البارت 7
رجعوا البنات لمكان الحفل لقي ان رامز بيقول:تعالوا هنلعب لعبه الصراحه او الجرأه
اميرة:فرصه حلوه يا بنات اني اعتذرله
البنات:عندك حق فعلا يلا بينا
الكل:موافقين يلا
و بدأت الاسئله
كان يوسف قاعد قدام اميرة و حمزة قدام هبه و مصطفي قدام هاجر و رامز قدام ميار و مراد قدام يارا و مروان قدام هدير و مالك قدام بسمه
لفوا الازازه جت عند هاجر و مصطفي
هاجر:ايه اكتر حاجه بتحبها في حياتك
مصطفي: امي و ابويا و اختي الي ليا في الدنيا
ابتسمت هاجر بخفه :مكنتش متوقعه اجابه زي ده
مصطفي:ليه
هاجر:بصراحه بلقيك خفيف يعني بتهزر و تضحك و كدا متوقعتش منك ان العائله هي الي ليها النصيب الاكبر عندك
هبه:طب تمام كدا احنا محتاجين كرسين بلاستك
اميرة:كوبيتين شاي و شمسيه
ميار:و تقعدوا في مكان رومانسي قدام اللجنه
الكل ضحك و هاجر و هي بتضحك:انتوا رخمين اوي و غلسين
بسمه:السؤال واحد مش عده اسأله مش هنتعرف علي بعض من اول و جديد سؤال واحد يادي النيله
لفوا الازازه و جت عند مراد و يارا
مراد:انتي ممكن ترتبطي و انتي في ثانوي
كل الشباب صفروا علي السؤال
البنات تنحوا و بصوا ليارا
يارا:لا طبعا اهم حاجه عندي اني ادخل الكليه الي نفسي فيها
مراد:و الي هي
يوسف:سؤال واحد يا مراد
مراد:ماشي يا جو
لفوا الازازه جت عند ميار و رامز
رامز:هو انتي طيبه مع كل الناس كدا و لا دا هيبقي حظي الحلو انك بقيتي طيبه معايا انا بس
ميار:مع الكل مش لوحدك
رامز:بردو من حسن حظي اني اقابل واحده طيبه و حنينه زيك
هدير:في حد هينضم لهاجر و مصطفي يا جماعه
بسمه:بس كده احنا هنعوز كوبيتين لمون بالنعناع لتهدئه الموقف
رامز:يا ريت اصل الجو هنا دمه يلطش
الكل فضل يضحك
لفوا الازازه و جت عند مروان و هدير
هدير:عندك اخوات بنات و لو عندك عايزة اعرف معاملتك ليهم ايه
مروان:و ايه لزمته السؤال دا
اميرة:طالما اتسألت تجاوب دا شرط اللعبه مهما كان السؤال
يوسف:جاوب عندها حق الي يتسال سؤال لازم يجاوب عليه
و بعد كدا بص لاميرة بخبث فاميرة بصت للارض و خافت
مروان:ماشي يا ستي اه عندي اختين و بخافف عليهم جدا لدرجه انهم بيتخنقوا مني بس و الله كل دا عشان مصلحتهم بس ممكن انا كمان اسال
هبه:لما تيجي الازازه نحيتك
لفوا الازازه جت عند اميرة و يوسف
الشباب بصوا لبعض بصه طويله و يوسف ضحك بمكر
يوسف:ها يا حلوه قوليلي بقي النفخه الي انتي فيها دي علي كدا باباكي بيشتغل في حاجه جامده اوي هو شغال ايه
FLASH BACK
حمزة:و الخطه التالته يا باشا بما ان باباك اغني واحد في مصر فمش معقوله ان باباها يوصل لمستوي باباك ابدا
يوسف:ايه بقي فيها ايه يعني
حمزة:غبي انت هتبهدلها ب باباها افهم دايما الاب في سن البنت دا هو كل حياتها و امانها و كدا فاهم اني لو اتكلمت عن باباها اكنك بتقطع فيها من جوه و تاخد حقك انك تمرمطها قدام الناس كلها ما انت ابن البيه
