نبدأ في بيت يوسف :
الاب (محمد) :سمر روحي صحي اخوكي يفطر علشان يروح الشركه
سمر :حاضر يابابا راحت تصحيه وتقوله يوسف بابا بيقولك اصحي علشان الشغل
يوسف:حاضر يا سموره نازل وراكي اهو قام لبس كان شكله قمور اوي وراح صحي ابن عمه احمد ونزلوا
الاب :يلا ياولاد تعالوا افطروا يلا يا سمر علشان تلحقي شغلك
احمد :دي فاشله هي بتعرف تشتغل زمانها بتموت الناس مش بتعالجهم
سمر :اللهم طولك ياروح ماتخليك في حالك يارزل انت مالك بيه انت يعني اللي فالح قوي
احمد:بس ياماما دا منظر دكتوره دانتي عامله شبه واحد صاحبي
سمر :عاجبني خليك في نفسك
محمد :بس ياولاد عيب كده يلا علي شغلكوا
خرجوا كلهم احمد ويوسف ركبوا عربيه يوسف علشان يروحوا الشركه
سمر راحت المستشفي
في بيت ليان :
الاب (ايمن) ينده (مرفت) رئيسه الخدم ويقولها صحي ليان بقي علشان تلحق الشغل
مرفت: حاضر يا بيه طلعت تصحي ليان وبتقول ليان هانم اصحي علشان الشغل
ليان: صباح الخير كام مره قولتلك متقوليش يا هانم اسمي ليان بس
مرفت:حاضر يا ليان
لبست ليان ونزلت لباباها باست ايده
ايمن:يلا يابنتي نفطر
ليان :حاضر يابابا انا هروح اشوف واحده صاحبتي قبل مااروح الشركه
ايمن:ماشي ي حبيبتي خلي بالك من نفسك
خلصوا فطار وهي راحت لسمر
اول مادخلت ليان قابلت سمر سلموا علي بعض وقعدوا يتكلموا شويه وفجأه حصلت دوشه كبيره في المستشفي وبيندهوا اسم سمر علشان في اتنين عملوا حادثه جروا ليان وسمر يشوفوا في ايه اول ما سمر شافتهم عيطت ومكنتش قادره تقف لأنهم كانوا احمد ويوسف
ليان :سمر فوقي انتي تعرفيهم قومي الحقيهم سمر سمر
سمر :داا اخويا وابن عمي انا مش هقدر ادخل العمليات معاهم
ليان: يابنتي بسرعه مافيش وقت وانا هستناكي هنا ادخلي يلا
احمد مكانش متصاب اوي كان متعور بس في وشه وايده وخرج علطول دخلوه اوضه عاديه وجرت سمر تشوف اخوها كان نزف كتير ومحتاج نقل دم وفصيلته نادره
ليان دخلت: سمر انا ممكن اتبرعله انا نفس الفصيله
سمر :شكرا ياليان بجد مش عارفه هرض جميلك دا ازاي
ليان: يلا ياهبله انتي اختي اجري بسرعه نلحقوا وبعدها بشويه نقلوا يوسف الاوضه مع احمد
سمر: الحمدلله انا هتصل ببابا وماما
سمر اتصلت بيهم جم علطول وكانت سميره بتعيط ومحمد خايف فاول ماشافوا سمر حكتلهم وقالتلهم اول مايفوقوا ندخلوكي تشوفيهم اعرفك ياماما دي ليان صاحبتي باباها رجل أعمال كبير اسمه ايمن المنشاوي
والده سمر: اتشرفنا يابنتي انتي جميله اوي
ليان:الشرف ليا يا طنط شكرا
والد سمر: انتي بنت ايمن المنشاوي دا صحبي من زمان يابنتي انا ووالدك اصلا كنا بنفكر ندمج الشركتين ودا كان هيحصل قريب
ليان :بجد انا اول مره اعرف انا بشتغل مع بابا من زمان بس مقاليش علي حكايه الدمج دي
والد سمر :المهم سلميلي عليه علي مااشوفه
ليان: حاضر
سمر قالت لليان: احنا أصحاب بقالنا5سنين ومكناش نعرف ان اهالينا يعرفوا بعض يلا انا هدخل اطمن عليهم.
دخلت سمر تطمن لقتهم فاقوا ندهت سميره ومحمد دخلوا اتطمنوا عليهم
يوسف هو ايه اللي حصل انا مش فاكر غير اني كنت سايق وظهرت قدامي عربيه فجأه وبعدها مشوفتش حاجه
سمر في ناس جابوكوا المستشفي انت وأحمد وانتوا تمام دلوقت بس انت دوختنا يا عم يوسف
بعدها تخبط ليان وتدخل اول مايوسف شافها تنح ومتحركش❤️ فسمر قالت اعرفكوا ليان صاحبتي وهي اللي اتبرعت ليوسف بالدم
يوسف بصوت واطي سمعه احمد :وانا اقول دمي بقي مسكر ليه
احمد بهمس: لم نفسك يايوسف هتفضحنا الله يخربيتك
يوسف واحمد :اتشرفنا بمعرفتك يا ليان
ليان :الشرف ليا الف سلامه عليكوا سلام انا مضطره امشي عندي شغل.
بعدها كان أحمد ويوسف قاعدين ويوسف كان سرحان
احمد :چو مالك يابني من اول ما البت دخلت وانت متنح انت وقعت علي بوزك ولا ايه اعترف هاها 😂قولي بردو انا مش غريب
يوسف: امشي ياحيوان بس البت حلوه بردو يخرببيت عنيكي❤️
سمر دخلت: انت وهو هتخرجوا باليل ومش هتروحوا الشغل لمده اسبوع علشان جرحك يايوسف
احمد :حاضر ياماما امشي يابت من هنا
سمر: تصدق ياض انا كان المفروض اسيبك تموت علشان تبطل تزهقني هههههه بس شكلك فظيع وانت مفيش فيك حته سليمه كده😂😂😂😂
احمد بص في عنيها وقالها :أهون عليكي
بصتله وتاهت
سمر بلخبطه: انا همشي انا اكمل شغل سلام
أنت تقرأ
علمتني الحب
Romanceاولا كده دي اول قصه ليه احب اعرف رايكوا فيها بيقولوا ان الحب هوس وغيره وجنون وأساس الحب هو الثقه الثقه هي أساس كل علاقه ناجحه ممكن تحب شخص من مجرد نظره وشخص تاني ميدخلش قلبك مهما حصل فيقول سقراط عن الحب الحب جحيم ويقول شكسبير الحب جنون ويقول ارسطو ا...
