البارت 12"رحله الحب"
اميرة:اكلموا انا هاتي الرقم
مسكت الفون و اتصلت علي مالك
كان الشباب كلهم متجمعين عشان كانوا مضايقين و يراجعوا علي الامتحان
مالك:الو
مالك:اميرة مين
يوسف باصص :مين يا مالك
مالك:اميرة الي كانت معانا في شرم
اميرة:ايوه عملت ايه في الامتحان
مالك:كان صعب و الله يا......
شد يوسف الفون من مالك
يوسف:ايوه يا اميرة شويه و هكلمك و اطمني كان كويس
اميرة:انا عايزة اطمن عليكوا يا يوسف مش تقلقني
يوسف:اقفلي دلوقتي قولتلك كان كويس و الحمد لله
اميرة:طيب ماشي سلام
يوسف:نقل الرقم علي موبيله و مسحه من عند مالك
مالك استغرب و سكت
الشباب بصوله
يوسف:مش عايز كلام خلينا نركز في الي احنا فيه
عند البنات
بسمه:ايه بقي عملوا ايه
اميرة:قالي كويسين
البنات:بس انتي كنتي بتكلمي يوسف
هبه:دا فون مالك و لا يوسف
اميرة حكت الي حصل
البنات:هههههههههههههههههه
اميرة:بتضحكوا علي كسفتي و قله الذوق الي عملها وربنا بتستعبطوا
هدير:يا حمارة بيغييييييييير
ميار:ايوا بقي
اميرة:بطلي قله ادب يا بت منك ليها
و بعد عشر دقائق فون اميرة رن و كانت نمرة غريبه
اميرة:الو مين معايا
يوسف:دا انا يوسف
اميرة:عملت ايه في الامتحان
يوسف:الله يحرق الامتحان علي الي بيعملوا الامتحان علي الي بيمتحنوا ارتحتي
اميرة:للدرجه ده الامتحان صعب
يوسف:الانسه هبله و لا عبيطه و لا بتستعبط انا عايز جمله مفيده حضرتك
اميرة:انت بتقول ايه انا مش فاهمه حاجه
يوسف:ازاي تتصلي علي مالك
اميرة:عادي ايه المشكله
يوسف:بت انتي انتي غاويه حرقه دم علي الصبح مش تبقي انتي و ام الامتحان دا عليا
اميرة:انت يلا انت بتتكلم كدا انا سكتالك عشان الامتحان بس مش تزودها
يوسف:علي اساس اني انا الي غلطان
اميرة:انا مش شايفه حاجه غلط عملتها
يوسف:و الله
اميرة:اها اخويا و بتصل عليكوا اطمن عملتوا ايه في الامتحان ايه الي في كدا
يوسف:طيب يا اميرة طالما مش شايفه نفسك غلطانه انا الي غلطان و اسف سلام
اميرة:الواد دا اهبل ايه الاوفر الي عمله دا
البنات:ها ها ها ها ها "ضحكه فوزيه في مسرحيه سك علي بناتك"
اميرة:ايه العبط الي فيكوا دا مش يكفيني واحد بقوا 7
هبه:ابت.......
