تاني يوم في الشركه
يوسف:ازيك يا لولو عامله ايه
ليان:كويسه ياچو
يوسف :ايه رأيك نتغدي بره
ليان :موافقه
يوسف:طيب انا هروح اقول لبابا وبباكي
ليان :اوكي
راح يوسف لمحمد وأيمن اللي قاعدين في نفس المكتب بيراجعوا الشغل فقال لأيمن لو سمحت ياعمي هنتغدي بره انا وليان
ايمن:ماشي يا بني بس ترجعوا بدري
يوسف.:شكرا ياعمي وخرج ياخد ليان
بقي محمد وأيمن لوحدهم
محمد:مش قولتلك شكلهم هيحبوا بعض
ايمن :الظاهر كده انا شايفهم قربوا من بعض اوي
محمد :اه كتب كتاب سمر الشهر الجاي لازم تكون موجود
ايمن:اكيد دي بنتي
**في مكتب ليان وصل يوسف
يوسف :يالا يا لولو عمو وافق
ليان:اوكي يالا ونزلوا سوا رايحين يركبوا عربيه يوسف
شافتهم مرام وراحت وراهم وقعدت شويه وبعدين قامت جرت علي يوسف ووقفت قدامه وقالت وحشتني اوي يا چو
يوسف :يابنتي انتي عايزه مني ايه سيبيني في حالي بقي انتي بتطلعيلي منين
وكانت ليان واقفه هتولع فيها وزهقت وكانت ماشيه مسك يوسف ايديها وقال يلا نمشي بدل مااقتل حد وخدها ومشي وساب مرام
روحت مرام عند مامتها
مامتها ايمان :ايه يا بت بتعيطي ليه انا زهقت منك يعني مش عارفه توقعي الولد احنا فلوسنا قربت تخلص
مرام:انتي ايه يا شيخه كل اللي همك الفلوس بس مش همك بنتك اللي انتي مخلياها ترخص نفسها وتجري ورا واحد متأكده انه مبيحبهاش وعمره ماهيحبها وخلتيني ابعد عن الشخص اللي حبيته وحبني بجد علشان الفلوس منك لله انا مش هسامحك ابدا
**اما عند ليان ويوسف بعد ما اخدها ومشي
يوسف :ليان مالك
ليان بغيظ:هي ليه بتعمل كده
يوسف:اسمعيني ياليان مرام دي كانت أطيب واحده في العيله كانت دايما تضحك وتهزر وبتحب الناس وكانت بتحبنا واحنا بنحبها وبنعتبرها اختنا لحد ما مات باباها وبقت مامتها بتتحكم فيها بطريقه غريبه والبنت بقت زي مانتي شايفه وانا متأكد ان اللي هي بتعمله ده بأمر من مامتها انا عارف عمتي كانت بتحقد علينا دايما علشان احنا اغني منها ومن ساعتها وهي بتحاول تخلي بنتها تقرب مني بس مرام اللي بتعمله دا مش بايديها كله بسبب مامتها انا متأكد انها كويسه فحاولي تتجنبيها لحد ماترجع زي الاول
ليان بغيره :شكلك بتحبها وبتثق فيها اوي
يوسف :مانا قولتلك كلنا بنحبها ولو امها بعدت عنها متأكد انها هتبقي بنت كويسه اوي
ليان:خلاص يايوسف مش هنتكلم عليها طول النهار يلا نروح علشان اتأخرنا
وصلت ليان وكان باين عليها الزعل وهي داخله لقت مازن قاعد مستنيها
مازن:لولو مالك شكلك زعلانه
ليان :اصل النهارده حصل*****وهو قالي عنها *****وهي بتحكيله لقت عنيه بتدمع وبحاول يخبيها عنها بس هي سألته قالها تعالي احكيلك حط راسه علي رجلها وقالها كنت بحب واحده من4سنين كانت بنت جميله ومحترمه وعرفت انها بتحبني وكنا خلاص اتفقنا علي الخطوبه وكنت هكلم باباها بس هو مات وبعدها اتغيرت اوي ومامتها موافقتش لاني مش غني وهي عايزه تجوز بنتها لواحد غني وبعدين سبنا بعض من سنه ومش عارف اعمل ايه انا تعبت مش قادر انساها امها اجبرتنا نبعد عن بعض
ليان:حاسه ان الحكايه دي شبه حكايه قريبه يوسف
معلش ياحبيبي ان شاء الله تقابلها وترجعلك ومامتها تبعد عنكوا يلا تصبح علي خير
مازن:وانتي من اهله وطلعوا نام
أنت تقرأ
علمتني الحب
Romanceاولا كده دي اول قصه ليه احب اعرف رايكوا فيها بيقولوا ان الحب هوس وغيره وجنون وأساس الحب هو الثقه الثقه هي أساس كل علاقه ناجحه ممكن تحب شخص من مجرد نظره وشخص تاني ميدخلش قلبك مهما حصل فيقول سقراط عن الحب الحب جحيم ويقول شكسبير الحب جنون ويقول ارسطو ا...
