جدتي الله يرحمها كان في أوقات فراغ كدا تحكيلي قصص مرعبة لكن في قصة وحيدة هيا اللي قدرت تخليني يومين معرفتش انام
كان في بيت في الصعيد كبير جدا تقدر تقول عليه قصر كبير وسط مزرعة كبيرة لكن كان ورث لعيلة كبيرة وساكن فيه 3 أخوات وكان فيه أحفاد كتير جدا
الأحفاد دايما كانت بتحب تلعب عند النخل ومره ياسين وهو بيلعب كورة فجأة الكورة أختفت ورا نخلة وكان اللي حصل دا تقريبا بعد المغرب وفضل ياسين مختفي طول الليل والمزرعة كلها بتدور علية لحد الصبح ما أكتشفو أنه نايم وبيعيط تحت نخلة وأخدوه القصر ووالدتة كان منهارة وقالتلهم أنها لما سألته ايه اللي حصل قالها ان في راجل أخد الكورة منه وقاله أنه لو فضل عند النخلة لتاني يوم باليل هياخد الكورة طبعا جدة أنهار وجمع كل الغفر في القصر لكن كلهم أقسمو ان مفيش أي غريب دخل القصر وبعدها جد ياسين طلب النخل يتقطع وفي نفس اليوم ميستنوش وفعلا علي الساعة 11 باليل كان كل النخل أتقطع لكن جد ياسين يتصدم بخبر ان ياسين أختفي من القصر ومن سريرة...طبعا الحكومة حققت في الموضوع وجد ياسين دفع مبالغ كتير لشيوخ كبار لكن مفيش حل وياسين لحد دلوقتي مرجعش وكان أغلب الشيوخ بيقول أن سبب أختفاء ياسين أن جده لما أمر بقطع النخل وهما بيقطعو النخل مات طفل من الجان ودا كان ثأر وأن النخل دا الجان كان بيسكن في النخل ولحد دلوقتي من 11 سنة ياسين مرجعش وجدة لسه بيدفع فلوس علي أمل أنه يرجع...
أنت تقرأ
مواقف حقيقية
Horrorبعض مواقف الرعب الحقيقية القصيرة يقوم أصحاب المواقف بمشاركتها معنا لكن هل هم فقط من يمرون بهذه الأحداث أم هناك أشخاص أخري تحدث معهم مثل هذه الأحداث ؟ وهل هناك المزيد سيحدث أم لا ؟ وفي النهاية لا أحد يعلم هل هذا حقيقي أم خيال ؟
