شيماء: ننعم يا ماما🙂
رباب: ف واحد متقدملك و جاني من طرف خالك
شيماء:اي و شن يعني😐
رباب:يعني بنوافق
شيماء:كيييييييف😶
رباب: زي ما سمعتي خالك قال الراجل كويس و ما يرتدش
شيماء: كان كويس للدرجه هده ليش معطاشي بنته😒
رباب :معرفتكش هكي يا شيماء..خالك يحبك و يبيلك الباهي
شيماء:اني منبيش نتزوج😠
رباب: باهي ليش
شيماء:نبي نكمل قرايتي و نتخرج و نحقق حلم بابا الله يرحمه😢😢
رباب:و من قال غير هكي..كملي قرايتك و هو بروحه مش معترض ع القرايا بالعكس هو متفهم
شيماء ساكته و ما قالتش و لا كلمه
رباب: خالك يمون عليا و منقدرش نرده و الولد كويس و ما يعيبه شيء و العرس مش توا بعد سنتين يعني عندكم فترة كويسه باش تتعرفوا ع بعض
شيماء: اني مش متقبله الفكرة من الاساس😷
رباب :اني اللي عندي قلته و اني وخالك ادرى بمصلحتك و لو تسمعي كلامي افضل خودي وقتك و فكري ع راحتك و صلي استخارة
شيماء مقدرتش تتحمل و تذكرت بوها و حنيته و كلامه حست روحها انظلمت حست الدنيا ضاقت بيها حست انها بتنجبر ع الزواج خنقتها العبرة و مشت لدارها و سكرت عليها و قعدت تبكي😭😭
....................
قبل يومين
ايمن :الحمد لله عرفت حوشها و سألت عليها😃
محمد: الحمد لله ...شن هي الخطوة الجايه😊
ايمن: نبي نتعرف عليها و نقيس نبضها 🤓
محمد: تبي نصيحتي...فوته جو العلاقات و الدوة الفاضيه ..انت انسان مؤمن و تعرف انه هدا كله غلط و بعدين هيا البنت محترمه متوقع منها تدير معاك علاقه؟؟ ما دامك ناوي تتزوجها اخطبها طول احسن
ايمن :وانت جبتها يا صاحبي ..ربي يحفظك😌
.................
ايمن:السلام عليكم
علي:و عليكم السلام... تفضل
ايمن:و الله يا عمي منعرفش نقول مقدمات وهكي بس اني جاي نبي نطلب يد شيماء بنت اختك
علي:كان ف نصيب انشاء الله
"و كملوا جو الخطبه و الهدرزة متاعها"
...................
مسرة:نعمممممممم ...جايبين لشيماء عريس واني لا😠😠😠😠😠😠
فاطمه: كيف جايبين لشيماء🤔...هوا لما جي لبوك قال له نبي شيماء😒😒
مسرة:و طبعا شيماء عادي تتزوج اما اني تبوني نقرا و نكمل😤😤
أنت تقرأ
ما اجمل نصيبي❤❤
Romansaروايه باللهجه الليبيه تحكي ع مغامرات بنت ليبيه وعن حياتها اللي مزيج من الكوميديا و الاكشن و الدراما و كثير من الرومانسيه
