هو: Stupid.
أنا: يخ على بنادم كيف داير.
هو (نخلها وماعاودش هضر ).
إيوا يا سيادي الطيارة بدات كتحرك و لالاكم بدأت كتقفقف، وبدون وعي شدات للولد لي حداها فيديه حتى دخلو ضفارها فلحمو أو وصلو العضم .
هو: hiy شكاديري ( نتبه ليها مغمظة عينيها وولا على بالها بشنو دارت ليه، حتى نتر ليها يديها)
أنا (من بعد ما حسيت بشيحد دفع يدي درت ولقيتو مخنزر ): مسينى على الله مالك غير هاز حجبانك ومخرج عينيك.
هو (هز يديه أووراها ليها): شوفي الحالة الي عملتي ليا فيدي.
انا: سمح ليا غير ممولفاش نسافر فالطائرة العامة، حيت فالخاصة كنت كنعس قبل متحرك.
هو: وأنا مالي بنت ليك مولف؟ وديك الساعة ركبي قبل الوقت ونعسي.
أنا كنمعني عليه: كون مكانش واحد الشخص مكيتسماش كون راني ناعسة دابا.
هو: الي سمعك يقول كنت كنسلخك، دابا شندير ليديا الي عامرة دم؟
أنا:راه قلت سمح لي.
وشنو ندير بسمح لي ديالك.
أنا : صافي غير سكتنى(بالإنجليزية ) هل يمكنك القدوم ؟
الموضفة: كيف يمكنني مساعدتك آنستي؟
أنا: هل بإمكانك إحضار علبة إسعافات أولية.
الموضفة : بالتأكيد لحظة فقط.
هو: شنو غادي ديري تاني؟
أنا: نعقم ليك يديك.
الموضفة: تفضلي.
أنا:شكرا، يلا مد يديك.
هو: شدي.
أنا هزيت لالكول وخويتو على يديه: يلاه باش مرة تانيا هدر بحترام.
هو غوت: واش نتي مريضة فعقلك ولا شنو؟(وجر يديه يداويها بنفسو)
أنا: بحال هكاك.
هو بالإنجليزية : ناري ونشدك يا ماكسيم غدي نقطعك طراف ونوكلك للكلاب.
أنا: قلتي لي أنا مريضة فعقلي ونتا آش اللي كتهضر بوحدك؟
هو دور وجهو باش تشوف ودنيه : ركزي مزيان فشنو داير فودني.
أنا : آه كتهضر فالسمعات سمح لي ضلمتك.
هو: واش نتي ça va pas ولا شنو غير جالسى وتعتاذري.
أنا: شتي اللي قال بلي الشعب المغربي مكيتفهمش عندو الحق.
After 5 hours
هو : أخيرا غدي نتهنى من كمارتك.
أنا: شعور متبادل.
هو: أنا هدرت على شي شعور؟
أنا: لا ولاكن الطريقة باش كشوف و تتكلم تظهر أحاسيسك، يالاه بااي.
المهم مشات بيلا لعند ماماها وباباها.
بيلا: ماما سربي باش نهبطوا .
صونيا: صبري شوية، أبراهام مد ليا يديك نوض.
أبراهام مد يديه لصونيا وكيهضر معى بيلا: شفتي أبنتي تقولبت ماماك شارفة .
صونيا: أنا يلي شرفت ولا نتى؟
بيلا: تقلبات عليك القفة يا بابا.
أبراهام : هههه غير هبطوا دغيا راه بغيت غير وقتاش ننعس.
خرجوا من مطار الرباط ولقاو الآخ ديال صونيا كيتسناهم ثم مشاو معاهم للرياض ديال العائلة، ومن بعد ما وصلوا بدأت المعانات 😂😂.
خالة بيلا الكبيرة(سامية) كتعنق فيها وتبوس: الله على بنت ختي حبيبتي شحال توحشتك.
بيلا: حتى أنا آخالتي ولاكن راك غاديا تقجيني.
سامية: ياك غنقجك وسير بعدي مني.
بيلا: وصافي آسيما بلا متقلقي تاني راه غير ضحكت.