هاجر:قالك ايه ها ها
هدير:و جاب نمرتك من منين
اميرة:انتي هطله انتي كمان مش لسه انا مكلمه مالك من نمرتي اكيد خادها من عنده
يارا:ماشي مش مهم دلوقتي المهم قالك ايه
اميرة:مفيش كان بيقولي ان الامتحان كان كويس"مكنتش عايزة تتكلم علي الي حصل اتكسفت من البنات لان طريقته معاها كانت وحشه اوي"
بسمه:بس دا مش كان ردك
اميرة:لا هو دا الي حصل
البنات:طب خلاص طالما كان كويس هنروح احنا بقي و هنجيلك الخميس
ميار:بت هو الحصار دا مش هيتفك خالص
اميرة:مظنش
الكل:خلاص خلي بالك من نفسك سلام
اميرة:سلام
بعد ما مشيوا البنات
اميرة"في نفسها":ماشي يا يوسف دا انت ليلتك طين
يوسف حس انه زعق لاميرة و غلط فكان عايز يصالحها فضل يتصل عليها وهي مش بترد خالص فقلق اكتر فتح الفيس و هي مش فاتحه
يوسف:ايه الي حصل لدا كله انا مش كنت اوفر اوي كدا
و لا ممكن محدش بيشوف نفسه وقت عصبيته
هو انا كنت عصبي
اه صحيح انا فعلا كنت عصبي اوي كمان هي شكلها ابيض مش فاهمه اي حاجه في اي حاجه
بس ايه سبب الي انا بعمله دا
قرر انه يبعت رساله علي الموب"ردي عشان عايز اقولك حاجه مهمه و عيب اوي انك مش تردي عليا"
مسح الرساله تاني
يعني انا عايز اصالحها اقولها كدا ده عنيده و مش هتعبرني انا عارفها
مسح جمله عيب لو مش رديتي
ساعتها اميرة فتحت الفيس و قالتله "مش هرد"
يوسف:هتردي
اميرة:مش بمزاجك
يوسف:يا بت مش تعصبيني اكتر ما انا متعصب
اميرة:ايه دا انا كدا بعصبك ميرسي يا جو انك قولتلي
يوسف"لنفسه":ده بتتريق عشان هي عمرها ما قالتلي جو
يوسف:بت وربنا لو ما رديتي هعمل مصيبه
اميرة:خوفتني دا انت لو قتلت نمله يبقي كتير عليك
يوسف:يخربيتك انتي عارفاني مجنون و اعمل اي حاجه ان شاء اجي تحت بيتك دلوقتي
اميرة:امشي يلا سلام
يوسف:انتي يا بت ........ يا بت
يوسف:"عايز يلطف الحوار":طب ردي عليا عشان انا تعبان من الامتحان مش هتستحمليني يعني و انا مخنوق شويه
اميرة:"صعب عليها":ما انت الي كلامك غلس زيك ...... قولي ايه الي حصل في الامتحان
يوسف"بيضحك جواه لانه عرف ازاي يستعطفها لانه عارف انها طيبه":و الله ما عارف انا خايف جدا منه بس ليا عتاب عندك
اميرة:انت كل مرة تكلمني لازم يبقي في مصيبه و انا ما شاء الله البطله فيها ..........خير
يوسف:كلمتي مالك ليه اديني اهو اديني بتكلم بالعقل لا زعقت و لاعملت
اميرة:قولتلك يا يوسف بسبب اني كنت عايزة اطمن عليكوا مفيش حاجه غير كدا و الله
يوسف:و جيبتي نمرته منين
اميرة:من بسمه
يوسف:طالما هو مديها لبسمه هي مش اتصلت ليه
اميرة:هي اتكسفت
يوسف:اتكسف ليه ممكن تقوليلي
اميرة:مش اعرف انا شايفه الموقف عادي
يوسف:يبقي عادي يا انسه لو انتي كنتي اخته او قريبته
اميرة:بس انا بعتبركوا اخواتي
