البارت 36.37
؟اميرة:يعني لو كنت انا بالنسبه ليه نزوه او كان هو بالنسبه ليا نزوة كان زمانا زهقنا من بعض العكس هو الي حصل احنا الاتنين متمسكين ببعض لابعد الحدود هو هناك بيحاول يكون مستقبل و انا هنا بذاكر و اتفوق عشان خاطر يكون ليا مستقبل بردو و من هنا محدش يقدر يقولنا كلمه
ايمي:مين الي يقدر يقول كلمه انا مش فاهمه قصدك
اميرة"اتنهدت":مامته يا ايمي مقابلتي ليها كانت زي الزفت انا شوفتها مرة واحده
ايمي:فهميني
اميرة حكتلها
ايمي:يا خبر موقف مش كويس خالص
في نفس اللحظه ده فون ايمي كان بيرن
ايمي: ايه يا ساره اخبارك
ساره:تمام بس في مشكله
ايمي:في ايه
ساره:ورقك لسه مش دخل الجامعه عندنا
ايمان:ازاي
ساره:اكيد في مشكله في ورقك
ايمان:خلاص هروح بكرا الجامعه و هشوف
ساره:طب ربنا معاكي انا بس حبيت اعرفك عشان تقدري تلحقي تتصرفي
ايمان:ميرسي يا قلبي
بعد ما قفلت
اميرة:في ايه
ايمان:مشكله في الاوراق بس انا هتصرف
اميرة:ابوس ايدك مش بطمن لما بسمع الكلمه ده
ايمان:ههههههههههههههههه روحي نامي ياختي عشان امتحانك
اميرة:ماشي يلا تصبحي علي خير
اليوم الي بعديه
"الصبح"
كل البنات جهزوا عشان امتحانتهم و اتصلوا علي بعض عشان يطمنوا بعض
"في المكالمه الجماعيه"
اميرة:يا ريتنا مع بعض يا بنات
هبه:اه وربنا
بسمه:فين ايام ثانوي
هدير:خلاص بقي انا احلي حاجه اني رايحه مع جوجو
اميرة:معلش انا هقفل معاكوا يا بناويت
يارا:ليه
اميرة:يوسف بيتصل
هبه:ايوا بقي ......احيه انا كمان هقفل عشان حمزة اتصل عليا
هاجر:انا هقفل يا بنات عشان مش قادره اتكلم اوك
البنات:لا استني
كانت قفلت ساعتها
هدير:صعبانه عليا اوي
يارا:معلش بقي
"عند اميرة"
يوسف:صباح الورد و الحب و الجمال
اميرة:يخربيت كدا بطل بقي انا بتكسف
يوسف:ههههههههههه اوعي تتكسفي مني يا قلبي
اميرة:طب انت عامل ايه
يوسف:طالما حبيبه قلبي كويسه انا كويس بس المهم ذاكرتي كويس
اميرة:اها بس حسه باحساس غريب
يوسف:ايه هو
اميرة:تحس كدا اني مش حسه ان عليا امتحان من كتر ما باخد امتحانات في التيرم
يوسف:معلش يا قلبي و كدا احسن عشان متكونيش متوتره
اميرة:طيب روح كمل نومك يلا و انا هوصل
يوسف:هتوصلي في قد ايه
اميرة:تقريبا ساعه كدا
يوسف:هتصل عليكي بعد ساعه اطمن انك وصلتي
اميرة:ربنا يخليك ليا
يوسف:و يخليكي ليا يا قلبي
"عند هبه"
حمزة:يا صباح المذاكره و الامتحانات
هبه:يخربيت ام فصلانك
حمزة:ههههههههههههههههههههه معلش يا حياتي الطبع بيغلب التطبع مش قدرت مش اناقرك
هبه:احم طويب
حمزة:ذاكرتي كويس
هبه:الحمد لله بس حسه ان مبقاش فيه دم
حمزة:علي ايه
هبه:الواحد كدا حاسس ببرود رهيب رغم ان عليه امتحان
حمزة:ههههه كبري يا ستي
هبه:اصلي يا برنس
حمزة:كدا اتبقي 29 يوم
هبه:يا عم متفكرنيش انت عامل زي مدرس الرياضه الي كنت باخد معاه في ثانوي كل شويه يقولي الامتحانات فضلها كام يوم انت بقي بتفكرني فاضل كام يوم و هقابل الموكوس
حمزة:متفكريش امي
هبه:انت مجنون يا حمزة
حمزة:ليه
هبه:مش انت الي قولت فاضل 29 يوم
حمزة:بقولك ايه روحي علي امتحانك و متركبيش العربيه الي ناويه عليها ده عشان كلها شباب
هبه:لا عاد......انت عرفت منين
حمزة:بطلي غباء انا وراكي اساسا
هبه:يخربيتك"بتلف وراها شافت عربيته"
حمزة:ههههههههه سلام يا قلبي و اركبي العربيه الي بعديها و الا اركبي معايا
هبه:مالها العربيه التانيه حته شرحه و برحه اقفل يا قليل الادب
حمزة:ماشي يا ستي
"عند بسمه"
مالك:اتعودي علي كدا مش تحسسيني اني خاطفك
بسمه:اصلي راكبه عربيه ولد و كدا عيب
مالك:يا بت انا جوزك و كمان واخدك من بيتك يعني قدام مامتك و باباكي
بسمه:بردو "و كانت بتبص حوليها
"عند هاجر و هدير"
هدير كل ما يتصل عليها مروان تكنسل عليه و هو مش مبطل اتصال لغايه ما بعتتله رساله انها مع هاجر و مش هتعرف تكلمه دلوقتي
"عند مروان"
مصطفي:ردت
مروان:لا
مصطفي:طب معاها هاجر
مروان:اها قالتلي كدا في مسج
مصطفي:هتنفذ الي اتفقنا عليه انت و رامز اشطه
مروان:لولا سفرك مكنتش عملت كدا بس ماشي
مصطفي:ربنا يخليك يا كبير
اتصل مصطفي علي رامز
مصطفي:جهزت الحاجه