يوسف:يا ابن اللذينه دا انت دماغك جهنميه
حمزة:هنفذ من بكرا
يوسف:بس التالته دي مش وقتها دلوقتي هيجي وقتها بعدين
مروان:طب ليه دا حتي لما تكون في الاول احلي
يوسف:مش فاهم انت الي في دماغي
مراد:بس يا يوسف انت مزودها
حمزة:لا يستاهلوا
باقي الشباب:لا مينفعش بلاش الاهل دا موضوع حساس
يوسف:محدش ليه دعوه انا مش هعرف امسك عليها حاجه غير دا هي نازله بهدله و طول لسان انا بكدا هقطعلها لسانها خالص
END
سكتت كل البنات
يوسف:طالما اتسألت تجاوب دا شرط اللعبه مهما كان السؤال مش دا كلامك جاوبي
اميرة بصتله و قالت: كان شغال مدرس
يوسف:ها ها ها كل الهيبه دي و كان شغال مدرس امال دلوقتي بقي ايه ساب للتدريس عشان اتشغل في دروسه و كدا عشان كدا معرفش يربي بنته كويس يا حرام دا انتوا ناس غلابه اوي
اميرة كانت بتحاول تمسك دموعها جامد بس نزلت غصب عنها و قالتله:بابايا مربيني احسن من تربيتك و اخرس خالص
يوسف:ايه يا شاطرة اتحرجتي ليه يا حلوه و تعالي هنا طالما كان شغال مدرس دلوقتي ايه
اميرة قامت و سابته
هبه:عايز تعرف شغال ايه دلوقتي يا بني ادم يالي معندكش دم و لا تعرف حاجه عن الذوق
جريت بسمه و يارا و ميار راحوا ورا اميرة
حمزة:ايه يا جماعه دا سؤال و جواب ايه الزعل في كدا
هبه:اخرس خالص ما انت من نفس الفصيله الزباله تحبوا تعرفوا شغال ايه والدها متوفي و كان هو كل حياتها
هدير:برافو يا يوسف عرفت تاخد حقك يا يوسف كويس اوي عرفت تجرحها و تقطعها من جواها
هاجر:اهنيك شاطر اوي يا يوسف بس ابقي اعرف نام بقي من تأنيب ضميرك دا لو عندك ضمير اساسا
سابوهم بعد كدا و مشي
الشباب بصوا لبعضهم
جه رامز يتكلم
يوسف زعق في وش الكل:مش عايز اسمع نفس منكوا
و قام و راح ناحيه البحر
مصطفي:احنا طلعنا زباله اوي مش تخيلنا ان الموقف هيبقي كدا
عند البنات
اميرة منهارة من العياط و كانت بتفتكر كل لحظه عشتها مع باباها و ازاي مقدرتش ترد علي يوسف رد مناسب و ان الي هي قالته دا مش مناسب للموقف و بتعيط اكتر
بسمه:اميرة اهدي يا حبيبتي
اميرة مكنتش بتتكلم اكن صوتها ضاع منها و عماله تعيط
هبه:خلاص بقي يا اميرة متوجعيش قلبنا دا واحد حيوان
اميرة:موجعش قلبكوا انا اتقطعت يا هبه
و وقعت اغمي عليها
البنات في صوت واحد:اميره
الكل جري عليهم بما فيهم المدرب و المشرفه و الشباب
المشرفه:في ايه ايه الي حصلها
هاجر:المهم نفوقها الاول يا ميس
فضلوا يفوقوها بصعوبه شديده لحد ما فاقت
المشرفه:ايه يا حبيبتي مالك حد عملك حاجه حد ضايقك
اميرة:انا عايزة ماما
المشرفه:اهدي يا اميرة مالك يا ماما حصلك ايه
البنات:طب نروحها يا ميس دلوقتي عشان ترتاح
المشرفه:طيب يا بنات يلا بينا لو الشباب عايزين يفضلوا براحتهم
