بيلا
من بعد نزلت فطرت ومشيت للمدرسة وكانت عندنا حصة ديال العلوم، المهم دخلت وهي تجي عندي أريج.
أريج: hay baby, how are you to day.
بيلا: راه غير كنتعكل شوية فالعربية مشي مكنفهمهاش.
أريج: واحتى نتي غير خلينا نطلقو لسان ديالنا فالإنجليزية.
بيلا😂😂😂 حتى نديرو شي وقت ونعلمك.
أريج: Thanks baby.
بيلا : إوى كاين الجديد؟
أريج: من غيرك نتي مكاين حتى حاجا.
.... بنبرة استهزاء : أو نتي هيا البنت الجديدة.
بيلا بجدية : in my flash and blood، كاين شي مشكلة.
أريج: فاطمة سير بلا صداع.
بيلا: أريج دخلي سوق راسك خليني ليها مزيان نبات من نهار الثاني أصلا تعطلت.
فاطمة : هههه يسحاب ليك راسك تخلعيني (شدات بيلا من شعرها ومعرفاتش البلا اللي تجبد عليها).
بيلا: حد 3 طلقي شعري ولا ماتشوفي خير.
فاطمة : وريني شنو عندك.
بيلا شداتها من يديها ورجعاتها من مور ضهرها وقربات لودنيها وهضرات بهمس كيخلع : عرفتي ملي كنت فأمريكة آخر مدرسة كنت فيها هرست لزوج بنات يديهم تبغي ندير ليك بحالهم.
فاطمة : آه طلقيني حسن ليك .
أريج: بيلا طلقيها رآها بنت المدير.
بيلا: على حسب علمي المدرسة حكومية يعني باباها غير خدام( كتهضر مع فاطمة ) متبغيش باباك يخرج من خدمتو ياك.
بيلا شافت الحارس العام جاي وقلبات الوضع لصالحها.
الحارس العام : شكاين هنا ؟
بيلا بصوت باكي :هذي كتنمر عليا.
الحارس العام مع فاطمة : نتي واش مغتساليش من ضسارتك.
فاطمة : راه هيا لي لوات يدي حتى كانت غتهرس شوف.
الحارس العام شاف يديها ملقى والو: هاهي مافيها والو.
فاطمة: ها نتا سولهم(كتهضر على التلاميذ ).
حتى هوما بغاوها فيها: هيا اللي جات وبدأت كضرب البنت الجديدة.
الحارس العام: فاطمة تبعيني.
أريج: كيفاش حتى مطبعاتش ليها يديها.؟
بيلا: إنه سر.
أريج ودخلي للقسم دغيا .
بيلا: لاكن مال هذي تعطلات.
أريج: شكون؟
بيلا: الأستاذة .
أريج : ديما كتجي حتى دوز نصف ساعة على الأقل.
بيلا: وأستاذة هذي.
أريج: واييه .
جات الأستاذة دارو الدرس ومن بعد كانت عندهم حصة ديال العربية اللي الأنسة مكتبات فيها والو ، ومن بعد كان عندهم حصة الرياضة، خرجات بيلا وأريج من المدرسة وبان ليهم واحد التجمع على شي واحد وغير شافتو الأنسة بيلا مشات كتجري لعندو وعنقاتو تحت نظرات البنات اللي كيشوفو فيه و الدراري اللي مركزين فالتفاصيل ديال السيارة.
بيلا بالغوات (بالإنجليزية): توان جيتي.
توان : على أنا نقدر نبقى بلا بيك الحب.
بيلا وهي باقي معنقاه : توحشتك بزاف.
توان: باقي مداز حتى أسبوع وتوحشتيني، لهذا الدرجة كتبغيني.
أنت تقرأ
حب القرن (قصة بالدارجة المغربية ) Love Of Century
Romanceقصة بالدارجة المغربية كتحكي على شخصين جميع لقاءاتهم اللولة كانت كارثية لاكن القدر لعب لعبتو وعرف كيف يلعبها ويجمعهم بطريقة غتعرفو عليها من خلال قرأتكم للقصة وتتبع الأحداث. لاكن السؤال هو: واش بصح غيبغيو بعضياتهم، ولا القدر باقي عندو مفاجآت؟ ؟؟
