البارت13 "رحله الحب"
و بعد يومين مصطفي كان قاعد علي الكمبيوتر و شاف حاجه غريبه
مصطفي:ايه دا معقوله الا ده بالاخص
مش بردو ده الانسه المحترمه الي محدش يقدر يقولها نص كلمه ايه يا انسه هاجر طلعتي منهم و لا ايه
"مصطفي شاف في صفحتها بوست فحب يعرف الكومنتات الي عليه و الصدمه انه شاف"
اسلام:ايه الجمال دا
هاجر:عارفه عارفه اخجلتم تواضعنا
اسلام:اخبارك ايه ابت
هاجر:تمام و انت يا قلبي
اسلام:الحمد لله بس الشغل برا رخم و خنقني خنقه هموت و اشوفك يا جميل
هاجر:و انا و الله اسو نفسي اوي اشوفك
اسلام:مش اكتر مني ابت
هاجر:كدا هتغر
اسلام:لا و النبي لاحسن انتي لو اتغريتي مش بعرف اتلم عليكي عسل يا اخواتي
هاجر:ثبت ثبت
مصطفي"دخل في الكومنتات":ايه الاحترام دا كله يا انسه هاجر ثبت ووحشتني ويا قلبي ايه دا كله يا انسه
هاجر:في ايه
مصطفي:دا انتي شويه شويه و تقوليله بحبك
اسلام:احترم نفسك يلا انت مين اساسا و ايه الي دخلك في الكومنتات و دا بيعمل عندك ايه يا هاجر في الفريندز
مصطفي:ملكش فيه و غور من هنا انا اعلق في البوست الي يعجبني
اسلام:ولا انت عارف بتكلم مين انت بتتكلم بثقه كدا ليه هاجر مين دا
مصطفي:مبحبش اعرف حد زيك و لو انتوا الاتنين يعني بتحبوا في بعض مش في الكونتات يعني عندكوا الخاص
اسلام:اخرص يا حيوان طب انا و اخوها انت بقي مين عشان تقدر تتكلم كدا
مصطفي:هصدق انا يعني
هاجر مسحت البوست و في ثانيه عملت بلوك لمصطفي
اسلام"في الخاص عند مصطفي":تعلالي هنا انا عايزك تعرف منين هاجر و كنت في الفريندز ليه
مصطفي:بطل يلا انت فاكرني هصدق بجد انك اخوها
اسلام:اجبلك بطاقتي و لا اوريك شهاده الميلاد
مصطفي"سكت شويه و بعد كدا":انت بجد اخوها
اسلام:ايوه
مصطفي:اخوها بجد و جداني يعني
اسلام:انت هتهرج
مصطفي:طب انا اسف جدا علي سوء التفاهم دا بجد مكنتش اعرف و لا اقصد
اسلام:سيبك من كل الي فات دا انت بقي مين و كنت عندها في الفريندز ليه و اتعرفت عليها ازاي و قبلتك اساسا ليه
مصطفي:انا بعتبرها زي اختي بالظبط مش تفهم غلط
اسلام:اختك مين يا شاطر انت لو بتعتبرها زي اختك مكنتش اتكلمت بالاسلوب دا لو عرفت ان في ولد بتكلمه اتفضل قول عرفتها منين
حكاله مصطفي علي رحله شرم و انهم كانوا اصدقاء من هناك و تبادلوا الايميلات مقلش غير كدا و كان عايز يقول لهاجر بسرعه نفس الحوار لقيتها عملتله بلوك
اسلام:احتراما ليك و ليها لو سمحت انا مش عايز الصداقه ده
مصطفي:ارجوك اقبل اعتذاري و الي انت عايزة حاضر هعمله
اسلام:الي انا عايزة انك ملكش دعوه بيها تاني و مش تكلمها نهائيا
مصطفي:من غير ما تقول هي عملتلي بلوك اساسا بس من فضلك قولها انا اسف و اني مش هزعجها تاني صدقني بس عندي طلب ليك ممكن انت مش تعملي بلوك عشان علي الاقل احس انك قبلت اعتذاري و نكون اصدقاء
اسلام:هفكر سلام
اسلام"عند هاجر":هاجر
هاجر:نعم
اسلام:مين دا
هاجر قالتله علي موضوع شرم و الي حصل فيه و مقلتش حاجه تانيه