رامز:اها
مصطفي:ربنا ما يحرمني منكوا
رامز:اللهي يتمر بس
اميرة اول ما وصلت الكليه كانت مامتها بترن و يوسف علي الويت
اميرة:يخربيت كدا ارد علي مين بقي دلوقتي
اميرة:ايوه يا ماما انا وصلت اهو
مامه اميرة:ماشي ركزي كويس و كله ان شاء الله هيبقي سهل عليكي
اميرة:يارب يا ماما
مامه اميرة:طمنيني عليكي لما تخلصي
اميرة:حاضر يا قلبي
بعد ما قفلت اتصلت علي يوسف كنسل عليها و اتصل هو
يوسف:كنتي مع مين
اميرة:ماما كانت بتكلمني
يوسف:اها طيب وصلتي
اميرة:اها لسه حالا
يوسف:اوكي خلي بالك علي نفسك و طمنيني اول ما تخلصي
اميرة:حاضر
كل البنات بدأوا امتحانتهم
في الوقت دا ايمان جهزت وراحت علي الجامعه لقت ان اوراقها كلها مرجعتش من فرنسا
ايمان:انتوا هتستعبطوا انا هوريكوا هعمل ايه
موظف:يا انسه لو عايزة تعرفي ان كنا احنا السبب و لا البلد التانيه روحي الوزاره و اتناقشي معاهم هناك
ايمان:اوكي
راحت هناك عشان تشوف المشكله
.........:انسه ايمان صح
ايمان:مين حضرتك
محمد:انا محمد الشناوي شوفتك مع اميرة قبل كدا
ايمان:ايوة افتكرتك
محمد:بتعملي ايه
ايمان:مشكله في اوراقي فعايزة اعرف ان كان المشكله من الوزاره و لا من فرنسا بس شكلي مش هعرف ادخل
محمد:ازاي و انا موجود تعالي معايا
راح محمد مع ايمان عند السيكرتيرة
محمد:عايز ادخل للاستاذ احمد الشناوي
السيكرتيرة:مش هينفع يا فندم
محمد:انتي جديده هنا
السيكرتيره:ايوة
محمد:طب اعرفك انا ابن اخوه و هو عمي ممكن بقي تدخليني و لا اتصل عليه
السيكرتيرة :لا طبعا اتفضل يا فندم بس هقوله الاول
محمد:تعالي يا ايمي
دخلوا هما الاتنين
احمد:مش عشان في صله قرابه بينا يا محمد تنطلي كل شويه هنا عشان خاطر الدكتوراه بتاعتك و رساله الماجستير
محمد:ايه الاحراج دا يا عمو مش جي عشاني جي عشان زميلتي في غلط في اوراقها و هي عايزة تعرف ان كان الغلط من مصر و لا من فرنسا
احمد:اهلا بيكي معلش علي الي حصل
ايمي:و لا يهمك حضرتك
احمد:تقدري تقوليلي ايه المشكله
ايمان حكتله الي حصل
احمد:خلاص لحظه واحده اعمل مكالمه هتعرفني السبب منين
ايمي:اوك
بعد ربع ساعه
احمد:يا دكتورة ايمان ورقك لسه مش جه من فرنسا العيب مش من عندنا
ايمي:بجد انا كدا لازم اسافر فرنسا في اقرب وقت
محمد:طب تقدري تستني اسبوع و اروح معاكي
ايمي:لالالالا مش لازم انا بكرا هروح و اتصرف لان الفيزا بتاعتي لسه مش خلصت لاني لو استنيت اسبوع هضطر اني اجدد الفيزا تاني
محمد:و الله لولا خطوبه اختي كنت روحت معاكي
ايمي:الف مبروك
محمد:الله يبارك فيكي اكيد انتي و اميرة معزومين و انت كمان يا عمو انا اساسا كنت جي عشان اعزمك
احمد:ايه دا هو انا محتاج عزومه هو انت كنت جي تعزمني و لا جي مع الدكتورة و لا ايه بالظبط انت لغبطتني يخربيتك
الكل:ههههههههههههههههههههه
ايمان:ان شاء الله لو عرفت ارجع قبل الخطوبه هروح اكيد
محمد:معلش يا ايمي
ايمي:علي ايه انت ساعدتني كتير ميرسي يا محمد
محمد:هشوفك تاني
ايمي:ان شاء الله
"عند اميرة"
كان يوسف بيكلمها و بيطمن عليها فجأه ايمي اتصلت عليها
اميرة:طب معلش يا يوسف هقفل دلوقتي و هكلمك بعدين بس عشان ايمي بتتصل
يوسف:هو في حاجه
اميرة:هقولك بعدين
يوسف:طيب بسرعه
ردت علي ايمان
ايمان:هضطر اسافر تاني فرنساو حكتلها علي الي حصل"
اميرة:طب قولتي لماما
ايمان:اها
اميرة:طيب انا راجعه البيت"بحزن"
ايمان:متزعليش
اميرة:خلاص يا ايمان
بعد ما قفلت اتصلت علي يوسف
اتصل عليها"بعشق الجنتله ده"
يوسف:في ايه بقي احكيلي
اميرة حكتله كل حاجه و كانت مخنوقه
يوسف:طب متضيقيش و انا هتصرف
اميرة:ازاي يا يوسف
يوسف:يا ستي ثقي اني هعرف اتصرف
اميرة:ماشي بس و النبي اتصرف
يوسف:هشوف يا حبيبه قلبي
اميرة:بس خلي بالك هي ممكن تضايق
يوسف:انا و ايمي اخوات متقلقيش مش هتضايق
اميرة:ربنا معاك يا حبيبي
يوسف:ياااااااه سمعت حاجه اخيرا
اميرة:ههههههههههه جت غلط
يوسف:يارب كل كلامك يجي غلط
"عند هبه"
بابا هبه:خلصتي امتحانك يا جميل
هبه:اها يا بابتي
بابا هبه:كان حلو
هبه:سهل جدا
بابا هبه:عقبال الباقي
هبه:يارب
بابا هبه:انتي لما ترجعي مش هتلاقيني في البيت
