معسكر الجن

الفصل الأول

قبل لا أقول قصتنا خليني اعرفكم عني و عن أخوياني، انا حسام و عمري خمسه و عشرين سنه أعيش بأحد دول الخليج و أخوياني هم (احمد و طارق و عماد و عمر و عبد الرحمن و مصطفي و محمد) و كان معنا ريان وعلي في نفس المجموعه،كلنا كنا عساكر علي الحدود، انا و اخوياني كنا جداد و يمكن هذا ثاني شهر بس لنا و كنا نجلس مع ريان و علي بنفس المعسكر و كانوا هم قدام في هالموقع و الحراسه و كنا نتناوب في الحراسه و كان في كلمه سر تكون من ارقام او حروف و احيانا تكون حرف واحد و كل فتره حراسه تتغير كلمه السر و كنا نتناوب بشكل مختلف علي مدار الأيام و في أول شهر تعرفنا زين علي ريان و علي بس الغريبه اننا كنا يوم نلتقي بحراس الحدود علي المناطق الثانية ما كانوا يكلموا ريان و علي و كانوا دايم يتجنبوهم و يحاولوا يبعدوا عنهم و كنا لما نسألهم وش السبب الي يخليهم يسوا كذا ما كان أحد فيهم يرد علينا و كانوا دايم يحاولوا يغيروا السالفه و يبعدوا عنا و كان الكل يتجنب هالموضوع و محد يبي يتكلم فيه،تجاهلنا هالموضوع و قلنا يمكن شوية مشاكل بسيطة و بتنحل و بدينا نتناوب عادي و نكمل حراسه و تمر الأيام و كل شي صاير عادي و مافي أي مشاكل بيننا و بين أي أحد الين جا ذاك اليوم إلي بدت فيه قصتنا فعلياً.....