للكاتبه:عازفه ع اوتار الحياة🎼
جيهان:اني نبيه يحبني ويتزوجني و ينسى حبيبته
و يكرهه
السحارة: عطيني اسمه و اسم امه و نبي حاجه من اثره و نخليه صبع ف يدك
جيهان: ايمن ولد نجيه و معرفتش شن نجيبلك فخديت الشعرات هدين من المشط متاعه
السحارة:باهي هاك هدا و حطيه ف داره و دسيه كويس و ف ظرف اسبوعين يسيب خطيبته و يجيك
جيهان:صحيتي
السحارة:متكتريش الدوة و نوضي كان بتروحي😒
..................
ايمن:استاحشتك😻
شيماء:بكري بس كيف كنا نهدرزوا
ايمن:لكن استاحشتك😘 و نحبك ونموت فيك
شيماء:يا حليلي ..ربي يحفظك
ايمن :بإذن الله نسعدك و نعيشك احلى عيشه...و الله ما يفرقنا الا الموت
شيماء:بعيد الشر عليك ليش تقول هكي
ايمن:لاني نحبك
شيماء:ربي ما يحرمني منك
و مشي الوقت و هما يهدرزوا نين رقدوا
..............
قدرت جيهان تقنع امها يمشوا يهدرزوا ع عيله عمهم
نجيه:كيف حالكم ..باهي اللي جيتي يا فتحيه الحق جيهان تجينا مرة مرة لكن انت متجيش بكل
فتحيه:والله هدا هوا منفضاش بكل
نجيه:نوضي يا ايمان ديريلنا قهوة سلم بنيتي
ايمان :حاضر
ناضت ايمان و بعد طلعت من الدار
جيهان:نستأدن منكم بنعدي نساعد ايمان
مشت جيهان لدار ايمن و قعدت تفكر وين بتحط السحر
ايمان من المطبخ:جيهان ..يا جيهان
جيهان توترت و خافت وما عرفت شن تدير فحطت السحر تحت الفراش متاع السرير
و طلعت
طلعت ايمان راسها من باب المطبخ و شافت جيهان كيف طالعه من دار خوها
ايمان:شن كنتي تديري ف الدار
جيهان: ااه ا شيء بس شفت ايمن قاعد او لا
ايمان:تعالي جيبي صونيه الحلو واني بنرفع القهوة
جيهان :باه
..........................
حسام:ايوا ...اه شن جوك توا ان شاء الله احسن
وليد:والله تعبت يا حسام...راسي صداع و ضغط نفسي نروح نص ساعه للحوش و نولي للمستشفى و حاله بوي ما فيش تحسن
حسام:ماهو كان عندك كبيده راهي تدلع فيك مرة و تخفف عليك مرة و تغيرلك جوك مرة((يخفف ف دمه))
أنت تقرأ
ما اجمل نصيبي❤❤
Romanceروايه باللهجه الليبيه تحكي ع مغامرات بنت ليبيه وعن حياتها اللي مزيج من الكوميديا و الاكشن و الدراما و كثير من الرومانسيه
