الضابط عماد " يمشي ف الممر ويكلم ف دكتور هاني : ف ثلاث اشخاص مصابين بالرصاص خلال 24 ساعه فاتو ومش مكتوب سبب الاصابات " لفله: كيف ماتكتبوش السبب
د هاني: انت عارف ان البلاد كاثر فيها الرصاص وهالاجراءات من فترة معش نكتبو فيها الا ف تقرير الوفايات
عماد " بعصبيه حاده : اي قانون .. هذا استهتااااار تبو من يحاسبكم عليه
د هاني: هالامر مش من عندنا كلم الاداره لانها المسؤوله وراه ف كل المستشفيات نفس الشي
عماد" بغيض: القوانين بتتغير ولو اطرينا نغيرو وزير الصحه بطوبته " شاف للورقه يلي معاه مكتوب ارقام الغرف يلي فيها المصابين وقدم شوي ووقف لف لشرطه يلي معاه : خليكم هنا .. "لف لهاني: وانت تعال لازم نفحصو الحالات وناخدو اقوالهم "دخل للغرفه ودخل وراه هاني "
...
💚💚💚💚💚
ايهم" يمشي ف الساحه رن نقاله تافف قبل مايرفعه لان عارف من المتصل بدون حتى مايشوفه رد: شوف اذا بتتصل
سمير" بعصبيه حاده : قرريب نصللك ولله دمك مايكفيني كان طلعت داس شي عليا
ايهم" ببرود : باه بدل ماكل ثانية تتصل بيا انتبه لطريق واسرع باش توصل وتشوف ان مافي شي
سمير" بصوت عالي : باه وينهاااااا
ايهم : قلتلك طلعت مع قصي ومانعرفش وين ولتو ماجوش واول مايجو نقلها تكلمك سلام "سكر عليه وقفل نقاله باش يرتاح منه نهائيا وهو عارف انه مازاد النار غير بنزين ومش سالم منه حتى كان جا ولقاها قدامه .. شاف لسماء: ربي يكفينا شره .. وربي يرجعهم سالمين
💚💚💚
عماد" طلع من الغرفه الثانية ولف لشرطي يلي معاه : كتبت اقواله كلهم وتقرير حالته
شرطي" شاد قلم ودفتر: اي كتبتهم
عماد" لف لهاني : غرفه المصاب الثالث وين ؟
هاني"ثوثر : اا ف اخر الممر
مع كل خطوة يخطوها تزيد دقات قلب هاني ويفكر ف حجه يقولها لان حالت قصي تاعبه وهو مايعرفش حتى الان سبب التحقيق مع المصابين ولاول مرة تصير عندهم فاكيد الامر خطيير . . فتح الباب وتقدم الضابط عماد ودخل وراه ولقى اخته الممرضه تعتدل ف التغدية
عماد" قرب منه وشافله : شن وضع حالته ووين جاته الاصابه
هاني" قبل مايتكلم تكلمت اخته"
شهد : المريض يشكو من هبوط حاد ف الدم و عنده فشل كلوي جزئي و
عماد" وهو يتفحص ف المريض لفلها باستغراب: نقصد الرصاصه وين جاته
شهد: المريض مش مصاب برصاصه "مدتله الملف"
عماد" خداه منها وفتحه"