هبه:ليه يا حاج كدا هتطفش و تسبنا
بابا هبه:لا يا غبيه هروح لصديقي عشان نتفق صح علي معاد مقابلتك انتي و ابنه
هبه:"في سرها""يحرق ابنه و سنينه"
هبه:ليه كدا يا حاج ما احنا قولنا مش بنفكر في الحوارات ده الله
بابا هبه:يا بنتي مش تحكمي قبل ما تقابليه
هبه:طيب يا بابا
بابا هبه:يلا سلام و خلي بالك من نفسك
بسمه:ايه مالك
هبه:ابويا ربنا يخليه عكنن علي اهلي
بسمه:ليه بس
هبه:يا ستي مش مهم
خرجت برا لقت حمزة في وشها
حمزة:عملتي ايه
هبه:كويس"بضيق"
حمزة:مالك
هبه:بعدين يا حمزة مش بحب اقف في الشارع مع حد
حمزة:طيب قولي فيكي ايه
هبه:بابا يا حمزة"و عنيها فيها دموع"
حمزة:طب روحي دلوقتي و نتكلم بالليل
الكل رجع بيته
اميرة:ماما هي ايمان مرجعتش
مامه اميرة:لسه متصله و قالت انها عيزاكي تحضرلها شنطه سفر عشان هتروح من برا برا لانها اتصلت علي المطار و عرفت ان في طياره انهرده الساعه 10 و ياريت الشنطه صغيره لانها مش هتطول ان شاء الله
اميرة:ايه دا مش هتيجي هنا
مامه اميرة:هي قالت ان كدا اسهلها لانها لسه رجعه فسفرها هيبقي بسهوله و الله انا قلبي وجعني اني اسبها كدا بس مش عارفه ايه الي حصل
اميرة:مش تقلقي هي عاشت هناك سنتين بحالهم هتعرف تتصرف
مامه اميرة:يارب يلا روحي حضري الشنطه
اميرة:ماشي يا ماما
عند ايمي
كانت مستنيه اميرة في كافيه المطار
اميرة راحت هي و مامتها
اميرة:خلي بالك من نفسك
ايمي:مش تقلقوا انا جيه علي طول ان شاء الله
ركبت الطياره و كان معاد وصولها لفرنسا الساعه 7 صباحا بتوقيت فرنسا
ايمي"لنفسها":انا هحاول استريح دلوقتي عشان خاطر ابدأ اليوم من اوله
و فعلا استسلمت للنوم
اول ما وصلت اتوجهت علي طول للجامعه
اول ما دخلت لقت حد بينده عليها من وراها
"الكلام هعمله عربي مش فرنسي عشان الناس تفهم"
مايكل:ايمي انتي رجعتي تاني هنا مالك وشك قالب حد ضايقك
ايمي:شبه مش نمت من امبارح مش فاهمه ايه الي بيحصلي
مايكل:في ايه
ايمي"حكت كل حاجه و انها مش ق\فاهمه"
مايكل:و لا انا فاهم انا مستغرب اوي من الي انتي بتقوليه
ايمي:انا هطلع حالا للبروفيسور ايريك فروستر
مايكل:بس دا ساب الجامعه يا ايمي واحد غيره الي موجود
ايمي:مين حد نعرفه
مايكل:بروفيسور رخم جي من برا اسمه جاك نيكولس
ايمي:جاك نيكولس"سكتت شويه" كدا انا فهمت
مايكل:فهمتي ايه
ايمي:
flash back
مجموعه من الدكاتره كانوا بيتكلموا عن الحضارات في امسيه ثقافيه و المناقشه وصلت عند الدكتور جاك نيكولس
جاك:اكتر حاجه مضيقاني وجود العرب في العالم كله ملهومش اي لازمه
ايمي بصتله و برقت
كارلا"صديقه ايمي و هي الي خدتها للامسيه"
كارلا:دكتور جاك منقدرش ننكر الحضاره الي جيلنا من العرب
جاك:احنا اصل كل حاجه دا تصنع منهم و لا انتي مش معايا يا دكتوره كارلا
كارلا سكتت
ايمي:انا الي معاك يا دكتور
جاك:يعني انتي موافقاني علي رايي
ايمي:لا طبعا زي ما احنا مش بننكر الحضاره الغريه الي ابتدت من اواخر القرن 18 علي اعمده من الحضاره الاسلاميه و العربيه يبقي ملكش الحق يا دكتور انك تنكر حضارتنا
كل الموجودين في ذهول من ردها علي الدكتور جاك لان الكل عارف ان هو متعصب جدا ضد العرب و المسلمين
ايمي:علي فكره لو مكنتش مكتبه بغداد اتحرقت كنتوا هتعرفوا اصل الحضاره الاسلاميه و لا انتوا مش عارفين يعني ايه ثقافه و طبعا مش هتقدروا تنكروا الي انتوا عارفينوا حاليا
البروفيسور جاك:يعني انتي قصدك ان احنا مش عملنا حاجه و حضارتنا مقلده
ايمي:انا مقولتش كدا بس بقول ان احنا اصلنا كله منه لله الي كان السبب في حرق مكتبه بغداد و بقول كمان ان الحضاره الغربيه اصلها الحضاره الاسلاميه او بمعني الادق انها كملتها
جاك:انتي قد كلامك يا دكتورة ايمي شكلك عربيه
ايمي:عربيه و مسلمه كمان
جاك:يعني الجهل كله ده امسيه ثقافيه يا دكتورة قومي من هنا
ايمي:جهل .....جهل و انا في السن دا و عامله ماجستير و دكتوراه و 3 دبلومات و انا سني صغير و الجامعه كلها بتتحايل عليا عشان ادرس هنا و انا الي رجعت بلدي انا الي مش يشرفني اني اقعد مع ناس جاهله عن الحضاره
و قامت
end