يوسف:اميرة مينفعش الكلام دا احنا في مجتمع شرقي احنا ممكن نكون صحاب علي الفيس نضحك و نهزر و نخاف علي بعض و دا مش معناه اني مش بخاف عليكي من مالك دا هو طيب و كويس جدا بس انا بكلمك عمتا و كلها سنه و هتدخلي كليه مش كل الي في الكليه هيكونوا اخواتك لازم تعملي حدود لاي حد انا عارف انك عامله حدود لكل واحد قبل ما تقولي و عارف انك بتعتبرينا زي اخواتك بس حتي لاو اعتبرتي الي قدامك زي اخوكي بردو بحدودك و حدودك الكلام علي الفيس بادب و لو حد تعدي يتعمله بلوك لكن فون لأ
اميرة:انا مكنتش اعرف ان الموضوع كبير كدا تصدق انا فعلا غلطانه
يوسف:و الغلطان بيعمل ايه
اميرة:احلم
يوسف:يا بت انتي مش لسه معترفه انك غلطانه
اميرة:و انت عارف اني عمري ما هتأسفلك يا يوسف دا كان في طار بينا
يوسف:هههههههه وربنا مجنونه
اميرة:انا عارفه
يوسف:طب ردي بقي عليا علي الفون
اميرة:احلم يا بابا كمل احلامك يا يوسف و مش تتصل تاني بدل ما احطك في البلاك ليست
يوسف:نهار اسود كدا بردو يا ميرو
اميرة:مش بتصعب عليا قولتلك و محدش هيصعب عليا تاني قولتلي ان التعاطف ليه حدود هو و الطيبه و انت عندك حق
يوسف:يخربيت جنانك مش انا الي هتتصرفي معاه كدا مع الكل الا انا
اميرة:اشمعني يعني
يوسف:هو كدا
اميرة:كدا ايه
يوسف:الله يخربيتك علي اليوم الي عرفتك فيه كان يوم اسود و مهبب اقفلي يا بت انتي فصلتيني
اميرة:تصدق اني غلطانه اني كلمتك
يوسف:غوري ابت
اميرة:كتك غورة تاخدك
"عند رامز"
رامز:يا خراااااااااااااابي
مامه رامز:في ايه يا اهبل
رامز:امتحان حقير يا اماه
مامه رامز:معلش تعوضها في غيرها
رامز:هو انا بقولك موزة و ضاعت مني عشان اعوضها في غيرها بقول امتحان
مامه رامز:احترم نفسك يلا
رامز:حاضر يا حجه امال بابا فين
مامه رامز:لسه راجع من الشغل و كان تعبان فاكل و نام
رامز:امممممممم طب انا هدخل انام انا كمان
مامه رامز:طب مش هتاكل
رامز:في حاجه اهم حاليا
دخل رامز اوضته فتح الفيس و كلم ميار
رامز:عامله ايه
ميار:تمام و انت
رامز:نفخونا في الكمياء
ميار:ههههههههههههه معلش
رامز:خايف اجيب درجه مش حلوه فيها خايف مش ادخل هندسه
ميار:سيبها علي ربنا يا اخي و بلاش التشاؤم دا و ان شاء الله هتدخلها
رامز:طيب انتي كنتي بتعملي ايه
ميار:و لا حاجه مستنيه اطمن عليك
رامز:انا هعيط وربنا
ميار:بطل افورة يلا
رامز:مش كدا بردو سيبت ايه للبنات عشان يعملوه
ميار:هههههههههههههههههههه مفيش فايده فيك
رامز:طب انا هقوم انام بقي لاحسن هموت خلاص بقالي شهر تقريبا بطبق كل يوم
ميار:اوك ماشي
قفل رامز و اخد شاور و لبس و نام علي السرير و بص للسقف و كان بيفكر في ميار اد ايه هي شخصيه حلوه و مرحه و متفائله و حاجات كتير بس بعد كدا راح في النوم
"عند حمزة"
حمزة"اول ما رجع "
حمزة:يا حجه يا حجه................ طب يا حج اي حد يرد
مامه حمزة:عايز ايه يلا انت مش تدخل هنا غير لو احس اني في بلطجي داخل عليا في ايه يا امشير
حمزة:جعااااااااااااان
مامه حمزة:عملت ايه في الامتحان طيب
حمزة:فل الفل يا حجه قومي اعملي اكل بس خليني انسي
