بعد عده ايام
علي :اسمعي يا بنتي تقدملك واحد و راجل كويس ما شاء الله عليه و اني بنوافق😌
مسرة:بس اني منبيش نتزوج😕
علي :متأكده.....قصدي شن غير رايك
مسرة:لا يا بابا مستحيل نبيش نتزوج
علي: ع راحتك ..بس اهم حاجه عقلك رجعلك و ما تديريش حاجه غلط😒
مسرة:سامحني يا بوي😢
علي :الله يسامحك... بس اهم حاجه ميعرف حد بيها القصه هذه
مسرة بدت تبكي:لاا والله ما نقول لحد
علي حضن مسرة وقعد يمسح ع راسها
خشت فاطمه و ف يدها سفره القهوة....
فاطمه:غير كان نعرف هالتوشويش و الدموع و البكي شن وراه🤔🤔🤔
علي بجو بصارة :الاب يهدرز مع بنته و حبيبته و انت شن دخلك😏
فاطمه:بااااهي يا علي🙂
مسرة قعدت تضحك😂😂😂
وليد:السلام عليكم
العيله:وعليكم السلام
وليد:ما دامكم متجمعين نبيكم ف موضوع
فاطمه:ان شاء الله خير
وليد: خير ..خير ان شاء الله ...اني الحق نبي نخطب🙃🙃🙃🙃🙃
فاطمه فرحت :و من تبي تخطب؟؟و الا تبيني ندورلك
وليد: نبي اروى بنت عمتي😳
علي:باهي كويس...لكن قرايتك شن بيصير فيها
وليد:معاش مزال هلبا نخطبها توا واول منتخرج و نخدم ندير العرس..و اني الحق نبي نسكن معاكم و بعدين نبني بالشوي
علي:ع بركه الله و ان شاء الله غير البنت توافق
وليد:ان شاء الله بتوافق
مسرة:الف مبروك يا وخيي و ان شاء الله ربي يكمل ع خير
...................
ايمن:تعرفي حبيبتي...لينا قريب شهر متزوجين مش مصدق روحي و الله انت احلى واجمل نعمه حصلتها ف حياتي
شيماء:و الله انت النعمه يا ايمن..من لما عرفتك حياتي تغيرت ربي يحفظك☺☺☺
..........
رباب:نوضي يا اروى العصر اذن ليه نص ساعه
اروى:💤💤💤💤
ترن ترن
رباب:اهلين علي شن حالك و حال صغارك
علي :الحمد لله يا وخيتي...احني توا طالعين و بنجوكم راه
رباب:تفضلوا الحوش حوشكم
رباب:نوضضي يا اروى عيله خالك بيجو و الحوش حايس
و جت اروى واقفه
رباب:شفتي لما قلتلك خلي الحوش ديما مرتب
أنت تقرأ
ما اجمل نصيبي❤❤
Romanceروايه باللهجه الليبيه تحكي ع مغامرات بنت ليبيه وعن حياتها اللي مزيج من الكوميديا و الاكشن و الدراما و كثير من الرومانسيه
