للكاتبه:عازفه على اوتار الحياه
دارت اروى كيكه و كالعاده ابدعت فيها
و شيماء تذكرت ايمن و قررت تتصل بيه
ايمن :باهي تذكرتيني
شيماء:ما نسيتكش اني اصلا
ايمن:نحس فيك تكلمي فيا بالسيف..اسمعي يا بنت الناس اني ف عمري ما كلمت بنت و لا عمري حبيت و لما حبيتك جيتك و خطبتك طول...كان ما تبينيش قولي الزم ما عليا كرامتي
شيماء: لا مش هكي..اني بس متحشمه منك..اني يا ايمن حسيت معاك بشعور كنت فاقداته من لما مات بوي واني فاقده الامان والحنيه و من لما وقفت جنبي و اني ردت فيا الروح و حسيت بالامان
ايمن :ان شاء الله ربي يقدرني و نسعدك ..و اني والله يا شيماء نحبك و ربي ما يحرمني منك
شيماء:ان شاء الله
ايمن :بعد الغزل هدا كله ..ان شاء الله
شيماء:هههه حتى اني نحبك وربي ما يحرمني منك
ايمن :ايوا هكي ..هي اني توا مع صحابي لازم نسكر و تو نكلمك ف الليل
شيماء :تمام ..باي
.................
سامي وقف سيارته بعيد و مشي لحوش مسرة و لقي باب الحوش مفتوح و خش
علي و هوا كيف خاش لشارع شاف شخص خاش لحوشه و من ستايله و لبسه عرف انه مش وليد و عرف الموضوع فيه إن
سامي:هلا حبيبتي
مسرة:هلا يا قلبي انت
سامي :استاحشتك
علي:صار استاحشتها يا حيوان ...و يشده عمي علي ويعطيه هديكا الطريحه
ضحى كانت ف الحوش و لما سمعت الدوشه دارت روحها متعلم بشيء و ع اساس كانت كيف بتروح
مسرة قعدت تعيط بصوت عالي و تجمدت ف مكانها
اول شيء علي شبحلها بنظرة ......((ااه من لم الايام نحب نقوللكم يا وخياتي عمرك ما تحطي اهلك ف موقف زي هكي))
ضربها علي كف مسمع و كانت هذه اول مرة يضربها
علي:هكي تديري فيا..هكي ..اني اللي ربيتك وصرفت عليك و مقصرتش معاك بشيء..اني اللي الناس تحلف براسي و بأخلاقي ما تحنت..تجي انت تديري فيا هكي
مسرة:تبكي وساكته((شن ما زال بتقول بعد اللي داراته))
و شدها علي و زاد ضربها
سامي و ضحى هربوا 😶
خدي تليفونها و كسره ع الوطا
و جبدها و رماها ف دارها و سكر عليها
علي لفت بيه الدنيا و اول مرة يصيرله هكي ..هو راجل محترم و الناس كلها تشهدله بممواقفه و تواضعه وكرمه ..كان راجل بمعنى الكلمه
أنت تقرأ
ما اجمل نصيبي❤❤
Romanceروايه باللهجه الليبيه تحكي ع مغامرات بنت ليبيه وعن حياتها اللي مزيج من الكوميديا و الاكشن و الدراما و كثير من الرومانسيه