اسلام:و هو انتي كل من هب و دب تديله اكونتك اول و اخر مرة تحصل تاني و الحوار دا اتقفل و مش هيتفتح تاني
هاجر:حاضر يا اسلام"بتحاول تغيير الموضوع"مش عايز بقي تسأل علي سلمي
"سلمي بنت خالته في 2 كليه اداب و ناوي علي خطبتها لما يرجع من السفر"
اسلام:مش هسال عن حد و سلام دلوقتي
مصطفي كان رايح جي في قلق في الاوضه و عمال يفكر مين الي هينقذه من الحوار دا
مصطفي:ايوه صح يوسف
اتصل مصطفي علي يوسف
يوسف:ايه يا درش اخبارك
مصطفي:الحقني يا جو
يوسف:خير يا ابني في ايه
مصطفي:في ايه في مصيبه لا كارثه
يوسف:اتنيل قول في ايه
حكاله مصطفي علي كل الي حصل
يوسف:الله يخربيتك علي يخربيت اليوم الي عرفتك فيه
مصطفي:ادعي عليا بعدين اتصرف دلوقتي
يوسف:المفروض مكنتش تتدخل يا درش كنت تسألها بهدوء
مصطفي:يعني انت لما تتنرفز من اميرة بتكلمها بهدوء يعني
يوسف:احم انت هتتكلم عني ليه بقي دلوقتي خلينا في مصيبتك
مصطفي:طيب ايه بقي
يوسف:طب اقفل دلوقتي و انا هشوف الموضوع
يوسف"بعد ما قفل":نهار اسود لو كانت اميرة لكنت ولعت فيه و فيها لا هيهمني اخوها و لا حتي مين الحمد لله اميرة ملهاش اخ اساسا
يا لهوي لو تقولي ابن عمي و لا ابن خالي يادي النيله انا بفكر في ايه دلوقتي لازم اتصرف
يوسف فتح الاب عشان يكلم اميرة
يوسف"هييييييييح لقيت حجه اكلمها بيها يا ساتر علي ده بت انا غلطان لما قولتلها مش ترد علي حد مش تعرف اني غير الكل و لا ده مش بتفهم قصدي خالص"
اميرة كانت فاتحه و بتكلم هبه
هبه:اسكتي بقي دا عيل بارد
اميرة:ليه بس دا تقريبا الي محلي الجروب بخفه دمه و خناقكوا 24 ساعه مع بعض
هبه:بردو بارد
اميرة:امشي يا هبله
هبه:مش كان افضل لو كان زي يوسف تقيل كدا و راسي في كلامه
اميرة:انتي يا بت عايزة ايه يعني جيبي من الاخر
هبه:هههههههههههههههههههههههههههههههههههه سيبنهولك يا ستي كنا عارفين انه اتحجز
اميرة:بطلي تهريج يا هبه و نتكلم جدا ..............لحظه يا هبه و جيه
يوسف كان بعت رساله لاميرة بي"الحقيني يا اميرة"
اميرة:في ايه يا يوسف هي النتيجه طلعت و لا ايه
يوسف:الله يوجع بطنك يا شيخه ده سيرة تجبيها دلوقتي
اميرة:امال الحقك في ايه يا ابني
حكالها يوسف علي الي حصل
اميرة:يا نهار اسود و منيل الله يخربيتكوا كانت ايام سودا يوم ما اتعرفنا عليكوا
يوسف:ربنا يخليكي سودتي اليوم من بدايته و سودتي الايام الي عرفتينا فيها هنعمل ايه بقي
اميرة:انت عارف دا معناه ايه
يوسف:ايه
اميرة:اخ هاجر مش سهل يا يوسف و لا فري دا جامد في تصرفاته دا ممكن يمنعها من الفيس او الخروج او اي حاجه تانيه
يوسف:يا نهار اسود فعلا بس تعالي هنا انتي تعرفيه منين
اميرة:شوف انت بتتكلم في ايه و انا بتكلم في ايه
يوسف:ردي الاول و بعدين نتكلم
اميرة:طب اقفل دلوقتي اكلم هاجر و اكلمك بعدها
يوسف:مش هقفل غير لما اعرف
اميرة:عايز تعرف اعرفه منين
يوسف:كمان تعرفيه منين يا هانم
اميرة:الي المفروض تبقي خطيبته هي اعز اصدقائي ارتحت اقفل بقي لو سمحت
