طبعا مفيش مصري معداش عليه فترة ان النور كان بيقطع اقل حاجة 3 مرات في يوم
كنت مره راجع من الشغل تعبان جدا ولسه بحط رجلي في الشقة النور قطع قولت أنا مش لسه هستني النور يرجع أنا هخش انام علطول ودخلت نمت لكن صحيت وأنا مخنوق لأني مبحبش انام في الضلمة نهائي...صحيت وانا مش قادر محتاج انام ودورت علي شمعة وولعتها وكملت في النوم وصحيت ببص علي المكتب ملقتش الشمعة أستغربت جدا وفضلت أقنع نفسي أن دا كان مجرد حلم او بتخيل واني مولعتش شمعة لكن الغريب ان بعد كام يوم النور قطع وانا نايم صحيت وببص علي المكتب لاقيت شمعة علي المكتب الدنيا كلها لفت بيا وحسيت ان الايام دخلت في بعض وفضلت أقنع وأوهم في نفسي ان يمكن والدتي هيا اللي حطتهالي علي المكتب لما النور قطع وفعلا طلعت أسألها وبعد ما سمعت الرد حسيت ساعتها ان مش قادر اتكلم والدتي قالتلي ان مفيش شمع في البيت اساسا دا خلصان بقالة فترة ودورت امبارح عليه علشان النور كان قاطع امبارح لكن مالقتش نهائي
أنت تقرأ
مواقف حقيقية
Horrorبعض مواقف الرعب الحقيقية القصيرة يقوم أصحاب المواقف بمشاركتها معنا لكن هل هم فقط من يمرون بهذه الأحداث أم هناك أشخاص أخري تحدث معهم مثل هذه الأحداث ؟ وهل هناك المزيد سيحدث أم لا ؟ وفي النهاية لا أحد يعلم هل هذا حقيقي أم خيال ؟
