الشيخ سلطان ( باللهجة العراقيه )

...1...

هوِّن اللهمَّ علينا حِمل الحَياه..🌸
_______

ما توقعت بيوم يتغير قدري من اطلع من مدينتي جانت اقصى اهتماماتي كعدت اهل وونسه وطلعات عائليه جامعتي صديقاتي حياتي بمعنى الكلمه جنت حابتها لحياتي

غزل... اكلج ماما اشو هاي الاخبار مو زينه

ام غزل... والله يا ماما اني اكول عوفي الاخبار وكومي اقري احسلج والله اليستر من الوضع

غزل... الله يستر رايحه اقراا

غزل... خل اعرفكم بنفسي اسمي اكيد عرفتو ما حاجه اكوله اني من الانبار عمري ١٩ سنه مرحله اولى اداب انكليزي كلش احب الطبخ بس مو هواي اطبخ لان ماما اكثر شي عايشه بين اربع اخوان اخويه الجبير احمد عمره ٢٩ سنه دكتور عايش بالخارج وماخذ الجنسيه بالخارج واخويه الثاني محمد عمره ٢٦ سنه متزوج ومستقر بكركوك علمود شغله واخويه الثالث سيف عمره ٢٤ خريج هندسه والرابع اركان عمره ٢٢ دا يدرس قانون واني اخر العنقود طبعا حياتنه كلش عاديه ابويه خريج هندسه يشتغل بمعمل ابغداد وعنده معارف هواي من الجنوب والشمال وامي ربة بيت
احداث قصتي بدأت عند دخول ما يسمى داعش خلونا نرجع للبدايه

غزل... يارب بردا وسلاما

ابو احمد... بابا غزل كومي وكولي لاخوانج وحضرو ملابسكم وصيحيلي امج بسرعه

غزل...بابا وين رايحين

ابو احمد... نطلع منا الوضع ما مأمن اكو عناصر مندسه وجاي يحرضون مو مال مجاهدين ذوله

غزل... ربي دخيلك ،، ماما تعاي بابا يريدج

ام احمد... خير حجي شصاير

ابو احمد... لمو ملابسكم اليوم بالليل نطلع

ام احمد... خير ان شاءالله

غزل... صفنت يعني معقوله راح اطلع من المدينه الي انولدت بيها وكبرت بيها ودرست بيها معقوله هيج يصير بينه بسبب عالم متخاف الله حسبنا الله ونعم الوكيل
لمينا غراضنه وحضرناهن دا نطلع للساعه ١٠ بالليل وطلعنه بسيارتنه الطريق كله صافنه واسمع صوت الضرب يارب احمي اهالي الانبار طبعا بابا جان متفق نطلع لبغداد ونكعد هناك غفيت بالطريق ما حسيت بس لما بابا كعدني كومي بابا غزل وصلنه

سيف... اكلك بابا وشلون نكعد وياهم

ابو احمد... ابني بس هل ليله باجر اني اخابر واحد من ربعي ويدبرلنه بيت ايجار