ما اجمل نصيبي❤❤

الجزء 6

بعد اللي صار تم اعلان خطبه شيماء رسميا ...و كل شوية تجيها بنت ف الكليه و تباركلها

شيماء:يا ريتني ما نخطبت

فرح:سمالله خيرك ماهو يوم الخميس لابسه و فرحانه شن صار اليوم

شيماء:انت تعرفي اني نجبرت ع الزواج و مهما صار مش طايب ع خاطري

فرح:ربي يهديك وخلاص...و انت تتدلعي ايمن كويس وما شاء الله عليه و قديش لينا نشوفوا فيه ف الكليه و عمرك ما شفتيه واقف مع بنت لا توا ولا قبل

شيماء:لكن....

فرح:ضميلي فمك بلا دوة زايده ترا.... تي والله لما نسمع بيك فاسخه الخطبه لما نعطيك طريحه((و نعم الصديقه😂😂😂))

...................

مسرة : الوو يا بيبي😻😻

شاب2: ايوا يا عمري يا حبي😍

مسرة:اني قاعده ف الكليه توا تعال

شاب 2:و خوك وين

مسرة: لالا معنداش محاضرات اليوم...هي تعالا نبي نشوفك 😉😉

شاب2:تم يا الحب😏😏

ضحى"صديقه مسرة": كم تكلمي ف واحد انت؟؟

مسرة: سامي و محمد و قيس

ضحى:حي عليك يا فرخه ...هذا شنو تكلمي ف 3

مسرة:بيش كان ما صارش من سامي يصير من محمد

ضحى:و قيس شن قصته🤔

مسرة:قيس هذا متاع الرصيد🙃

ضحى :و الله طلعتي مش هوينه

مسرة:ههههههاي حتى اني نعجبك😏

..................

اروى: يا بنات ابله العربي غايبه

الفصل كله:هااااااااااااااي

اروى:اسمعوا بنديروا عرس

ملاك:اي هيا اني بندربك

قعدت ملاك تدربك و الفصل كله يصفق و اروى قعمزت ع طاولة الابله

اروى:يا روح الروح يا روحي

الفصل:يا روح الروح يا روحي

اروي: قرايتنا قرايه كسادي

الفصل:يا روح الروح يا روحي

اروى:هز شناطي جاي و غادي

الفصل:يا روح الروح يا روحي

اروى:يا ابله منك فكيني

الفصل:يا روح الروح يا روحي

اروى:الغالي ف الساحه يراجيني

الفصل:يا روح الروح يا روحي

اروى: تشرح يا استاذي ما تشرح