والكل وراها"
بعد ما الشباب دارو اتصالاتهم ومخابراتهم توصلو ع الطريق يلي رافعين فيه سمير والشباب وقدرو يلحقوهم ويحاصرو عناصر الشرطه ويحررو الشباب وبعدها يطلقو الاسرى لانهم ماليهمش حاجه بيهم
ورجعو ع الموقع يلي هما فيه
ايهم " واقف ف الساحه برى : ياودي ارتاح
سمير : كييف نرتااح وهما ماولووش لتو
ايهم: شوي ويجو
سنير: حق تعال جاي شن ماتبيش ترد ع نقاالك اه
ايهم" تنهد : ياودي قلنالك مافيه شي هاهو شفته بكامل صحته وقت يوصل انت اساله
سمير" بغيض: يصير خير
هيام "دخلت مع المجموعه الاخيره يلي كانت معاها : السلام
سمير " نط بسرعه وضمها: الحمد لله انك بخير
هيام " بعداته وبهدوء: الحمد لله ع سلامتكم
سمير " ببتسامه: الله يسلمك .. وين عطلتو
هيام: قعدنا نموهو فيهم لين تاهو ع الطريق وجينا
سمير : وين قصي مهناش
