الشيخ سلطان ( باللهجة العراقيه )

...10...

‏كيف تَكفُ الروحُ عن الروحِ،
والروحُ في الروحِ تُقيمُ ؟
_____

ام احمد... هذا منو الي يجي هيج وكت

غزل... خليكم اني اشوف منو

ابو احمد... اوكفي اني اروح خاف رجال

غزل... بابا لتعب نفسك اذا رجال اني اصيحلك فتحت الباب واشوف شرطي بلعت ريقي وصفنت نعم اخويه شرايد

الشرطي... صيحيلي صاحب البيت

غزل... ح حاضر بابا هذا شرطي ع الباب

ابو احمد... خير ان شاء الله نعم سيدي تفضل

الشرطي... عليكم شكوى انتو بداعش وعندك ابنك وياهم وانكتل وابنك الثاني هسه هم بعده وياهم

ابو احمد... انته شدتحجي ولدي بالجيش والي استشهد جان يقاتل حتى يحرر ارضنه

الشرطي... هذا المكتوب بس بما انو انتو ماكو بالبيت بس كبار بالعمر وبنيه فلهذا تطلعون من هاي المنطقه نهائيا وبدون اي شي

ابو احمد... لحظه لحظه دا اكلك ولدي بالجيش ومنو الي اشتكى علينه وديني عليه اذا هو صدك عد كلامه

ام احمد... الله يخليك ابو احمد ارتاح لتتوتر مو زين عليك ليروح يصير بيك شي

غزل... مصدومه شنو صار وليش هيج مدا استوعب هل شي ومنو الي قدم هيج شكوى وكدر يتلاعب بالقانون بابا راح ويا الشرطي وبقى نص ساعه ماكو

ام احمد... شوفي الموبايل وين انطينيا خل اخابر ابوج ضل بالي يمه

غزل... هسه اجيب موبايلي صعدت بسرعه سحبته دا انزل جان تجيني رساله فتحتها وبقيت بمكاني لاا يا حقيرر بس هيه بقت بيد الشيوخ يتلاعبون بكلشي
مكتوب بالرساله " شلونها المفاجأه ان شاءالله عجبتج وهسه كلشي بيدج بنيتي اي او لا وكتلج مو انه الي تلعبين وياي " ماعرف شنو اسوي نزلن دموعي وعماد شلون اخذ واحد غيره مسحت دموعي بسرعه ودزيت رساله " خلص الي تريده يصير بس خل بابا يرجع "
بسرعه اجاني الرد " عفيه لو من البدايه مجان صار كل هل شي يلا اعتبري كلشي رجع لمكانه وسمعتكم احسن من الاول " شكد كرهته بهل لحظه صدك حسيته انسان حقير مسحت دموعي ونزلت ع ماما خابرت بابا وكاللها رجعت جان اكو سوء فهم ضليت صافنه معقوله هيج الفلوس تخلي الانسان يبيع ضميره ويركض ورا واحد مجرد ما انطاه فلوس اني الك شيخ سلطان ان ما خليتك تكره حتى اسمك فلا يطلع اسمي غززل سهله