مايكل:يا نهار ابيض انتي قولتيلوا كدا انا مش بنعرف نقوله صباح الخير انتي تعملي كدا ربنا يستر عليكي
ايمي:مش تقلق مش هيقدر يعملي حاجه عن اذنك
طلعت لمكتبه و طلبت من السكرتيرة انها عايزة تقابل الدكتور
السكرتيرة:ثواني يا دكتورة ايمي
"دكتور جون هو الي كان بيساعد ايمي في رسالتها و كان بيحبها زي بنته لدرجه انه كان بيعزمها كتير اوي هو و مراته و ايمي بتقدره حب و احترام"
اول ما شافها
دكتور جون:ايمي
ايمي سلمت عليه
دكتور جون:انتي مش قولتي انك هتروحي مصر و تكملي هناك ايه رجعتي في كلامك اهو احسن تعالي بقي و درسي معانا
ايمي:انا مغيرتش حاجه اصل "حكتله كل حاجه"
بروفيسور جون:تعالي معايا
دخل بيها للبروفيسور جاك
بروفيسور جاك:انتي ايه الي جابك هنا اطلعي بره
ايمي:مش من حقك تطردني و لا هو الموضوع شخصي
شاور بروفيسور جون لايمي انها تسكت و اتكلم مع البروفيسور جاك و قاله:الكلام دا مينفعش احنا ناس عمليه و العنصريه مش تنفع في الشغل
بروفيسور جاك:الي تقدر عليه هي تعمله
بروفيسور جون:و انا مش هسيب الموضوع دا
جاك:من فضلك يا جون اطلع برا الموضوع دا
جون:ده بنتي و انا متبنيها من و هي هنا ايه الي عملته لدا كله كل دا لانها عربيه و مسلمه احنا قولنا ان العنصريه مش في الشغل و ده عملت دراستها و كل حاجه قبل ما تيجي الكليه ازاي توقفلها ورقها مش من حقك و لو طلعت علي اي جهه حكوميه هنا في فرنسا هتاخد حقها
جاك سكت شويه و بصلها و برق
السكرتيرة خبطت و دخلت و ادته كارتين
جاك:انتي لحقتي تبلغي القنصوليه هتعملك ايه انتي يا عربيه
كان في دخول الشخصين
شخص:هتعملها كتير صدقني و انا مجتش هنا غير لما اتاكدت مليون في الميه ان القرار فيه تعسف منك
ايمي بتبص علي الشخص الي بيتكلم لقته ادهم
ادهم:و فوق دا كله انا عامل حسابي هتمشي الورق و لا نبتدي احنا
جاك:انت بتهددني هتعمل ايه انت كمان
ادهم:اعملك ايه ماشي لو بعد ساعه واحده بالظبط الورق دا مش خلص هتلاقي الاعلام هنا في كل مكان في الكليه و الكل بيتكلم علي مشكله الدكتورة ايمي و هخليها علي اعلي مستوي و ابقي ساعتها اقدر علينا كلنا و هوريك العربي المسلم هيعمل معاك ايه
بروفيسور جون:و انا معاك خطوه بخطوه
بروفيسور جاك:الموضضوع مش محتاج كل دا هو بس كان مستني مني امضاء و اهي الامضاء اتفضلي يا دكتورة الورق اهو و اطلعي بره
ايمي:مش انت الي هتقولي اطلعي برا انا خارجه من غير ما انت تتكلم
ادهم:خلاص يا ايمو بقي
ايمي:سيبني اقوله كلمتين وجعني الراجل دا مطلع عيني
ادهم:هههههههههههههه تعالي بس"خد ايدها و خرج"
ادهم شكر الي جه معاه من القنصوليه و هي شكرت الدكتور جون
ايمي لسه كانت هتركب العربيه مع ادهم لقي الي بينادي عليها
مايكل:عملتي ايه
ايمي:حكتله علي الي حصل
و هزر معاها و ضحك و سلمت عليه و راحت ناحيه ادهم
ادهم:مين الاخ
ايمي:دا مايكل
ادهم:يا شيخه عرفته انا كدا
ايمي:ههههههههههههههههههههه صديق ليا حد محترم بجد
ادهم:و انا متاكد ان ايمي مش تعرف غير الناس المحترمه
ضحكت و ركبوا العربيه
ادهم:ايه بقي
ايمي:ايه ايه
ادهم:هنعمل ايه
ايمي:المفروض نعرف امتي الطياره الي رايحه مصر
ادهم:ايه دا اجي فرنسا كدا ساعتين و ارجع هو انا رايح النادي لا عرفيني عليها
ايمي:انت مش جيت هنا قبل كدا
ادهم:جيت بس شغل في مكان محدد و مشيت علي طول بس مغ\عرفهاش هي شخصيا
ايمي:طب نطلع الاول علي شركه الطيران و حسب الوقت نشوف هنعمل ايه معلش عشان ماما و اميرة
ادهم:ماشي يا ستي
لقوا ان الطياره بعد يومين
ايمي:يومين كاملين دا كتير اوي
ادهم"في سره":و الله قليلين وربنا كمان مره قليلين
ايمي:اتصلت بمامتها و حكتلها الي حصل و ان المشكله خلصت و هي راجعه بورقها بس بعد يومين لان مفيش طيران
ادهم:ها
ايمي:ها ها
ادهم:هنفضل علي كدا كتير مش عايز اضيع اليومين عايز اتفرج علي فرنسا حته حته مش عايز اسيب فيها فسوه
ايمي:و انت متخيل ان يومين هيكفوا تتفرج فيها علي فرنسا ادهم اا عايزة انام
ادهم:بصي بقي يا ايمو احنا هنطلع علي الفندق دلوقتي انتي هتطعي اوضتك هتنامي 3 ساعات بالظبط و كدا انا كارمك اوي
ايمي:اوي كمان
