علمتني الحب

13

يوسف:يلا نلعب
قعدوا يلعبوا شويه
ليان:يوسف انا اتخنقت بقي هو احنا هنبدأ ننزل الشغل من امتي
يوسف:يعني اسبوع كده علشان مينفعش ننزل علطول
ليان:بس هنفضل كده مش بنعمل حاجه
يوسف :تيجي نخرج
ليان:ماشي
يوسف:قوليلي بقي عاوزه تروحي فين
ليان بطفوله:بص بقي انا عاوزه اروح الملاهي والسينما وتجيبي بيبسي وشوكولاته وايس كريم
يوسف:ايه يا ماما انتي جايه تحققي أحلامك عندي بس يا طفله
ليان:لو سمحت انا مش طفله انا عندي 23سنه
يوسف:بس يا اوزعه
ليان :خلاص ياعم يلا نخرج
يوسف :يلا ياختي البسي
ولبسو وخرجو راحوا الملاهي وقضوا وقتهم في الهزار وبعد شويه اخدها سينما
يوسف :تتفرجي علي فيلم ايه
ليان :انا عايزه كرتون
يوسف:نعم ياختي بت اعتدلي
ليان خلاص ياعم اختار انت
دخل يوسف واختار فيلم رعب
ليان:يخربيت انت مختار فيلم رعب
يوسف:اه شكلك بتخافي مش بقولك طفله
ليان:بطل تقول طفله وبعدين انا اصلا مش بخاف
يوسف:طب يلا ندخل ودخلوا يتفرجوا
ليان كل مايجي مشهد رعب تمسك دراع يوسف جامد او تستخبي وراه وهو ماسك نفسه بالعافيه مش عايز يضحك قدامها لحد مالقاها بتجري تخرج بره فراح وراها
ليان خرجت وهي حاسه انها هيغمي عليها وكانت لسه خايفه خرج يوسف لقي شكلها تعبان اخدها وروحوا نزل يوسف من العربيه وشال ليان وهي نايمه طلعوا اوضتهم
يوسف:لولو فوقي يلا غيري هدومك علشان ننام
ليان:سيبيني يا ماما عايزه انام
يوسف بصوت عالي :لا ماما دي في بيتكم يا اختي مش هنا
ليان:ايه دا يوسف ايه اللي جابك بيتنا
يوسف:انتي يابت انا اتخنقت منك انتي كل ما تصحي هتسأليني نفس السؤال
ليان:اه افتكرت
يوسف: ماشي ياستي يلا غيري هدومك
ليان :ماشي
وغيرت هدومها ولبست بجامه طويله وخرجت لقت يوسف غير ونايم علي السرير
ليان راحت وراه ولسه بتنام افتكرت الفيلم وخافت جامد فحضنت يوسف
يوسف نايم لقي ليان حضناه مكنش فاهم حاجه فلف يشوف فيه ايه اول ما شافها لاقاها بتترعش وخايفه جامد وخلاص هتعيط
يوسف:مالك ياحبيبتي فيه ايه
ليان بعياط:مسكت فيه جامد انا خايفه اوي
يوسف:يابنتي متخافيش دا كان تمثيل وانا معاكي اهو يلا نامي
ليان:وهي ماسكه فيه ماشي بس خليني انام كده
يوسف:ماشي يلا ننام بقي وباس راسها وناموا
تاني يوم في ڤيلا محمد :
نزل احمد وشاف سمر واخدها يخرجها شويه نزلوا راحوا النادي
احمد:بت مش ناويه نكتب الكتاب بقي والا ايه
سمر:لسه مش انت اتفقت مع بابا لسه المعاد مجاش
احمد :ماشي ياختي اديني مستني
وقعدوا شويه ضحكوا وهزروا بس اكيد قعدتهم متكملش من غير عناد وخناق
احمد :يلا بقي اروحك علشان اروح الشركه عندي اجتماع مع عميله مهمه
سمر بصوت عالي:نعم مع واحده
احمد:بس يابنتي بقولك شغل يعني لازم اروح والا هنخسر صفقه كبيره جدا
سمر:لا ماتروحش
احمد:لا لازم اروح وبعدين أنتي مالك بالشغل
سمر بغيره :طب ايه رأيك لو روحت مش هتجوزك
احمد:نعم ياختي هو انا شامم ريحه غيره ولا انا بيتهيألي
سمر:ايوه غيرانه عندك مانع
احمد:لا ياكبير وانا اقدر بس انا لازم اروح بردو بطلي جنان
سمر:بزعل طب يلا
احمد :سمر متزعليش مني انا بحبك وانتي عارفه كدا كويس
سمر :وانا كمان
احمد:انتي كمان ايه
سمر :بحبك
احمد فرح اوي واخدها ومشي وقالها طب علشان الكلمه الحلوه دي هنتفسح لحد بالليل وهتيجي تحضري معايا الاجتماع كمان
سمر بفرحه:بجد طب يلا
اما بقي في البيت عند يوسف وليان
فصحي يوسف لقي ليان لسه في حضنه قعد يبصلها ويقول لو تعرفي بحبك اد ايه ونفسي اقولهالك وان شاء الله هقولك قريب بس خايف من اختفاء مرام اكيد بيخططوا لحاجه هحاول احميكي منهم بكل الطرق وبعدين باس راسها وتلقاها بدأت تصحي فبعدت عنه فعمل انه بيصحي هو كمان
يوسف :صباح الجمال
ليان:صباح الخير
يوسف:في حد بيبقي حلو كده وهو لسه صاحي
ليان اتكسفت جامد ووشها احمر :ش شكرا
يوسف :لا وكمان عيون زرقا ووش احمر لا قومي بقي بدل ما اعمل حاجه مش كويسه
ليان:قامت جرت من قدامه