حياة كتهضر مع سامية: بعد المرات كنحس بلي نتي هيا الصغيرة فينا .
الكل:😂😂😂
حياة: مالي كذبت ؟
صونيا حابسة الضحكة :بعدو من ختي.
محمود خال بيلا: يالاه دخلو متبقاوش فالباب.
(سامية:خالت بيلا الكبيرة 50 سنة، راجلها مات وعندها ولد أو بنت توام 20 سنة--- حياة: خالت بيلا الصغيرة 36 سنة، عندها 2 ولاد واحد عندو 10 سنين والكبير 12---- محمود خال بيلا وهو الصغير فعمرو غير 25 سنة طبيب ديال جراحة الدماغ)
بيلا: خالتي سيما فينهوما فارس و فيروز.
سامية: عنهم محاضرة ليوم راه غير شي ساعة ولا قل وتلقايهم هنا.
بيلا: ونتي آحياة فينهم ولادك؟
أبراهام: بيلا حتارمي خالتك ونتي كتهضري معاها بحالا كنت كتلعب معاك.
بيلا: على هيا كتخلي شي حد يقولها خالتي.
حياة: لا لا متقولي خالتي ما تاحاجة أنا باقة صغيرة.
الكل😂😂
حياة: راهم قاريين ليوم.
بيلا: مم على ذكر القراية، أنا فين غاديا نقرى؟
صونيا: نتي حرت فيك والله.
سامية: علاش مالها؟
أبراهام: مكتبغيش تقرى فمدارس خاصة.
حياة: إوى صافي تقرى فالثانوية يلي قريت فيها أنا .
صونيا: صافي مزيان نيت niveau ديالهم حسن من المدارس الخاصة.
بيلا: ok نقرى فيها معنديش مشكل.
محمود: نوضي أبنت ختي نوريك بيتك.
صونيا : هيه عنداكم ديرو شي كارثة تاني.
بيلا ومحمود ببراءة : شكون حن؟
صونيا: لا أنا.
بيلا: خالو سربي نمشيو.
صونيا :دي معاك les valises ديالك.
بيلا: ok mom
مشات بيلا و محمود للبيت ديالها.
بيلا: جبتي داكشي علاياش وصيتك؟
محمود : آه راه حطيتو تحت الناموسية ديالك باش ميشوفوهش.
بيلا بابتسامة شريرة: مزيان باش ننتاقم منهم، ديك المرة سافرت قبل منرجع ليهم دقتهم.
محمود :شنو ناوية ديري ؟
بيلا: تبعني وشوف.
مشات بيلا للبيت ديال فارس و فيروز ، وخدات الملابس لعزيزة عليهم ودارت الصباغات يلي جاب ليها محمود فسطل ديال الماء وخشات فيه الحوايج.
فالدار لتحت
جات فيروز وفارس وسلموا على كلشي.
فيروز: فينها بيلا مبانتش ليا.
صونيا : طلعات لبيتها.
فيروز وفارس شافوا فبعضهم وغوتو : لا ميمكنش .
ومن بعد شدوها بجرية حتى وصلو لبيتهم.
بيلا : مرحبا بيكم.
فيروز وفارس شافوا سطل ديال الصباغة وحوايجهم فيه.
فارس: بيييلااا غنقتلك.
بيلا هربات ومشات تخبات من مور سامية.
سامية: فرقو عليكم البنت شبغيتو عندها.
صونيا: عرفتها ناوية على خزيت، بنتي فيروز شنو عملت ليكم؟
فيروز :دارت أحسن كسوة عندي فالصباغة.
سامية: عبرات عليك نيت دوك الكساوي مزوينينش
يتبع...
أنت تقرأ
حب القرن (قصة بالدارجة المغربية ) Love Of Century
Romanceقصة بالدارجة المغربية كتحكي على شخصين جميع لقاءاتهم اللولة كانت كارثية لاكن القدر لعب لعبتو وعرف كيف يلعبها ويجمعهم بطريقة غتعرفو عليها من خلال قرأتكم للقصة وتتبع الأحداث. لاكن السؤال هو: واش بصح غيبغيو بعضياتهم، ولا القدر باقي عندو مفاجآت؟ ؟؟