ادهم:اها و نبتدي رحلتنا بعد ال 3 ساعات دول تشربي قهوه او نسكافيه ميخصنيش تتصرفي و اعرفي اننا مش هنرجع الفندق الا تاني يوم
ايمي:اقطع علاقتك بيا
ادهم:هههههههههههههههههه
طلعوا بالعربيه علي الفندق علي طول
"عند هبه و حمزة"
حمزة:مالك بقي
هبه:بابا انهرده رايح يقعد مع صاحبه عشان يحددوا المعاد و الساعه
حمزة:يا بنتي متقلقيش كل حاجه هتتحل
هبه:انت عندك كل حاجه هتتحل هتتحل و مش بتعمل حاجه انت ايه مش حاسس بالي انا فيه ما تحس مره بقي
حمزة:في ايه يا هبه انا مش قصدي بس انا لا يمكن اسمع ان الموضوع دا يحصل اهدي بس كدا و انا هتصرف قولت و مش عايز صوتك يعلي عليا تاني
هبه"بعياط":يا حمزة انا اتخنقت اول مرة بابا يغصبني علي حاجه انا مش عيزاها
حمزة:و النبي ما تعيطي و الا هجيلك دلوقتي انتي عارفه ان ضعفك بيضعفني
هبه:خلاص بس اتصرف لاني مش هعرف اقول حاجه لبابا خلاص يا حمزة انت مش قدامك غير الايام ده غير كدا بابا محكم راسه اني اشوف ابن صاحبه دا
"عند رامز و ميار"
رامز:وحشتيني يا بت
ميار:و انت كمان
رامزكنفسي افهم انتوا ليه مش بتكملوا كلامكوا
ميار:انتوا مين يا رامز
رامز:و الله ما قصدي حد اقصد يعني اي بنت
ميار:لهو انت جربت قبل كدا
رامز:وربنا ابدا بس يعني دا الي معروف عن البنات
ميار:اما اشوفك يا رامز هولع فيك
رامز:هختفي من قدامك حاليا
"عند هدير و مروان"
مروان:اخبار موزتي ايه
هدير:بطل قله ادب
مروان:هي ده بالنسبه ليكي قله ادب
هدير:اه طبعا
مروان:بجد
هدير:وربنا
مروان:طب بحبك
هدير:شوف بقي اقوله قله ادب و هو مفيش فايده
مروان:يا ستي انا واحد قليل الادب انتي مالك
هدير:كويس انك اعترفت قبل اي حاجه
مروان:لا يا ماما انتي خلاص ليا وحدي متحلميش بحاجه
هدير:ليه مفيش حريه راي للمرأه
مروان:معاكي ظابط في الحربيه هتقولي حريه مرأه هدخلك السجن 4 ايام
هدير:يخربيتك
مروان:متخربيش بيتنا من اولها كدا
هدير:و الله بحب مجنون
مروان:اي دا ايه دا اان نشرت عدوتي عليكي
هدير:علي ايه
مروان:القله ادب مش كلمه بحبك ده قله ادب
هدير:اه طبعا
مروان:اصل انا قولت لنفسي و الله بحب مجنون
هدير:بطل
مروان:حاضر
"عند مراد و يارا"
مراد:اخبارك
يارا:الحمدلله و انت
مراد:تمام عايز اقولك حاجه
يارا:ايه
مراد:باباكي بيشتغل فين
يارا:ليه
مراد:عايز اقابلوا
يارا:ليه بردو
مراد:ملكيش فيه
يارا:بقي كدا مش هقول بقي
مراد:لا هتقولي لانك امورة و حلوة كدا
يارا:طيب في شركه........
مراد:ميرسي يا قمر انت
.....................................
هاجر كانت بتفتكر مصطفي كل شويه لغايه ما لاحظت ان الخاتم الي في ايدها من مصطفي هي لسه مش خلعته حاولت تخلعه مش عرفت
هاجر:ايه دا هو ملزوق
بس بردو عمري ابدا ما هسامح صاحبه
................................
ماما مصطفي:خلي بالك علي نفسك يا حبيبي
مصطفي:متقلقيش يا ماما
بابا مصطفي:اول ما توصل طمنا
مصطفي:حاضر يا بابا يلا سلام
حضن باباه و مامته و مشي ناحيه طيارته
اول ما وصل المانيا كان يوسف في استقباله
يوسف:نورت يا درش
مصطفي:بنورك يا جو
يوسف:عملت الي اتفقنا عليه
مصطفي:اها بس ادعي بس انه ينجح
يوسف:ان شاء الله يلا بينا بقي
مصطفي طلع علي طول علي الكليه هو و يوسف عشان يكملوا امتحانات العملي بتاعتهم
..............................................
"الساعه 3"
الباب كان بيخبط بطريقه بشعه و ايمي من كتر التعب مبقتش حسه بحاجه
فونها كان بيرن و الباب بيخبط
فين لحد ما ايمي صحيت بتعب
و فتحت الباب
ادهم:كل دا
ايمي:مين
ادهم:انتي جالك زهايمر و لا ايه لا فوقي
ايمي:يا ادهم و النبي انا تعبانه
ادهم:يلا روحي خدي شاور و اجهزي و انا مستنيكي قدام الاوضه و عارفه لو نمتي هكسر الباب عليكي
ايمي:طيب طيب دا انت لو قاصد تعذبني مش هتعمل كدا
المهم ايمي خدت شاور و لبست بنطلون ليجن اسود و عليه شميز احمر و اسكرف عشان السقعه و فتحت الباب
ادهم اول ما شافها صفر جامد
ايمي:احم مش.....مش يلا بينا
ادهم:يلا
ادهم"في سره":البت ده بتحلو كدا ليه
المهم لفوا كل حته تقريبا و كانوا مبسوطين و ادهم وداها اسطبل للاحصنه و ركبها حصان و هو الي كان بيمشيه
