صباحا🌞
هيام" تمشي ف الممر واثبت ف السلاح ع خصرها : مافيش داعي مشوار ع السريع ونجي
ايهم: مرات تحتاج حد معاك
هيام: لا لا مانبي حد
سمير " يلي كيف طالع من الدار وسمعهم: صباح الخير وين ماشيين
هيام" شافتله بربع عين : مشوار ضروري ومهم
سمير : بنمشي معاكم
ايهم: اصلا يزن بروحه ماشي
سمير: نعم نعم نعم مشوار وضروري ومهم وبروحك تمشي
هيام: انت مادخلكش
سمير" بعصبيه: بنمشي معاااااك وغصب عنك ولا مافيش مشي ساد ماشيين بلايا هديك المرة وشوف شن صاااار فيكم قريب رحتو فيها
هيام" بعصبيه: ع اسااااس كانك معانا مش صاير شي
سمير: المهم معاكم مش من ورايا تمشوو وبعد اليووم معش فيه مشي بروحك
هيام" بعصبيه: انت من تتحكم فياااا
سمير : بنتحكم واعتبرني يلي بتعتبره
ايهم: خلاص اهدوووو مافيش داعي للكلام كله هدا
هيام " مشت وهي معصبه"
سمير" بغيض: راس مصكر
ايهم: وانت احرف
سمير" لفله بعصبيه: خليك ساكت احسن "مشى يجري بسرعه
ايهم" تنهد: ربي يهدي ويهدي هالاعصاب يلي عندهم
.....
هيام " راكبه ف السيارة يلي والعه قبل ماتوصل لان موصيه علي يولعها انفتح الباب يلي جنبها وركب سمير تنهدت بغيض وسكتت"
سمير " بهدوء: خليني نسوق عنك
هيام" حركت السيارة وبدت تسوق وعم السكون المكان "
سمير " سكت وخلاها ع راحتها المهم وافقت يمشي معاها "
.
.
.
يسري " دخل للمكتب وحدف ملف ع الطاولة : الاسماء يلي هنا نبيهم خلال ساعااات اي واحد ناقص فيهم تتحاسبو
عماد" باحترام: حاضر سيدي
يسري" شاف لساعه: عندي مشوار ضروري نرجع هنا نلقاهم كارينهم لتحقيق " طلع "
عماد" خدا الملف وفتحه وقعمز "
ايمن : هالايام بدا نار وشرار
عماد" يقلب ف الملف: معاه حق البلاد سابت وتشوف ف الكوارث والجرائم ف كل ساعه نسمعو بيها كان ماتحركناش وشدينا هالمجرمين تقعد البلاد هردميسه
ايمن: الله يصلح البلاد والعباد يارب
..
..
...
قصي وماهر مقعمزين يفطرو
ماهر: تي ياراجل وين بتمشي اقعد مزال راه جرحك قاعد بلهون ع الاقل ترتاح
قصي: نرتاح حتى غادي