الشباب:لا جايين معاكوا
هاجر بصتلهم و ضحكت بسخريه
سندوا البنات اميرة الكل طلع الباص و الكل حزين و اليوم الي اميرة قالت انه هيبقي اجمل يوم في حياتها بقي اسوأ يوم في حياتها
الشباب و هما طالعين الباص بصين للارض مش قدرين يحطوا عنيهم في عين البنات
يوسف طلع اخر واحد و رفع عنيه بيبص لاميرة لقاها منهاره فبص في الارض علي طول و دخل الباص و هو بيلعن اليوم دا
وصلوا الفندق و البنات ساندين اميرة كانت لسه هتقع جه رامز يساعدهم زعقوا كلهم فيه بس هو تفهم الموقف
ميار:معلش يا رامز لو سمحت ابعدوا عننا دلوقتي
طلعوا الجناح و نيموا اميرة علي السرير و كانوا بيعتنوا بيها لحد ما نامت
بعد كدا الكل نام من التعب
لكن اميرة منمتش هي عملت نفسها نايمه عشان باقي البنات يناموا لانهم تعبوا معاها اوي خدت موبيلها و خرجت للبلكونه و اتصلت علي مامتها
اميرة بصوت مبحوح:ماما انا صحيتك
مامه اميرة:دا احنا بنعمل مفاجأه ليطكي يا اميرة احنا جاينلك بكرا حرقتي المفاجأه يا شيخه
اميرة:طب انا اسفه
مامه اميرة:مال صوتك يا اميرة فيكي ايه
اميرة لما افتكرت فضلت تعيط
مامه اميرة:ايه ليه دا كله في ايه حصلك حاجه
اميره:انا عايزة اروح
مامه اميرة:اتخضت جامد و قالت بصوت عالي:ايه الي حصل قولي
اميرة:اتخنقت يا ماما و انتي وحشتيني اوي
مامه اميرة:استحاله اكيد في حاجه
اميرة:قالتلها علي الي حصل مش طايقه نفسي و لا المكان الي انا فيه
مامه اميرة:دا حيوان و ازاي مش تقولي للمشرفه
اميرة:مينفعش يا ماما اتكلم فيه عشان بتجرح اوي لما بفتكروا
مامه اميرة:خلاص يا اميره احنا كنا حاجزين علي طياره عشان نجيلك انا هاجي اخدك و نمشي علي طول اجهزي علي الساعه 5.30 الصبح و انا هاجي الفندق بنفسي اخدك او اكلم المشرفه تجيبك المطار
اميرة:ماما متحكيش حاجه للمشرفه لو سمحتي مش عايزة نظرة عطف من حد
مامه اميرة:حاضر يا حبيبتي انا هتصرف
قفلت اميرة مع مامتها كانت الساعه 2 الفجر بدأت تلبس و تلم شنطتها براحه عشان محدش يصحي و اخدت المصحف و دخلت البلكونه و فضلت تقرأ قران و هي بتعيط لحد ما الموبيل بتاعها رن
اميره:ايوه يا ماما
مامه اميرة:انا هركب الطياره فورا و كلمت المشرفه و هتجيبك للمطار انا نص ساعه بالكتير و هكون قدامك الطريق تقريبا هياخد منك نص ساعه بردو اكون وصلت
اميرة:ماشي يا ماما
خدت شنطتها و مشيت براحه لغايه الباب و هي بتبص علي البنات و كان نفسها تودعهم بس مقدرتش
خرجت كانت المشرفه علي باب الاوضه
المشرفه:لو اعرف مالك يا بنتي انتي عارفاني بحبك قد ايه
اميرة: اتخنقت بس و ماما وحشتني معلش يا ميس تتعوض ان شاء الله في رحله تانيه
خدتها المشرفه وصلتها للمطار كانت مامه اميرة وصلت سلمت علي المشرفه و خدت اميرة في حضنها مبطلتش هي عياط و هي في حضن مامتها
