دموع ملائكة

الجزء الاول (عذاب )

بعد 10 سنين بالظبط

فى مكان تقدر تقول من شكله مكان عصابات متجمع فيه شويه ناس مظهرهم كويس تقدر تقول رجال اعمال وفى النص قاعد

راجل شكله الكبير بتاعهم بس لابس ماسك على وشه

الراجل1:غلطتك هى السبب فى اللى احنا فيه غلطه زمان مخلصتش يا شامى واهى البت كبرت وبتبوظلنا عمليتنا

الراجل2:لا والله على اساس انك عمرك ما غلطت فى عمليه قبل كده ولا تكون مفكر انى مش عارف الواد اللى انت مش عارف

تخلص عليه هو وصاحبه ها يا استاذ سامح

الراجل الكبير بتاعهم :بس اسكتوا خالص بدل ما اقتلكوا انتو الاتنين

سامح:اسف يا باشا

شامى:اسف يا بوس بس اوعدك انى هخلص عليه بايدى وبعدين خلاص انا لاقيتها هى واختها

الراجل الكبير :اما نشوف ها عرفت ايه عنها

شامى:البت اختها طلعت لسه عايشه بس فى غيبوبه فى المستشفى وهى عايشه فى شقه صغيرة وبتشتغل تبع واحد كبير اسمه

احمد بيديها عمليات وهى تنفذ بيقولوا هى لوحدها فرقه اتعلمت الهكر وبقت محترفه وتقدر تخترق اى جهاز فى اقل من ثانيه

سامح:وتقولى هاخلص عليها

الراجل الكبير :اسكت خالص

سامح :تمام يا باشا

فى مكان تانى

بنت جميله داخله ناحيه مستشفى واول ما دخلت راحت عند اوضه دكتورة هند

(هند) :ازيك وحشتينى اوى يا جنه

جنه :وانتى كمان معلش كان ورايا عمليه فمعرفتش اجى كتير الفترة اللى فاتت

هند:خلاص يا ستى سماح المرة دى

جنه:ها ليلى كويسه

هند:تمام انا عايزه اقولك جاجه

جنه: ايه قلقتينى

هند:انتى قولتيلى اى جديد لليلى اقولك انتى مباشرة صح

جنه:اه ايه اللى حصل

هند :انا روحت امبارح علشان احطلها السيروم لاقتها بتحرك ايدها بصراحه انا حاسه انها هتستجيب لو عملنلها افاقه مرة تانيه

جنه: لا مستحيل اعملها افاقه طول ما هى نايمه مرتاحه

هند بحزن :خلاص اللى تشوفيه انا عارفه انى مهما حاولت مستحيل هعرف اقنعك

جنه :انا رايحه اشوفها سلام

هند :سلام

نبعد كده شويه فى مقر للعمليات الخاصه قاعد فيه اتنين كبار نسبيا فى السن وبيتكلموا