اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#حلف_التاتو
قبل أيام زوجة اخوي كالت ( راح أسجل بالجيم .. اكو صالة نسائية فاتحيها يمنه ويكولون خوش مدربات بيها كله لبنانيات وأجهزة متطورة .. شرايج تجين وياي ؟), كتلها ( اوك أروح وياج بس أتفرج لاتتصورين أتمرن وكذا لان أنا جدا متصالحة مع قالب جسمي وعلاقتي حيل طيبة ويه التشريب وجاي أفكر ارتبط بالدولمة ) المهم رحنا , شفت مجداية متبركعة وكاعدة يم باب القاعة , كلت لزوجة اخوي( ليش ماتعوفيني يمها اخفف عليها وطأة الحزن وهم أشاركها المقسوم ؟) ماقبلت .. طبعا المجداية ماقبلت .. دخلنا جوه , القاعة حلوة وجبيرة وتكيف وأغاني وأجواء تشجع على الركص الصراحة مو التمرين , شوية واجت المدربة , شو هاي عراقية وكرشها لخشمها ؟! كتلها ( شو انتي مدربة وعندج كرش لو هاي قالونج منفوح من طرشي المدبس ؟) كالت ( خيييية هذا من الحمل والولادة ( وضربت على كرشها حتى اهتز اهتزارا مدويا ) مايروح إلا اكصه ) .. شوية واجت وحدة بيدها كارتون , انا عبالي توزع موز ثواب, طلعت تبيع نساتل وعصاير , وكلهن الي مسجلات بالجيم أشترن وظلن يأكلن , طبعا هاي الي تبيع تدفع حصة لصاحبة القاعة , هسه بهالحجي كلهن مبسطات بالكاع هاي التاكل وتلحس كاغد النستله وهاي الي تلعب بموبايلها وكل شوي تبتسم ماادري منو جاي يقشمرها وهاي الي تشكي من زوجها يدور رشيقات وعدهن تضاريس ..ومسوين فد تجمع سختجية رهيب .. شوية واجت المدربة تعرفوها أكيد أم كرش اللولبي المتصخرج .. صفقكت بيدها وكالت ( يلا بنات كاافي استراحة نرجع لتمارين ) .. شو هذن اجن عليه كلهن صار مراكض .. وحدة كالت ( حبوبة هاج لزم حسوني لحد مااسوق البايسكل,, (حسوني حفاظته اطول منا ) ) الثانية كالت ( فدوة خلي جنطتي يمج بيها موبايلي وفلوسي تره أم عباس تبوك وأيدها طويلة(ام عباس مسوية رعب بالصالة ) ) الثالثة كالت ( اكلج عمري مدام انتي كاعدة هاج موبايلي صوريني فيديو أريد اغور صديقاتي بس باعي لا اطلعين رجليه لان شوي سمان .. ها بس ركزيلي ع الوجه( وهو وجهه يريدله صالة ابحده ) ).. شوية واجت يمي ام عباس الي تبيع نساتل والشائع عنها ( البواكة), جان تشاورني ( اكلج عندي تراجي ذهب ماتشريهن ؟) كتلها ( منين بايكتهن ؟) كالت ( نعم الله عليج انا مرة جبيرة وأرملة ابوكن ) كتلها ( اشاقة وياج .. انطيني عصير هذا بيش ؟) كالت ( ب500 دينار) كتلها ( جا بره بربع بس انتم غالي شنو دارجين اغاني ساجدة عبيد ضمن التسعيرة ؟) كالت ( جا خية ربع الي وربع لام القاعة ) كتلها ( هاي ام القاعة هم لوتية تسمن النسوان منا وتضعفهن منا .. حتى ستيفن بول ما استخدم سياسة إعادة التدوير بطريقة ذكية مثلها ) .. المهم اشتريت عصير وطلع مابي قصبة .. صحت لها من بعيد( ام عباس عيني هذا مابي قصبة ؟) ردت عليه ( زرفي وشربي ) ,, ايــا البواكة على هاي الدكه
طبعا بارت جان كلش حلوو بس صبح اسم الله على جهالكم تلفون مضخن وفاقد ذاكره وصور ممسوحات مااحجيلكم عن جزر الفلفل الجنت بيها اني وشموختي ابو شموخ متت قهر ظليت ابشي واهلي سكتوني بجبس ابو ثنين بربع يله سكتت
طبعا البارحه ماكلكم من طلعت للخطوبه مال بت خالي ماخليت عجوز ماصاحبتها فد تونست شكو مشكله بجناينهن عرفتها وخاصه مرت كويضم هاي ابد موراحه عبن شني تريد تاخذ فريخاتها وتدور اعزال موش امها هيه التزن براس البت يله وطلعي عبن لو هيه سنعه ماتدور مشاكل وكويضم يمه اخذ كلبي تعيبان وياخذه الفجر ويرده المغرب حححح شحجي اخخ يلنسوان ذكروني باجر اسولفلكم قصه فوزي بدريه شمسويه بي يمممه اخذ حيلي يحبوبه 🤫
و شحلاتك من تسولف و إنت تضحك
كلشي ماينفهم منّك
تخجل إنت تريد تسكت وأسكر بطيّات خدّك
بهيدة يا رب الدلال الضحك مالك
بهيدة يالچنّك جمالك ..
،
اموع ويلموني بكاغد عليكم محح😘 امووت بيكم عائلتي الي ولا نفري الكاها ادري انقرضتن من الحر 🤭😂
أنت تقرأ
حبيبت شمخي واحبابها🍾🍷🍇🤭
Romansaتعالن يله صقيقاتي اليحبن الحش والغيبه والنميمه تفضلو نزعو الشوز 👠هسه مسحت 🤭 لادقون الباب ادوخلن عيني☺
