هارون: ولاكن راها قصيرة بزاف.
بيلا وهي كترمش عينيها بحال شي جرو صغير: بليز.
مريم: كيف قالت هي غاديا غير لعند واليديها، مكاين علاش تبدل.
بيلا: شفتي كلهم عندهم نفس الرأي.
هارون: صافي ولاكن لبسي شي جاكيت راه كاين البرد.
بيلا : واخا أنا نمشي نجيبو.
فسيارة هارون.
مريم: قلت ليك بلي كتبغيها.
هارون: معرفتش و أصلا هيا تقدر متكونش كتبغيني.
مريم: ولاكن نت ممتأكدش، أو لا؟
هارون: البارح ملي كانت سكرانة قالت ليا متمشيش، وبلي هيا كتبغيني، ولاكن تقدر تكون قالت هكاك غير حيت سكرانة، أولا سحاب ليها بلي أنا شخص آخر.
مريم: شكون زعما؟
هارون: نيكلاوس، كانت كتبغيه فصغرها .
مريم : تقدر تكون نساتو.
هارون: يمكن؟ ها حنا وصلنا.
فالدار لداخل.
صونيا : سلام الحبيبة ديالي توحشتك.
بيلا: حتا أنا آماماتي.
صونيا : مرحبا بيكم دخلو.
ليكس: خالتي صونيا، ( شدها من يديها وبدا كيضورها ) شهاد الأناقة كلها؟
أبراهام بضحك: هيه بعد ليا من مراتي.
صونيا: هههه نتا هو نتا مكتبدلش.
ليكس: هدي هيا طبيعة أي واحد من عائلة سالفاتوري، كلنا مكنتبدلوش.
بيلا: فهاذي عندك الحق، المهم ماما هذي أريج كتعرفيها.
صونيا: سمعت بشنو طرى للعائلة ديالك، كنتأسف بزاف.
أريج: نتي معندك حتا دخل آخالتي.
صونيا: المهم تقدري تعتابرينا حنا هما العائلة ديالك.
أبراهام: بصح صونيا عندها الحق، يمكن متكونش بينا صلة دم، ولاكن نقدرو نكونو عائلتك الي ولدتهم الدنيا.
أريج : شكرا ليكم بزاف.
بيلا: صافي سكت و بلا متبداو تبكيو تاني، هذي مريم بنت عم هارون اللي نتوما كتعرفوه أصلا.
صونيا: سلام بنتي، مرحبا بيك عندنا.
مريم: ترحب بيك الجنة.
أبراهام: ودخلوا جلسو.
بيلا: ها حنا داخلين، آه نسيت، واش توان وليلي جاو؟
صونيا: ساعة هذي.
فالصالون، كلهم جالسين، البنات كيهضرو على الحوايج والموضة، ومواضع بحال هكاك، أما الرجال فكيهضرو على البورصة، وتصاعد الأسهم و الاقتصاد.
رئيسة الخدم: العشاء جاهز.
صونيا: واخا ها حنا جايين.
بيلا: يلا نوضو راني كنموت بالجوع.
ليكس: شي نهار تاكلينا.
أريج: والله مكدبتي .
بيلا: راه قلت ليكم بلي نتوما نساجمتو دغيا، باينة شي حاجة جاية فالطريق.
توان: هيه نتا بعد من البنت.
أليكس كيداعي البرائة: علاش أنا شنو غنقدر ندير ليها أصلا؟
بيلا: قبل متفكر دير ليها شي حاجة غنقتلك.
أريج: حتا نتي شكون هذا اللي ساخطة عليه مو، وغيقرب ليا.
بيلا: هههه باقي مبان، غير هو مساخطاش عليه مو، راه غير معندوش الزهر.
أنت تقرأ
حب القرن (قصة بالدارجة المغربية ) Love Of Century
Romanceقصة بالدارجة المغربية كتحكي على شخصين جميع لقاءاتهم اللولة كانت كارثية لاكن القدر لعب لعبتو وعرف كيف يلعبها ويجمعهم بطريقة غتعرفو عليها من خلال قرأتكم للقصة وتتبع الأحداث. لاكن السؤال هو: واش بصح غيبغيو بعضياتهم، ولا القدر باقي عندو مفاجآت؟ ؟؟