"ايمي علي الحصان و ادهم ماسك السرج بتاعه و بيمشيه عشان هي مش تخاف"
ايمي:انت تعرف فرنسا اكتر مني علي فكره
ادهم:بصراحه اها بس حبيت امشي معاكي
ايمي:بقي كدا
ادهم:و كمان انا عارف انك هنا عشان دراستك بس فقولت اعرفك الاماكن الي اعرفها عشان تستمتعي اكتر
ايمي:انا كل الي اعرفه كل محلات اللبس و الاكسسورات و كدا و الجامعه طبعا
ادهم:دا شئ طبيعي علشان ده حاجات بناتيت
ايمي:ميرسي يا ادهم
ادهم:علي ايه
ايمي:انك ساعدتني انهرده
ادهم:دا واجبي
ايمي:لا مش واجبك بس بحب اشكرك لانه لولاك و قبليك ربنا طبعا مكونتش هعرف اخد ورقي
ادهم:عايزة تردي المعروف
ايمي:اكيد
ادهم:خليكي معايا دايما
ايمي:مش فاهمه قصدك
ادهم:تعالي اعزمك علي ايس كريم
ايمي:في السقعه ده
ادهم:احلي حاجه بس متنسيش انك تردي المعروف
ايمي:مع اني مش فهماه بس اوكي لو احتجتني في اي وقت انا معاك
"و هما بياكلوا الايس"
ادهم:روحتي برج ايفيل
ايمي:لا بصراحه بخاف من المرتفعات
ادهم:متخافيش من حاجه و انا معاكي
ايمي:لسه بردو بخاف من المرتفعات ههههههههههههههه
ادهم:تعالي بس
خدها وداها عند برج ايفيل
ايمي:وربنا ما انا طالعه
ادهم:يا ستي متخافيش
ايمي:نو
ادهم من غير كلام شدها من ايدها و طلعا
طول الوقت ماسكه فيه جامد بسبب خوفها
ادهم بيبصلها و بيضحك و في اللحظه ده افتكر كلام يوسف لما قاله ان اميرة بالنسبه ليا مش اي بنت انا حاسس اني مسؤال عنها حاسس اني ابوها قبل ما اكون حبيبها حاسس اني كل اهلها
ابتسم ادهم :عندك حق يا يوسف دا باين الاخت شبه اختها بالظبط
ايمي:انت بتضحك علي ايه دلوقتي
ادهم:اكيد بضحك عليكي يا قلبي
ايمي:علي فكره عيب كدا
و سابت ايديه
ادهم:ايمي بصي احنا فوق خالص
ايمي:يا لهوي "مسكت في ايده تاني"
كان يوم جميل جدا رجعوا الفندق و كانوا متكسرين راجعين الساعه 6 الصبح
ايمي:عارف لو قولتلي اصحكي هتكون السكينه في ايدي
ادهم:مش لو صحيت انا الاول بصي هما 6 ساعات حلوين
ايمي:متخلنيش اطلع مرتضي منصور الي جوايا
ادهم:يعني يرضيكي اعمل شوبنج لوحدي
ايمي:احم مش بتثبت علي فكره بس انا مش عايزة اسيبك لوحدك يعني مش دا الي انا وعدتك بيه جيه معاك
ادهم:طب يلا الحقي نامي
ايمي اترمت علي السرير مش دريت بنفسها
"عند ادهم"
قعد وقت لغايه ما نام و هو بيفكر في الي حصل و بعد كدا راح في النوم
كالعاده اعد يخبط و يرن الفون بس المره ده مفيش فايده لدرجه انه بلغ room servers انه يكون حصلها حاجه
دخلت بنت و خرجت مبتسمه
البنت:حضرتك ده نايمه
ادهم:نعم نايمه
دخل ادهم و بصلها و هو مش مبطل ضحك
ادهم:من ساعه ما شوفتك مش عارف ابطل ضحك
ادهم:ايمي .....ايمي......ايمي مش نافعه ايمييييييييييييييييييييييييييييي:بصراخ"
قامت ايمي مفزوعه من علي السرير
ايمي:الله يخربيتك ايه الفندق وقع
ادهم:هههههههههههههههههههههههههههههه
البنت الي دخلت اوضتها برا الاوضه مش مبطله ضحك و سابتهم و مشيت
ادهم:هي نص ساعه تكوني خدتي الشاور و لبستي و نزلتي و مستنيكي تحت و لو مش نزلتي هفجر الباب
و نزل
ايمي:انا ربنا رزقني بواحد مجنون يا نهار اسود و منيل دا مش بينيمني يا محظوظه يا اميرة بتنامي براحتك .......يا لهوي النص ساعه دا مجنون و يعملها
قامت بسرعه خدت شاور و لبست فستان مشجر قصير تحت الركبه بحزام من علي الوسط كان مبين بجد انها جميله و شوز اسود بكعب و سيبت شعرها و حطت ميك اب خفيف و نزلت
ادهم اول ما شافها
ادهم"بدون وعي":انتي حلوه اوي
ايمي:"باحراج":ميرسي
ادهم:يلا
ايمي:يلا هنبتدي الشوبنج
ادهم:لا ملاهي الاول و بعد كدا الشوبنج
ايمي:يادي النيله يا ادهم انا بخاف بص مش بحبها
ادهم:و انا بحبها
ايمي:انا مالي
ادهم:يعني اساعدك يا ايمو و انتي مش عايزه تساعديني
ايمي:و ايه المساعده في كدا
ادهم:قدامي
ايمي:لا
ادهم:بلاش انا
ايمي:هي منين الملاهي اسمع عنها جميله اوي
ادهم:ايوا كدا يلا بينا
ادهم كان ماجر عربيه من غير سقف و هو ماشي بالعربيه كان شعرها بيطير و كان مضايقها بسبب طوله
كانت ايمي فرحانه اوي
ايمي:عارف كان نفسي اعمل كل دا لما كنت بدرس بس كنت بخاف من اي وقت يضيع مني عشان الدراسه و كمان عشان.........