ايه:انسي الالم و جراحه غور يا اهبل
"ايه اخت حمزة اصغر منه في 3 اعدادي بس حمزة مش بتقدر تستغني عنه رغم ان هو بيطلع عينها"
حمزة :بقي كدا
و قام مزغزغها
ايه:خلاص خلاص
حمزة:قولي انا اسفه يا اخويا
ايه:اسفه اسفه
حمزة"و بعد عنها":ايوا كدا ناس مش تيجي غير بالعين الفوشيه
اول ما بعدت ايه عنه
ايه:بردو غبي و متخلف و معندكش دم
حمزة:يا بت
جريت ايه علي السلم و طلعت اوضتها
مامه حمزة"بعد ما قدمتله الاكل":ربنا يرزقك بواحده تطلع عينك و تاخدلي حقي منك قادر يا كريم
حمزة ضحك و افتكر هبه و بعد كدا
حمزة:نهار اسود و مهبب بطين لتكون هي لالالالالالا ده هي بتطلع عيني دلوقتي هيبقي الحاضر و المستقبل لالالالالالالالا لازم اطلع البت ده من دماغي
مامه حمزة:سرحان في ايه يلا هو في حد هنا"بتشاور علي قلبه"
حمزة:لا طبعا يا حجه دا انا حمزة الي بيعلق البنات مفيش واحده تقدر تعلقني
مامه حمزة:ربنا يهديك
حمزة:طب انا هقوم انام بقي
مامه حمزة:طب و الاكل مش هتاكل
حمزة:مش بقيت جعان
مامه حمزة:وربنا مجنون
دخل اوضته و فتح اللاب
حمزة:انتي يا بت
يا بت
هبه:بت اما تبتك عايز ايه
حمزة:بجرب صوتي في ايه
هبه:تصدق انك رخم
حمزة:لاحظت انك رديتي علي طول انتي كنتي مستنياني و لا ايه
هبه:ايه انا استني حد زيك دا هيبقي اخر يوم في عمري يع لا طبعا
حمزة:ايه الي يع ده انتي هطله هو انتي بتكلمي مين
هبه:جرثومه حقيرة نفسي اقتلها
حمزة:معندكيش دم صحيح
هبه:و النبي قول لنفسك الكلام دا
حمزة:بت يخربيتك فصلتيني غوري
هبه:غورة اما تشيلك
حمزة:هههههههههههههههه تصدقي كان نفسي اضحك بعد الامتحان دا
هبه:هو مش بيبقي فارقه معاك
حمزة:لا و الله يا هبه بجد مكنتش اتصور انه ممكن يبقي حقير كدا
هبه:طب معلش
حمزة:ايه دا قلبك حن
هبه:احلم دا بس انهرده عشان الامتحان و كدا سماح يعني
حمزة:طالما انهرده عشان الامتحان قلبتيها بلطجه ليه
هبه:انت الي بدأت اعملك ايه
حمزة:طب تيجي نعمل هدنه
هبه:مش ليا نفس
حمزة:بت انا بتكلم جد
هبه:بت اما تبتك انت مفيش فايده في طول لسانك
حمزة:هو كدا قولتي ايه
هبه:خلاص هتنازل عن مبادئي و اوافق علي الهدنه
حمزة:تتنازلي غوري يا بت انا غلطان اساسا اني عرفتك انصرفي
هبه:انت بتصرف عفريت
حمزة:دا العفريت لو شافك هيقرأ ال 3 معوذات
هبه:طب اقفل يا رخم يا اتم يا بارد
حمزة:اشتمي اشتمي يا مؤدبه يا محترمه هو دا الي اتعلمتيه من الكارتون الي اتفرجتي عليه طول صغرك و لحد دلوقتي
هبه:هههههههههههههه كرتون ههههههههههههههههه تصدق ضحكتني بجد
حمزة:كدا تمام هروح انام انا بقي يلا هش
هبه:هش في عينك سلام
حمزة:سلام
و بعد يومين مصطفي كان قاعد علي الكمبيوتر و شاف حاجه غريبه
مصطفي:ايه دا معقوله الا ده بالاخص
...................................................................
يا تري مصطفي عرف ايه و مكنش متوقعه و مين هي البنت