يوسف:علي فكرة انا واثق يعني من كل حاجه بس مجرد تأكد
اميرة:اه ما انا عارفه اقفل يا يوسف علي اساس اني مش فهماك
يوسف:سلام و حاولي تصلحي المواقف شويه و هرن عليكي تقولي عملتي ايه
اميرة:لا مش هرد علي حد غريب
يوسف:انا غريب يا اميرة
اميرة:مش وقتك يا يوسف نكمل الدراما التركيه ده بعدين
يوسف:مش معايا في المود اقفلي دا انتي بتفصليني
اميرة:ها ها ها ها بحب ارخم سلام
يوسف:سلام
اتصلت اميرة علي هاجر قعدت كتير لغايه ما ردت عليها لقيتها بتعيط
اميرة:ايه يا بنتي مالك
هاجر:اسلام اتصل علي ماما و قالها اني مش اخرج من البيت اليويمين دول خالص و سألته علي السبب قالها كلمه واحده و قولتها و هيتصل علي بابا بالليل انا خايفه اوي انتي عارفه انه اه بيحبني بس لو في حاجه غلط حصلت يبقي ليلتي طين
اميرة:طب اعملي مكالمه جماعيه بيني و بينك و سلمي
هاجر:سلمي ليه
اميرة:هنحكلها كل حاجه و انا هعرف اقولها ايه تقدر تقوله لاسلام و نحل الموقف
هاجر:طيب اوكي
اتصلوا علي سلمي
سلمي:هاجر ازيك يا بت
هاجر:انا كويسه يا سلمي
اميرة:ازيك يا سلمي وحشاني موت
سلمي:ايه دا اميرة هنا كمان فينك يا بت
اميرة:هنا
سلمي:تعملوا مكالمه جماعيه يبقي اكيد في مصيبه قولوا الله يخربيتكوا
اميرة: اتخرب بيتي كتير انهرده يا جماعه انتوا هتدفعوا تكاليف الترميم
حكت اميرة و هاجر لسلمي كل الي حصل و انها المفروض تصحح الموقف الي فهمه اسلام غلط
سلمي:طيب انا كدا فهمت الي حصل بس حاجه بس مش متاكده منها
اميرة:ايه هي
سلمي:هاجر هو مصطفي دا يعنيلك حاجه
هاجر:قصدك ايه
سلمي:يعني كدا او كدا
هاجر:لالالالالالالالالالا مستحيل
سلمي :يعني عادي
هاجر:اها عادي جدا
سلمي:متاكده
هاجر:اه يا سلمي دا كمان فوق العادي
سلمي:اوكي انا هتصرف
اميرة.هاجر:هتعملي ايه
سلمي:خلاص بقي سيبوا عليا اسلام انا كدا هتصرف معاه
هاجر:نعتمد عليكي
سلمي:خلاص بقي اعتبروا الموضوع انتهي
فعلا سلمي فهمت اسلام و قالتله:يا اسلام هاجر بنت محترمه و متربيه و مش هي الي تقلق عليها كدا و مش تقلق عليها خالص و انا كنت عارفه الموضوع من الاول و لو كنت شكيت في حاجه كنت تقولي من الاول بس انا مش قولتلك عشان مش ازعجك
اسلام اقتنع برأي سلمي و لما اتصل علي باباه قاله يخلي باله من هاجر لانه سمع ان البلد مش مطمنه و كدا عدا الموضوع
اميرة كانت بتطمن علي هاجر بالليل و عرفت ان الموضوع انتهي
فتحت الفيس و كلمت يوسف
اميرة:انا هكلم مصطفي دلوقتي يا يوسف و هفهمه غلطه و مش يعمل تصرف زي دا تاني و يبعد عن هاجر لامه بجد مش ينفع الي عمله دا احنا صلحنا الموضوع بالعافيه
يوسف:نعم يا اختي مصطفي مين الي تكلميه لا طبعا
اميرة:يا اهبل انا هكلمه عشان الموضوع دا بس
يوسف:بردو لا انا هكلمه انا و لا اقولك الي كنتي عايزة تقوليه ليه قولهولي و انا هوصلهوله
اميرة:هو انت اهبل يلا انت بتعمل كدا ليه
يوسف:انا كدا بقي قولي بس كنتي هتقوليله ايه و انا هتصرف بعديها