ادهم:عشان ايه
ايمي:لا مفيش
ادهم ركن العربيه
ادهم:احنا مش صحاب بردو
ايمي:اكيد طبعا
ادهم:يبقي عشان ايه"في باله كان خايف انها تكون بتحب حد"
ايمي:كان نفسي يكون معايا حد اكون مأمناه عليا احس بالامان معاه و انا في الغربه عشان كدا مكونتش بحاول اصاحب ناس كتير او حتي لو اتكلمتمع حد مش بوصلها لدرجه الصحوبيه ابدا
ادهم:علي فكره انتي صح مليون الميه و ده احسن حاجه عملتيها
ايمي:دا رايك انت بس معظم صحابي البنات قالولي عكس الراي دا قالولي بتضعي احلي ايم حياتك من غير ما تستمتعي بيها
ادهم:احلي ايم حياتك لسه مش ابتدت و بكرا تقولي ادهم قال
اتكسفت ايمي ووشها احمر و ادهم حس انها اتحرجت و طلع بالعربيه علي الملاهي و نفس الي حصل في برج ايفيل هو الي حصل في الملاهي و هو كان هيموت من الضحك
و في الاخر راحوا الشوبنج
ادهم جاب بدل شيك اوي تحت اختيار ايمي
ادهم:انتي تعبتي معايا اوي و نا بصراحه جننتك اوي اوي
ايمي:بالعكس انا عمري ما فرحت او انبسطت قد اليومين دول
ادهم و قرب عليها:بجد يا ايمي
ايمي:طبعا مش ورقي خلص
ايمي:طبعا مش ورقي خلص
ادهم:الله يحرق الورق علي ام الفصلان
ايمي:يلا بينا يا ادهم ههههههههههههههههههههههه
ادهم:ابدا انتي تعبتي معايا تعالي معايا بقي دقيقه واحده
كان مخترلها فستان سهره عشان العشاء لونه ابيض مجسم و شوز ابيض كعب و الاكسسوارات بيضاء و توكه للزينه لشعرها بيضه
ايمي:ليه الابيض دا كله
ادهم:عشان اا حاسس اني قدامي ملاك و الملايكه مش يلبسوا غير الابيض
ايمي:انا .....انا
ادهم:ادخلي قيسيه و لو عجبك يلا بينا
ايمي:انا هوافق بس علشان حاجه واحده اني مش عامله حسابي في فساتين سهره و الكريدت كارد مش خدتها و مش معايا غير فلوس قليله و اول ما ارجع هديك تمنه
ادهم"بصصلها":لما نرجع يحلها ربنا
فعلا قاسته ايمي بس مش خرجت ورته لادهم
ادهم:ايه مش عجبك
ايمي:لا عجبني و خدته كمان
فهم ادهم انها اتكسفت تخرج توريهوله
ادهم:اجهزي الساعه 7 هاجي اخدك و مش ننام و لا نموت علي السرير
ايمي:هو الي يعرفك يعرف النوم
ادهم:يلا مش تتاخري
ايمي :اوك
ايمي ابتدت تلبس الفستان و كل حاجه جبهلها ادهم و رفعت شعرها فورمه و نزلت قصه
ايمي:ياااه دا انا هبرد اوي لو نزلت بالفستان كدا و هيبقي منظره وحش لو لبست عليه حاجه بس يلا مش مهم كلها ساعتين تلاته و هرجع
ادهم اتصل عليها:خلصتي
ايمي:10 دقايق و هنزلك
ادهم:اوكي مستنيكي تحت
ايمي حطت لمساتها الاخيرة و نزلت و هي نازله علي السلم كان ادهم باصص عليها
ادهم:يا ربي بقي الامر دا معايا انا و الله لو حصل ايه ما انا سايبك
ايمي:ادهم انت سرحت مني
ادهم:هو الي يشوفك ميسرحش
ايمي:"اتحرجت":ايه دا احنا مش متفقين علي كدا
ادهم:طب ماشي نتفق من دلوقتي
ايمي:احنا مش ورانا عشا انا جعانه
ادهم:وربنا تالفي كتاب الفصل من الرومانسيه
ايمي:ههههههههههههههههه
خد ايديها
و فتحلها باب العربيه ايمي خدت بالها انه غير العربيه المفتوحه
ادهم:اصلي خايف عليكي من البرد
ابتسمت و ركبت و راحوا علي افخم مطعم في فرنسا و كان يوم بالنسبه ليهم و لا الف ليله و ليله كلوا و رقصوا
"و هما بيرقصوا"
ايمي:ادهم انت مش قولتلي انت حجزت الطياره الساعه كام انت قولت بعد يومين بس
ادهم:طب سيبيني اسرح شويه اقولك كلمتين اي منظر
ايمي كانت قاصده تعمل كده لان ادهم كان بيبص لعنيها و مبقتض عارفه تودي وشها فين
ادهم:الساعه 5.30 الفجر
ايم:انا مش هلحق انام
ادهم:نسهر مع بعض لحد الوقت و بعد كدا نطلع علي المطار
ايمي:يعني مش هنام
ادهم:لا مش هنام
ايمي:ههههههههههههههههههههه
رجعوا تاني علي التربيزة و بعد السهره خرجوا يلفوا بالعربيه حس ادهم انها سقعات\نه لان الجو برد قلع الجاكت راح لبسهولها
ايمي"في سرها":ايوه انا عارفه اللقطه ده محروقه في مليون فيلم اجنبي بس مكونتش اعرف انها حلوه كدا ايه الجنتله ده"
ادهم:سرحتي في ايه
ايمي:ابدا مفيش حاجه سرحت في مصر و ناس مصر"عايزة تغير الموضوع لانها من غير قصد كانت بتبص لعنيه"
ادهم:ان كان علي مصر و ناس مصر كلها ساعتين و هنرجعلهم ممكن بقي نكون مع الناس الي هنا
ايمي:مين
ادهم:يا فندم الشخصيه الي مع حضرتك حاليا و عشان خاطري و النبي ما تغيري الموضوع
ايمي:موضوع ايه
ادهم:انتي عارفه كويس اوي ايه هو
ايمي:مش واخده بالي
ادهم:اه يا ايمي معجب بيكي و اوي كمان
ايمي مبقتش عارفه ترد
ادهم:من ساعه ما شوفتك في المطار و انا من جوايا قولت انتي الي انا عايزك مش عشان خاطر شكلك خفه دمك علي اسلوبك علي طريقتك علي خوفك مش عارف اقولك ايه و لا ايه بس كلك علي بعضك جننتيني من ساعه ما شوفتك
ايمي:اخر ما كنت اتخيل ان دا يحصل في التوقيت دا
ادهم:مش فاهم قصدك يعني ايه
ايمي:يعني انا كنت متخيله ارجع و اشتغل عشان اعوض علي امي حاجات كتير اوي لكن ارتبط دلوقتي مش عارفه
ادهم:يعني اعتبر ان دا رفض
ايمي"بسرعه":لا طبعا.....
