مساء العسل حبايبي مشهد من قصة حطام قلبين
بقلم ( بسمة البياتي)
جنت كاعدة وعيني على الساعة انتظر اهلي شوكت ينامون اوووف يومية هيجي وقت هما نايمين اليوم على حظي الزفت عاجبهم السهر
كلام ابله سلفانا لهسة براسي راح اموت من القهر
صار البيت هدوء توجهت الباب غرفتي فتحتة على كيف خرب حظي الباب صار يعزف موسيقى من الاصوات
طلعت من الغرفة امشي على رؤوس اصابعي رحت للمطبخ البيت ظلمة وبالكوة اشوف
فتحت مجر الكاونتر على كيفي واخذت الموبايل هم زين اليوم انه (ماما) مسئلت على موبايلها
رجعت الغرفتي نمت بفراشي وغطيت راسي بالبطانية
سجلت رقم اشور بالموبايل واتصلت عليه
اول دكة بسرعة جاوب
اينار... الووو حبيبي
اشور.... هلا ياروح حبيبج
شعجب اليوم اتصلتي؟
أينار... جريت حسرة وهمست بصوت ناصي عندي موضوع وياك قبل لا اكمل كلامي دموعي صارت تتزل مثل المطر
اشور.... هاي شبي صوتج جاي تبجين موو؟
شبيج عمري شصاير
أينار.... احجي وبالكوة كاتمة شهكتي انت صدوك راح تتزوج؟
اشور.... هاي من كل عقلج وكعتي قلبي عبالي شوف شصاير وانتي تكولين تتزوج
اينار.... جاوب لاتتهرب من سؤالي
اشور... انتي تعرفين الجواب لان مليون مرة كايلج لو انتي لو ما اريد منين اجيبن هاي السوالف
اينور.... هذا مو كلامي هذا كلام امك اليوم العصر جانت عدنا وكالت عن قريب راح اخطب الاشور بنت اخوية العايشة بالسويد
اشور.... هههههههه هو ليش بكيف امي شنو طفل كدامج وتزوجني لو اني بنية وتغصبني
اطمئني حبيبتي احنا ماعدنا هاي السوالف مال زواج الغصب
اينار.... ابله سلفانا جانت تحجي بثقة وانت تعرفها من تخلي شي براسها تنفذه
اشور.... اسمعيني زين الشي الوحيد اليبعدني عنج هو الموت
أينار.... اسم الله عليك حبيبي لاتكول هيجي فدوة
اشور... كافي مسحي دموعج كل دمعة تنزل من عينج نار وتحرك قلبي
أينار... والله ما اعرف شبيه اليوم مختنكة عبالك اكو صخرة كاتمة على نفسي
اشور.... والرب اني هم نفس الشي اليوم حتى (جان) كالي شبيك اشو مو على بعضك
اينار.... بعدني داحجي ويا اشور سمعت صوت باب الغرفة انفتحت
نزلت الموبايل بسرعة من اذني اريد اطفي الاتصال فتحت مايك انثولت ما ادري شلون كدرت اطفي
انسحبت البطانية من راسي وصار جان بوجهي شكلة ميتفسر
جان... ويامن جنتي تحجين؟
اينار.... بتلعثم و ارتباك مجنت احجي ويا احد
بحركة سريعة شال البطانية مني شاف الموبايل بصفي
صار الشرار يطلع من عينة حجة وهو صاك على اسنانه
جان... شيسوي موبايل انه (ماما) يمج
اينار... صرت ارجف وابجي ممسوية شي جنت العب لعبة الدودة بي
اخذ الموبايل صار يفتش بي
فجاة فتح عيونة على وسعهن اكيد شاف رقم اشور
بهذيج اللحظة تمنيت الموت موقف بس الله يعلم بي
اباوع على جان يرجف من العصبيه اتصل وخلى التلفون على اذنة
ثواني وصاح بعلوا صوتة صرخ صرخة حسيتها طلعت من اعماق روحة
جان... لك اشششششششششششششششششور
انتظروها قريباً
أنت تقرأ
المغرورة و الأعمى
General Fictionأجتماعية عاطفية قصة عائلة عراقية متوسطة الحال يقوم الأب بتزويج أبنتة الجميلة الى رجل أعمى بسبب افضال هذا الشخص على عائلتة الفتاة..