اميرة:انت تتصرف ههههههههههههههههههههه تصدق ضحكتني
يوسف:بطلي ضحك ابت و قولي
حكتله اميرة الي حصل
يوسف:هو دا يعني الي كنتي عايزة تكلميه عليه انا هقوله اركني علي جنب كدا
اميرة:وربنا الواد دا يا مجنون يا مجنون بس انا متأكده انه اهبل
اليوم التالي
حمزة نزل عشان يجيب فطار و بعد كدا جاب شكولاته لاخته و بعد ما مشي شويه رجع و جاب واحده تانيه بعد ما فطروا حمزة اده واحده لاخته
ايه:ميرسي يا حمزة بس ليه واحده تانيه
حمزة:ده....ده ليا انا
ايه:بس انت مش بتحب الشكولاته
حمزة:هحبها يا ستي
مامه حمزة:العقل ليه ناسوا و انت مش من ناسوا خالص يا حمزة
حمزة:ايه يا حجه بقي كدا بردو دا انا حتي ابنك و مش تحسسيني اني المجنون هنا الوحيد ده ايه ام الجنان كله
مامه حمزة:هو في زي ايه هو في غير ايه و عقلها
ايه طلعتله لسانه
حمزة:ماشي يا حجه ليكي يوم
مامه حمزة:مين ده يا واد الي ليها يوم
حمزة:ايه يا حجه اكيد
طلع حمزة لاوضته و فتح فيس لقي هبه قافله بعتلها رساله
حمزة:انتي ابت يا مجنونه
هبه كانت عمله خاصيه ان اي رساله من الفيس توصلها علي الموب فشافتها
هبه"في نفسها":انا مجنونه
كانت هبه بتاكل مع العيله
هبه:عن اذنكوا اجماعه
مامه هبه:ايه يا بنتي مش هتكملي اكل
هبه:لما اجوع ابقي اعمل اي حاجه اكلها
مامه هبه:زي ما تحبي
دخلت هبه لاوضتها و فتحت اللاب
هبه:انا الي مجنونه يا 60 مجنون في بعض
حمزة:اهلا اهلا بالمجنونه
هبه:مجنونه في عينك يلا
حمزة:يا بت طب اعملي بالشكولاته الي جبتهالك
"صورهلها"
هبه:مش باخد حاجه من مجانين لاحسن اتعدي
حمزة:تتعدي ايه ياختي انت تطولي تخدي حاجه مني
هبه:حد قالك اني عايز اطول بلا نيله
حمزة:يا بت بطلي
هبه:اقفل يلا انت اساسا رخم و بارد و واحد بيسد النفس بقي و كدا
حمزة:ياااااااااه كل دا غوري ابت انتي اساسا واحده مجنونه و معقده
هبه:انا معقده طب اقفل بقي احسن لك
حمزة:طب لو مش قفلت
هبه:هقفل انا
حمزة:عنك غوري يا مجنونه
هبه:يووووووووووه
حمزة:انا حاسس انك شديتي في شعرك صح
هبه:لهو انت بتحس اساسا
حمزة:اه وربنا دا انا حتي امبارح اتشكيت في صباع رجلي الصغير و كنت بلف حولين نفسي
هبه:احسن الهي يارب تتخبط في صباع رجلك الصغير في حرف السرير او التربيزة
حمزة:اقفلي يا بت انتي فصلتي اهلي
هبه:يلا احسن غور
حمزة:كتك داهيه
هبه:تشيلك
قفلوا الاتنين
عدت ايام و في يوم البنات كانوا بيتكلموا و فجأه
بسمه:يا بنات تقريبا نتيجه الثانويه العامه ظهرت انا سامعه زغاريط من البيت الي جنبنا
البنات:بجد
اميرة مش استنت لحظه عشان هي معاه رقم جلوس يوسف و بسمه كمان و ميار كلهم دخلوا عشان يشوفوا النتيجه ظهرت قدام اميرة نتيجه يوسف وشها قلب ملامح صدمه لان
..............................................................
ايه رايكوا و توقعوا اميرة اتصدمت ليه
— .
أنت تقرأ
رحلة حب
Roman d'amourرحلة اعداء تحولت لصداقة ثم لحب لكن هل ستستمر كثيرا ام سينتهي هذا الحب
