المغرورة-و-الأعمى-
(بقلم بسمة البياتي )
- بارت الخامس العشرون -
أيلول.. بدة دوام البنات
بان رجعت تهتم الدراستها لأن القانون صعب وهي صارت مرحلة ثالثة
جنت احس عين ياسين منها لان هوايه صار يجينا
جيت على بان اريد استجوبها اخاف بينهم شي
أيلول... اكول بنونه انتي حلوة وطالبة كلية شعجب ماكو شي منا منا
بان.. شي مثل شنو ؟
أيلول... حب خطوبة ارتباط
بان... لا لا الله يبعدني اني طموحي اكبر من الزواج
أيلول.. ليش هذا الكلام حبيبتي قابل خوما تبقين بدون زواج هاي سنة الحياة
بان... اعرف بس اني طموحي اكمل دراسات اريد بعد الكلية ادرس ماجستير ودكتوراه
أيلول... خرب ولحد متكملين تصيرين عجوز وبعد محد يباوع بوجهج
بان .. مومهم الزواج المهم مستقبلي ما اريد انربط بمسؤولية بيت وزوج واطفال
أيلول.. الله يوفقج عمري ويحققلج التتمني
بان ... فدوة القلبج لولة ان شاء الله يوم الي اشوف اطفالج يترسون البيت
أيلول... ههههههه والله راضية لو حتى طفل واحد فديتج على هاي الدعوة الحلوة
جنا سهرانين اني وإياس
إياس... حبيبتي اذا ياسين تقدم البان توافق ؟
أيلول.. مستغربت من كلامة لان جنت متأكدة ياسين يريد بان
والله يا حبيبي ما ادري شكولك قبل يومين سئلتها على الزواج والأرتباط كالت شايلة فكرة الزواج من راسها تريد تكمل دراسه
إياس.. ارجعي فاتحيها بالموضوع حتى اذا تقبل ياسين يتقدملها بشكل رسمي
أيلول .. اوك ولو اعرف جوابها
سئلت بان ومثل متوقعت رفضت
بلغت جوابها الإياس وهو بلغة الياسين
إياس.. هههههه أخويه يمكن واكع بحب أختج يكول عادي انتظرها تكمل كلية وارجع اطلبها
أيلول...اذا بان قسمتة اكيد ياخذها الله يجعلها من نصيبة
قدر اجت يمنا لان تحدد موعد ولادتها خطية دخلت بالعاشر وهي معدها ولادة الدكتورة كتبتلها على عمليه
وقت العملية ساعة ثمانية باليل ماما و ود راحوا وياها
بقوا الجهال يمي
جنت كل شوية اتصل عليهم لان بالي يم قدر
اتصلت عليه ود بشرتني قدر صار عدها بنوتة بس جانت حالة البنوتة تعبانة وبالخدج
أنت تقرأ
المغرورة و الأعمى
General Fictionأجتماعية عاطفية قصة عائلة عراقية متوسطة الحال يقوم الأب بتزويج أبنتة الجميلة الى رجل أعمى بسبب افضال هذا الشخص على عائلتة الفتاة..
