علمتني الحب

الخاتمه1

يوسف وليان يوسف صحا من النوم بيبص لقي ليان نايمه جنبه وشكلها زي الاطفال اوي صحي وفضل يبص عليها وهي نايمه وبيمشي صوابعه علي وشها وهي بدأت تضايق وجات تقوم لقته قاعد بيبصلها(الكلام ده بيبقي في الروايات بس مش علي الطبيعه 😂😂😂😂انا حذرتكوا اهو علشان متتصدموش)
ليان:مش هتبطل رخامه بقي كل يوم تصحيني كده
يوسف:اعمل ايه بحب اشوفك وانتي لسه صاحيه من النوم بيبقي شكلك قمر وطفله اوي
ليان:ي سلام كل ده وطفله يابني احنا متجوزين بقالنا اكتر من 11 سنه معقوله لسه شايفني صغيره
يوسف:هفضل شايفك كده للابد انتي حب عمري ي ليان احنا مرينا بحاجات كتير وكل حاجه كنا بنقف قدامها ايد واحده عدينا كل حاجه مع بعض انا عمري مانسي حاجه تخصك ابدا انا فاكر كل حاجه من اول دقيقه شوفتك فيها بعد مااتبرعتيلي بالدم وشوفتك قدامي قلبي دق لاول مره في حياتي كانه بيقولي هتبقي ملكي بيقولي انا بتمرد عليك هي دي اللي خطفتني واما شوفتك بتحضني مازن قلبي كان هيقف فكرته حبيبك كنت هموت من الغيره مكنتش قادر استحمل لدرجه اني كنت هضربه وبردو بعد ماعرفت انه اخوكي كنت بدايق اما بيقرب منك بغير عليكي من باباكي نفسه ويوم ما حصلت المشكله اللي اتجوزنا بسببها حسيتها فرصه انك تبقي معايا حمدت ربنا ان المشكله دي حصلت فضلنا نقرب من بعض وانا بحبك وخايف اعترفلك تطلعي مش بتحبيني واخسرك ويوم ماجيت اعترفلك العربيه خبطتك كنتي هتروحي مني حسيت بروحي بتتسحب مني مكنتش متخيل حياتي من غيرك قررت اني لازم اعترفلك استنيت فرح احمد ومازن حسيت انها الفرصه المناسبه ولما اعترفتلك اتفاجأت انك بتحبيني ومن يومها وانتي بنتي ومراتي وحبيبتي واختي وكل حاجه في حياتي لحد من 10 سنين ربنا رزقنا باجمل هديه اسر وجاسر وبعدين رزقنا تاني بالقمر اللي كلها انتي في كل حاجه عشق بنتنا اللي من اول ماجات وهي اميره البيت الايام عدت بسرعه وولادنا كبروا بس هتفضلي انتي بردو بنتي وكل حاجه ليا مش قادر اتخيل حياتي كانت هتبقي ازاي من غير(ي محنو😂😂) وبيبص علي ليان لقاها عنيها بتدمع مسح دموعها وبصلها بحب
ليان:يااااه كل ده انت بجد رزق من ربنا ليا كنت مفكره ان بعد الوقت ده كله حبك ليا هيقل تعرف ي جو انا حبيتك من اول ماشوفتك بس كنت بكدب نفسي مش عايزه اعترف ان انا وقعت في الحب اللي شجعني اني اكمل معاك هي ثقتك فيا اللي كانت بتزيد عمرك مافهمتني غلط دايما كنت بتحطلي 100 عذر وتسألني الاول دايما كنت محسسني انك عارف اني مستحيل اغلط حسستني بالامان حبيتك اوي ولما اعترفتلي بحبك حسيت اني ملكت الدنيا كلها واما خلفنا اسر وجاسر من عشر سنين وانت بتساعدني في كل حاجه عمرك ماقسيت عليا ومن 6 سنين لما خلفنا عشق تعرف اني بقيت بغير عليك وانا شايفاك بتحبها اد ايه حبيتك اوي ربنا يديمك في حياتي ي حبيبي انت وولادنا ( هيييييييح منكوا لله جبتولي جفاف عاطفي)
وفجأه الباب خبط
عشق :ياماااماااا افتحي بقي كل ده نوم
يوسف: حاضر ي اميرتي طالعين اهو اهو وباس رأس ليان وقال يلا ننزلهم
ليان:ماشي ي حبيبي اما نشوف العفاريت دول توأم فعلا في كل حاجه بس طبعهم شديد شويه من وهما صغيرين
يوسف:فعلا بس ايد واحده وبيحسوا ببعض عمرهم مااتخانقوا بحس انهم اكبر من سنهم
ليان :فعلا يلا بينا بقي قبل ماعشق تيجي تقتحم الاوضه
يوسف :يلا ي قلبي وقاموا يجهزوا