علمتني الحب

4

وفجأه تدخل واحده تحضن يوسف وتقوله كدا يا چو تعمل حادثه وتدخل المستشفي ومحدش يقولي حاجه واعرف بالصدفه وكل ده وليان واقفه
ليان بغضب وهي تكتم دموعها :سلام يا يوسف انا ماشيه
يوسف :ليان استني بس ليان مشيت فقال بغضب للبنت ايه اللي انتي عملتيه ده وبعدين انا من أمته بكلمك اصلا
مرام (بنت عمته) بدلع:ايه يا چو وحشتني وجيت اشوفك مش زيك مبتسألش عليا خالص
يوسف :مرام اخرجي بره ولا اقولك انا ماشي
وخرج يوسف بس كانت ليان روحت كلمها علي الفون ومردتش عليه
اما عند ليان فخرجت وكانت بتعيط وبتقول انا زعلانه ليه مايمكن حبيبته انا مالي اصلا انا بعيط ليه وايه اللي خلاني امشي معقوله اكون حبيته
قلبها:شكلك حبيتيه
عقلها:احب ايه انا لسه شايفاه من كام يوم اكيد لا
قلبها :طب عيطي ليه لما حضنته اكيد كنتي غيرانه
عقلها :اكيد مش غيرانه انا اصلا لسه معرفوش كويس
ليان:بس بقي لا انا مش غيرانه ومسحت دموعها وكلمت مازن في الفون
ليان :مازن
مازن: ايه ياحبيبتي صوتك مالو
ليان :مازن انت اخويا وانا محتاره عايزه احكيلك حاجه
مازن: احكي يا حبيبتي شكل الموضوع كبير
ليان :حصل *****والنهارده راحت واحده واحنا في المكتب و*******
مازن:انتي حبيتيه يا ليان متنكريش
ليان :لا طبعا هو ممكن يكون إعجاب مش اكتر
مازن :لا بتحبيه متنسيش انا اللي مربيكي
ليان :انت راجع امتي وحشتيني اوي تعبت وانت بعيد عني
مازن :معلش يا حبيبتي انا راجع بعد يومين
ليان:اوك يا حبيبي ترجع بالسلامه
قفل معاها وقعد يفكر في البنت اللي حبها بس مامتها بعدتهم عن بعض علشان تقربها من قريبها ويتجوزها لمجرد ان قريبها اغني منه ونزلت دمعه من عينيه بس مسحها بسرعه وقام يكمل شغل
اما سمر كانت بتكلم ليان في الفون
سمر: ياواطيه نسيتني من اول ما دمجوا الشركتين
ليان: لا والله مانسيتك بس انشغلت شويه علي ماخد علي الوضع الجديد
سمر:ماشي يالولو سامحتك يا ستي قوليلي بقي انتي عامله ايه
ليان :الحمدلله يا سموره وانتي
سمر :انا الحمدلله يالولو ممكن ابقي اعدي عليكي في الشركه بكرا
ليان:ياريت ياسمر
سمر :اوكي هاجيلك يلا سلام يا لولو
ليان:سلام يا سمسم
بعد ما سمر خلصت المكالمه بتبص وراها لقت احمد اتخضت وكانت هتقع احمد لحقها لف ايده علي وسطها وبيبص في عنيها وهي كمان ونست الوضع اللي هما فيه وهو بيقربها منه بس هي فاقت وزقته وطلعت تجري

تاني يوم في الشركه
يوسف:ليان انتي زعلتي امبارح ومشيتي ليه انا اسف علي اللي حصل وانتي واقفه بس انا مش عارف هي عملت كدا ليه دي بنت عمتي ومبنكلمش بعض كتير اصلا
ليان بفرحه:بجد وانت بقي بتقولي ليه
يوسف:مش عارف بس مش حابب تاخدي عني فكره وحشه
ليان :اوك يلا روح كمل شغلك
يوسف:يعني سامحتيني
ليان:لا اتحايل عليا شويه
يوسف مسك ايديها وباسها
يوسف:طب وكده لسه زعلانه
وهنا بقي دخلت سمر وجرت سلمت علي ليان
يوسف مسكها من ودانها وقالها:بتعملي هنا ايه يا قرده وبعدين حد يدخل من غير ما يخبط كده
سمر بضيق طفولي:ايه يا چو لولو كانت وحشاني
ليان:وانتي كمان تعالي نتكلم بره
سمر :اوك سلام يا چو وقعدوا يتكلموا شويه وبعدها سلموا علي بعض ومشيت سمر وهي ماشيه هوبا خبطت في حد لسه بتتاسف لاقت احمد قالتله هو انت
احمد :ايوه انا يا سمسم بتعملي ايه هنا يا اوزعه
سمر :انا اوزعه يابو طويله مش انا اللي قصيره انت اللي زرافه
احمد ماشي يا جزمه مقولتليش بتعملي ايه هنا
سمر :كنت جيه لليان
احمد :طيب يلا نروح سوا
سمر:لا بلاش هتعبك معايا
احمد :بت انتي هبله ولا سخنه ولا ايه انا عايش معاكي في نفس البيت فقدتي الذاكره ولا ايه وبعدين ايه الاحترام اللي نزل عليكي فجأه ده
سمر بدلع :كده يا ميدو بتغلط في سمسم
احمد :بت ماتظبطي كده في ايه انا ماسك نفسي بالعافيه اصلا
سمر:قصدك ايه
احمد بتوتر:مقصدش حاجه يلا نروح
سمر :يلا
واحمد سايق وسمر قاعده جنبه تليفون احمد رن فرد عليه وكانت السكرتيره
******
احمد:انا مشيت خلي الورق يتمضي بكرا
******
احمد :اوك عايزه حاجه يامنار سلام
وكل ده والتانيه بتغلي من الغيظ جنبه اول ماقفل
سمر:بتكلم مين دي
احمد:دي السكرتيره بتاعتي في ايه
سمر:وهي بترن عليك ليه
احمد عادي يعني مشيت من غير مااقولها وكان فيه ورق عايز يتمضي
سمر :لا والله وبتقلد صوته عايزه حاجه يا منار سلام
احمد :انا كنت بعمل كده وبعدين انتي زعلانه ليه بت انتي غيرانه
سمر اتلخبطت :انا اغير عليك ليه يعني
احمد بغمزه:تكوني بتحبيني مثلا انا طيب وابن حلال واتحب بردو
سمر بتوتر :انا اكيد لا
احمد:طيب اروح انا اكلم منار بقي
سمر بغضب:نعم ياخويا تكلم مين يالا وسابته ومشيت واول ما دخلت اوضتها لاقت رساله من أحمد فتحتها لاقته كاتبلها طب والله غيرانه وهخليكي تقوليها
قرأت سمر الرساله وقعدت تضحك وتتنطط لاقت باب اوضتها بيخبط واحمد بيقولها بس يا هبله طب والله غيرانه..