الشيخ سلطان ( باللهجة العراقيه )

...الاخير...

‏"وإني أُحبك، حتى لو كانت كل هذه الأمور التي تحدث بيننا تخبرني بأن أتوقف عن ذلك."
__________

****تنوية هذا البارت جديد ضفته ضروري تقروا بي احداث

غزل... مر شهرين اني كاعده يم اهلي بهل اثناء حللت وطلعت حامل
حالتي النفسية كلش تعبت ابجي ع طول ضليت ملازمه غرفتي مكدرت اعوف الاكل مع العلم شهيتي انسدت بس مجبوره علمود الي بطني ميتأذه مرات الحياة شكد قاسية ويانه تحرمنا من ناس جانت روحنا بيها سلطان هواي اجه بس رفضت اشوفه اليوم قررت اطلع اشوف اهلي هواي اشتاقيتلهم واشتاقيت لنفسي القديمة نزلت جوه

ام احمد... ها بنتي محتاجة شي

غزل... لا ماما بس اريد اكعد وياج

ام احمد... تعاي بنتي

غزل... رحت كعدت يمها وحطيت راسي بحضنها

ام احمد... اليوم خابر محمد يومين ويجون

غزل... اها خوش

ام احمد... راح اجيبلج من الكيك السويته هسه

غزل... اي والله ماما جوعانه

ام احمد... لحظات يخسى الجوع راح اجيبلج عصير ويا

غزل... ماشي يروحي اباوعلها فرحانه وجابتلي بسرعه

ام احمد... يلا ماماتي اكلي بالعافيه

غزل... مممم يخبل عاشت ايدج يروحي

ام احمد... صحة وعافية

غزل... ماما صدك وينه بابا واركان

ام احمد... راحوا بشغله شويه ويرجعون

غزل... اهاا خوش
مر اليومين عادي مابيهم اي احداث ولا طاري سلطان بالعادة لازم يوميه يحجون بي

ام احمد... بنتي شو كومي شوفي الباب يمكن وصلوا

غزل... اي ماشي رحت فتحت الباب وطلع بابا بوجهي ووراه محمد وزوجته واطفاله ابتسمت وسلمت عليهم

محمد... شو صايره تخبلين يولي معقوله الي تتزوج هيج تصير حلوه

غزل... ابتسمت ودنكت راسي

ام احمد... يمه فوتوا ارتاحوا يبعد طولي

غزل... جهال محمد يكمزون يمي هههههه كبرانين بعد روحي
رحت جبتلهم مي كعدت يم مرت محمد تحجي من كفه خشمها كبر لهل وجه وجه الصخله نوب زركه صدك حظ الزركه كاعد واخويه يباوع عليها ومكشر عائله مو ناصحه