ابتسم ادهم
ادهم:هصبر يا ايمي انا عارف انك عقلانيه اوي و هستني و طالما انتي مبدئيا موافقه هستانكي تقوليلي تعالي قابل ماما
ابتسمت ايمي و بصت في ساعه العربيه لقتها 4
ايمي:ادهم
ادهم:عيون ادهم
ايمي:مش وقته الساعه 4 و مش جبنا لسه الشنط
ادهم:طب اقتلك و لا ايه يخربيت ام فصلانك متعلماه من مين
ضحكوا هما الاتنين و رجعوا للفندق لموا حاجتهم و ايمي غيرت لبسها لبست بدله جاكت احمر و شيميز اسود و ليجين اسود و شوز احمر
طلعوا علي المطار و ركبوا الطياره اول ما ايمي ما ركبت نامت و هي من غير قصد نامت علي كتف ادهم
ادهم ضحك و هو بصصلها
ادهم:و الله ما هسيبك و لا هسمح باي حد انه يخدك مني
و من تعب ادهم حط دماغه فوق دمغ ايمي و ناموا
صحيوا علي صوت المضيفه انهم وصلوا
ايمي خدت بالها من الوضع الي كانوا فيه
ايمي:احم مش يلا
ادهم:اه يا كتفي
ايمي:بجد وجعك انا اسفه
ادهم:طب نامي عليه كدا طول العمر و هو عمره ما يوجعني تاني
ايمي ضربته علي كتفه جامد:بطل قله ادب
ادهم:المرة ده وجعتني بجد
ايمي:بجد
ادهم:يا لهوي لا خلاص استحمل
نزلوا من الطياره و كان ساعتها في الفجر في مصر
ادهم:مش تقولي لماما عشان انا اخاف عليها هي و اميرة انا هروحك لحد البيت
وصلوا البيت علي الساعه 6 كانت بتخبط علي الباب
مامه اميرة:مين
ايمي:انا يا ماما ايمي
فتحت الباب و قعدت تحضن و تبوس فيها دخلت هي و ادهم
مامه اميرة:ايه دا استاذ ادهم
ايمي:هفهمك يا ماما كل حاجه
كان كل البيت صحي
و كانت تيتا ايمي فرحانه اوي بوجود ادهم
و لما عرفوا الحكايه
مامه اميرة:انا عاجزة عن الشكر بجد
ادهم:و انا ازعل يا طنط لو قولتيلي كدا انا تحت امركم في اي وقت اذا كان لايمي او اميرة او لحضرتك او لتيتا كمان
مش كدا يا تيتا
تيتا اميرة:اه يا ابني انا عمدي دكتور بالليل
ادهم:بس كدا من عنيا الاتنين
تيتا اميرة:لا يا ابني انا بهزر معاك ربنا يحفظك و يخليك لاهلك
ادهم:ربنا يخليكوا ليا "باصص لايمي"
اميرة:تيراراراراراررا ايه يا استاذ ادهم
ادهم:بس كدا عرفت منين اتعلمت ناس الفصلان
مامه اميرة:اميرة بطلي
انت تفطر معانا يا استاذ ادهم
ادهم:اولا يا طنط مع حضرتك انا زي ابنك ادهم و بس
ماما اميرة:و الله انت زي ابني و اكتر
ادهم:خلاص يبقي ادهم و بس و اسيبكوا ترتاحوا و انا هطمن عليكوا بالفون
اميرة:طب مش تاخد رقم الفون الاول
ادهم:بتلحقيني"بصوت واطي"اه طبعا
اميرة:"اي خدمه"
"بعد ما فطروا"
اميرة بتلبس عشان رايحه امتحانها فونها رن
يوسف:جهزتي
اميرة:مش هتتوقع مين كان عندنا
يوسف:حد يكون عندكوا دلوقتي دا مين الي معندوش دم دا
اميرة:انت مش شوفتوا يا جو دا قمر حاجه كدا طول بعرض بارتفاع
يوسف:بمحيط بمساحه ياختي مين يا هانم
اميرة:بطل اوفر دا ادهم الي كان عندنا انا مش عارفه اشكرك ازاي يا يوسف انا عارفه ان كل دا بسببك انت
يوسف:و انتي كنتي متخيله اني كنت برا بلعل انا اتعلمت الرجوله من ادهم
اميرة:فعلا عندك حق راجل بمعني الكلمه
يوسف:يا بنتي احنا عيله محصلتش
اميرة:يسلام ادعي انت بس ربنا ان ايمي مخها يلين
يوسف:هو في حد في حياتها يا اميرة
اميرة:يا ابني لا قبل و لا بعد ايمان هدفها مله مذاكرتها فلو هيكون فيه هتكون لاول مره
يوسف:و لاخر مره ان شاء الله
اميرة:عندك حق انا لما شوفتهم هما الاتنين بصراحه كدا قفشت كل حاجه
يوسف:يخربيتك قفشت هو بيبيع مخدرات يا اميرة ارحميني بقي
اميرة:اقفل انت فصلتني
يوسف:انا بردو وصلتي المهم الكليه
اميرة:لهو انا نزلت من البيت و كمان هي هيصه كل شويه مكالمات انت مسافر يا استاذ عشان دراستك
يوسف:يعني مش اطمن علي مراتي و ام عيالي
اميرة:استغفر الله العظيم بتعرف ازاي تثبتني
يوسف:ههههههههههههههه روحي كملي تجهيزك و يلا عشان متتأخريش
.................................................
"فاتت الايام و جه اخر امتحان"
"اليوم الموعود"
"الصبح الساعه 6"
هبه اتصلت علي اميرة
اميرة:الو
هبه:يا لهوووووووووووووووووووووووووي مكنش يومك يا لوزة مش انتي الي يتعمل فيكي كدا
اميرة:هو مسك ايدك و لا ايه
هبه:كنت اكسرهاله هو يقدر
اميرة:امال في ايه
هبه:عريس الغفله هقابله انهرده
اميرة:يا لهوي و حمزة عرف
هبه:اميرة حمزة عارف بقالوا شهر
اميرة:تصدقي نسيت طب بصي نتجمع كلنا بعد الكليه نتجمع في الكافتريا الي في كليتي
هبه:اشطه و انا هقول للباقي
"بعد ما خلصوا و اتجمعوا"
اميرة:هييييييييييييييييه خلصنا يا لهوي
هاجر:يا اختي احنا لسه في 3 امتحانات كمان انا و هدير
هدير:كليه مفتريه اني انظر اليكم بنظره الحقد و الحسد
هبه:لا ابوس ايديكوا انا محسوده كفايه
ميار:اه صحيح هتعملي ايه انهرده
هبه:مش عارفه حمزة مش بيرد عليا
يارا:هو تراجع و لا ايه هيتخلي
هبه:بجد انت بتتكلموا جد
اميرة:هههههههههههههه بت انتي هبله احنا بنهزر
بسمه:المهم هتعملي ايه
هبه:.......................................