مامه اميرة:شكرا يا ميس يلا بينا يا اميرة
طلعوا الطياره
عند الشباب
محدش عرف ينام الكل نام بصعوبه ما عدا يوسف ساب الجناح و نزل فضل قاعد قدام البحر و كان بيكلم نفسه :انا ازاي مخدتش بالي ان ممكن يكون باباها متوفي بس انا كنت هعرف ازاي بس حتي لو مكنتش اعرف دي بنت و مكنش لازم اهجم عليها كدا حتي لو ضايقتني دا مش اسلوبي ابدا ايه الي خلاني اعمل كدا هي اه بتغيظني و انا مكنتش عارف اخد حقي منها بس بردو مش دي الطريقه المناسبه كمان انا بحس اني مبسوط طول ما انا شايفها امبارح لما شوفتها بتعيط كنت بتقطع اهم حاجه اني احاول ارضيها مهما عملت فيا هستحمل انا بكدا استاهل اي حاجه تتعمل فيا
الكلام دا كان الساعه 4 الفجر طلع الجناح و معرفش ينام الساعه 6.30 فضل قدام جناح البنات عشان اول ما يفتحوا الباب يقدر يتكلم معاهم و يكلم اميرة و مهما البنات قالوله من كلام هيستحمل عشان يكلمها
و كانت المفاجأه لما البنات صحيوا ملقوش اميرة
هدير:راحت فين معقوله نزلت
ميار:لا لا بصوا كدا
هاجر:دي ورقه علي سريرها
بسمه:الورقه بتقول ان اميرة سافرت"انا اسفه يا بنات اني سبتكوا بس معلش استمتعوا انتوا بالرحله رحله سعيده عليكوا ومتقلقوش عليا"
يارا:دي مشيت
هبه:و احنا ايه الي مقعدنا احنا اتخنقنا من الرحله دب نفهم الموضوع و ايه الي حصل و بالمرة نرجع
اتصلت ميار علي المشرفه و قالتلهم الي حصل و قالتلها انهم عايزين ريجعوا
المشرفه:انتوا كمان لسه في اسبوع ايه الي حصلكوا
البنات:معلش يا ميس احنا عايزين نمشي
المشرفه:حاضر هشوف الوضع و اقولكوا طب مش تنزلوا نتمشي
هدير:لا مش هننزل
المشرفه:طب انزلوا افطروا
بسمه:معندناش نفس يا ميس
المشرفه:يا بنات ممنوع في الفندق الاكل في الغرف انا لو كنت اقدر كنت جبتهولكوا عندكوا
المشرفه:انتوا ليه غلبتوني كدا
هبه:مش عايزين يا ميس متقلقيش علينا احنا كويسين
المشرفه:طب ابعتوا بنت من عندكوا تنزلي بعد ربع ساعه و انا هتصرف و دا امر
البنات:حاضر يا ميس
هبه:انا هنزل
بدأت تلبس و بعد ربع ساعه خرجت لقت يوسف في وشها
بصتلوا من فوق لتحت و جات تمشي
يوسف:هبه لحظه بصي انا هستقبل منك اي كلام هتقولي اني مش بني ادم هقولك ايوه لو قولتي اني عديم الاحساس هقولك عندك حق مش هعترض عن اي حاجه تقوليها عليا بس ارجوكي عايز اكلمها
هبه:"بصتلوا و لاحظت انه بيعيط"هي الدموع ده حقيقيه و لا دموع تماسيح
يوسف:و الله ما عرفت افكر في اي حاجه و لا اعمل اي حاجه عايز اكلمها يا هبه لو سمحتي
هبه:اميرة سافرت يا محترم
يوسف:قصدك ايه
.........................................................................
..........................................................رايكم بقا للحلقه عشان نكمل❤❤😉😍
